Mbete 2 Piyer 2
2
1Lewsa̧ gun nzak pihna Ŋgerzah a fohri ƴo ri ké sakra gun Izarayelri. Mí nzuk-sɔk mbete Ŋgerzah a fohri kara ɓay ƴo ri ké sakra woiri pi. Ku sɔ́k ɓay a ɓelu ké si ke nzukri ma zina. Ku ma̧y keni ɓay tul Nzuk sa̧w fe, a ye ké-e soh tul woyri. Nzak woyri ƴo maŋ niri ma zina ɓa gah-u. 2Nzukri ɓa ŋgi̧-u ɓay dih fal woyri ɓil pihna fe laɓna wɔrɔk woyri, mí ɓay tul woyri ra mahful sina a ketina ti̧h ɓa fe sakna nzukri. 3Ku lek ɓay gɔɓrɔ fe ziŋna woiri ke ɓay a ɓelu woyri-aw ɓay ɗaka-ziŋ fe woyri. Salɓay zina woyri ké ku̧ tul woyri lewsa̧ ra salɓayu kaɓ ndur ya pi, kaɓ kpuɗ ya pi.
4Na kandɔk tem nzak pihnari ké laɓ suya lewsa̧ ra Ŋgerzah pɔr tul woyri ya. Wara le ke ŋga̧h niri mbih ɓil tirim ƴo kɔr niri geŋ nam-kuŋ salɓay,
5na kandɔk tukala a pol ké-e kɔr ya ra. Wara le ke ɓeɓ tukala ke nzukuri ɓil fe laɓna-saŋ ni-aw, mí Nuwe ba, ƴo mbew ke Ŋgerzah, ke ɓa mbay ka-kah ɓay gina mahmbih ké ya̧ gel ra̧y ra̧y, Ŋgerzah kɔr ni ke nzuk kerpuh yeri ké toŋndɔk say,
6na kandɔk Sɔdɔm ke Gɔmɔr puhri ké-e nzuh ke hɔrɔ se kpɔlɔk kpɔlɔk na ɓa fe sɔkna hi̧ nzukri ké ndoh mun woyri ɓil fe laɓnari ké saŋ Ŋgerzah, 7mí Loɗ ba, tu Ŋgerzah ɓa záh ye, rew mbaŋ law ye ɓay tul nzuk puh-uri-aw, ku laɓ fe gak ɓil siŋ sina a pipiri-u woyri. 8Ŋgerzah ten ni ɓilu ɓayu ké law Loɗ ké te-teh ra ruklu ni ru-ruklu a ye ké-e ƴo mbew ke Ŋgerzah ra. Ké-e ɗeh puh ké haŋsekle nzukri-aw, nam ke nam nun ye ƴo ko fe laɓna-poŋ ɓay Ŋgerzah-aw pi, suk ye ƴo lah-u pi.
9Kaŋ dale nzukri ké siŋ sina woyri si mbew ke Ŋgerzah, Gaŋ tul feri riw tu ten niri ɓil feri ké leh law woyri tu-tu, mí nzukri ké saŋ ni ba, ke tu ŋga̧h niri kɔr geŋ nam-kuŋ salɓay tu-tu.
10Wara le nzuk-sɔk mbete Ŋgerzah a fohri ra, ku dih fal ɗaka feri ké haymun woyri tasa̧yu mí fe-uri rɔɓlɔ niri, ku kpȩhr nzuk ké Gaŋ tul feri riw hi̧ ni ŋgerna. Ku ko kona bakaka bakaka el hu̧h tul keni, ku mbi riŋ nzuk riŋ ɗinari ké nunmbam ke tusiɓa, mí ku ɓah keni suya. 11Tem nzak pihna Ŋgerzahri ba, ku mba nzuk-sɔk mbete a fohri ra ke ŋgerna ke huhrumun mba-mba, mí ku mbi riŋ Gaŋ tul feri riw kuŋ keni salɓay tul nzuk fohri ra ya. 12Mí nzukri-aw, ku eŋ nay ké ta ke kerɓay ya. Kandɔk sa̧w mi̧hri nay kú-u mgba ɓay i-u, sa̧w mi̧hri woyri kara ɓay ɔh-u. Ku ƴo mbi riŋ feri kú-u tu ɓayu ya. Sa̧w mi̧hri woyri ké ɓay pu-puŋaw, ku ɔ́-ɔh. 13Ku ƴo laɓ nzukri suya, kpaŋndɔku ɓay el ziŋ niri. Láɓ fe-se su̧hru ke se-seh, ku ƴo ko ɓa fe-zay mun woyri, ɓa bela woyri. Ku ƴo mgba vana ɓil nzak rɔkna woyri mí su̧hru woyri rɔɓlɔ mun woyri. Ku ƴo mbu̧h ndɔk ké nzak fe su̧na ziŋ wuri. 14Nun woyri ko kona kak kak ƴo laɓ keni nunpuki, ku toŋ laɓ suya-aw. Ku ƴo rah nzuk ké kerɓay ye te-tehre hi̧ ni ke rih ɓil ndaw woyri. Ku ɓa nzuk goso ɗaka fe ziŋna. Nazi ƴo ta niri.
15Ku sak tul woyri wereɗ poŋ mahful a ketina, mí ku vbol. Ku toŋ mbi mahful dih fal Balam a lewsa̧ gun Bozor a ye ké-e tasa̧y ƴah lari ke pihna a pipiri-u. 16Mí nay ye zɔm ni si tul mbá nzak Ŋgerzah ye. Bamnde ye ra mbi kusol nzuk pirmatul ɓa saŋ mí zɔm keni Balam gun nzak pihna Ŋgerzah ra ɓil fe laɓna dahdi̧hze ye#2.16 Ɓay tu ɓay Balam, í ki̧ Mbete Nombres 22-24..
17Nzuk-sɔk mbete Ŋgerzah a fohri-aw ku ɓa lɔkɔ ké lu mbih mba, ku ɓa ɗikmambam ké kuna fa̧h kal keni. Tirima ké sih nduŋ ƴo geŋ niri. 18Kusol woyri ɓah ɓay rɔɓ rɔɓ mí ɓa kuna, ku ƴo rah keni nzukri rih ɓil ndaw hi̧ ku laɓ suya ɗaka haymun. Ku ƴo rah nzukri ké ti̧h ke ɓil mahful a vbolu aŋay ɓáy hi̧ ku el rih ɓilu. 19Nzuk-sɔk mbete Ŋgerzah a fohri-aw ndaw woyri ɓa wahɓay selna mun hi̧ nzukri, mí a woyri gaŋ kara ku ɓa mgbal fe tukalari ké ɓay ɓe-ɓeɓ, ɓayu ké nzuk poŋ mun ye hi̧ sa̧y fe tukala ŋger mba ni le, nzuku ɓa mgbal fe-u gaŋ. 20Ɓay tuna ké nzuk tu Gaŋ wah ké ɓa nzuk-ya̧ na a ye Ŋgermbay Zezu, nzuku ti̧h ke ɓil ɗikma tukala ké sih law ye ra da, mí falu ke el poŋ mun ye rih ɓilu ɓáy le, ke baseh mba a pol mba-mba. 21Ɓayu ké nzuk ké tu Ŋgerzah ɓa záh ye ya mí su mba nzuk ké tu Ŋgerzah ɓa záh ye dara mí el sɔɓ fal hi̧ ni. Ke poŋ ɓay sal in ké Ŋgerzah ɓah hi̧ ni. 22Gamɓay kú-u ɓah lewsa̧ ra toh tul sam nzuk a kandɔkawri : Gay sam mí el lak samna ye#2.22 Ɓayay na ɓil Mbete Proverbes 26.11., mí kɔsɔŋ kú-u soh ni mbih el buklu mun ɓil bɔbɔɗe.
ទើបបានជ្រើសរើសហើយ៖
Mbete 2 Piyer 2: SIAFNK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.
Mbete 2 Piyer 2
2
1Lewsa̧ gun nzak pihna Ŋgerzah a fohri ƴo ri ké sakra gun Izarayelri. Mí nzuk-sɔk mbete Ŋgerzah a fohri kara ɓay ƴo ri ké sakra woiri pi. Ku sɔ́k ɓay a ɓelu ké si ke nzukri ma zina. Ku ma̧y keni ɓay tul Nzuk sa̧w fe, a ye ké-e soh tul woyri. Nzak woyri ƴo maŋ niri ma zina ɓa gah-u. 2Nzukri ɓa ŋgi̧-u ɓay dih fal woyri ɓil pihna fe laɓna wɔrɔk woyri, mí ɓay tul woyri ra mahful sina a ketina ti̧h ɓa fe sakna nzukri. 3Ku lek ɓay gɔɓrɔ fe ziŋna woiri ke ɓay a ɓelu woyri-aw ɓay ɗaka-ziŋ fe woyri. Salɓay zina woyri ké ku̧ tul woyri lewsa̧ ra salɓayu kaɓ ndur ya pi, kaɓ kpuɗ ya pi.
4Na kandɔk tem nzak pihnari ké laɓ suya lewsa̧ ra Ŋgerzah pɔr tul woyri ya. Wara le ke ŋga̧h niri mbih ɓil tirim ƴo kɔr niri geŋ nam-kuŋ salɓay,
5na kandɔk tukala a pol ké-e kɔr ya ra. Wara le ke ɓeɓ tukala ke nzukuri ɓil fe laɓna-saŋ ni-aw, mí Nuwe ba, ƴo mbew ke Ŋgerzah, ke ɓa mbay ka-kah ɓay gina mahmbih ké ya̧ gel ra̧y ra̧y, Ŋgerzah kɔr ni ke nzuk kerpuh yeri ké toŋndɔk say,
6na kandɔk Sɔdɔm ke Gɔmɔr puhri ké-e nzuh ke hɔrɔ se kpɔlɔk kpɔlɔk na ɓa fe sɔkna hi̧ nzukri ké ndoh mun woyri ɓil fe laɓnari ké saŋ Ŋgerzah, 7mí Loɗ ba, tu Ŋgerzah ɓa záh ye, rew mbaŋ law ye ɓay tul nzuk puh-uri-aw, ku laɓ fe gak ɓil siŋ sina a pipiri-u woyri. 8Ŋgerzah ten ni ɓilu ɓayu ké law Loɗ ké te-teh ra ruklu ni ru-ruklu a ye ké-e ƴo mbew ke Ŋgerzah ra. Ké-e ɗeh puh ké haŋsekle nzukri-aw, nam ke nam nun ye ƴo ko fe laɓna-poŋ ɓay Ŋgerzah-aw pi, suk ye ƴo lah-u pi.
9Kaŋ dale nzukri ké siŋ sina woyri si mbew ke Ŋgerzah, Gaŋ tul feri riw tu ten niri ɓil feri ké leh law woyri tu-tu, mí nzukri ké saŋ ni ba, ke tu ŋga̧h niri kɔr geŋ nam-kuŋ salɓay tu-tu.
10Wara le nzuk-sɔk mbete Ŋgerzah a fohri ra, ku dih fal ɗaka feri ké haymun woyri tasa̧yu mí fe-uri rɔɓlɔ niri, ku kpȩhr nzuk ké Gaŋ tul feri riw hi̧ ni ŋgerna. Ku ko kona bakaka bakaka el hu̧h tul keni, ku mbi riŋ nzuk riŋ ɗinari ké nunmbam ke tusiɓa, mí ku ɓah keni suya. 11Tem nzak pihna Ŋgerzahri ba, ku mba nzuk-sɔk mbete a fohri ra ke ŋgerna ke huhrumun mba-mba, mí ku mbi riŋ Gaŋ tul feri riw kuŋ keni salɓay tul nzuk fohri ra ya. 12Mí nzukri-aw, ku eŋ nay ké ta ke kerɓay ya. Kandɔk sa̧w mi̧hri nay kú-u mgba ɓay i-u, sa̧w mi̧hri woyri kara ɓay ɔh-u. Ku ƴo mbi riŋ feri kú-u tu ɓayu ya. Sa̧w mi̧hri woyri ké ɓay pu-puŋaw, ku ɔ́-ɔh. 13Ku ƴo laɓ nzukri suya, kpaŋndɔku ɓay el ziŋ niri. Láɓ fe-se su̧hru ke se-seh, ku ƴo ko ɓa fe-zay mun woyri, ɓa bela woyri. Ku ƴo mgba vana ɓil nzak rɔkna woyri mí su̧hru woyri rɔɓlɔ mun woyri. Ku ƴo mbu̧h ndɔk ké nzak fe su̧na ziŋ wuri. 14Nun woyri ko kona kak kak ƴo laɓ keni nunpuki, ku toŋ laɓ suya-aw. Ku ƴo rah nzuk ké kerɓay ye te-tehre hi̧ ni ke rih ɓil ndaw woyri. Ku ɓa nzuk goso ɗaka fe ziŋna. Nazi ƴo ta niri.
15Ku sak tul woyri wereɗ poŋ mahful a ketina, mí ku vbol. Ku toŋ mbi mahful dih fal Balam a lewsa̧ gun Bozor a ye ké-e tasa̧y ƴah lari ke pihna a pipiri-u. 16Mí nay ye zɔm ni si tul mbá nzak Ŋgerzah ye. Bamnde ye ra mbi kusol nzuk pirmatul ɓa saŋ mí zɔm keni Balam gun nzak pihna Ŋgerzah ra ɓil fe laɓna dahdi̧hze ye#2.16 Ɓay tu ɓay Balam, í ki̧ Mbete Nombres 22-24..
17Nzuk-sɔk mbete Ŋgerzah a fohri-aw ku ɓa lɔkɔ ké lu mbih mba, ku ɓa ɗikmambam ké kuna fa̧h kal keni. Tirima ké sih nduŋ ƴo geŋ niri. 18Kusol woyri ɓah ɓay rɔɓ rɔɓ mí ɓa kuna, ku ƴo rah keni nzukri rih ɓil ndaw hi̧ ku laɓ suya ɗaka haymun. Ku ƴo rah nzukri ké ti̧h ke ɓil mahful a vbolu aŋay ɓáy hi̧ ku el rih ɓilu. 19Nzuk-sɔk mbete Ŋgerzah a fohri-aw ndaw woyri ɓa wahɓay selna mun hi̧ nzukri, mí a woyri gaŋ kara ku ɓa mgbal fe tukalari ké ɓay ɓe-ɓeɓ, ɓayu ké nzuk poŋ mun ye hi̧ sa̧y fe tukala ŋger mba ni le, nzuku ɓa mgbal fe-u gaŋ. 20Ɓay tuna ké nzuk tu Gaŋ wah ké ɓa nzuk-ya̧ na a ye Ŋgermbay Zezu, nzuku ti̧h ke ɓil ɗikma tukala ké sih law ye ra da, mí falu ke el poŋ mun ye rih ɓilu ɓáy le, ke baseh mba a pol mba-mba. 21Ɓayu ké nzuk ké tu Ŋgerzah ɓa záh ye ya mí su mba nzuk ké tu Ŋgerzah ɓa záh ye dara mí el sɔɓ fal hi̧ ni. Ke poŋ ɓay sal in ké Ŋgerzah ɓah hi̧ ni. 22Gamɓay kú-u ɓah lewsa̧ ra toh tul sam nzuk a kandɔkawri : Gay sam mí el lak samna ye#2.22 Ɓayay na ɓil Mbete Proverbes 26.11., mí kɔsɔŋ kú-u soh ni mbih el buklu mun ɓil bɔbɔɗe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.