EVASELIO A MATEO 12
12
Sesu, te pule o te sapato
1I te temi aia, nee fakalaka leva ia Sesu i ni gaueaga fulumeto i he aho sapato. Nee fia kai leva ana tisipulo, pea nee natou fusi leva ni fuai fulumeto, o kai. 2I te sio a te kau faliseo ki te mea aia, pea nee natou ui leva kia Sesu: Koeni, e fai e au tisipulo te mea ae e mole gafua ke fai i te sapato. 3Kae nee tali leva e Sesu kia natou: Pe nee mole kotou lau te mea ae nee fai e Tavite, i te aho ae nee fia kai ai, ia ia pea mo natou ae nee nonofo mo ia; 4pe nee feafeai tana ulu ki te fale o te Atua, o ina kai te u pane o te molaga, ae nee mole pe gafua ke ina kai, e ia pea mo natou ae nee nonofo mo ia, kae gata tahi pe ki te kau faisakilifisio? 5Pee, nee heeki kotou lau i te lao, i te u aho sapato, e maumaui e te kau faisakilifisio te sapato i te fale tapu, kae e mole natou hala? 6Kae, e au ui atu kia koutou, e i heni he mea e lahi age i te fale tapu. 7Feia age nee kotou iloi tona uhiga: E au mau toku fiafia i te manavaofa, kae e mole i ni sakilifisio, nee mole kotou tautea ni hahai maa. 8Koia, ko te Foha o te tagata ko te pule ia o te sapato.
Fakamauli o he tagata nima mate i te sapato
9I tana mavae mai ai, nee ulu leva ia Sesu ki te sinakoka. 10Pea koeni, nee nofo i ai he tagata nima mate. Nee natou fehui leva kia Sesu: Pe e gafua ke fai he fakamauli i te aho sapato? Nee tupu ke fakalakahalai ia ia. 11Nee tali leva ia ia kia natou: Ko ai ia koutou, mo kapau e ina mau he ovi fafine e tahi pea e to ia ia ki he luo i te aho o te sapato, pe e mole ina puke anai ia ia, o toho ake ki tua? 12Pe e mole mauhiga age he tagata i he ovi! Koia e gafua ai ke fai te mea e lelei i te u aho sapato. 13Pea nee ina ui leva ki te tagata: Faoi tou nima. Nee ina faoi leva ia ia, pea nee mauli leva ia ia o hage ko tona tahi ake nima.
Sesu, te faifekau a te Atua
14Nee feulufi leva te kau faliseo ki fafo, pea nee natou fonofono leva ki he puleaki ke tamatei ia ia. 15Kae nee iloi leva e Sesu te mea aia, pea nee fakamamao leva ia ia mai te kogamea aena. Nee muli leva ia ia he hahai kaugamalie. Nee ina fakamauli leva te kau mahaki fuli, 16pea nee ina lagiaki fakamalohi leva kia natou ke aua naa fakaha ia ia, 17o tupu ke hoko te mea ae nee fakaha fakatomua e te polofeta ko Esaia:
18 Koeni taku tagata faifekau ae nee au filifili,
Toku ofaaga ae e fiafia ai toku loto.
E au tuku anai toku Laumalie kia ia,
Pea e ina fakaha anai te faitotonu ki te atu puleaga.
19 E mole ke anai ia ia, e mole kalaga anai ia ia,
Pea e mole logo anai he tahi ki tona leo i te u ala.
20 E mole ina fasii anai te foi kaho mafasi,
Pea e mole ina matehi anai te vavae malama ae e kohu,
O kaku ki tana fakahoko ke malo te faitotonu.
21 Pea e amanaki lelei anai te atu puleaga ki tona huafa.
Sesu mo Pelesepu
22Pea nee aumai leva kia ia he tagata avagaia ae nee kivi mo gutu mate, pea nee ina fakamauli leva ia ia, o palalau mo sio ai leva te tagata gutu mate. 23Nee ofolele te hahai katoa, o ui: Pe e mole ko te foha aeni o Tavite?
24I tanatou logo ki te mea aena, nee ui leva e te kau faliseo: E kapu e te tagata aeni te kau temonio ia Pelesepu, te pule o te kau temonio. 25Kae i te iloi e Sesu anatou manatu, nee ina ui leva kia natou: Ko te puleaga fuli pe e mavaevae o fakafehagai kia ia totonu, e maumaui, pea ko te kolo fuli pe pee ko te fale fuli pe e mavaevae o fakafehagai kia ia totonu, e mole feala ke tuu fualoa. 26Kapau e kapu e Satana ia Satana, e mavaevae ia ia o fakafehagai kia ia totonu; pe e feafeai leva ke tuu anai o fualoa tona puleaga? 27Pea kapau ko au, e au kapu te kau temonio ia Pelesepu, ko okotou foha, pe e natou kapu ia ai te kau temonio? Koia, ko natou totonu ka natou hoko anai ko okoutou tui fakamaau. 28Kae, kapau e au kapu te kau temonio i te Laumalie o te Atua, pea kua hau mooni te puleaga o te Atua kia koutou. 29Pe e fealagia e he tahi ke ulu ki te fale o he tagata malohi, o kaihaa ona koloa, kae e mole ina haihai mua te tagata malohi aia? E hoki osi anai te mea aia pea hoki ina kaihaa leva tona fale. 30Ko ae e mole kau mo au e fakafehagai mai kia au, pea ko ae e mole tanaki mo au e ina veuki.
Te agahala ki te Laumalie Maonioni
31Koia e au ui atu ai kia koutou: Ko agahala mo fasituu fuli e fakamolemole anai ki te u tagata, kae e mole fakamolemole anai te fasituu ki te Laumalie Maonioni. 32Ko ae e palalau anai o fakafehagai ki te Foha o te tagata, e fakamolemole anai kia ia; kae ko ae e palalau anai o fakafehagai ki te Laumalie Maonioni, e mole fakamolemole anai kia ia i te sekulo aeni pee ko te sekulo ka hau.
Te akau mo tona fua
33Pe e kotou ui: e lelei te akau pea e lelei tona fua; pe e kotou toe ui foki: e kovi te akau pea e kovi tona fua; koteuhi e iloi te akau i tona fua. 34Lanu o te u vipeli, e feafeai takotou lava ui ki ni mea lelei, koutou ae ko te u mea agakokovi? Koteuhi e palalau te gutu mai te mahu o te loto. 35E tuku mai ki fafo e te tagata lelei ni mea lelei mai tona falekoloa lelei, pea e tuku mai ki fafo e te tagata agakovi ni mea kovi mai tona falekoloa kovi. 36Koia, e au ui atu kia koutou: I te aho o te fakamaau, e fakamaaui anai te u tagata o uhiga mo te u palalau noa fuli nee natou puaki. 37Koteuhi e fakatonuhia anai koe i au palalau, pea e tautea anai koe i au palalau.
Ko te fakailoga o Sonasi
38Pea, nee palalau leva ni ihi o te kau sekelipa mo te kau faliseo, o ui: Pule, e matou fia sio ki he milakulo maia koe. 39Nee ina tali leva kia natou: E kole he milakulo e he taitupu agakovi mo faiaga; e mole toe tuku anai kia ia he tahi age milakulo i ae o te polofeta ko Sonasi. 40Koteuhi, o hage pe ko Sonasi nee nofo i aho e tolu mo po e tolu i te fatu o he ika lahi, e feia mo te foha o te tagata e nofo anai ia ia i ni aho e tolu mo ni po e tolu i te fatu o te kele. 41I te aho o te fakamaau, e tutuu ake anai ki oluga te u tagata o Ninive, o fakatahi mo te taitupu aeni, pea e natou fakatua anai ia ia, koteuhi nee natou fakahemala i te akonaki a Sonasi; pea koeni, e i heni e lahi age ia Sonasi.
Te fakailoga o te fafine hau o Sepa
42I te aho o te fakamaau, e tuu ake anai ki oluga te fafine hau o te Saute, o fakatahi mo te taitupu aeni, pea e ina fakatua anai ia ia, koteuhi nee hau ia ia mai te u potupotu o te kele ke fakalogo ki te poto o Salomone, pea koeni, e i heni e lahi age ia Salomone.
Toe liliu o te laumalie kovi
43Ka mavae te laumalie kovi mai he tagata, e alu ia ia i ni kogamea toafa, o kumi he maloloaga, pea e mole ina mau ia ia. 44Koia e ina ui leva: E au toe liliu anai ki toku fale ae nee au mavae mai ai; pea i tana kaku ki ai, e ina mau ia ia e lavaki, kua hiko pea kua teuteui. 45E alu leva ia ia, pea e ina aumai mo ia ni laumalie kovi e fitu ae e agakovi age ia ia; pea e natou feulufi ki te fale, o nonofo i ai, pea e kovi age leva te nofoi fakamuli o te tagata aena i te uluaki. E toe fena anai te taitupu agakovi aeni.
Te fae mo te u tehina o Sesu
46Nee lolotoga palalau ia Sesu ki te hahai, koeni, nee tutuu i fafo tana fae mo ona tehina, o faiga ke palalau kia ia. 47Nee ui leva e he tahi kia ia: Koeni, e tutuu tau fae mo ou tehina i fafo, pea e natou fia palalau kia koe. 48Kae nee tali leva e Sesu ki ae nee ina fakaha age kia ia te mea aia: Ko ai taku fae, pea ko ai oku tehina? 49Pea, nee ina faoi leva tona nima ki ana tisipulo, o ui: Koeni taku fae pea mo oku tehina. 50Koteuhi, ko ae e ina fai te finegalo o taku Tamai ae e nofo i te atu lagi, ko toku tehina aia, mo toku tuagaane, pea mo taku fae.
ទើបបានជ្រើសរើសហើយ៖
EVASELIO A MATEO 12: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
EVASELIO A MATEO 12
12
Sesu, te pule o te sapato
1I te temi aia, nee fakalaka leva ia Sesu i ni gaueaga fulumeto i he aho sapato. Nee fia kai leva ana tisipulo, pea nee natou fusi leva ni fuai fulumeto, o kai. 2I te sio a te kau faliseo ki te mea aia, pea nee natou ui leva kia Sesu: Koeni, e fai e au tisipulo te mea ae e mole gafua ke fai i te sapato. 3Kae nee tali leva e Sesu kia natou: Pe nee mole kotou lau te mea ae nee fai e Tavite, i te aho ae nee fia kai ai, ia ia pea mo natou ae nee nonofo mo ia; 4pe nee feafeai tana ulu ki te fale o te Atua, o ina kai te u pane o te molaga, ae nee mole pe gafua ke ina kai, e ia pea mo natou ae nee nonofo mo ia, kae gata tahi pe ki te kau faisakilifisio? 5Pee, nee heeki kotou lau i te lao, i te u aho sapato, e maumaui e te kau faisakilifisio te sapato i te fale tapu, kae e mole natou hala? 6Kae, e au ui atu kia koutou, e i heni he mea e lahi age i te fale tapu. 7Feia age nee kotou iloi tona uhiga: E au mau toku fiafia i te manavaofa, kae e mole i ni sakilifisio, nee mole kotou tautea ni hahai maa. 8Koia, ko te Foha o te tagata ko te pule ia o te sapato.
Fakamauli o he tagata nima mate i te sapato
9I tana mavae mai ai, nee ulu leva ia Sesu ki te sinakoka. 10Pea koeni, nee nofo i ai he tagata nima mate. Nee natou fehui leva kia Sesu: Pe e gafua ke fai he fakamauli i te aho sapato? Nee tupu ke fakalakahalai ia ia. 11Nee tali leva ia ia kia natou: Ko ai ia koutou, mo kapau e ina mau he ovi fafine e tahi pea e to ia ia ki he luo i te aho o te sapato, pe e mole ina puke anai ia ia, o toho ake ki tua? 12Pe e mole mauhiga age he tagata i he ovi! Koia e gafua ai ke fai te mea e lelei i te u aho sapato. 13Pea nee ina ui leva ki te tagata: Faoi tou nima. Nee ina faoi leva ia ia, pea nee mauli leva ia ia o hage ko tona tahi ake nima.
Sesu, te faifekau a te Atua
14Nee feulufi leva te kau faliseo ki fafo, pea nee natou fonofono leva ki he puleaki ke tamatei ia ia. 15Kae nee iloi leva e Sesu te mea aia, pea nee fakamamao leva ia ia mai te kogamea aena. Nee muli leva ia ia he hahai kaugamalie. Nee ina fakamauli leva te kau mahaki fuli, 16pea nee ina lagiaki fakamalohi leva kia natou ke aua naa fakaha ia ia, 17o tupu ke hoko te mea ae nee fakaha fakatomua e te polofeta ko Esaia:
18 Koeni taku tagata faifekau ae nee au filifili,
Toku ofaaga ae e fiafia ai toku loto.
E au tuku anai toku Laumalie kia ia,
Pea e ina fakaha anai te faitotonu ki te atu puleaga.
19 E mole ke anai ia ia, e mole kalaga anai ia ia,
Pea e mole logo anai he tahi ki tona leo i te u ala.
20 E mole ina fasii anai te foi kaho mafasi,
Pea e mole ina matehi anai te vavae malama ae e kohu,
O kaku ki tana fakahoko ke malo te faitotonu.
21 Pea e amanaki lelei anai te atu puleaga ki tona huafa.
Sesu mo Pelesepu
22Pea nee aumai leva kia ia he tagata avagaia ae nee kivi mo gutu mate, pea nee ina fakamauli leva ia ia, o palalau mo sio ai leva te tagata gutu mate. 23Nee ofolele te hahai katoa, o ui: Pe e mole ko te foha aeni o Tavite?
24I tanatou logo ki te mea aena, nee ui leva e te kau faliseo: E kapu e te tagata aeni te kau temonio ia Pelesepu, te pule o te kau temonio. 25Kae i te iloi e Sesu anatou manatu, nee ina ui leva kia natou: Ko te puleaga fuli pe e mavaevae o fakafehagai kia ia totonu, e maumaui, pea ko te kolo fuli pe pee ko te fale fuli pe e mavaevae o fakafehagai kia ia totonu, e mole feala ke tuu fualoa. 26Kapau e kapu e Satana ia Satana, e mavaevae ia ia o fakafehagai kia ia totonu; pe e feafeai leva ke tuu anai o fualoa tona puleaga? 27Pea kapau ko au, e au kapu te kau temonio ia Pelesepu, ko okotou foha, pe e natou kapu ia ai te kau temonio? Koia, ko natou totonu ka natou hoko anai ko okoutou tui fakamaau. 28Kae, kapau e au kapu te kau temonio i te Laumalie o te Atua, pea kua hau mooni te puleaga o te Atua kia koutou. 29Pe e fealagia e he tahi ke ulu ki te fale o he tagata malohi, o kaihaa ona koloa, kae e mole ina haihai mua te tagata malohi aia? E hoki osi anai te mea aia pea hoki ina kaihaa leva tona fale. 30Ko ae e mole kau mo au e fakafehagai mai kia au, pea ko ae e mole tanaki mo au e ina veuki.
Te agahala ki te Laumalie Maonioni
31Koia e au ui atu ai kia koutou: Ko agahala mo fasituu fuli e fakamolemole anai ki te u tagata, kae e mole fakamolemole anai te fasituu ki te Laumalie Maonioni. 32Ko ae e palalau anai o fakafehagai ki te Foha o te tagata, e fakamolemole anai kia ia; kae ko ae e palalau anai o fakafehagai ki te Laumalie Maonioni, e mole fakamolemole anai kia ia i te sekulo aeni pee ko te sekulo ka hau.
Te akau mo tona fua
33Pe e kotou ui: e lelei te akau pea e lelei tona fua; pe e kotou toe ui foki: e kovi te akau pea e kovi tona fua; koteuhi e iloi te akau i tona fua. 34Lanu o te u vipeli, e feafeai takotou lava ui ki ni mea lelei, koutou ae ko te u mea agakokovi? Koteuhi e palalau te gutu mai te mahu o te loto. 35E tuku mai ki fafo e te tagata lelei ni mea lelei mai tona falekoloa lelei, pea e tuku mai ki fafo e te tagata agakovi ni mea kovi mai tona falekoloa kovi. 36Koia, e au ui atu kia koutou: I te aho o te fakamaau, e fakamaaui anai te u tagata o uhiga mo te u palalau noa fuli nee natou puaki. 37Koteuhi e fakatonuhia anai koe i au palalau, pea e tautea anai koe i au palalau.
Ko te fakailoga o Sonasi
38Pea, nee palalau leva ni ihi o te kau sekelipa mo te kau faliseo, o ui: Pule, e matou fia sio ki he milakulo maia koe. 39Nee ina tali leva kia natou: E kole he milakulo e he taitupu agakovi mo faiaga; e mole toe tuku anai kia ia he tahi age milakulo i ae o te polofeta ko Sonasi. 40Koteuhi, o hage pe ko Sonasi nee nofo i aho e tolu mo po e tolu i te fatu o he ika lahi, e feia mo te foha o te tagata e nofo anai ia ia i ni aho e tolu mo ni po e tolu i te fatu o te kele. 41I te aho o te fakamaau, e tutuu ake anai ki oluga te u tagata o Ninive, o fakatahi mo te taitupu aeni, pea e natou fakatua anai ia ia, koteuhi nee natou fakahemala i te akonaki a Sonasi; pea koeni, e i heni e lahi age ia Sonasi.
Te fakailoga o te fafine hau o Sepa
42I te aho o te fakamaau, e tuu ake anai ki oluga te fafine hau o te Saute, o fakatahi mo te taitupu aeni, pea e ina fakatua anai ia ia, koteuhi nee hau ia ia mai te u potupotu o te kele ke fakalogo ki te poto o Salomone, pea koeni, e i heni e lahi age ia Salomone.
Toe liliu o te laumalie kovi
43Ka mavae te laumalie kovi mai he tagata, e alu ia ia i ni kogamea toafa, o kumi he maloloaga, pea e mole ina mau ia ia. 44Koia e ina ui leva: E au toe liliu anai ki toku fale ae nee au mavae mai ai; pea i tana kaku ki ai, e ina mau ia ia e lavaki, kua hiko pea kua teuteui. 45E alu leva ia ia, pea e ina aumai mo ia ni laumalie kovi e fitu ae e agakovi age ia ia; pea e natou feulufi ki te fale, o nonofo i ai, pea e kovi age leva te nofoi fakamuli o te tagata aena i te uluaki. E toe fena anai te taitupu agakovi aeni.
Te fae mo te u tehina o Sesu
46Nee lolotoga palalau ia Sesu ki te hahai, koeni, nee tutuu i fafo tana fae mo ona tehina, o faiga ke palalau kia ia. 47Nee ui leva e he tahi kia ia: Koeni, e tutuu tau fae mo ou tehina i fafo, pea e natou fia palalau kia koe. 48Kae nee tali leva e Sesu ki ae nee ina fakaha age kia ia te mea aia: Ko ai taku fae, pea ko ai oku tehina? 49Pea, nee ina faoi leva tona nima ki ana tisipulo, o ui: Koeni taku fae pea mo oku tehina. 50Koteuhi, ko ae e ina fai te finegalo o taku Tamai ae e nofo i te atu lagi, ko toku tehina aia, mo toku tuagaane, pea mo taku fae.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland