EVASELIO A MATEO 14
14
Fakapogi o Soane-Patita
1I te temi aia, nee logo leva te hau ko Helote te tetalake* ki te palalaui o Sesu, pea nee ina ui leva ki ana tagata faifekau: Ko Soane-Patita aia! 2Kua tuu ake ia ia mai te kau mate, pea ko te tupuaga aena o tana faimilakulo.
3Koteuhi, nee fekau e Helote ke puke ia Soane, pea ke hai ia ia, pea ke tuku ia ia ki te pilisoni, o tupu ko Helotiasi, ohoana o Filipo, tona tehina, 4koteuhi nee ui e Soane kia ia: E mole gafua kia koe ke ke too ia ia ko tou ohoana. 5Nee loto ia Helote ke tamatei ia Soane, kae nee ina tuania te hahai, koteuhi nee natou tuku ko Soane ko he polofeta. 6Kae, i te fakamanatu o te aho tupu o Helote, nee mee leva te taahine a Helotiasi i lotomalie o te kau fakaafe, pea nee lelei ia ia kia Helote. 7Koia nee fai ai leva e Helote he fakapapau mo he fuakava ia mua o te kaugamalie, ke foaki age kia ia te mea ae e kole age anai e te taahine kia ia. 8I tona ekenaki e tana fae, nee ui leva e te taahine: Foaki mai kia au i heni, i he pa, te foi ulu o Soane-Patita. 9Nee loto mamahi leva te hau; kae, o tupu ko ana fuakava pea mo te kau fakaafe, nee ina fakatotonu leva ke foaki ki te taahine te foi ulu o Soane, 10pea nee ina fekau leva ke tuusi te foi ulu o Soane i te fale pilisoni. 11Nee aumai leva tona foi ulu i he pa, pea nee foaki leva ia ia ki te taahine ae nee ina ave leva ia ia ki tana fae. 12Nee omai leva te u tisipulo a Soane o ave tona sino, pea nee natou tanu leva ia ia. Pea nee natou olo leva o fakaha ia ia kia Sesu.
13I te logo aena, nee mavae leva ia Sesu i te kogamea aena i he vaka, ke alu ki he kogamea lavaki; kae nee iloi leva e te hahai te mea aia, pea nee natou mavae leva mai te u kolo o mulimuli ia ia, o haele i te matatai. 14I te mavae a Sesu mai te vaka, nee sio leva ia ia ki he hahai kaugamalie, pea nee ofa mamahi leva ia ia kia natou, pea nee ina fakamauli leva te kau mahaki.
Liuliuga o te u pane ki te toko nima afe
15I te malumalu o te afiafi, nee fakaoviovi age leva te kau tisipulo kia ia, o ui: E toafa te kogamea aeni pea kua fakalaka foki te hola; fekaui te hahai ke olo ki te u kolo o totogi ni meakai kia natou. 16Nee tali leva e Sesu kia natou: E mole aoga ke natou olo; kotou foaki kia natou hanatou meakai e koutou totonu. 17Kae nee natou ui leva kia ia: E matou mau pe i heni ni foi pane e nima pea mo ni kii ika e lua. 18Pea nee ina ui leva: Koutou aumai natou kia au. 19Nee ina fakanonofo leva te hahai ki lalo i te luna, pea nee ina too leva te u foi pane e nima pea mo te u kii ika e lua, pea, nee haga leva ona mata ki te lagi, pea nee fakafetai leva ia ia. Pea osi, nee ina tofitofi leva te u foi pane, pea nee ina foaki leva natou ki te kau tisipulo, ae nee natou tufatufa leva natou ki te hahai. 20Nee natou kakai fuli leva pea nee natou makokona leva, pea nee ave leva ni kato e hogofulu ma lua kua fofonu i te u toega kai. 21Ko natou ae nee kakai nee ko te toko nima afe tagata ape, he nee mole lau te u fafine mo te u toe.
Haele a Sesu i te tai
22I te osi pe aena, nee ina fakamaua leva te kau tisipulo ke natou heheka ki te vaka o muamua ia ia ki te tahi matatai, kae nee ina fakamavetevete mua te hahai. 23I te osi o tana fakamavetevete te hahai, nee hake leva ia ia toko tahi ki te mouga, o faikole; pea, i te malumalu o te afiafi, nee nofo toko tahi ia ia i ai.
24Kae kua kaku foki te vaka ki te lotomalie o te tai, pea nee lagai mo fakahifo ia ia e te u galu; koteuhi nee fehagai te matagi. 25I te vahe fa o te pouli, nee alu leva ia Sesu kia natou, o haele i oluga o te tai. 26I te sisio a te kau tisipulo kia ia e haele i oluga o te tai, nee natou matataku leva, o ui: Ko he temonio! Pea nee natou taukalaga leva, i te lahi o tonatou matataku. 27Kae nee ui leva e Sesu kia natou i te temi pe aia: Koutou fimalie, ko au, aua takotou matataku! 28Nee tali leva e Petelo kia ia: Aliki, kapau ko koe, fakatotonu mai ke au alu atu kia koe i oluga o te tai. 29Pea nee ina ui leva: Hau! Nee hifo leva ia Petelo mai te vaka, pea nee haele leva ia ia i oluga o te u vai, o alu kia Sesu. 30Kae, i tana sio ki te malohi o te matagi, nee mataku leva ia ia; pea i tana kamata mou, nee kalaga leva ia ia: Aliki, haofaki au! 31I te temi pe aia nee faoi leva e Sesu tona nima o too ia ia, pea nee ina ui leva kia ia: Tagata tui vaivai, kotea nee ke lotolotolua ai? 32Nee na hopo ake leva ki te vaka, pea nee mate leva te matagi. 33Ko natou ae nee nonofo i te vaka nee olo age leva o atolasio kia Sesu, pea nee natou ui leva: Ko te Alo mooni ia koe o te Atua.
Fakamauli o ni mahaki i Senesaleti
34I te osi o tanatou fakalaka i te tai, nee natou tau leva ki te fenua ko Senesaleti. 35Ko te hahai o te kogamea aena, i tanatou iloi ia Sesu, nee natou fekaui leva ni tagata avelogo ki te u potu fuli i onatou tafatafa, pea nee aumai leva kia Sesu te u mahaki fuli. 36Nee natou kolekole leva kia ia, ke fakagafua age pe kia natou ke natou fafa ki te tapatapa o tona kofu. Pea ko natou fuli ae nee fafa leva ki ai nee mauuli leva.
ទើបបានជ្រើសរើសហើយ៖
EVASELIO A MATEO 14: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
EVASELIO A MATEO 14
14
Fakapogi o Soane-Patita
1I te temi aia, nee logo leva te hau ko Helote te tetalake* ki te palalaui o Sesu, pea nee ina ui leva ki ana tagata faifekau: Ko Soane-Patita aia! 2Kua tuu ake ia ia mai te kau mate, pea ko te tupuaga aena o tana faimilakulo.
3Koteuhi, nee fekau e Helote ke puke ia Soane, pea ke hai ia ia, pea ke tuku ia ia ki te pilisoni, o tupu ko Helotiasi, ohoana o Filipo, tona tehina, 4koteuhi nee ui e Soane kia ia: E mole gafua kia koe ke ke too ia ia ko tou ohoana. 5Nee loto ia Helote ke tamatei ia Soane, kae nee ina tuania te hahai, koteuhi nee natou tuku ko Soane ko he polofeta. 6Kae, i te fakamanatu o te aho tupu o Helote, nee mee leva te taahine a Helotiasi i lotomalie o te kau fakaafe, pea nee lelei ia ia kia Helote. 7Koia nee fai ai leva e Helote he fakapapau mo he fuakava ia mua o te kaugamalie, ke foaki age kia ia te mea ae e kole age anai e te taahine kia ia. 8I tona ekenaki e tana fae, nee ui leva e te taahine: Foaki mai kia au i heni, i he pa, te foi ulu o Soane-Patita. 9Nee loto mamahi leva te hau; kae, o tupu ko ana fuakava pea mo te kau fakaafe, nee ina fakatotonu leva ke foaki ki te taahine te foi ulu o Soane, 10pea nee ina fekau leva ke tuusi te foi ulu o Soane i te fale pilisoni. 11Nee aumai leva tona foi ulu i he pa, pea nee foaki leva ia ia ki te taahine ae nee ina ave leva ia ia ki tana fae. 12Nee omai leva te u tisipulo a Soane o ave tona sino, pea nee natou tanu leva ia ia. Pea nee natou olo leva o fakaha ia ia kia Sesu.
13I te logo aena, nee mavae leva ia Sesu i te kogamea aena i he vaka, ke alu ki he kogamea lavaki; kae nee iloi leva e te hahai te mea aia, pea nee natou mavae leva mai te u kolo o mulimuli ia ia, o haele i te matatai. 14I te mavae a Sesu mai te vaka, nee sio leva ia ia ki he hahai kaugamalie, pea nee ofa mamahi leva ia ia kia natou, pea nee ina fakamauli leva te kau mahaki.
Liuliuga o te u pane ki te toko nima afe
15I te malumalu o te afiafi, nee fakaoviovi age leva te kau tisipulo kia ia, o ui: E toafa te kogamea aeni pea kua fakalaka foki te hola; fekaui te hahai ke olo ki te u kolo o totogi ni meakai kia natou. 16Nee tali leva e Sesu kia natou: E mole aoga ke natou olo; kotou foaki kia natou hanatou meakai e koutou totonu. 17Kae nee natou ui leva kia ia: E matou mau pe i heni ni foi pane e nima pea mo ni kii ika e lua. 18Pea nee ina ui leva: Koutou aumai natou kia au. 19Nee ina fakanonofo leva te hahai ki lalo i te luna, pea nee ina too leva te u foi pane e nima pea mo te u kii ika e lua, pea, nee haga leva ona mata ki te lagi, pea nee fakafetai leva ia ia. Pea osi, nee ina tofitofi leva te u foi pane, pea nee ina foaki leva natou ki te kau tisipulo, ae nee natou tufatufa leva natou ki te hahai. 20Nee natou kakai fuli leva pea nee natou makokona leva, pea nee ave leva ni kato e hogofulu ma lua kua fofonu i te u toega kai. 21Ko natou ae nee kakai nee ko te toko nima afe tagata ape, he nee mole lau te u fafine mo te u toe.
Haele a Sesu i te tai
22I te osi pe aena, nee ina fakamaua leva te kau tisipulo ke natou heheka ki te vaka o muamua ia ia ki te tahi matatai, kae nee ina fakamavetevete mua te hahai. 23I te osi o tana fakamavetevete te hahai, nee hake leva ia ia toko tahi ki te mouga, o faikole; pea, i te malumalu o te afiafi, nee nofo toko tahi ia ia i ai.
24Kae kua kaku foki te vaka ki te lotomalie o te tai, pea nee lagai mo fakahifo ia ia e te u galu; koteuhi nee fehagai te matagi. 25I te vahe fa o te pouli, nee alu leva ia Sesu kia natou, o haele i oluga o te tai. 26I te sisio a te kau tisipulo kia ia e haele i oluga o te tai, nee natou matataku leva, o ui: Ko he temonio! Pea nee natou taukalaga leva, i te lahi o tonatou matataku. 27Kae nee ui leva e Sesu kia natou i te temi pe aia: Koutou fimalie, ko au, aua takotou matataku! 28Nee tali leva e Petelo kia ia: Aliki, kapau ko koe, fakatotonu mai ke au alu atu kia koe i oluga o te tai. 29Pea nee ina ui leva: Hau! Nee hifo leva ia Petelo mai te vaka, pea nee haele leva ia ia i oluga o te u vai, o alu kia Sesu. 30Kae, i tana sio ki te malohi o te matagi, nee mataku leva ia ia; pea i tana kamata mou, nee kalaga leva ia ia: Aliki, haofaki au! 31I te temi pe aia nee faoi leva e Sesu tona nima o too ia ia, pea nee ina ui leva kia ia: Tagata tui vaivai, kotea nee ke lotolotolua ai? 32Nee na hopo ake leva ki te vaka, pea nee mate leva te matagi. 33Ko natou ae nee nonofo i te vaka nee olo age leva o atolasio kia Sesu, pea nee natou ui leva: Ko te Alo mooni ia koe o te Atua.
Fakamauli o ni mahaki i Senesaleti
34I te osi o tanatou fakalaka i te tai, nee natou tau leva ki te fenua ko Senesaleti. 35Ko te hahai o te kogamea aena, i tanatou iloi ia Sesu, nee natou fekaui leva ni tagata avelogo ki te u potu fuli i onatou tafatafa, pea nee aumai leva kia Sesu te u mahaki fuli. 36Nee natou kolekole leva kia ia, ke fakagafua age pe kia natou ke natou fafa ki te tapatapa o tona kofu. Pea ko natou fuli ae nee fafa leva ki ai nee mauuli leva.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland