EVASELIO A MALEKO 3
3
Fakamauli o he tagata nima mate
1Nee toe ulu leva ia Sesu ki te sinakoka. Nee nofo i ai he tagata nima mate. 2Nee natou lamalama leva ia Sesu, ke sisio pe e ina fakamauli anai te tagata aia i te aho o te sapato: O tupu ke feala ai tona fakalakahalai. 3Pea nee ui leva e Sesu ki te tagata nima mate: Tuu ki oluga i hena, i lotomalie. 4Pea nee ina ui leva kia natou: Pe e gafua i te aho o te sapato, ke fai he mea lelei pe ko he mea kovi, ke haofaki ai he tagata pe ke tamatei ai ia ia? Kae nee natou fakalologo leva. 5Pea nee sio fakaita leva ia ia kia natou, i te lahi o tona mamahi o tupu ko te fefeka o onatou loto; pea nee ina ui leva ki te tagata: Faoi tou nima. Nee faoi leva e te tagata tona nima, pea nee mauli leva ia.
6Nee feulufi leva te kau faliseo ki fafo, i te lakaga pe aia, pea nee natou faufau leva mo te kau Helote ke tamatei ia Sesu.
Fakamauli lahi
7Nee alu leva ia Sesu mo ana tisipulo ki te matatai. Pea nee mulimuli leva he hahai kaugamalie ia ia mai Kalilea; 8pea mo Sutea, mo Selusalemi, mo Itumea, mo te tua Solotane, mo te u tafaaki o Tile mo Sitone, nee omai leva he hahai kaugamalie aupito kia ia, i tanatou logo ki te u mea fuli ae nee ina fai. 9Koia, nee ina kole leva ki ana tisipulo ke taofi tuumau kia ia he kii vaka, o tupu ke aua naa taomi ia ia e te hahai. 10Koteuhi, o tupu ko tana fakamauli he hahai kaugamalie, nee feohofi age kia ia natou fuli nee natou mau ni mahaki ke kapa kia ia. 11Ko te u laumalie kovi, moka natou sio kia Sesu, nee natou tulolo i ona mua, pea nee natou kalaga o ui: Ko te Alo ia koe o te Atua! 12Kae nee ina fakatotonu fakamalohi kia natou ke aua naa natou fakaha ia ia.
Filifili o te toko hogofulu ma lua
13Pea nee hake leva ia ia ki te mouga; pea nee ina paui leva natou ae nee loto ia ia ki ai, pea nee natou omai leva kia ia. 14Nee ina fakanofo he toko hogofulu ma lua ia natou ke fakatahi mo ia, 15pea ke fekau natou ke faiakonaki, pea ke natou mau te pule ke kapu ai te u temonio. 16Koeni te toko hogofulu ma lua aia nee ina fakanofo: Ko Simone, ae nee ina fakahigoa leva ko Petelo; 17mo Sakopo, foha o Sepeteo, pea mo Soane, tehina o Sakopo, ae nee ina foaki leva ki ai te higoa ko Poanelesese, ko tona uhiga ko te u foha o te mana; 18mo Atelea; mo Filipo; mo Patolomeo; mo Mateo; mo Tomasi; mo Sakopo, foha o Alefeo; mo Tateo; mo Simone, te Kananito; 19pea mo Sutasi Isekaliote, ae nee ina fakatau leva ia Sesu.
Agahala ki te Laumalie Maonioni
20Nee natou olo leva ki te fale, pea nee toe fakatahi age leva te hahai, pea nee mole kei feala ke natou kakai.
21I te logo a te u matua a Sesu ki te mea nee hoko, nee natou olo leva ke puke ia ia; koteuhi nee natou ui kua vale ia ia.
22Pea nee ui leva e te kau sekelipa ae nee hihifo mai ki Selusalemi: E ina mau ia Pelesepu; pea e ina kapu te kau temonio aki te pule o te kau temonio. 23Nee paui leva natou e Sesu, o ui kia natou i he folafola fakatata: Pe e feala feafeai ke kapu ia Satana e Satana? 24Kapau e mavetevete he puleagahau o fakafehagai kia ia totonu, e mole feala ke tuu te puleagahau aia; 25pea kapau e mavetevete he fale o fakafehagai kia ia totonu, e mole feala ke tuu te fale aia. 26Koia, kapau e tuu ake ia Satana o fakafehagai kia ia totonu, e mavetevete ia ia, pea e mole feala ke tuu ia ia, kae ko tona fakaosi aia. 27E mole feala ke ulu he tahi ki te fale o he tagata malohi o kaihaa ona koloa, kae e heeki ina haihai i mua te tagata malohi aia; pea e hoki ina kaihaa leva tona fale. 28E au ui mooni atu kia koutou, e fakamolemole anai te u agahala fuli ki te u foha o te tagata, pea mo te u fasituu ae ka natou fai anai; 29kae ko ae e fasituu anai ki te Laumalie Maonioni, e mole ina mau anai he fakamolemole kia ia i he aho: Kua ina fai he agahala heegata. 30Nee palalau fena leva ia Sesu koteuhi nee natou ui: E ina mau he laumalie uli.
Te fae mo te u tehina o Sesu
31Pea nee kaku age leva tana fae mo ona tehina, o tutuu i fafo, kae nee natou fekau leva he tahi ke alu o fakaha kia ia. 32Nee nonofo te hahai o takatakai ia ia, pea nee ui age leva kia ia: Koeni, e tutuu tau fae mo ou tehina i fafo, pea e natou kumi mai ia koe. 33Pea nee ina tali leva: Ko ai taku fae, pea ko ai oku tehina? 34Pea nee sio leva ia ia kia natou ae nee nonofo o takatakai ia ia, o ui: Koeni taku fae pea mo oku tehina. 35Koteuhi, ko ae e ina fai te finegalo o te Atua, ko ia aia ko toku tehina, mo toku tuagaane, pea mo taku fae.
ទើបបានជ្រើសរើសហើយ៖
EVASELIO A MALEKO 3: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
EVASELIO A MALEKO 3
3
Fakamauli o he tagata nima mate
1Nee toe ulu leva ia Sesu ki te sinakoka. Nee nofo i ai he tagata nima mate. 2Nee natou lamalama leva ia Sesu, ke sisio pe e ina fakamauli anai te tagata aia i te aho o te sapato: O tupu ke feala ai tona fakalakahalai. 3Pea nee ui leva e Sesu ki te tagata nima mate: Tuu ki oluga i hena, i lotomalie. 4Pea nee ina ui leva kia natou: Pe e gafua i te aho o te sapato, ke fai he mea lelei pe ko he mea kovi, ke haofaki ai he tagata pe ke tamatei ai ia ia? Kae nee natou fakalologo leva. 5Pea nee sio fakaita leva ia ia kia natou, i te lahi o tona mamahi o tupu ko te fefeka o onatou loto; pea nee ina ui leva ki te tagata: Faoi tou nima. Nee faoi leva e te tagata tona nima, pea nee mauli leva ia.
6Nee feulufi leva te kau faliseo ki fafo, i te lakaga pe aia, pea nee natou faufau leva mo te kau Helote ke tamatei ia Sesu.
Fakamauli lahi
7Nee alu leva ia Sesu mo ana tisipulo ki te matatai. Pea nee mulimuli leva he hahai kaugamalie ia ia mai Kalilea; 8pea mo Sutea, mo Selusalemi, mo Itumea, mo te tua Solotane, mo te u tafaaki o Tile mo Sitone, nee omai leva he hahai kaugamalie aupito kia ia, i tanatou logo ki te u mea fuli ae nee ina fai. 9Koia, nee ina kole leva ki ana tisipulo ke taofi tuumau kia ia he kii vaka, o tupu ke aua naa taomi ia ia e te hahai. 10Koteuhi, o tupu ko tana fakamauli he hahai kaugamalie, nee feohofi age kia ia natou fuli nee natou mau ni mahaki ke kapa kia ia. 11Ko te u laumalie kovi, moka natou sio kia Sesu, nee natou tulolo i ona mua, pea nee natou kalaga o ui: Ko te Alo ia koe o te Atua! 12Kae nee ina fakatotonu fakamalohi kia natou ke aua naa natou fakaha ia ia.
Filifili o te toko hogofulu ma lua
13Pea nee hake leva ia ia ki te mouga; pea nee ina paui leva natou ae nee loto ia ia ki ai, pea nee natou omai leva kia ia. 14Nee ina fakanofo he toko hogofulu ma lua ia natou ke fakatahi mo ia, 15pea ke fekau natou ke faiakonaki, pea ke natou mau te pule ke kapu ai te u temonio. 16Koeni te toko hogofulu ma lua aia nee ina fakanofo: Ko Simone, ae nee ina fakahigoa leva ko Petelo; 17mo Sakopo, foha o Sepeteo, pea mo Soane, tehina o Sakopo, ae nee ina foaki leva ki ai te higoa ko Poanelesese, ko tona uhiga ko te u foha o te mana; 18mo Atelea; mo Filipo; mo Patolomeo; mo Mateo; mo Tomasi; mo Sakopo, foha o Alefeo; mo Tateo; mo Simone, te Kananito; 19pea mo Sutasi Isekaliote, ae nee ina fakatau leva ia Sesu.
Agahala ki te Laumalie Maonioni
20Nee natou olo leva ki te fale, pea nee toe fakatahi age leva te hahai, pea nee mole kei feala ke natou kakai.
21I te logo a te u matua a Sesu ki te mea nee hoko, nee natou olo leva ke puke ia ia; koteuhi nee natou ui kua vale ia ia.
22Pea nee ui leva e te kau sekelipa ae nee hihifo mai ki Selusalemi: E ina mau ia Pelesepu; pea e ina kapu te kau temonio aki te pule o te kau temonio. 23Nee paui leva natou e Sesu, o ui kia natou i he folafola fakatata: Pe e feala feafeai ke kapu ia Satana e Satana? 24Kapau e mavetevete he puleagahau o fakafehagai kia ia totonu, e mole feala ke tuu te puleagahau aia; 25pea kapau e mavetevete he fale o fakafehagai kia ia totonu, e mole feala ke tuu te fale aia. 26Koia, kapau e tuu ake ia Satana o fakafehagai kia ia totonu, e mavetevete ia ia, pea e mole feala ke tuu ia ia, kae ko tona fakaosi aia. 27E mole feala ke ulu he tahi ki te fale o he tagata malohi o kaihaa ona koloa, kae e heeki ina haihai i mua te tagata malohi aia; pea e hoki ina kaihaa leva tona fale. 28E au ui mooni atu kia koutou, e fakamolemole anai te u agahala fuli ki te u foha o te tagata, pea mo te u fasituu ae ka natou fai anai; 29kae ko ae e fasituu anai ki te Laumalie Maonioni, e mole ina mau anai he fakamolemole kia ia i he aho: Kua ina fai he agahala heegata. 30Nee palalau fena leva ia Sesu koteuhi nee natou ui: E ina mau he laumalie uli.
Te fae mo te u tehina o Sesu
31Pea nee kaku age leva tana fae mo ona tehina, o tutuu i fafo, kae nee natou fekau leva he tahi ke alu o fakaha kia ia. 32Nee nonofo te hahai o takatakai ia ia, pea nee ui age leva kia ia: Koeni, e tutuu tau fae mo ou tehina i fafo, pea e natou kumi mai ia koe. 33Pea nee ina tali leva: Ko ai taku fae, pea ko ai oku tehina? 34Pea nee sio leva ia ia kia natou ae nee nonofo o takatakai ia ia, o ui: Koeni taku fae pea mo oku tehina. 35Koteuhi, ko ae e ina fai te finegalo o te Atua, ko ia aia ko toku tehina, mo toku tuagaane, pea mo taku fae.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland