Rommi 12
12
Aküxü Kümlagho
1Tighenguno athiküzümi eno achelimiqo, Alhou’w kimiyekini vechewo I no nongu qhüiniju ani: nongu phimpi pesü aküxü no mülá keu kümlagho shi akimthe eno Alhou pulou lono ikhiphe pe tsülo. Alhou mülá nikeu lo hino kuchou eno achipiu ke. 2Hipau yeghilomi ghola ha kevilo, ikemu nongu kükümsü shikithelu keu vechewo nongu lolo pekililu lo. Tishilu aye Alhou pulou ye kiu keno nongu no tipaqo kimchilu eno ithikütüta shilu nani. Alhou pulou ye akivipu, ikhilu küzüpu eno kupukülai ke.
Khristo Phimpi lo Aqhokighe Kümlà
3Küpükini I tsüpüa keu vechewo I no nongu kümtsü vilo hi piani: Nongu ye nongu likhi nongu pesü ighono qhemghai kümsü kepu kumoe, ikemu nongu ye Alhou no aküpülü nongu kümtsü tsüpüa keu vechewo aghibiu xakütha lono nongu likhi nongu ghili kümsüju moayesa. 4Kughengu ningu phimpi lo aphi-au kutomo ake toi, eno aphi-au kümtsü aphiphi lono peitha chemo ketoi, 5ningu kutomo shi aghí namu Khristo lono kimepe aphimpi lakhi lo ani, eno aphi-au no aphimpi lo kimepe akeu toi ningu kümtsü lakhi no lakhi sasü kimepe ani. 6Alhou no ningu kümtsü lau küpükini tsüpüa keu kiqi lono ningu kümtsü aghò kütüta anie. Tsalá aghò O tsüpüa keu no tungkupu tsa pi kepu shi aghí aye, O küpülü aghí keu qhemi lono tungkupu tsa pi moayesa; 7tsalá kütami qe kepu shi aghí aye, qe moayesa; tsalá kütsü kepu shi aghí aye, kütsü moayesa; 8tsalá shikumto nikeu shi aghí aye, shikumto moayesa; tsalá kütami kuphu kepu shi aghí aye, kupukuno shitsü moayesa; tsalá kütami saphe kepu shi aghí aye, tsaqütsalei saphe moayesa; tsalá kimiyekini pephe kepu shi aghí aye, amloqiqhiyi pephe moayesae.
Akümlà lono Kikimiye
9Kikimiye ye amikucho shi moayesa. Kiu no küsakügha keno mithi lo; kiu no akivi keno mutotoi tsüqüluve lo. 10Athiküzümi kimiyekilé ketoi nongu lakhi no lakhi kimiyekilé lo. O nguno akiqheu shi lakhi no lakhi gihu kilé lo. 11Azükini shini keu lo khilemu kughuchove kevilo, ikemu aghungu lono minemighei ghi Ampeu qe lo. 12Lajupu akeu lo alovilo, aghime lo kutuu lo, akighini lo amlotsüqhiyi shilo. 13Nongu no aghí keu pesü Ampeu’w timi khunoqo no avehupu shi ani keno panongu sasü küsaje lo. Inami sasükinimi shilo.
14Nongu pishi-puju chekemiqo kümgha tsülo; panongu kümgha tsü penike inikhuni thono ghusho kevilo. 15Alovishe akemi gholo alovi küqhalo; qamlo aghí kemi gholo qamlo lo. 16Lakhi no lakhi sasü kuloniküghüvüi shi xülo. Aqheküza shi kevilo, ikemu chuninei xüche kemiqo sasü kuloji nikeu lo puloniqhiyi shilo. Khilemu nono thowkha ithi akeu shi kevilo.
17Timi khuu laumu küsakügha pesü küsakügha lochile kevilo. Timi kümtsü nhekithe lo achipiu shini keu pükapütsalo. 18Eno tolu ke thaqhülo O shelo timi kümtsü sasü külashi ghi xülo. 19I no kimiye chekemi aküsàmiqo, amkhü lukevilo, ikemu Alhou loghukighide shou picheve tsülo, kughengu Kuchoyesü lo ishi yèpüani: “Amkhü ye I no lunani; I no lochile nani,”#12:19 Zaki 32:35 ipi Ampeu no pie. 20Ike amkhü luni ke züqhulo:
“Tsalá O ghümi no müzüthi aghí aye, pa lojí lo;
tsalá pa no tüghüthi aghí aye, ye kepu kiula pesü pa tsülo.
Hipau shikeu vechewo no ye ami kuchughei hipesü pa kütsü shou lepuku tsü anike.”#12:20 Ahole 25:21,22
21Küsakügha pelo O theqhive pe kevilo, ikemu akivi pesü küsakügha theqhilulo.
ទើបបានជ្រើសរើសហើយ៖
Rommi 12: STB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.
Rommi 12
12
Aküxü Kümlagho
1Tighenguno athiküzümi eno achelimiqo, Alhou’w kimiyekini vechewo I no nongu qhüiniju ani: nongu phimpi pesü aküxü no mülá keu kümlagho shi akimthe eno Alhou pulou lono ikhiphe pe tsülo. Alhou mülá nikeu lo hino kuchou eno achipiu ke. 2Hipau yeghilomi ghola ha kevilo, ikemu nongu kükümsü shikithelu keu vechewo nongu lolo pekililu lo. Tishilu aye Alhou pulou ye kiu keno nongu no tipaqo kimchilu eno ithikütüta shilu nani. Alhou pulou ye akivipu, ikhilu küzüpu eno kupukülai ke.
Khristo Phimpi lo Aqhokighe Kümlà
3Küpükini I tsüpüa keu vechewo I no nongu kümtsü vilo hi piani: Nongu ye nongu likhi nongu pesü ighono qhemghai kümsü kepu kumoe, ikemu nongu ye Alhou no aküpülü nongu kümtsü tsüpüa keu vechewo aghibiu xakütha lono nongu likhi nongu ghili kümsüju moayesa. 4Kughengu ningu phimpi lo aphi-au kutomo ake toi, eno aphi-au kümtsü aphiphi lono peitha chemo ketoi, 5ningu kutomo shi aghí namu Khristo lono kimepe aphimpi lakhi lo ani, eno aphi-au no aphimpi lo kimepe akeu toi ningu kümtsü lakhi no lakhi sasü kimepe ani. 6Alhou no ningu kümtsü lau küpükini tsüpüa keu kiqi lono ningu kümtsü aghò kütüta anie. Tsalá aghò O tsüpüa keu no tungkupu tsa pi kepu shi aghí aye, O küpülü aghí keu qhemi lono tungkupu tsa pi moayesa; 7tsalá kütami qe kepu shi aghí aye, qe moayesa; tsalá kütsü kepu shi aghí aye, kütsü moayesa; 8tsalá shikumto nikeu shi aghí aye, shikumto moayesa; tsalá kütami kuphu kepu shi aghí aye, kupukuno shitsü moayesa; tsalá kütami saphe kepu shi aghí aye, tsaqütsalei saphe moayesa; tsalá kimiyekini pephe kepu shi aghí aye, amloqiqhiyi pephe moayesae.
Akümlà lono Kikimiye
9Kikimiye ye amikucho shi moayesa. Kiu no küsakügha keno mithi lo; kiu no akivi keno mutotoi tsüqüluve lo. 10Athiküzümi kimiyekilé ketoi nongu lakhi no lakhi kimiyekilé lo. O nguno akiqheu shi lakhi no lakhi gihu kilé lo. 11Azükini shini keu lo khilemu kughuchove kevilo, ikemu aghungu lono minemighei ghi Ampeu qe lo. 12Lajupu akeu lo alovilo, aghime lo kutuu lo, akighini lo amlotsüqhiyi shilo. 13Nongu no aghí keu pesü Ampeu’w timi khunoqo no avehupu shi ani keno panongu sasü küsaje lo. Inami sasükinimi shilo.
14Nongu pishi-puju chekemiqo kümgha tsülo; panongu kümgha tsü penike inikhuni thono ghusho kevilo. 15Alovishe akemi gholo alovi küqhalo; qamlo aghí kemi gholo qamlo lo. 16Lakhi no lakhi sasü kuloniküghüvüi shi xülo. Aqheküza shi kevilo, ikemu chuninei xüche kemiqo sasü kuloji nikeu lo puloniqhiyi shilo. Khilemu nono thowkha ithi akeu shi kevilo.
17Timi khuu laumu küsakügha pesü küsakügha lochile kevilo. Timi kümtsü nhekithe lo achipiu shini keu pükapütsalo. 18Eno tolu ke thaqhülo O shelo timi kümtsü sasü külashi ghi xülo. 19I no kimiye chekemi aküsàmiqo, amkhü lukevilo, ikemu Alhou loghukighide shou picheve tsülo, kughengu Kuchoyesü lo ishi yèpüani: “Amkhü ye I no lunani; I no lochile nani,”#12:19 Zaki 32:35 ipi Ampeu no pie. 20Ike amkhü luni ke züqhulo:
“Tsalá O ghümi no müzüthi aghí aye, pa lojí lo;
tsalá pa no tüghüthi aghí aye, ye kepu kiula pesü pa tsülo.
Hipau shikeu vechewo no ye ami kuchughei hipesü pa kütsü shou lepuku tsü anike.”#12:20 Ahole 25:21,22
21Küsakügha pelo O theqhive pe kevilo, ikemu akivi pesü küsakügha theqhilulo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.