TOHI GAUE A TE KAU APOSITOLO 26
26
Palalau a Paulo i mua o Akilipa
1Nee ui age leva e Akilipa kia Paulo: Kua gafua tau palalau o uhiga mo tou fakamauli. Pea nee hiki leva e Paulo tona nima o ui te u kupu aeni o uhiga mo tona haofaki:
2Hau Akilipa, e au fiafia i te aho nei i taku palalau i ou mua, o uhiga mo te u mea fuli nee fakalakahalai ai au e te kau Sutea, 3koteuhi e ke iloi lelei te u agaifenua fuli a te kau Sutea pea mo te u mea e natou palalau ki ai. E au kole atu leva kia koe ke ke kataki fualoa o fakalogo mai kia au.
4Ko toku mauli, mai toku veliveli, e iloi e te kau Sutea katoa, koteuhi nee hoko ia i Selusalemi, i lotomalie o toku puleaga. 5E natou iloi talu mai fualoa, mo kapau e natou loto ke fakamooni ki ai, nee au mauli faliseo o mulimuli ki te maga malohi lahi o tanatou lotu. 6Pea i te aho nei, kua fakamaaui au koteuhi e au amanaki lelei ki te fakapapau nee fai e te Atua ki amatou tamai, 7pea e fakaamu fuli ki ai omatou faahiga e hogofulu ma lua, ae e tauhi tuumau ki te Atua i te po mo te aho. Ko te amanaki lelei aena e tupu ai, oi aliki hau, toku fakalakahalai e te kau Sutea! 8Kotea! Pe e mole feala ke kotou tui e toe fakatuuake e te Atua te kau mate?
9Kia au foki, nee au manatu e tonu ke au fakafehagai fakamalohi ki te huafa o Sesu mai Nasaleti. 10Nee au fai te mea aena i Selusalemi. Nee au tuku ki te pilisoni he kaugamalie o te kau sagato, i te osi o tona fakagafua mai e te kau pule faisakilifisio, pea ka tamatei ni ihi o natou, nee au tuku ki ai taku fakamooni. 11Nee au tauteai natou o tua lahi i te u sinakoka, pea nee au fakamalohii natou ke fasituu. I toku ita fakavale kia natou, nee au fakatagai natou o kaku ki te u kolo matapule.
12Koia i taku alu leva ki Tamaso o tupu ko te mea aena, pea nee au mau te pule mo te fakagafua mai te kau pule faisakilifisio, 13nee au sio leva, hau, i te ala i te hoata totonu ki he malama mai te lagi, ae nee gigila age i te laa, pea nee ina takatakai au mo oku kaufagona. 14Nee matou fetokai fuli leva ki te kele, pea nee au logo leva ki he leo nee ina ui mai kia au i te fakahepeleo: Saulo, Saulo, kotea e ke fakatagai ai au? E faigataa anai kia koe tau fakatutuu ki te u ukamea masila. 15Nee au tali leva: Koai ia koe, Aliki? Pea nee ui leva e te Aliki: Ko au Sesu ae e ke fakatagai. 16Kae, tuu ki oluga, pea ke tuu i ou vae; koteuhi kua au ha atu kia koe o fakanofo ia koe ko te faifekau mo te fakamooni o te u mea kua ke sio ki ai o uhiga mo au pea mo te u mea e ke toe sio anai ki ai mo ka au toe ha atu anai kia koe. 17Nee au filifili koe mai lotomalie o te hahai aeni pea mo lotomalie o te kau pagani, ae e au fekaui koe ki ai, 18koteuhi ke ke fakaava onatou mata, ke natou fakalaka mai te fakapouli ki te malama pea mai te pule a Satana ki te Atua, pea ke natou tali, aki te tui kia au, te fakamolemole o te u agahala pea mo te tofiga o fakatahi mo natou kua fakamaonionii.
19Talu mai ai, hau Akilipa, nee mole au toe talagataa ki te sio aia mai lagi: 20Uluaki kia natou o Tamaso, pea mo natou o Selusalemi, mo natou o te fenua katoa o Sutea, pea mo te kau pagani, nee au fakagonogono ke natou fakahemala pea ke natou tafoki ki te Atua, o fai te u gaue e gali mo te fakahemala. 21Koena te tupuaga o toku puke e te kau Sutea i te fale tapu, pea mo tanatou faiga ke tamatei au. 22Kae, uhi ko te tokoni a te Atua, nee kei au mauli o kaku mai ki te aho nei, o fakamooni ia mua o te kau liliki mo te kau lalahi, kae e mole pe au hehe i he mea fakasiisii mai te u mea nee fakaha e te kau polofeta mo Moisese e tonu ke hoko, 23ke iloi e tonu ke mamahi te Kilisito, pea ke toe tuuake ia mai te kau mate, ko te uluaki ia, pea e ina fakaha anai te malama ki te hahai pea mo te atu puleaga.
Tali a Fesitusi
24I tana palalau feia ki tona fakamatatonu, nee kalaga leva Fesitusi: Paulo, kua ke vale! Ko te lahi o tou poto ae kua ke vale ai!
25Pea nee tali age leva e Paulo: E mole au vale, Fesitusi, lelei osi; kae e au fakaha ni palalau poto mo mooni. 26Nee ako e te hau te u mea aeni, koia e au palalau fakalauatea ai kia ia, koteuhi e au iloi e mole fakapouli ia ki he mea e tahi, koteuhi nee mole fai fakafufu te u mea aeni. 27Hau Akilipa, pe e ke tui ki te kau polofeta?… E au iloi e ke tui ki ai.
28Pea nee ui age leva e Akilipa kia Paulo: Kei toe sii pe pea ke fakatafoki au ke au kilisitiano! 29Nee tali age leva e Paulo: Pe e hoko nei ia pee hoko tuai, e au kole ki te Atua ke aua naa gata pe kia koe, kae kia natou fuli foki aeni e fakalogo mai kia au i te aho nei, ke kotou liliu o hage ko au, gata pe ki te u seini aeni!
30Nee tuu ake leva te hau ki oluga, mo te kovana, mo Pelenise, pea mo natou fuli nee nonofo mo natou, 31pea i tanatou mavete, nee natou feuiaki leva: Nee mole fai e te tagata aeni he mea pe e tahi ke tupu ai tona mate pee ko tona pilisonii. 32Pea nee ui age leva e Akilipa kia Fesitusi: Nee feala ke fakaateaina te tagata aeni, feia age nee heeki tagi ia kia Sesale.
ទើបបានជ្រើសរើសហើយ៖
TOHI GAUE A TE KAU APOSITOLO 26: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
TOHI GAUE A TE KAU APOSITOLO 26
26
Palalau a Paulo i mua o Akilipa
1Nee ui age leva e Akilipa kia Paulo: Kua gafua tau palalau o uhiga mo tou fakamauli. Pea nee hiki leva e Paulo tona nima o ui te u kupu aeni o uhiga mo tona haofaki:
2Hau Akilipa, e au fiafia i te aho nei i taku palalau i ou mua, o uhiga mo te u mea fuli nee fakalakahalai ai au e te kau Sutea, 3koteuhi e ke iloi lelei te u agaifenua fuli a te kau Sutea pea mo te u mea e natou palalau ki ai. E au kole atu leva kia koe ke ke kataki fualoa o fakalogo mai kia au.
4Ko toku mauli, mai toku veliveli, e iloi e te kau Sutea katoa, koteuhi nee hoko ia i Selusalemi, i lotomalie o toku puleaga. 5E natou iloi talu mai fualoa, mo kapau e natou loto ke fakamooni ki ai, nee au mauli faliseo o mulimuli ki te maga malohi lahi o tanatou lotu. 6Pea i te aho nei, kua fakamaaui au koteuhi e au amanaki lelei ki te fakapapau nee fai e te Atua ki amatou tamai, 7pea e fakaamu fuli ki ai omatou faahiga e hogofulu ma lua, ae e tauhi tuumau ki te Atua i te po mo te aho. Ko te amanaki lelei aena e tupu ai, oi aliki hau, toku fakalakahalai e te kau Sutea! 8Kotea! Pe e mole feala ke kotou tui e toe fakatuuake e te Atua te kau mate?
9Kia au foki, nee au manatu e tonu ke au fakafehagai fakamalohi ki te huafa o Sesu mai Nasaleti. 10Nee au fai te mea aena i Selusalemi. Nee au tuku ki te pilisoni he kaugamalie o te kau sagato, i te osi o tona fakagafua mai e te kau pule faisakilifisio, pea ka tamatei ni ihi o natou, nee au tuku ki ai taku fakamooni. 11Nee au tauteai natou o tua lahi i te u sinakoka, pea nee au fakamalohii natou ke fasituu. I toku ita fakavale kia natou, nee au fakatagai natou o kaku ki te u kolo matapule.
12Koia i taku alu leva ki Tamaso o tupu ko te mea aena, pea nee au mau te pule mo te fakagafua mai te kau pule faisakilifisio, 13nee au sio leva, hau, i te ala i te hoata totonu ki he malama mai te lagi, ae nee gigila age i te laa, pea nee ina takatakai au mo oku kaufagona. 14Nee matou fetokai fuli leva ki te kele, pea nee au logo leva ki he leo nee ina ui mai kia au i te fakahepeleo: Saulo, Saulo, kotea e ke fakatagai ai au? E faigataa anai kia koe tau fakatutuu ki te u ukamea masila. 15Nee au tali leva: Koai ia koe, Aliki? Pea nee ui leva e te Aliki: Ko au Sesu ae e ke fakatagai. 16Kae, tuu ki oluga, pea ke tuu i ou vae; koteuhi kua au ha atu kia koe o fakanofo ia koe ko te faifekau mo te fakamooni o te u mea kua ke sio ki ai o uhiga mo au pea mo te u mea e ke toe sio anai ki ai mo ka au toe ha atu anai kia koe. 17Nee au filifili koe mai lotomalie o te hahai aeni pea mo lotomalie o te kau pagani, ae e au fekaui koe ki ai, 18koteuhi ke ke fakaava onatou mata, ke natou fakalaka mai te fakapouli ki te malama pea mai te pule a Satana ki te Atua, pea ke natou tali, aki te tui kia au, te fakamolemole o te u agahala pea mo te tofiga o fakatahi mo natou kua fakamaonionii.
19Talu mai ai, hau Akilipa, nee mole au toe talagataa ki te sio aia mai lagi: 20Uluaki kia natou o Tamaso, pea mo natou o Selusalemi, mo natou o te fenua katoa o Sutea, pea mo te kau pagani, nee au fakagonogono ke natou fakahemala pea ke natou tafoki ki te Atua, o fai te u gaue e gali mo te fakahemala. 21Koena te tupuaga o toku puke e te kau Sutea i te fale tapu, pea mo tanatou faiga ke tamatei au. 22Kae, uhi ko te tokoni a te Atua, nee kei au mauli o kaku mai ki te aho nei, o fakamooni ia mua o te kau liliki mo te kau lalahi, kae e mole pe au hehe i he mea fakasiisii mai te u mea nee fakaha e te kau polofeta mo Moisese e tonu ke hoko, 23ke iloi e tonu ke mamahi te Kilisito, pea ke toe tuuake ia mai te kau mate, ko te uluaki ia, pea e ina fakaha anai te malama ki te hahai pea mo te atu puleaga.
Tali a Fesitusi
24I tana palalau feia ki tona fakamatatonu, nee kalaga leva Fesitusi: Paulo, kua ke vale! Ko te lahi o tou poto ae kua ke vale ai!
25Pea nee tali age leva e Paulo: E mole au vale, Fesitusi, lelei osi; kae e au fakaha ni palalau poto mo mooni. 26Nee ako e te hau te u mea aeni, koia e au palalau fakalauatea ai kia ia, koteuhi e au iloi e mole fakapouli ia ki he mea e tahi, koteuhi nee mole fai fakafufu te u mea aeni. 27Hau Akilipa, pe e ke tui ki te kau polofeta?… E au iloi e ke tui ki ai.
28Pea nee ui age leva e Akilipa kia Paulo: Kei toe sii pe pea ke fakatafoki au ke au kilisitiano! 29Nee tali age leva e Paulo: Pe e hoko nei ia pee hoko tuai, e au kole ki te Atua ke aua naa gata pe kia koe, kae kia natou fuli foki aeni e fakalogo mai kia au i te aho nei, ke kotou liliu o hage ko au, gata pe ki te u seini aeni!
30Nee tuu ake leva te hau ki oluga, mo te kovana, mo Pelenise, pea mo natou fuli nee nonofo mo natou, 31pea i tanatou mavete, nee natou feuiaki leva: Nee mole fai e te tagata aeni he mea pe e tahi ke tupu ai tona mate pee ko tona pilisonii. 32Pea nee ui age leva e Akilipa kia Fesitusi: Nee feala ke fakaateaina te tagata aeni, feia age nee heeki tagi ia kia Sesale.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland