TOHI GAUE A TE KAU APOSITOLO 23
23
1I te sio fakamamau a Paulo ki te kau fono, nee ina ui leva: Tagata tehina, e iloi e toku loto nee au haele i te maa ia mua o te Atua o kaku mai ki te aho nei…
2Nee fakatotonu leva e te pule faisakilifisio ko Ananiasi kia natou nee tutuu i ona tafa ke paaki tona gutu. 3Pea nee ui age leva e Paulo kia ia: E taai anai koe e te Atua, kaupa pena hina! E ke heka o fakamaaui au o mulimuli ki te lao, pea e ke maumaui te lao i tau fakatotonu ke paaki au! 4Nee ui age leva e natou ae nee nonofo i ona tafa: E ke tauvele ki te pule faisakilifisio a te Atua! 5Pea nee ui leva e Paulo: Nee mole au iloi, tehina, ko te pule faisakilifisio ia; koteuhi e tuu i te tohi: E mole ke palalau kovi anai ki te pule o tau hahai.
Fakaha e Paulo e faliseo ia
6Ko Paulo, i tana iloi ko te tahi vaega o te fakatahi ko te kau satuseo pea ko te tahi ko te kau Faliseo, nee kalaga leva ia i te fono lahi: Tagata tehina, e au faliseo, foha o he faliseo; e fakamaaui au o uhiga mo te falala pea mo te toe tuuake o te kau mate. 7I tana fakaha te mea aia, nee fihi leva te kau faliseo mo te kau satuseo, pea nee vaelua leva te fono. 8Koteuhi nee ui e te kau satuseo e mole he toe tuuake, pea e mole ni aselo mo ni laumalie, kae nee tui ki te u mea aia te kau faliseo. 9Nee toe lelesili age leva te taukalaga, pea nee tuu ake leva ki oluga ni sekelipa i te faahi o te kau faliseo, o natou kamata he fihi lahi, o ui: E mole pe matou mau he mea kovi i te tagata aeni, naa mea age nee palalau kia ia he laumalie pee ko he aselo. 10I te fakaalu o te fihi o lahi, nee mataku leva te tilipino* o te kau solia, naa natou hae ia Paulo, pea nee ina fakatotonu leva ki te kau solia ke hihifo o too ake Paulo maia natou, o ave ia ki te fale solia.
Ha o te Atua kia Paulo
11I te pouli o te aho aia, nee ha leva te Aliki kia Paulo, o ui: Lotomalohi; koteuhi, o hage ko tau fakamooni kia au i Selusalemi, e tonu foki ke ke toe fakamooni kia au i Loma.
Fonofono a te kau sutea ke tamatei Paulo
12I te mafoa mai o te aho, nee fonofonoi leva e te kau sutea he mea kovi, pea nee natou fuakava leva ke aua naa natou kai pee inu ia mua o tanatou fakapoogi Paulo. 13Nee toko fagofulu tupu natou aeni nee natou fonofonoi te mea aia, 14pea nee natou olo leva ki te kau pule faisakilifisio mo te kau matua, o ui age kia natou: Kua matou fuakava ke aua naa matou kai mo inu ia mua o te fakapoogi o Paulo. 15Pea koeni, ke kotou fakatahi mo te fono lahi o kole ki te tilipino o te solia, ke aumai Paulo ki okotou mua, o hage e kotou fia iloi mooni tona aluaga totonu; pea ko matou, i mua o tana fakaovi mai, e matou teuteu ke matou fakapoogi ia.
16I te logo a te tama o te tuagaane o Paulo ki te puleaki kaka aena, nee alu leva ia o ulu ki te fale solia, o fakaha te mea aia kia Paulo. 17Pea nee kalagai age leva e Paulo he tahi o te kau setulio, o ui age kia ia: Taki te tupulaga aeni ki te tilipino, koteuhi e ina fia fakaha kia ia he mea. 18Nee too leva e te setulio te tupulaga, o taki ia ki te tilipino, o ui: Nee paui au e te tagata pilisoni ko Paulo, pea nee ina kole mai kia au ke au taki mai kia koe te tupulaga aeni, koteuhi e ina fia fakaha atu he mea kia koe. 19Nee too leva e te tilipino te tupulaga i tona nima o taki kehe, pea nee ina fakafehui leva ia: Kotea te mea e ke fia fakaha mai kia au? 20Nee ina tali age leva: Kua loto tahi te kau Sutea ke natou kole atu kia koe, ke avake Paulo apogipogi kia mua o te fono lahi, o hage ke natou fia iloi mooni tona aluaga totonu. 21Aua naa ke tali tanatou kole, koteuhi kua lama ia e he toko fagofulu tupu o natou, ae kua fuakava ke aua naa natou kai pee inu ia mua o tanatou fakapoogi Paulo; i te temi nei kua natou tokalelei, pea e natou talitali pe ke ke io. 22Nee fekaui leva e te tilipino te tupulaga ke toe liliu, i te osi o tana fakatotonu kia ia ke aua naa toe palalau ki he tahi o uhiga mo te mea aia.
Fakahola o Paulo i te pouli ki Sesalea
23Pea nee paui leva e te tilipino ni setulio e toko lua, o ui kia naua: Kolua teuteui ki te hola hiva pouli ni tagata solia e toko luageau, mo ni tagata heka hosi e toko fitugofulu, pea mo ni tagata too nahau e toko luageau, ke olo o kaku ki Sesalea. 24Toe teuteui foki mo ni hosi ke heka ai Paulo, o tupu ke ave mauli ia ki te kovana ko Felise. 25Pea nee ina fai leva he tohi, o ui fenei:
26Kolote Lisiasi, ki te afio o te kovana lahi ko Felise, malo te mauli!
27Nee too te tagata aena e te kau Sutea ke tamatei, pea nee au hau mo te kau solia o haofaki ia, i taku logo ko he tagata Loma ia. 28I taku fia iloi te tupuaga o tanatou tukugakovii ia, nee au ave leva ia kia mua o te fono lahi. 29Nee au mahino leva e tupu tona fakamaaui ko ni mea o uhiga mo tanatou lao, kae nee heeki pe ina fai he hala e tonu ke tamatei ai ia, pee ke pilisonii ai ia. 30I taku mau he logo kua fonofonoi e te kau Sutea he fakapo kia ia, nee au fekaui atu aipe ia kia koe, pea nee au fakaha kia natou nee natou tukugakovii ia, ke natou tagi kia koe totonu. Nofola.
31Nee ave leva Paulo e te kau solia, o mulimuli ki te fakatotonu kua fai kia natou, o natou holaakii ia i te pouli o kaku ki Atipatilisi. 32I te aho ake, nee toe liliu leva te kau solia ki te fale solia, pea nee natou tuku leva te kau tagata heka hosi ke olo mo Paulo. 33Nee kaku leva te kau tagata heka hosi ki Sesalea pea nee natou fakatoo leva te tohi ki te kovana, pea mo fakaha leva Paulo kia ia. 34I te osi o te lau o te tohi e te kovana, nee ina fehui leva pe e kau Paulo ki te fenua fea. I tana iloi nee hau Paulo mai Silisia, nee ina ui leva: 35Hoki au fakalogo anai kia koe moka kaku mai anai natou ae nee natou fakalakahalai ia koe. Pea nee ina fakatotonu leva ke leoleo ia i te fale fakamaau a Helote.
ទើបបានជ្រើសរើសហើយ៖
TOHI GAUE A TE KAU APOSITOLO 23: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
TOHI GAUE A TE KAU APOSITOLO 23
23
1I te sio fakamamau a Paulo ki te kau fono, nee ina ui leva: Tagata tehina, e iloi e toku loto nee au haele i te maa ia mua o te Atua o kaku mai ki te aho nei…
2Nee fakatotonu leva e te pule faisakilifisio ko Ananiasi kia natou nee tutuu i ona tafa ke paaki tona gutu. 3Pea nee ui age leva e Paulo kia ia: E taai anai koe e te Atua, kaupa pena hina! E ke heka o fakamaaui au o mulimuli ki te lao, pea e ke maumaui te lao i tau fakatotonu ke paaki au! 4Nee ui age leva e natou ae nee nonofo i ona tafa: E ke tauvele ki te pule faisakilifisio a te Atua! 5Pea nee ui leva e Paulo: Nee mole au iloi, tehina, ko te pule faisakilifisio ia; koteuhi e tuu i te tohi: E mole ke palalau kovi anai ki te pule o tau hahai.
Fakaha e Paulo e faliseo ia
6Ko Paulo, i tana iloi ko te tahi vaega o te fakatahi ko te kau satuseo pea ko te tahi ko te kau Faliseo, nee kalaga leva ia i te fono lahi: Tagata tehina, e au faliseo, foha o he faliseo; e fakamaaui au o uhiga mo te falala pea mo te toe tuuake o te kau mate. 7I tana fakaha te mea aia, nee fihi leva te kau faliseo mo te kau satuseo, pea nee vaelua leva te fono. 8Koteuhi nee ui e te kau satuseo e mole he toe tuuake, pea e mole ni aselo mo ni laumalie, kae nee tui ki te u mea aia te kau faliseo. 9Nee toe lelesili age leva te taukalaga, pea nee tuu ake leva ki oluga ni sekelipa i te faahi o te kau faliseo, o natou kamata he fihi lahi, o ui: E mole pe matou mau he mea kovi i te tagata aeni, naa mea age nee palalau kia ia he laumalie pee ko he aselo. 10I te fakaalu o te fihi o lahi, nee mataku leva te tilipino* o te kau solia, naa natou hae ia Paulo, pea nee ina fakatotonu leva ki te kau solia ke hihifo o too ake Paulo maia natou, o ave ia ki te fale solia.
Ha o te Atua kia Paulo
11I te pouli o te aho aia, nee ha leva te Aliki kia Paulo, o ui: Lotomalohi; koteuhi, o hage ko tau fakamooni kia au i Selusalemi, e tonu foki ke ke toe fakamooni kia au i Loma.
Fonofono a te kau sutea ke tamatei Paulo
12I te mafoa mai o te aho, nee fonofonoi leva e te kau sutea he mea kovi, pea nee natou fuakava leva ke aua naa natou kai pee inu ia mua o tanatou fakapoogi Paulo. 13Nee toko fagofulu tupu natou aeni nee natou fonofonoi te mea aia, 14pea nee natou olo leva ki te kau pule faisakilifisio mo te kau matua, o ui age kia natou: Kua matou fuakava ke aua naa matou kai mo inu ia mua o te fakapoogi o Paulo. 15Pea koeni, ke kotou fakatahi mo te fono lahi o kole ki te tilipino o te solia, ke aumai Paulo ki okotou mua, o hage e kotou fia iloi mooni tona aluaga totonu; pea ko matou, i mua o tana fakaovi mai, e matou teuteu ke matou fakapoogi ia.
16I te logo a te tama o te tuagaane o Paulo ki te puleaki kaka aena, nee alu leva ia o ulu ki te fale solia, o fakaha te mea aia kia Paulo. 17Pea nee kalagai age leva e Paulo he tahi o te kau setulio, o ui age kia ia: Taki te tupulaga aeni ki te tilipino, koteuhi e ina fia fakaha kia ia he mea. 18Nee too leva e te setulio te tupulaga, o taki ia ki te tilipino, o ui: Nee paui au e te tagata pilisoni ko Paulo, pea nee ina kole mai kia au ke au taki mai kia koe te tupulaga aeni, koteuhi e ina fia fakaha atu he mea kia koe. 19Nee too leva e te tilipino te tupulaga i tona nima o taki kehe, pea nee ina fakafehui leva ia: Kotea te mea e ke fia fakaha mai kia au? 20Nee ina tali age leva: Kua loto tahi te kau Sutea ke natou kole atu kia koe, ke avake Paulo apogipogi kia mua o te fono lahi, o hage ke natou fia iloi mooni tona aluaga totonu. 21Aua naa ke tali tanatou kole, koteuhi kua lama ia e he toko fagofulu tupu o natou, ae kua fuakava ke aua naa natou kai pee inu ia mua o tanatou fakapoogi Paulo; i te temi nei kua natou tokalelei, pea e natou talitali pe ke ke io. 22Nee fekaui leva e te tilipino te tupulaga ke toe liliu, i te osi o tana fakatotonu kia ia ke aua naa toe palalau ki he tahi o uhiga mo te mea aia.
Fakahola o Paulo i te pouli ki Sesalea
23Pea nee paui leva e te tilipino ni setulio e toko lua, o ui kia naua: Kolua teuteui ki te hola hiva pouli ni tagata solia e toko luageau, mo ni tagata heka hosi e toko fitugofulu, pea mo ni tagata too nahau e toko luageau, ke olo o kaku ki Sesalea. 24Toe teuteui foki mo ni hosi ke heka ai Paulo, o tupu ke ave mauli ia ki te kovana ko Felise. 25Pea nee ina fai leva he tohi, o ui fenei:
26Kolote Lisiasi, ki te afio o te kovana lahi ko Felise, malo te mauli!
27Nee too te tagata aena e te kau Sutea ke tamatei, pea nee au hau mo te kau solia o haofaki ia, i taku logo ko he tagata Loma ia. 28I taku fia iloi te tupuaga o tanatou tukugakovii ia, nee au ave leva ia kia mua o te fono lahi. 29Nee au mahino leva e tupu tona fakamaaui ko ni mea o uhiga mo tanatou lao, kae nee heeki pe ina fai he hala e tonu ke tamatei ai ia, pee ke pilisonii ai ia. 30I taku mau he logo kua fonofonoi e te kau Sutea he fakapo kia ia, nee au fekaui atu aipe ia kia koe, pea nee au fakaha kia natou nee natou tukugakovii ia, ke natou tagi kia koe totonu. Nofola.
31Nee ave leva Paulo e te kau solia, o mulimuli ki te fakatotonu kua fai kia natou, o natou holaakii ia i te pouli o kaku ki Atipatilisi. 32I te aho ake, nee toe liliu leva te kau solia ki te fale solia, pea nee natou tuku leva te kau tagata heka hosi ke olo mo Paulo. 33Nee kaku leva te kau tagata heka hosi ki Sesalea pea nee natou fakatoo leva te tohi ki te kovana, pea mo fakaha leva Paulo kia ia. 34I te osi o te lau o te tohi e te kovana, nee ina fehui leva pe e kau Paulo ki te fenua fea. I tana iloi nee hau Paulo mai Silisia, nee ina ui leva: 35Hoki au fakalogo anai kia koe moka kaku mai anai natou ae nee natou fakalakahalai ia koe. Pea nee ina fakatotonu leva ke leoleo ia i te fale fakamaau a Helote.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland