Tohi a Paulo ki te kau LOMA 15
15
1Ko tatou ae e malolohi, e tonu ke tou katakii te u gaegaeia o natou e gaegae, pea ke aua naa tou kumi te mea e lelei kia tatou. 2E tonu ke tahi kumi e te tagata takitahi te mea ae e lelei ki tona kaiga, o uhiga mo tona lelei pea mo tona fakatuputupua i te tui. 3Koteuhi nee mole kumi e Kilisito te mea nee lelei kia ia, kae, o mulimuli ki te mea nee tohi:
Kua to kia au te u laukovi a natou ae nee laukovi kia koe.
4Koteuhi ko te u mea fuli nee tohi fakatomua, nee tohi natou ki totatou akoi, ke tou mau ai te amanaki lelei, i te kataki fualoa pea mo te fakapelepele ae e foaki e te Tohi.
5Ke foaki atu kia koutou e te Atua o te kataki fualoa mo te fakapelepele, ke kotou mau ni manatu tatau i okotou vahaa o mulimuli kia Sesu-Kilisito, 6o tupu ke kotou fakatahi fuli, i he loto e tahi mo he leo e tahi, o fakavikiviki ki te Atua pea mo te Tamai o totatou Aliki ko Sesu-Kilisito. 7Koia, kotou fekatakiaki mo feofaaki, o hage ko te ofa o Sesu-Kilisito kia koutou, koteuhi ko te kololia ia o te Atua.
Ko te logo lelei ki te u tagata fuli
8Koteuhi e au ui atu kia koutou, nee liliu Kilisito ko te tagata faifekau a te kau silikosisio, o tupu ke fakaha ai te mooni o te Atua i tana fakahoko te u fakapapau nee fai ki atatou tamai, 9kae ke toe fakafetai foki te kau pagani ki te Atua, i tona manavaofa kia natou, o hage ko tona tuu i te Tohi:
Koia e au fakavikiviki anai kia koe i te atu puleaga,
Pea e au hiva anai ki te kololia o tou huafa.
10E toe ui foki:
Atu puleaga, ke kotou fakafiafia mo tana hahai!
11Pea e toe ui foki:
Kotou fakafetai ki te Aliki, koutou fuli ko te atu puleaga,
Koutou vikiviki kia ia, koutou fuli ko te atu puleaga!
12Nee ui foki e Esaia:
E tupu anai ia Isaia he foha,
ae e malaga ake anai o hau i te atu puleaga;
E amanaki lelei anai te atu puleaga kia ia.
13Ke fakafonu koutou e te Atua o te amanaki lelei aki te fiafia mo te tokalelei i te tui, o tupu ke lahi osi ia koutou te amanaki lelei mo te malohi o te Laumalie Maonioni!
Manatu a Paulo o uhiga mo tana gaue
14O uhiga mo koutou, oku tehina, e au iloi papau e kotou fonu i te lotolelei, mo fonu i te iloi katoa o te u mea e aoga kia koutou, pea mo fonu i te poto i te foaki o te u tokoni ke fakamalohii ai koutou. 15Kae, i ni ihi faahiga mea, nee au fai tohi fakamalohi atu kia koutou, o hage ke fafagu ai akotou manatu, o uhiga mo te kalasia kua fai e te Atua kia au, 16ke au liliu ko te tagata gaue a Sesu-Kilisito ki te kau pagani; e au fai te gaue taputapu o te Evaselio a te Atua, o tupu ke hoko te kau pagani ko he molaga lelei kia ia, ae kua fakamaonionii e te Laumalie Maonioni.
17Koia i te fakatahi mo Sesu-Kilisito, e feala ke au fia tagata i taku gaue ki te Atua. 18Koteuhi kapau e feala ke au palalau ki he mea, pea ko te mea pe ae nee fai e Kilisito ia au ke aumai ai te kau pagani ki te fakalogo ki te Atua, aki te folafola mo te gaue, 19aki te malohi o te u milakulo mo te u mea fakamanamana, aki te malohi o te Laumalie o te Atua; koia nee au fakamafola o lahi osi te Evaselio a Kilisito, o fai mai Selusalemi, o takatakai i te u fenua fuli o kaku ki Ililia. 20Kae nee au loto ke au fakaha te Evaselio i te u kogamea pe ae nee heeki logo kia Kilisito, ke aua naa au fakatuu i he fakatafito a he tahi kehe, o mulimuli ki te mea kua tohi: 21Ko natou ae nee heeki ina fakaha ki ai e sisio anai, Pea ko natou ae nee heeki logo kia ia e mahihino anai.
22Ko te mea aia nee ina tau taofi taku alu atu kia koutou. 23Kae i te temi nei, e mole he mea kei ina taofi au i te u fenua aeni, pea kua tau lahi osi mo toku fia alu atu kia koutou. 24E au amanaki e au felavei anai mo koutou i taku fagona ki Sepania, pea e kotou ave ai anai au, mo ka katoa anai toku fimalie i he kii temi mo koutou.
25I te temi nei e au alu ki Selusalemi o tokoni ki te kau sagato. 26Koteuhi nee loto lelei te u tehina o Masetonia mo Akaia ke fai he tanaki koloa ki te kau masiva o te kau sagato i Selusalemi. 27Nee natou loto lelei ai ki te meaofa aia, pea ko tonatou maua aia; koteuhi kapau kua kau te kau pagani ki onatou koloa fakalaumalie, e tonu foki ke natou tokoni kia natou i te u mea fakamalama. 28Pea ka osi pe te mea aia, pea kua au tuku kia natou te u meaofa, e au alu anai ki Sepania, o fakalaka atu ia koutou. 29Pea e au iloi i taku alu atu kia koutou, e au kaku atu anai mo te tapuakina fonu o Kilisito.
30E au fakalotomalohii koutou, nai tehina, o tupu ko totatou Aliki ko Sesu-Kilisito pea mo te ofa o te Laumalie, ke kotou tau fakatahi mo au, o kotou fai ki te Atua ni kole o uhiga mo au, 31o tupu ke haofaki au mai te kau tuigataa o Sutea, pea ke tali lelei e te kau sagato te u meaofa e au ave ki Selusalemi, 32pea ke au kaku atu anai kia koutou mo ni fiafia, mo kapau ko te finegalo o te Atua, pea ke au mau he malolo i te lotomalie o koutou. 33Ke nofo mo koutou fuli te Atua o te tokalelei! Ameni!
ទើបបានជ្រើសរើសហើយ៖
Tohi a Paulo ki te kau LOMA 15: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Tohi a Paulo ki te kau LOMA 15
15
1Ko tatou ae e malolohi, e tonu ke tou katakii te u gaegaeia o natou e gaegae, pea ke aua naa tou kumi te mea e lelei kia tatou. 2E tonu ke tahi kumi e te tagata takitahi te mea ae e lelei ki tona kaiga, o uhiga mo tona lelei pea mo tona fakatuputupua i te tui. 3Koteuhi nee mole kumi e Kilisito te mea nee lelei kia ia, kae, o mulimuli ki te mea nee tohi:
Kua to kia au te u laukovi a natou ae nee laukovi kia koe.
4Koteuhi ko te u mea fuli nee tohi fakatomua, nee tohi natou ki totatou akoi, ke tou mau ai te amanaki lelei, i te kataki fualoa pea mo te fakapelepele ae e foaki e te Tohi.
5Ke foaki atu kia koutou e te Atua o te kataki fualoa mo te fakapelepele, ke kotou mau ni manatu tatau i okotou vahaa o mulimuli kia Sesu-Kilisito, 6o tupu ke kotou fakatahi fuli, i he loto e tahi mo he leo e tahi, o fakavikiviki ki te Atua pea mo te Tamai o totatou Aliki ko Sesu-Kilisito. 7Koia, kotou fekatakiaki mo feofaaki, o hage ko te ofa o Sesu-Kilisito kia koutou, koteuhi ko te kololia ia o te Atua.
Ko te logo lelei ki te u tagata fuli
8Koteuhi e au ui atu kia koutou, nee liliu Kilisito ko te tagata faifekau a te kau silikosisio, o tupu ke fakaha ai te mooni o te Atua i tana fakahoko te u fakapapau nee fai ki atatou tamai, 9kae ke toe fakafetai foki te kau pagani ki te Atua, i tona manavaofa kia natou, o hage ko tona tuu i te Tohi:
Koia e au fakavikiviki anai kia koe i te atu puleaga,
Pea e au hiva anai ki te kololia o tou huafa.
10E toe ui foki:
Atu puleaga, ke kotou fakafiafia mo tana hahai!
11Pea e toe ui foki:
Kotou fakafetai ki te Aliki, koutou fuli ko te atu puleaga,
Koutou vikiviki kia ia, koutou fuli ko te atu puleaga!
12Nee ui foki e Esaia:
E tupu anai ia Isaia he foha,
ae e malaga ake anai o hau i te atu puleaga;
E amanaki lelei anai te atu puleaga kia ia.
13Ke fakafonu koutou e te Atua o te amanaki lelei aki te fiafia mo te tokalelei i te tui, o tupu ke lahi osi ia koutou te amanaki lelei mo te malohi o te Laumalie Maonioni!
Manatu a Paulo o uhiga mo tana gaue
14O uhiga mo koutou, oku tehina, e au iloi papau e kotou fonu i te lotolelei, mo fonu i te iloi katoa o te u mea e aoga kia koutou, pea mo fonu i te poto i te foaki o te u tokoni ke fakamalohii ai koutou. 15Kae, i ni ihi faahiga mea, nee au fai tohi fakamalohi atu kia koutou, o hage ke fafagu ai akotou manatu, o uhiga mo te kalasia kua fai e te Atua kia au, 16ke au liliu ko te tagata gaue a Sesu-Kilisito ki te kau pagani; e au fai te gaue taputapu o te Evaselio a te Atua, o tupu ke hoko te kau pagani ko he molaga lelei kia ia, ae kua fakamaonionii e te Laumalie Maonioni.
17Koia i te fakatahi mo Sesu-Kilisito, e feala ke au fia tagata i taku gaue ki te Atua. 18Koteuhi kapau e feala ke au palalau ki he mea, pea ko te mea pe ae nee fai e Kilisito ia au ke aumai ai te kau pagani ki te fakalogo ki te Atua, aki te folafola mo te gaue, 19aki te malohi o te u milakulo mo te u mea fakamanamana, aki te malohi o te Laumalie o te Atua; koia nee au fakamafola o lahi osi te Evaselio a Kilisito, o fai mai Selusalemi, o takatakai i te u fenua fuli o kaku ki Ililia. 20Kae nee au loto ke au fakaha te Evaselio i te u kogamea pe ae nee heeki logo kia Kilisito, ke aua naa au fakatuu i he fakatafito a he tahi kehe, o mulimuli ki te mea kua tohi: 21Ko natou ae nee heeki ina fakaha ki ai e sisio anai, Pea ko natou ae nee heeki logo kia ia e mahihino anai.
22Ko te mea aia nee ina tau taofi taku alu atu kia koutou. 23Kae i te temi nei, e mole he mea kei ina taofi au i te u fenua aeni, pea kua tau lahi osi mo toku fia alu atu kia koutou. 24E au amanaki e au felavei anai mo koutou i taku fagona ki Sepania, pea e kotou ave ai anai au, mo ka katoa anai toku fimalie i he kii temi mo koutou.
25I te temi nei e au alu ki Selusalemi o tokoni ki te kau sagato. 26Koteuhi nee loto lelei te u tehina o Masetonia mo Akaia ke fai he tanaki koloa ki te kau masiva o te kau sagato i Selusalemi. 27Nee natou loto lelei ai ki te meaofa aia, pea ko tonatou maua aia; koteuhi kapau kua kau te kau pagani ki onatou koloa fakalaumalie, e tonu foki ke natou tokoni kia natou i te u mea fakamalama. 28Pea ka osi pe te mea aia, pea kua au tuku kia natou te u meaofa, e au alu anai ki Sepania, o fakalaka atu ia koutou. 29Pea e au iloi i taku alu atu kia koutou, e au kaku atu anai mo te tapuakina fonu o Kilisito.
30E au fakalotomalohii koutou, nai tehina, o tupu ko totatou Aliki ko Sesu-Kilisito pea mo te ofa o te Laumalie, ke kotou tau fakatahi mo au, o kotou fai ki te Atua ni kole o uhiga mo au, 31o tupu ke haofaki au mai te kau tuigataa o Sutea, pea ke tali lelei e te kau sagato te u meaofa e au ave ki Selusalemi, 32pea ke au kaku atu anai kia koutou mo ni fiafia, mo kapau ko te finegalo o te Atua, pea ke au mau he malolo i te lotomalie o koutou. 33Ke nofo mo koutou fuli te Atua o te tokalelei! Ameni!
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland