2 Kor. Kilekithitsa

Kilekithitsa

Paul ye Jisü papemi hekütsü pesü akemiqo lau kiutoi lüthü shi thonhei keu eno ajekipi shi kütshükime qhiche keno Paul no Korinth lo küpülümiqo lau yèsü atüghiu yè keu lono ikhonhei shi yètsü ke. Ningu no ithi akeu toi Korinthiami akiniù ye ishí tiqheli küxü no Alhou kükaphu ighi keu sasü kusholu kelo tokulu eno kumjo keu ipeghi akeu pephe-piye ani. Hilehi Paul no kütshükime shikithe niye mülà akeu, aghüzü küpüghü kutomo kilive akeu hepho-piye keu, Jerusalem lo küpülümi ime akemiqo ghenguno aghò pekütsü nike ghenguno kuto-kithi keu, eno panongu likhi panongu pesü, “akiqheu-apostolmiqo” ipi pükha chekemiqo no paw sakiphe khü akeu lo pa no tuche-chei panongu mgho keu ningu no ithulu ani.

Yèsü hipauw akhoto saje bidí kümtsü lo a-a lakhi kichetsü ghi kilekithi tsüpüani. Paul ye Korinthiamiqo lau paw kütshükime akeu kümsüchilelu ghi pa likhi pa ye a-a kütüta lo akeshi kümsüke. Kokütha hipaqo lo akimjitsa lakhi akeu ye Alhou ye ningu no aküküpüna sholu keu kümtsü lo ningu lokughuno tsüní keu eno ningu no alokughuno hipau pesü lakhi no lakhi tsüní keu ke. Hino Jisü ampiu no xü keu küxü kühapu ke. Jisü ye atüghishi imeve ke eno tithiu no alokughuno ithulu ke. Yedapithive keu Messiah toi ningu ye qeinai ke, tishiaghimu ningu ye Alhou küká vechewo xü anike.

Ikemu, kokütha ashekhau lo Paul ye Korinthiamiqo no itehi aküpüna sasü kusholu akeu lo kuphu nike ghenguno kütau kiumu kishe kepu kühave ikemu panongu mlo küpünave tsüní keu likhi kümsülu. Ikemu pa ye lajupu aghí yèsü kishekha ke, tiye panongu vilo Alhou’w küpükini, kikimiye eno kuposhukulu lono alovishelo ipi panongu ghutú ke.

ទើបបានជ្រើសរើសហើយ៖

2 Kor. Kilekithitsa: STB

គំនូសចំណាំ

ចែករំលែក

ចម្លង