1 Kor. 7
7
Akibo Shive Keu Küxü Vehu
1Itehi ye nongu no I lau akiyé lono iniju keu vehu lo juni: “Kipitimi lakhi ye totimi sasü ashi-aji küqhamo keu pavi ke.” 2Ikemu kipitimi ngò totimi dolo kipito xüküpsa shiauve ake ghenguno kipitimi lakhi-khi no pa likhi pa nipu sasü ashi-aji küqha moayesa, eno totimi lakhi-khi no li kimi sasü ashi-aji küqha moayesa. 3Akimi no pa nipu lau akimi kümlapù shikupu tsü moayesa, eno tihutoi anipu ghí li kimi lau anipu kümlapù shikupu tsü moayesa ke. 4Anipu ye li likhi li phimpi shou kükagha kühavae ikemu li kimi lau ikhiphe pe tsüve cheni. Tihutoi, akimi ghí pa likhi pa phimpi shou kükagha kühavae ikemu pa nipu lau ikhiphe pe tsüve chenie. 5Amlotsüqhiyi akighini shi niye ado hami ghengu likhi no kushomo nikeu puloküqha püaghi nike kumo aye akimi-anipu dolo lakhi no lakhi mili kevilo. Tisheno itaghi kümtsa ighino ngoluve lo tishianguno Satan pelo nongu likhi nongu ghasü müla keu ghenguno nongu ghuju pemo niye ke. 6I no hi piakeu ye pulosü tsü ghi piani thono ayeza shi ghi piamoe. 7Ni ye nongu kümtsü pelo I toi aghipe nishi anie. Tishimu nongu pütüta shélo Alhou lau no ithulu keu ghò anie; milakhi ye aghò hipau eno kütami lakhiu ye aghò kütau ishi akhanie.
8Itehi ye akibo shimo no ngo akemi eno chimemiqo vilo I no hi piani: Panongu ghengu ye I toi akibo shimo no lüthü shi ngove keu no akiviue. 9Ikemu tsalá panongu no panongu likhi panongu shi-aji pulou ghasü müla aye, panongu ye akibo shive moayesae, kughengu ashi-aji pulou ghasü müla no pitipüzaqhi anike züqhulo akibo shive keu pavi ke.
10Akibo shive kemi lau I no ayeza hipau tsü ani (I lau no kumo püzü Ampeu lau no ighi keu ke): Anipu lakhi ye li kimi lau no kütüta shive kepu kumoe. 11Ikemu li no tishive aye, li ye külaumo no ngove moayesa eno tishimo aye li kimi sasü külashiluve moayesa. Eno akimi lakhi ye pa nipu sasü küghüxave kepu kumoe.
12Kütami kümtsü lau I no hi piani (Ampeu no kumo püzü I no piani): Tsalá athiküzümi lakhi no pa nipu aküpülü kumomi lupüaghi püzü li no pa sasü küghüna nikeu lo pulo aghí aye, pa ye li sasü küghüxave kepu kumoe. 13Eno Khristomi totimi lakhi no li kimi Alhou mtha kemi ki lo wopüaghi püzü pa no li sasü küghüna nikeu lo pulo aghí aye, li ye pa sasü küghüxave kepu kumoe. 14Kughengu aküpülü küha keu akimi hu ye pa nipu küpülü vechewo Alhou lau ikhikulupu shini ake, eno titoi aküpülü küha keu anipu hu ghí li kimi küpülü vechewo Alhou lau ikhikulupu shini ake. Tishimo aye nongu nuliqo ye akimthe kumomi shini ake, ikemu tishilu keu vechewo panongu ye Alhou lau ikhikulupu shini ake.
15Ikemu aküpülü küha keu akimi momu anipu no wuve aye, tishive pelo. Tikithipu shive kelo Khristomi athiküzümi na achelimi namu tsüghape qhimovae; kughengu Alhou ye aloino ghi xüpe niye ningu kulù ke. 16Nono küpülümi anipu lakhi shi aghí aye, no ye kíshi no O kimi ye xalu nani keo xamla nani keno ithi nani kea? Momu nono küpülümi akimi lakhi shi aghí aye, no ye kíshi no O nipu ye xalu nani keo xamla nani keno ithi nani kea?
Aküpülü Lhoaye Kilive keu Vehu
17Tishiepimu, timi kümtsü no Ampeu no panongu pichetsüpüa keu toi kiu-kiu toi keu tüqhüdo lo aghíe pimu Alhou no panongu kulù keu kiqi lono küpülümi lakhi shi xü moayesa ke. Ayeza hipau ye I no akukuho kümtsü lo qhitsü anike. 18Timi lakhi ye kughou pa kulù keno pa ye aphighüyiko ghave no akeshea? Pa ye aphighüyiko ghamo kemi shive kepu kumoe. Timi lakhi ye kughou pa kulù keno pa ye aphighüyiko ghamo no akeshea? Pa ye aphighüyiko ghave kepu kumoe. 19Aphighüyiko ghave keu na ghamo keu namu akhoto kumoe. Alhou zakütsüqo papelu keu hu no akhotou ke. 20Timi kümtsü no Alhou no panongu kulù kelo kiu tüqhüdo lo akeno tilehi ngoa moayesae.
21Nongu ye nongu kulù kelo aqüaxemi lakhi shi akeshea? Tipau pelo nongu pünape kevilo—tishimu O kuqhopheve kepu do ithulu aye, adokivi tipau peithalu lo. 22Kughengu timi khuu no Ampeu küpülü lo kulù kelo aqüaxemi shi ache keno pa ye Ampeu’w kuqhopheve kemi ake; tihutoi, timi khuu no kughou Ampeu no kulù kelo kuqhopheve no akeno pa ye Khristo qüaxemi ake. 23Nongu ye ame no qhüluvea ke; timi qüaxemi shiwuve kevilo. 24Ikehu athiküzümi eno achelimiqo, Alhou lau bemakho akeu toi, nongu pütüta no kughou Alhou no nongu kulù kelo kiu tüqhüdo lo akeno tipau lono pa sasü kuposhu achelo.
Akibo shimove keu Vehu
25Itehi ye akibo shimove kemiqo lau hi piani: Ni ye Ampeu lau no azakütsü kiumu kühae, ikemu I no Ampeu’w kimiyekini eno pükhükulumi lakhi shi akeu vechewo iw xakütha lakhi tsü ani. 26Ike tiye, itodolo küküpüna ghenguno, I no kümsü akeu ye timi lakhi ghenguno pa ye itehi kíshi ani keno titoi aghí keu pavie. 27Nono anipu luve aghí aye li lau no kütüta shi kevilo. Nono anipu lumo no aghí aye anipu phukevi no aghílo. 28Ikemu nono akibo shi aye, no ye axiné shi anike kumoe; eno totimi külaumo no akemi lakhi no külau aye, li ye axiné shi anike kumoe. Ikemu khunoqo no külave keno panongu ye hipau küxü lo aküpüna kutomo sholu nani, eno ni ye hipau lono nongu pükhalu nishi ani.
29Athiküzümi eno achelimiqo, I no piakeu kiqi ye hike; ado aghuloki ye ikhonheivae. Ikehu hinguno hilau ye khunoqo no akibo shivea keno pano kibo lo likhi kümsü pesü xü kepu kumoe; 30khunoqo no qanimulo ani keno, qanimulomo ketoi xü moayesa; khunoqo no alokivishi ani keno, alovimo ketoi shi moayesa; khunoqo no kiuala küqhü-kili shini keno, panongu ye kiumu pighimo ketoi shi moayesa; 31khunoqo no hipau yeghi lo thimeqo peitha acheni keno, panongu ye hipaqo lo amlo tsüchemo kemi toi shi moayesae. Kughengu ayeghiqha hipau ye itehi kogheküghü akeu lono küha wochea.
32Ni ye nongu pelo hipau küxü lo alokümsü shi achekeu lono kuqhopheve penishi anie. Akibo shimo kemi lakhi ye kíshi püzü Ampeu pulou shini kela ipi Ampeu kümlapù vehu lo alokümsü shi acheni. 33Ikemu akibo shive kemi lakhi ye ayeghiqha kümlapù vehu ghenguno alokümsü shi acheni—tiye kíshi no pa nipu pulou shini keno kümsü acheni— 34eno pa pulouqo hu ye kijethave cheni. Külaumo kemi totimi lakhi momu ili-tathe lakhi ye Ampeu kümlapù vehu lo alokümsü shi acheni: Li kimiji ye li phimpi ngò li ghungu kinikujo pesü akimthe shi no Ampeu mülá anishi ke. Ikemu külauve kemi totimi lakhi ye ayeghiqha kümlapù vehu lo alokümsü shi acheni—tiye kíshi no li kimi pulou shini keno kümsü acheni. 35I no piakeu ye nongu kivipu ghenguno ke, nongu lakhave nikeu ghenguno kumoe, ikemu nongu pelo Ampeu mülá nikeu lo kijethamo no achipiu laghi lo xülu pe nikeu ghenguno ke.
36Tsalá timi lakhi no pa no küsükha püakeu pa loliu ye külathuve keu do veche aya ipi kümsü no li gihu ghi külave moayesa ipi kümsü aghí aye, pa no pulo akeu toi tishive moayesae. Tishive aye pa ye axiné shi amoe. Pama ye külakupu shive moayesa ke. 37Ikemu timi khuu no pa likhi pa mlo lono mutotoi xathaluve no, tishi moayesa pütsá ipikeu ghenguno kumo no pa likhi pa pulou shou ghasülu ghi pa loliu sasü külakupu shimoveni kepi xathaluvea keno, pa no shi akeu ghí achipi shi ani. 38Ike tishiaye, timi khuu no pa no küsükha püakeu pa loliu sasü külakupu shiveni keno tiye achipi shi ani, ikemu timi khuu no küla moveni ipi xathaluvea keno tiu no akiviu ke.
39Anipu lakhi ye akimi no xü ake thaqhülo li kimi gholo tsüghaküqha pe acheni. Ikemu li kimi no thive aye, li ye khukhumu li no pulo keu ki lo wolu nani, ikemu timi tipau ye Ampeu’w timi shi aghí moayesa ke. 40I kükümsü kiqi lo, li ye külaumove no tishi ngove keu no li ghenguno akivipu shi nani—eno I no hi piakeu ye Alhou Ghungu lau no kepi I no kümsülu ani.
ទើបបានជ្រើសរើសហើយ៖
1 Kor. 7: STB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.
1 Kor. 7
7
Akibo Shive Keu Küxü Vehu
1Itehi ye nongu no I lau akiyé lono iniju keu vehu lo juni: “Kipitimi lakhi ye totimi sasü ashi-aji küqhamo keu pavi ke.” 2Ikemu kipitimi ngò totimi dolo kipito xüküpsa shiauve ake ghenguno kipitimi lakhi-khi no pa likhi pa nipu sasü ashi-aji küqha moayesa, eno totimi lakhi-khi no li kimi sasü ashi-aji küqha moayesa. 3Akimi no pa nipu lau akimi kümlapù shikupu tsü moayesa, eno tihutoi anipu ghí li kimi lau anipu kümlapù shikupu tsü moayesa ke. 4Anipu ye li likhi li phimpi shou kükagha kühavae ikemu li kimi lau ikhiphe pe tsüve cheni. Tihutoi, akimi ghí pa likhi pa phimpi shou kükagha kühavae ikemu pa nipu lau ikhiphe pe tsüve chenie. 5Amlotsüqhiyi akighini shi niye ado hami ghengu likhi no kushomo nikeu puloküqha püaghi nike kumo aye akimi-anipu dolo lakhi no lakhi mili kevilo. Tisheno itaghi kümtsa ighino ngoluve lo tishianguno Satan pelo nongu likhi nongu ghasü müla keu ghenguno nongu ghuju pemo niye ke. 6I no hi piakeu ye pulosü tsü ghi piani thono ayeza shi ghi piamoe. 7Ni ye nongu kümtsü pelo I toi aghipe nishi anie. Tishimu nongu pütüta shélo Alhou lau no ithulu keu ghò anie; milakhi ye aghò hipau eno kütami lakhiu ye aghò kütau ishi akhanie.
8Itehi ye akibo shimo no ngo akemi eno chimemiqo vilo I no hi piani: Panongu ghengu ye I toi akibo shimo no lüthü shi ngove keu no akiviue. 9Ikemu tsalá panongu no panongu likhi panongu shi-aji pulou ghasü müla aye, panongu ye akibo shive moayesae, kughengu ashi-aji pulou ghasü müla no pitipüzaqhi anike züqhulo akibo shive keu pavi ke.
10Akibo shive kemi lau I no ayeza hipau tsü ani (I lau no kumo püzü Ampeu lau no ighi keu ke): Anipu lakhi ye li kimi lau no kütüta shive kepu kumoe. 11Ikemu li no tishive aye, li ye külaumo no ngove moayesa eno tishimo aye li kimi sasü külashiluve moayesa. Eno akimi lakhi ye pa nipu sasü küghüxave kepu kumoe.
12Kütami kümtsü lau I no hi piani (Ampeu no kumo püzü I no piani): Tsalá athiküzümi lakhi no pa nipu aküpülü kumomi lupüaghi püzü li no pa sasü küghüna nikeu lo pulo aghí aye, pa ye li sasü küghüxave kepu kumoe. 13Eno Khristomi totimi lakhi no li kimi Alhou mtha kemi ki lo wopüaghi püzü pa no li sasü küghüna nikeu lo pulo aghí aye, li ye pa sasü küghüxave kepu kumoe. 14Kughengu aküpülü küha keu akimi hu ye pa nipu küpülü vechewo Alhou lau ikhikulupu shini ake, eno titoi aküpülü küha keu anipu hu ghí li kimi küpülü vechewo Alhou lau ikhikulupu shini ake. Tishimo aye nongu nuliqo ye akimthe kumomi shini ake, ikemu tishilu keu vechewo panongu ye Alhou lau ikhikulupu shini ake.
15Ikemu aküpülü küha keu akimi momu anipu no wuve aye, tishive pelo. Tikithipu shive kelo Khristomi athiküzümi na achelimi namu tsüghape qhimovae; kughengu Alhou ye aloino ghi xüpe niye ningu kulù ke. 16Nono küpülümi anipu lakhi shi aghí aye, no ye kíshi no O kimi ye xalu nani keo xamla nani keno ithi nani kea? Momu nono küpülümi akimi lakhi shi aghí aye, no ye kíshi no O nipu ye xalu nani keo xamla nani keno ithi nani kea?
Aküpülü Lhoaye Kilive keu Vehu
17Tishiepimu, timi kümtsü no Ampeu no panongu pichetsüpüa keu toi kiu-kiu toi keu tüqhüdo lo aghíe pimu Alhou no panongu kulù keu kiqi lono küpülümi lakhi shi xü moayesa ke. Ayeza hipau ye I no akukuho kümtsü lo qhitsü anike. 18Timi lakhi ye kughou pa kulù keno pa ye aphighüyiko ghave no akeshea? Pa ye aphighüyiko ghamo kemi shive kepu kumoe. Timi lakhi ye kughou pa kulù keno pa ye aphighüyiko ghamo no akeshea? Pa ye aphighüyiko ghave kepu kumoe. 19Aphighüyiko ghave keu na ghamo keu namu akhoto kumoe. Alhou zakütsüqo papelu keu hu no akhotou ke. 20Timi kümtsü no Alhou no panongu kulù kelo kiu tüqhüdo lo akeno tilehi ngoa moayesae.
21Nongu ye nongu kulù kelo aqüaxemi lakhi shi akeshea? Tipau pelo nongu pünape kevilo—tishimu O kuqhopheve kepu do ithulu aye, adokivi tipau peithalu lo. 22Kughengu timi khuu no Ampeu küpülü lo kulù kelo aqüaxemi shi ache keno pa ye Ampeu’w kuqhopheve kemi ake; tihutoi, timi khuu no kughou Ampeu no kulù kelo kuqhopheve no akeno pa ye Khristo qüaxemi ake. 23Nongu ye ame no qhüluvea ke; timi qüaxemi shiwuve kevilo. 24Ikehu athiküzümi eno achelimiqo, Alhou lau bemakho akeu toi, nongu pütüta no kughou Alhou no nongu kulù kelo kiu tüqhüdo lo akeno tipau lono pa sasü kuposhu achelo.
Akibo shimove keu Vehu
25Itehi ye akibo shimove kemiqo lau hi piani: Ni ye Ampeu lau no azakütsü kiumu kühae, ikemu I no Ampeu’w kimiyekini eno pükhükulumi lakhi shi akeu vechewo iw xakütha lakhi tsü ani. 26Ike tiye, itodolo küküpüna ghenguno, I no kümsü akeu ye timi lakhi ghenguno pa ye itehi kíshi ani keno titoi aghí keu pavie. 27Nono anipu luve aghí aye li lau no kütüta shi kevilo. Nono anipu lumo no aghí aye anipu phukevi no aghílo. 28Ikemu nono akibo shi aye, no ye axiné shi anike kumoe; eno totimi külaumo no akemi lakhi no külau aye, li ye axiné shi anike kumoe. Ikemu khunoqo no külave keno panongu ye hipau küxü lo aküpüna kutomo sholu nani, eno ni ye hipau lono nongu pükhalu nishi ani.
29Athiküzümi eno achelimiqo, I no piakeu kiqi ye hike; ado aghuloki ye ikhonheivae. Ikehu hinguno hilau ye khunoqo no akibo shivea keno pano kibo lo likhi kümsü pesü xü kepu kumoe; 30khunoqo no qanimulo ani keno, qanimulomo ketoi xü moayesa; khunoqo no alokivishi ani keno, alovimo ketoi shi moayesa; khunoqo no kiuala küqhü-kili shini keno, panongu ye kiumu pighimo ketoi shi moayesa; 31khunoqo no hipau yeghi lo thimeqo peitha acheni keno, panongu ye hipaqo lo amlo tsüchemo kemi toi shi moayesae. Kughengu ayeghiqha hipau ye itehi kogheküghü akeu lono küha wochea.
32Ni ye nongu pelo hipau küxü lo alokümsü shi achekeu lono kuqhopheve penishi anie. Akibo shimo kemi lakhi ye kíshi püzü Ampeu pulou shini kela ipi Ampeu kümlapù vehu lo alokümsü shi acheni. 33Ikemu akibo shive kemi lakhi ye ayeghiqha kümlapù vehu ghenguno alokümsü shi acheni—tiye kíshi no pa nipu pulou shini keno kümsü acheni— 34eno pa pulouqo hu ye kijethave cheni. Külaumo kemi totimi lakhi momu ili-tathe lakhi ye Ampeu kümlapù vehu lo alokümsü shi acheni: Li kimiji ye li phimpi ngò li ghungu kinikujo pesü akimthe shi no Ampeu mülá anishi ke. Ikemu külauve kemi totimi lakhi ye ayeghiqha kümlapù vehu lo alokümsü shi acheni—tiye kíshi no li kimi pulou shini keno kümsü acheni. 35I no piakeu ye nongu kivipu ghenguno ke, nongu lakhave nikeu ghenguno kumoe, ikemu nongu pelo Ampeu mülá nikeu lo kijethamo no achipiu laghi lo xülu pe nikeu ghenguno ke.
36Tsalá timi lakhi no pa no küsükha püakeu pa loliu ye külathuve keu do veche aya ipi kümsü no li gihu ghi külave moayesa ipi kümsü aghí aye, pa no pulo akeu toi tishive moayesae. Tishive aye pa ye axiné shi amoe. Pama ye külakupu shive moayesa ke. 37Ikemu timi khuu no pa likhi pa mlo lono mutotoi xathaluve no, tishi moayesa pütsá ipikeu ghenguno kumo no pa likhi pa pulou shou ghasülu ghi pa loliu sasü külakupu shimoveni kepi xathaluvea keno, pa no shi akeu ghí achipi shi ani. 38Ike tishiaye, timi khuu no pa no küsükha püakeu pa loliu sasü külakupu shiveni keno tiye achipi shi ani, ikemu timi khuu no küla moveni ipi xathaluvea keno tiu no akiviu ke.
39Anipu lakhi ye akimi no xü ake thaqhülo li kimi gholo tsüghaküqha pe acheni. Ikemu li kimi no thive aye, li ye khukhumu li no pulo keu ki lo wolu nani, ikemu timi tipau ye Ampeu’w timi shi aghí moayesa ke. 40I kükümsü kiqi lo, li ye külaumove no tishi ngove keu no li ghenguno akivipu shi nani—eno I no hi piakeu ye Alhou Ghungu lau no kepi I no kümsülu ani.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.