Gun mbete 3 Za̧h 1
1
1Gayus, a bi ŋgernzuk mi vah mu ke law sana a ketina ké mi sa mu keni. 2Gun sana, mi ƴo goŋ Ŋgerzah tul ɓayri ɓoɗ ɓoɗ gbam ɓay tul wo, ké hi̧ fe laɓna ké mu mbi ɓay laɓu ɓá ti̧h suk, ké hi̧ kuna ɓá ku mun wo ɓa suki kandɔk kuna ké ku law wo na ɓa suki. 3Mi ƴo goŋ ni kaŋ ɓayu ké mun bi rih mi keɗ keɗ. Yi̧n wahri ɓil Ŋgermbay gi lu lakna ɓay ketina wo. Sina wo ké ɓil ketina si ke lakna ɓay ra gaŋ. 4Láh ɓay a ɓoru ké rih law bi kal tul lakna ɓayay ta-a. Láh ɓay siŋ sina a ketina gun biri mí rih mi rih.
5Gun sana, láɓ law mbew ɓa fe laɓna wo. Mu ƴo mgba in ziŋ yi̧n wahri ɓil Ŋgermbay wara le, yi̧n a a̧yri ké mu tu niri ya kara mu mgba in ziŋ niri pi. 6-7Ku gi lu lakna ɓay law sana wo ké nun sa̧w in Ŋgermbay ké gel-mbu̧h hani woyri. Le su-su ɓay mú so gbɔrɔ yi̧nri-aw, mú pih niri ma pol mah ke riŋ ɗina Ŋgerzah ɓayu kú-u ti̧h ke riŋ ɗina ye. Ku ya̧ sona ké ndɔk sa̧wnzuk a ɓoruri ya. 8A wah dale mbɔl na tul wah ɓay so ndɔk yi̧n a kandɔkawri ɓay hi̧ a wah kara nah ti̧h ɓa bɔh pihna ɓil ketina ziŋ niri.
9Mi vbeh mbete a hani pih si ma ta̧w sa̧w in Ŋgermbay ké gel-mbu̧h hani woyri, mí Diyotereɓ nah mbete ra kpak el saŋ na. Ke ko mun ye ɓa mbay tul woyri. 10Sa̧w ɓayu mí ka̧hna bi le, mi túŋ ndɔk tul fe laɓna yeri. Ke ƴo mbi riŋ wah ɓah keni ɓay a pipiri-uri va̧h. Fe laɓna-aw kara mah ni ya, mí ke saŋ yi̧n wahri gun nzak pihnari dara mí ke gboh nzuk-kan law tul Ŋgermbay a ɓoruri yá̧ niri, mí ke el ni̧h nzuk-kan lawri-aw ku̧ kala gel-mbu̧h hani woiri.
11Gun sana, mú ndɔl fe laɓna a suya-aw ya. Mú laɓ suki ma. Nzuk ké hi̧ tul ye ɓay laɓ suki le, sa̧w ye ɓa Ŋgerzah. Nzuk ké hi̧ tul ye ɓay laɓ suya le, ke tu Ŋgerzah bɔk mbew ya.
12Demtere ba, yi̧nri gbam lu lakna ɓay ye lu. Mun ketina kara lu lakna ɓay ye pi. A wah kara nah lu lakna ɓay ye pi. Mu tu ɓahri se, lakna ɓay ké nah lu-aw ɓa ketina.
13Ɓay a ɓoruri ɓa ŋgi̧-u mí-i ƴo keni ɓay vbeh ku̧ mbete-ay, wara le vbéh ɓayuri ke bik le, mi sa-a. 14Mi taw ɓay ko mu aŋay ɓa gah-u, náh lu mberem nzak ke nzak. 15Mi vbar mu ke ɗeŋ. Ya̧h wahri ké gini vah mu. Mú vah ya̧h wahri ké sa̧. Mú vah niri mbew mbew gbam hi̧ na.
ទើបបានជ្រើសរើសហើយ៖
Gun mbete 3 Za̧h 1: SIAFNK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.
Gun mbete 3 Za̧h 1
1
1Gayus, a bi ŋgernzuk mi vah mu ke law sana a ketina ké mi sa mu keni. 2Gun sana, mi ƴo goŋ Ŋgerzah tul ɓayri ɓoɗ ɓoɗ gbam ɓay tul wo, ké hi̧ fe laɓna ké mu mbi ɓay laɓu ɓá ti̧h suk, ké hi̧ kuna ɓá ku mun wo ɓa suki kandɔk kuna ké ku law wo na ɓa suki. 3Mi ƴo goŋ ni kaŋ ɓayu ké mun bi rih mi keɗ keɗ. Yi̧n wahri ɓil Ŋgermbay gi lu lakna ɓay ketina wo. Sina wo ké ɓil ketina si ke lakna ɓay ra gaŋ. 4Láh ɓay a ɓoru ké rih law bi kal tul lakna ɓayay ta-a. Láh ɓay siŋ sina a ketina gun biri mí rih mi rih.
5Gun sana, láɓ law mbew ɓa fe laɓna wo. Mu ƴo mgba in ziŋ yi̧n wahri ɓil Ŋgermbay wara le, yi̧n a a̧yri ké mu tu niri ya kara mu mgba in ziŋ niri pi. 6-7Ku gi lu lakna ɓay law sana wo ké nun sa̧w in Ŋgermbay ké gel-mbu̧h hani woyri. Le su-su ɓay mú so gbɔrɔ yi̧nri-aw, mú pih niri ma pol mah ke riŋ ɗina Ŋgerzah ɓayu kú-u ti̧h ke riŋ ɗina ye. Ku ya̧ sona ké ndɔk sa̧wnzuk a ɓoruri ya. 8A wah dale mbɔl na tul wah ɓay so ndɔk yi̧n a kandɔkawri ɓay hi̧ a wah kara nah ti̧h ɓa bɔh pihna ɓil ketina ziŋ niri.
9Mi vbeh mbete a hani pih si ma ta̧w sa̧w in Ŋgermbay ké gel-mbu̧h hani woyri, mí Diyotereɓ nah mbete ra kpak el saŋ na. Ke ko mun ye ɓa mbay tul woyri. 10Sa̧w ɓayu mí ka̧hna bi le, mi túŋ ndɔk tul fe laɓna yeri. Ke ƴo mbi riŋ wah ɓah keni ɓay a pipiri-uri va̧h. Fe laɓna-aw kara mah ni ya, mí ke saŋ yi̧n wahri gun nzak pihnari dara mí ke gboh nzuk-kan law tul Ŋgermbay a ɓoruri yá̧ niri, mí ke el ni̧h nzuk-kan lawri-aw ku̧ kala gel-mbu̧h hani woiri.
11Gun sana, mú ndɔl fe laɓna a suya-aw ya. Mú laɓ suki ma. Nzuk ké hi̧ tul ye ɓay laɓ suki le, sa̧w ye ɓa Ŋgerzah. Nzuk ké hi̧ tul ye ɓay laɓ suya le, ke tu Ŋgerzah bɔk mbew ya.
12Demtere ba, yi̧nri gbam lu lakna ɓay ye lu. Mun ketina kara lu lakna ɓay ye pi. A wah kara nah lu lakna ɓay ye pi. Mu tu ɓahri se, lakna ɓay ké nah lu-aw ɓa ketina.
13Ɓay a ɓoruri ɓa ŋgi̧-u mí-i ƴo keni ɓay vbeh ku̧ mbete-ay, wara le vbéh ɓayuri ke bik le, mi sa-a. 14Mi taw ɓay ko mu aŋay ɓa gah-u, náh lu mberem nzak ke nzak. 15Mi vbar mu ke ɗeŋ. Ya̧h wahri ké gini vah mu. Mú vah ya̧h wahri ké sa̧. Mú vah niri mbew mbew gbam hi̧ na.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.