1 Kor. 13
13
1Ni ye timi mili momu kungumi mili lono atsa pi aghiluvi, ikemu kikimiye küha aye ni ye ayì kihe ghügha lakhi paphi ke momu küghapayi pesü kügha keu ghügha lakhi paphi ke. 2Ni ye tungkuptsa pikulupu ghò aghiluvi eno akümzapu tuqhou jeli ngò akighithi kümtsü ithikutolu aghiluvi, eno ni ye naghuto tukiqeve kulupu küpülü aghiluvi, ikemu kikimiye küha aye ni ye kiumu kumoe. 3I no pighi akeu kümtsü pesü athokhamiqo lau tsüve aghiluvi eno I phimpi pesü pitive peniye ikhiphe pesü tsüve keu lo qheza aghiluvi, ikemu kikimiye küha kelo ni ye kiumu alá shimlae.
4Kikimiye ye küsüqhikulu eno küpüqhiyi keu ke. Kikimiye ye anheshu chemo, kikimiye ye akuchhoma shichemo, kikimiye ye aqheküza shichemo. 5Kikimiye ye kütami thaigha chemo, kikimiye ye alikhi asala phu chemo, kikimiye ye amlokighide shichemo, kikimiye ye timiw shikipimiqo kihikülai pesü qhichemo. 6Kikimiye ye küsakügha kümlà lo alokiqi shichemo ikemu kuchou gholo alovishe cheni. 7Kikimiye ye alhokuthu süsho cheni, alhokuthu pükhübe cheni, alhokuthu lajupu qhicheni, eno alhokuthu theqhikulu shi khe acheni.
8Kikimiye ye khilemu ashekha shivemo nani. Khilehi tungkuptsaqo ani keno tipaqo ghí kishekhave nani; khilehi amili kithé no pikeu ani keno tipaqo ghí inaqhoive nani; khilehi akighithi ani keno ti ghí ashekha shive nani. 9Kughengu ningu ye kupukülai ithi mphi ke eno ningu no tungkuptsa piche keu ye kupukülai mphi ke, 10ikemu kughou kupukülai keu ighiveni keno, kupukülaimo keu kiu ani keno tiye hauve nani. 11Kughou I no itimi lakhi shi ache keno, ni ye itimi lakhi toi atsa piche, ni ye itimi lakhi toi kümsüche, ni ye itimi lakhi toi kiqiju cheke. Kughou I no kichimi lakhi shive keno, ni ye ititunu lhoaye kümtsü I thikhau qhikhave ke. 12Kughengu itehi ningu ye ahiju lakhi lo yekibide likhi ithulu akeu toi anike; ikemu hithiu ningu ye agi no agi kinheqhi ghi ithuluve nani. I no itehi ithi akeu ye kupukülai khamphi ke; ikemu hithiu ye thowkha kümtsü kupukülai ithive nani, eno tiye Alhou no kupukülai ni ithi akeu toi ke.
13Tishiaye thime hipano küthü ani: aküpülü, lajupu, eno kikimiye. Ikemu hipaqo gholo akiqheu ye kikimiye ke.
ទើបបានជ្រើសរើសហើយ៖
1 Kor. 13: STB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.
1 Kor. 13
13
1Ni ye timi mili momu kungumi mili lono atsa pi aghiluvi, ikemu kikimiye küha aye ni ye ayì kihe ghügha lakhi paphi ke momu küghapayi pesü kügha keu ghügha lakhi paphi ke. 2Ni ye tungkuptsa pikulupu ghò aghiluvi eno akümzapu tuqhou jeli ngò akighithi kümtsü ithikutolu aghiluvi, eno ni ye naghuto tukiqeve kulupu küpülü aghiluvi, ikemu kikimiye küha aye ni ye kiumu kumoe. 3I no pighi akeu kümtsü pesü athokhamiqo lau tsüve aghiluvi eno I phimpi pesü pitive peniye ikhiphe pesü tsüve keu lo qheza aghiluvi, ikemu kikimiye küha kelo ni ye kiumu alá shimlae.
4Kikimiye ye küsüqhikulu eno küpüqhiyi keu ke. Kikimiye ye anheshu chemo, kikimiye ye akuchhoma shichemo, kikimiye ye aqheküza shichemo. 5Kikimiye ye kütami thaigha chemo, kikimiye ye alikhi asala phu chemo, kikimiye ye amlokighide shichemo, kikimiye ye timiw shikipimiqo kihikülai pesü qhichemo. 6Kikimiye ye küsakügha kümlà lo alokiqi shichemo ikemu kuchou gholo alovishe cheni. 7Kikimiye ye alhokuthu süsho cheni, alhokuthu pükhübe cheni, alhokuthu lajupu qhicheni, eno alhokuthu theqhikulu shi khe acheni.
8Kikimiye ye khilemu ashekha shivemo nani. Khilehi tungkuptsaqo ani keno tipaqo ghí kishekhave nani; khilehi amili kithé no pikeu ani keno tipaqo ghí inaqhoive nani; khilehi akighithi ani keno ti ghí ashekha shive nani. 9Kughengu ningu ye kupukülai ithi mphi ke eno ningu no tungkuptsa piche keu ye kupukülai mphi ke, 10ikemu kughou kupukülai keu ighiveni keno, kupukülaimo keu kiu ani keno tiye hauve nani. 11Kughou I no itimi lakhi shi ache keno, ni ye itimi lakhi toi atsa piche, ni ye itimi lakhi toi kümsüche, ni ye itimi lakhi toi kiqiju cheke. Kughou I no kichimi lakhi shive keno, ni ye ititunu lhoaye kümtsü I thikhau qhikhave ke. 12Kughengu itehi ningu ye ahiju lakhi lo yekibide likhi ithulu akeu toi anike; ikemu hithiu ningu ye agi no agi kinheqhi ghi ithuluve nani. I no itehi ithi akeu ye kupukülai khamphi ke; ikemu hithiu ye thowkha kümtsü kupukülai ithive nani, eno tiye Alhou no kupukülai ni ithi akeu toi ke.
13Tishiaye thime hipano küthü ani: aküpülü, lajupu, eno kikimiye. Ikemu hipaqo gholo akiqheu ye kikimiye ke.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.