Tohi a Paulo ki te kau LOMA 8
8
Te ateaina i te Laumalie
1Koia i te temi nei, e mole i ai he tautea kia natou e ia Sesu-Kilisito.
2Koteuhi, ko te lao o te Laumalie o te mauli ia Sesu-Kilisito, kua ina fakaateainai au mai te lao o te agahala pea mo te mate. 3Koteuhi – ko he mea nee mole fealagia e te lao, he nee fakaliliu e te kakano te lao o hala malohi – nee tautea e te Atua te agahala i te kakano, i tana fekaui mai, o uhiga mo te agahala, tona Alo totonu i he kakano nee tatau mo te kakano o te agahala, 4pea ko te mea aia ke fakahoko ai te faitotonu o te lao ia tatou, ae e tou haele, o mole mulimuli ki te kakano, kae o mulimuli ki te Laumalie.
5He ko natou ae e mauli o mulimuli ki te kakano e ofa ki te u mea o te kakano, kae ko natou ae e mauli o mulimuli ki te Laumalie e ofa ki te u mea o te Laumalie. 6Ko te ofa ki te u mea o te kakano, ko te mate; kae ko te ofa ki te u mea o te Laumalie, ko te mauli mo te tokalelei. 7He ko te ofa ki te u mea o te kakano e fili ki te Atua, koteuhi e mole fakalogo te kakano ki te lao a te Atua, pea e mole pe ina fealagia ia. 8Kae ko natou ae e mauli o mulimuli ki te kakano, e mole feala ke natou lelei ki te Atua.
9Kia koutou, e mole kotou mauli o mulimuli ki te kakano, kae o mulimuli ki te Laumalie, mo kapau e nofo mooni ia koutou te Laumalie o te Atua. Kapau e mole mau e he tahi te Laumalie o Kilisito, e mole kau ia kia ia. 10Pea kapau e nofo Kilisito ia koutou, ko te sino, e mooni, kua mate ia o uhi ko te agahala, kae ko te Laumalie e mauli o uhi ko te faitotonu. 11Pea kapau e nofo ia koutou te Laumalie o ia ae nee ina fakatuuake Sesu mai te kau mate, ko ia ae nee ina fakatuuake Sesu-Kilisito mai te kau mate, e ina toe foaki atu anai te mauli ki okotou sino moletale aki tona Laumalie ae e nofo ia koutou.
12Koia, u tehina, e mole tou tuu maua ki te kakano, ke tou mauli o mulimuli ki te kakano. 13Kapau e koutou mauli o mulimuli ki te kakano, e koutou mamate anai; kae kapau aki te Laumalie e koutou tamatei te u gaue o te sino, e koutou mauli anai. 14He ko natou fuli ae e taki e te Laumalie o te Atua ko te u foha o te Atua. 15Pea nee mole kotou tali he laumalie o te popula ke kotou toe nonofo ai i te mataku; kae kua kotou tali he Laumalie o te vahei, ae e tou kalaga ai: Abba! Tamai! 16E fakamooni te Laumalie totonu ki totatou laumalie ko tatou ko te u fanau a te Atua. 17Koia, kapau ko he u fanau tatou, pea ko tatou foki ko he u fanau mau tofiga: mau tofiga a te Atua, pea mau tofiga fakatahi mo Kilisito, mo kapau e tou mamahi fakatahi mo ia, o uhi ke tou fakatahi mo ia i tona kololia.
Te kololia o te temi ka hau
18E au fakafuafua ko te u mamahi o te temi nei e mole tonu ke fakatatau natou ki te kololia ka hau ae e fakaha anai kia tatou. 19Koia e talitali ai te malamanei katoa mo he holi mamahi ki te lakaga e fakaha anai e te Atua tana u foha. 20He nee tuku age te malamanei ki te vaiga, nee mole loto ia ki ai, kae ko te Atua ae nee ina tuku ia ki ai, 21mo he amanaki lelei e fakaateainai anai ia mai te popula o te pala, ke kau foki mo ia ki te ateaina o te u foha a te Atua i te kololia. 22Kae, e tou iloi, o kaku mai ki te aho nei, e lauga mo mamahi te malamanei katoa i te u mamahi o te temi fanau. 23Pea e mole gata pe mo ia, kae ko tatou foki, aeni e tou mau te u uluaki fua o te Laumalie, e tou lauga i otatou loto i te talitali ki totatou vavae pea mo te fakaateaina o otatou sino. 24Koteuhi nee fakamauli tatou, kae i te amanaki lelei foki. Kae, ko te amanaki lelei ae e tou sio ki ai e mole ko he amanaki lelei: Ko te mea ae e tou sio ki ai, pe e feala ke tou toe amanaki ki ai? 25Kae kapau e tou amanaki ki te mea ae e mole tou sio ki ai, e tou talitali ki ai mo he kataki fualoa.
26Pea e feia pe mo te Laumalie e tokoni mai ia kia tatou i totatou vaivai, koteuhi e mole tou iloi te mea ae e lelei ke tou kole i atatou faikole. Kae ko te Laumalie totonu e faikole ki te Atua o uhiga mo tatou aki ni hoi e mole feala ke fakaha e ni kupu. 27Pea ko te Atua ae e sio i te u loto, e ina iloi te mea ae e fia kole e te Laumalie Maonioni, koteuhi e faikole te Laumalie o uhiga mo te kau sagato, o mulimuli ki te finegalo o te Atua.
Te ofa heegata o te Atua kia tatou
28Pea e tou iloi e gaue te Atua i te u mea fuli ki te lelei o natou e ofa kia te ia, o natou kua paui o mulimuli ki tana fakatuutuu. 29Koteuhi ko natou ae nee ina filifili fakatomua, nee ina fakatuutuu fakatomua foki natou ke ina fakaliliu natou o tatau mo tona Alo, o uhi ke liliu tona Alo ko te uluaki tupu o ni tehina kaugamalie. 30Pea ko natou ae nee ina fakatuutuu fakatomua, nee ina kalagai foki mo natou; pea ko natou ae nee ina kalagai, nee ina fakaliliu natou o agatonu i ona mua; pea ko natou ae nee ina fakaliliu o agatonu, nee ina foaki kia natou ke natou kau ki tona kololia.
31Kotea anai ha tou ui ki te u mea aia? Kapau e kau te Atua mo tatou, pe ko ai ae e fakafehagai mai kia tatou? 32Ia ia ae nee mole ina haofaki tona Alo totonu, kae nee ina foaki ia o uhiga mo tatou fuli, o feafeai, pe e mole ina foaki mai anai kia tatou te u mea fuli pe mo ia? 33Ko ai ka ina fakalakahalai anai te kau filifiliia a te Atua? Ko te Atua ae nee ina fakamatatonu! 34Ko ai ka ina tautea anai natou? Ko Kilisito ae nee mate; pea kua toe tuuake foki ia, pea kua nofo ia i te fahai matau o te Atua, pea e faikole ia kia tatou! 35Ko ai ka ina fakamavae anai tatou mai te ofa o Kilisito? Pe ko te mahaki anai, pe ko te mamahi, pe ko te fakataga, pe ko te fia kai, pe ko te masiva, pe ko te tuutamaki, pe ko te heleta? 36O hage ko te mea e tuu i te Tohi:
E tupu ko koe, e tuku ai matou ki te mate i te aho fuli,
Pea e sio ai kia matou o hage ni ovi ke ave ki te fale tamatei manu.
37Kae i te u mea fuli aia, e lahi age tatatou malo aki ia ae e ofa kia tatou. 38Koteuhi e au iloi papau e mole ko te mate, pe ko te mauli, pe ko te kau aselo, pe ko te kau tominasio, pe ko te u mea o te sekulo aeni, pe ko te u mea o te sekulo ka hau, 39pe ko te u mafimafi, pe ko te maoluga, pe ko te loloto, pe ko he tahi age mea nee fakatupu e feala anai tana fakamavae tatou mai te ofa o te Atua nee fakaha ia Sesu-Kilisito totatou Aliki.
ទើបបានជ្រើសរើសហើយ៖
Tohi a Paulo ki te kau LOMA 8: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Tohi a Paulo ki te kau LOMA 8
8
Te ateaina i te Laumalie
1Koia i te temi nei, e mole i ai he tautea kia natou e ia Sesu-Kilisito.
2Koteuhi, ko te lao o te Laumalie o te mauli ia Sesu-Kilisito, kua ina fakaateainai au mai te lao o te agahala pea mo te mate. 3Koteuhi – ko he mea nee mole fealagia e te lao, he nee fakaliliu e te kakano te lao o hala malohi – nee tautea e te Atua te agahala i te kakano, i tana fekaui mai, o uhiga mo te agahala, tona Alo totonu i he kakano nee tatau mo te kakano o te agahala, 4pea ko te mea aia ke fakahoko ai te faitotonu o te lao ia tatou, ae e tou haele, o mole mulimuli ki te kakano, kae o mulimuli ki te Laumalie.
5He ko natou ae e mauli o mulimuli ki te kakano e ofa ki te u mea o te kakano, kae ko natou ae e mauli o mulimuli ki te Laumalie e ofa ki te u mea o te Laumalie. 6Ko te ofa ki te u mea o te kakano, ko te mate; kae ko te ofa ki te u mea o te Laumalie, ko te mauli mo te tokalelei. 7He ko te ofa ki te u mea o te kakano e fili ki te Atua, koteuhi e mole fakalogo te kakano ki te lao a te Atua, pea e mole pe ina fealagia ia. 8Kae ko natou ae e mauli o mulimuli ki te kakano, e mole feala ke natou lelei ki te Atua.
9Kia koutou, e mole kotou mauli o mulimuli ki te kakano, kae o mulimuli ki te Laumalie, mo kapau e nofo mooni ia koutou te Laumalie o te Atua. Kapau e mole mau e he tahi te Laumalie o Kilisito, e mole kau ia kia ia. 10Pea kapau e nofo Kilisito ia koutou, ko te sino, e mooni, kua mate ia o uhi ko te agahala, kae ko te Laumalie e mauli o uhi ko te faitotonu. 11Pea kapau e nofo ia koutou te Laumalie o ia ae nee ina fakatuuake Sesu mai te kau mate, ko ia ae nee ina fakatuuake Sesu-Kilisito mai te kau mate, e ina toe foaki atu anai te mauli ki okotou sino moletale aki tona Laumalie ae e nofo ia koutou.
12Koia, u tehina, e mole tou tuu maua ki te kakano, ke tou mauli o mulimuli ki te kakano. 13Kapau e koutou mauli o mulimuli ki te kakano, e koutou mamate anai; kae kapau aki te Laumalie e koutou tamatei te u gaue o te sino, e koutou mauli anai. 14He ko natou fuli ae e taki e te Laumalie o te Atua ko te u foha o te Atua. 15Pea nee mole kotou tali he laumalie o te popula ke kotou toe nonofo ai i te mataku; kae kua kotou tali he Laumalie o te vahei, ae e tou kalaga ai: Abba! Tamai! 16E fakamooni te Laumalie totonu ki totatou laumalie ko tatou ko te u fanau a te Atua. 17Koia, kapau ko he u fanau tatou, pea ko tatou foki ko he u fanau mau tofiga: mau tofiga a te Atua, pea mau tofiga fakatahi mo Kilisito, mo kapau e tou mamahi fakatahi mo ia, o uhi ke tou fakatahi mo ia i tona kololia.
Te kololia o te temi ka hau
18E au fakafuafua ko te u mamahi o te temi nei e mole tonu ke fakatatau natou ki te kololia ka hau ae e fakaha anai kia tatou. 19Koia e talitali ai te malamanei katoa mo he holi mamahi ki te lakaga e fakaha anai e te Atua tana u foha. 20He nee tuku age te malamanei ki te vaiga, nee mole loto ia ki ai, kae ko te Atua ae nee ina tuku ia ki ai, 21mo he amanaki lelei e fakaateainai anai ia mai te popula o te pala, ke kau foki mo ia ki te ateaina o te u foha a te Atua i te kololia. 22Kae, e tou iloi, o kaku mai ki te aho nei, e lauga mo mamahi te malamanei katoa i te u mamahi o te temi fanau. 23Pea e mole gata pe mo ia, kae ko tatou foki, aeni e tou mau te u uluaki fua o te Laumalie, e tou lauga i otatou loto i te talitali ki totatou vavae pea mo te fakaateaina o otatou sino. 24Koteuhi nee fakamauli tatou, kae i te amanaki lelei foki. Kae, ko te amanaki lelei ae e tou sio ki ai e mole ko he amanaki lelei: Ko te mea ae e tou sio ki ai, pe e feala ke tou toe amanaki ki ai? 25Kae kapau e tou amanaki ki te mea ae e mole tou sio ki ai, e tou talitali ki ai mo he kataki fualoa.
26Pea e feia pe mo te Laumalie e tokoni mai ia kia tatou i totatou vaivai, koteuhi e mole tou iloi te mea ae e lelei ke tou kole i atatou faikole. Kae ko te Laumalie totonu e faikole ki te Atua o uhiga mo tatou aki ni hoi e mole feala ke fakaha e ni kupu. 27Pea ko te Atua ae e sio i te u loto, e ina iloi te mea ae e fia kole e te Laumalie Maonioni, koteuhi e faikole te Laumalie o uhiga mo te kau sagato, o mulimuli ki te finegalo o te Atua.
Te ofa heegata o te Atua kia tatou
28Pea e tou iloi e gaue te Atua i te u mea fuli ki te lelei o natou e ofa kia te ia, o natou kua paui o mulimuli ki tana fakatuutuu. 29Koteuhi ko natou ae nee ina filifili fakatomua, nee ina fakatuutuu fakatomua foki natou ke ina fakaliliu natou o tatau mo tona Alo, o uhi ke liliu tona Alo ko te uluaki tupu o ni tehina kaugamalie. 30Pea ko natou ae nee ina fakatuutuu fakatomua, nee ina kalagai foki mo natou; pea ko natou ae nee ina kalagai, nee ina fakaliliu natou o agatonu i ona mua; pea ko natou ae nee ina fakaliliu o agatonu, nee ina foaki kia natou ke natou kau ki tona kololia.
31Kotea anai ha tou ui ki te u mea aia? Kapau e kau te Atua mo tatou, pe ko ai ae e fakafehagai mai kia tatou? 32Ia ia ae nee mole ina haofaki tona Alo totonu, kae nee ina foaki ia o uhiga mo tatou fuli, o feafeai, pe e mole ina foaki mai anai kia tatou te u mea fuli pe mo ia? 33Ko ai ka ina fakalakahalai anai te kau filifiliia a te Atua? Ko te Atua ae nee ina fakamatatonu! 34Ko ai ka ina tautea anai natou? Ko Kilisito ae nee mate; pea kua toe tuuake foki ia, pea kua nofo ia i te fahai matau o te Atua, pea e faikole ia kia tatou! 35Ko ai ka ina fakamavae anai tatou mai te ofa o Kilisito? Pe ko te mahaki anai, pe ko te mamahi, pe ko te fakataga, pe ko te fia kai, pe ko te masiva, pe ko te tuutamaki, pe ko te heleta? 36O hage ko te mea e tuu i te Tohi:
E tupu ko koe, e tuku ai matou ki te mate i te aho fuli,
Pea e sio ai kia matou o hage ni ovi ke ave ki te fale tamatei manu.
37Kae i te u mea fuli aia, e lahi age tatatou malo aki ia ae e ofa kia tatou. 38Koteuhi e au iloi papau e mole ko te mate, pe ko te mauli, pe ko te kau aselo, pe ko te kau tominasio, pe ko te u mea o te sekulo aeni, pe ko te u mea o te sekulo ka hau, 39pe ko te u mafimafi, pe ko te maoluga, pe ko te loloto, pe ko he tahi age mea nee fakatupu e feala anai tana fakamavae tatou mai te ofa o te Atua nee fakaha ia Sesu-Kilisito totatou Aliki.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland