TOHI GAUE A TE KAU APOSITOLO 20
20
Folau a Paulo ki Masetonia mo Keleka
1I te osi o te maveuveu, nee fakatahii leva e Paulo te kau tisipulo, pea i te osi o tana fakalotomalohii natou, nee tauine leva ia kia natou, pea nee alu leva ia ki Masetonia.
2Nee ina folii leva te fenua aena, o lahi te u folafola fakalotomalohi nee ina tuku ki te u tisipulo. 3Pea osi ia, nee alu leva ia ki Keleka o nofo leva i ai ia mahina e tolu. Nee teuteu ia ke alu ki Silia, kae nee fai leva e te kau Sutea he tuutuuni kovi kia ia. Koia nee loto ai leva ia ke ina toe too te ala o Masetonia. 4Nee alu leva mo ia ki Asia: Ia Sopatele mai Pelea, foha o Pilusi mo Alisitake, mo Sekonito mai Tesalonika, mo Kaiusi mai Telepe, mo Timoteo, mo Tisike pea mo Tolofime mai Asia. 5Ko natou aena nee natou muamua leva o talitali mai kia matou i Toloasi.
Aho e fitu o Paulo i Toloasi
6Kia matou, i te osi o te aho lahi o te u pane hala fakatupu, nee matou hopo leva ki he vaka i Filipe, pea i te hili o aho e nima, nee matou kaku leva kia natou i Toloasi, o matou nonofo leva i ai ia aho e fitu.
7I te uluaki aho o te vahaa, nee matou fakatahi leva ki te tofitofi o te pane. Pea nee akonaki leva ia Paulo kia natou; nee tonu ke mavae ia i te aho ake, pea nee akonaki leva ia o kaku ki te maupo. 8Nee lahi te u malama i te kogafale fata ae nee matou fakatahi ai. 9Kae, nee i ai he tama tupulaga nee higoa ko Eutikusi, ae nee hekaheka i te matapa fakamalama, pea nee tulemoe leva ia o matemoe i te lolotoga o te akonaki a Paulo; i tana matemoe nee to leva ia mai te laufata tolu ki lalo, pea nee lagai ake leva ia kua mate. 10Kae nee hifo leva ki lalo ia Paulo, o punou kia ia, o luluku ake ia i ona nima, o ui: Aua naa koutou mamahi, koteuhi e nofo tona laumalie ia ia. 11I tana hake ake ki fata, nee ina tofitofi leva te pane o kai, pea nee toe palalau leva ia o fualoa o kaku ki te mafoata. Pea osi te mea aia, nee alu leva ia. 12Nee ave leva te tama tupulaga kua mauli, pea nee ko he mea fakatupulotomalohi lahi kia natou.
Folau mai Toloasi ki Mileti
13Kia matou, nee matou muamua leva i he vaka, o folau ki Asosi, ki te kogamea ae nee matou fakatuutuu ke fakaheka ai Paulo, koteuhi nee loto leva ia ke haele lalo. 14I tana kaku mai leva kia matou i Asosi, nee matou fakaheka leva ia ki te vaka, pea nee matou olo leva ki Mitilene. 15I hena, nee matou toe folau leva, o fakalaka i mua o Kiosi i te aho ake. I te lua aho, nee matou kaku leva ki te motu ko Samosi. I te tolu aho, nee matou hake leva i Mileti. 16Nee fakatotonu leva e Paulo ke fakalaka ia i mua o Efeso kae mole tuu i ai, ke aua naa puli he temi i Asia; koteuhi nee fakavilivili ia ke kaku ki Selusalemi ia mua o te Penikosite, mo kapau nee feala kia ia.
Lea a Paulo ki te kau matuatua o Efeso
17Kae nee tuku logo leva ia mai Mileti ki Efeso ke olo age kia ia te kau matuatua o te Ekelesia. 18I tanatou kaku age kia ia, nee ina ui age leva kia natou: E koutou iloi pe, talu mai te uluaki aho nee au hu mai ai ki Asia nei, pe nee feafeai taku nofo mo koutou i te temi katoa aia, 19mo taku kaugana ki te Aliki i te agavaivai katoa, mo ni loimata, i lotomalie o te u ahiahii nee fakatupu mai kia teau e te u faufau kovi a te kau Sutea. 20E koutou iloi pe nee mole au fufu he mea e tahi nee aoga kia koutou, pea nee mole au mataku i te fakaha atu kia koutou mo ako atu kia koutou te u mea fuli nee aoga kia koutou, i te u potu fakafenua pea mo te u loto fale, 21o au fakaha ki te kau Sutea mo te kau Keleka te fakahemala mo te tafoki ki te Atua, pea mo te tui ki totatou Aliki ko Sesu Kilisito.
22Pea i te aho nei koeni, kua hai au e te Laumalie, e au alu ki Selusalemi, pea e mole pe au iloi te mea ka hoko mai anai kia au i ai. 23Gata pe, mai te kolo ki te kolo, kua fakaha fakatomua mai e te Laumalie Maonioni kia au, e talitali mai kia au he u seini mo he u mamahi. 24Kae e mole au fai kia au he mea pe o uhiga mo toku mauli, o hage nee mauhiga ia kia au, kehe pe ke au fakakatoa taku lele mo he fiafia, pea mo te gaue nee au tali mai te Aliki Sesu, ke au fakaha te logo lelei o te kalasia o te Atua.
25Pea i te temi nei koeni, e au iloi e mole koutou toe sisio anai ki oku mata, koutou fuli pe nee au fealuaki ai o fakaha te puleaga o te Atua. 26Koia i te aho nei e au fakamooni atu kia koutou, e au maa mai te toto o koutou fuli, 27koteuhi nee au fakaha atu kia koutou te finegalo katoa o te Atua, nee mole pe au fufu hona mea e tahi. 28Koia koutou tokaga kia koutou totonu, pea mo te faga ovi katoa kua fakanofo koutou ki ai e te Laumalie Maonioni ko he u epikopo ke kotou fafaga te Ekelesia o te Atua, ae nee ina totogi aki tona toto totonu. 29E au iloi, i te osi o taku mavae, e ulu mai anai kia koutou ni lupo fekai ae e mole natou fakahao anai te faga manu. 30Pea e malaga ake anai i te lotolotoga o koutou he u tagata e natou akonaki anai ni mea fakatupu tuutamaki, ke toho ai te u tisipulo i onatou muli. 31Koia, kotou alaala, kotou manatui te u tau e tolu, i te aho mo te pouli, nee mole toe gata taku fakalotomalohii koutou takitahi mo ni loi mata.
32Pea i te lakaga nei, e au tuku koutou ki te Atua pea mo te folafola o tona kalasia, ki ae e ina feala te faufau pea mo te foaki o te tofiga o fakatahi mo natou fuli kua fakamaonionii. 33Nee mole pe au fakaamu ki he paaga, pee ki he aulo, pee ki he kofu o he tahi. 34E kotou iloi e koutou totonu, ko te u nima aeni nee natou gaue ki te u mea nee aoga kia au pea mo natou nee nonofo mo au. 35Nee au fakaha kia koutou i te u mea fuli aeni, e tonu ke gaue feia o tokoni ki te kau fakaofaofa, pea mo manatui te u folafola totonu a te Aliki i tana ui: E lahi age te manuia i te foaki i te tali.
36I te osi o tana palalau aia, nee tuutuli leva ia, pea nee faikole leva ia mo natou fuli. 37Pea nee natou fai fetagihi fuli leva, mo faufua ki te kia o Paulo o fekita kia ia. 38Nee natou tagi mamahi tafito i te tala age e Paulo kia natou, e mole natou toe sio anai ki ona mata. Pea nee natou olo leva, o tuku ia ki te vaka.
ទើបបានជ្រើសរើសហើយ៖
TOHI GAUE A TE KAU APOSITOLO 20: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
TOHI GAUE A TE KAU APOSITOLO 20
20
Folau a Paulo ki Masetonia mo Keleka
1I te osi o te maveuveu, nee fakatahii leva e Paulo te kau tisipulo, pea i te osi o tana fakalotomalohii natou, nee tauine leva ia kia natou, pea nee alu leva ia ki Masetonia.
2Nee ina folii leva te fenua aena, o lahi te u folafola fakalotomalohi nee ina tuku ki te u tisipulo. 3Pea osi ia, nee alu leva ia ki Keleka o nofo leva i ai ia mahina e tolu. Nee teuteu ia ke alu ki Silia, kae nee fai leva e te kau Sutea he tuutuuni kovi kia ia. Koia nee loto ai leva ia ke ina toe too te ala o Masetonia. 4Nee alu leva mo ia ki Asia: Ia Sopatele mai Pelea, foha o Pilusi mo Alisitake, mo Sekonito mai Tesalonika, mo Kaiusi mai Telepe, mo Timoteo, mo Tisike pea mo Tolofime mai Asia. 5Ko natou aena nee natou muamua leva o talitali mai kia matou i Toloasi.
Aho e fitu o Paulo i Toloasi
6Kia matou, i te osi o te aho lahi o te u pane hala fakatupu, nee matou hopo leva ki he vaka i Filipe, pea i te hili o aho e nima, nee matou kaku leva kia natou i Toloasi, o matou nonofo leva i ai ia aho e fitu.
7I te uluaki aho o te vahaa, nee matou fakatahi leva ki te tofitofi o te pane. Pea nee akonaki leva ia Paulo kia natou; nee tonu ke mavae ia i te aho ake, pea nee akonaki leva ia o kaku ki te maupo. 8Nee lahi te u malama i te kogafale fata ae nee matou fakatahi ai. 9Kae, nee i ai he tama tupulaga nee higoa ko Eutikusi, ae nee hekaheka i te matapa fakamalama, pea nee tulemoe leva ia o matemoe i te lolotoga o te akonaki a Paulo; i tana matemoe nee to leva ia mai te laufata tolu ki lalo, pea nee lagai ake leva ia kua mate. 10Kae nee hifo leva ki lalo ia Paulo, o punou kia ia, o luluku ake ia i ona nima, o ui: Aua naa koutou mamahi, koteuhi e nofo tona laumalie ia ia. 11I tana hake ake ki fata, nee ina tofitofi leva te pane o kai, pea nee toe palalau leva ia o fualoa o kaku ki te mafoata. Pea osi te mea aia, nee alu leva ia. 12Nee ave leva te tama tupulaga kua mauli, pea nee ko he mea fakatupulotomalohi lahi kia natou.
Folau mai Toloasi ki Mileti
13Kia matou, nee matou muamua leva i he vaka, o folau ki Asosi, ki te kogamea ae nee matou fakatuutuu ke fakaheka ai Paulo, koteuhi nee loto leva ia ke haele lalo. 14I tana kaku mai leva kia matou i Asosi, nee matou fakaheka leva ia ki te vaka, pea nee matou olo leva ki Mitilene. 15I hena, nee matou toe folau leva, o fakalaka i mua o Kiosi i te aho ake. I te lua aho, nee matou kaku leva ki te motu ko Samosi. I te tolu aho, nee matou hake leva i Mileti. 16Nee fakatotonu leva e Paulo ke fakalaka ia i mua o Efeso kae mole tuu i ai, ke aua naa puli he temi i Asia; koteuhi nee fakavilivili ia ke kaku ki Selusalemi ia mua o te Penikosite, mo kapau nee feala kia ia.
Lea a Paulo ki te kau matuatua o Efeso
17Kae nee tuku logo leva ia mai Mileti ki Efeso ke olo age kia ia te kau matuatua o te Ekelesia. 18I tanatou kaku age kia ia, nee ina ui age leva kia natou: E koutou iloi pe, talu mai te uluaki aho nee au hu mai ai ki Asia nei, pe nee feafeai taku nofo mo koutou i te temi katoa aia, 19mo taku kaugana ki te Aliki i te agavaivai katoa, mo ni loimata, i lotomalie o te u ahiahii nee fakatupu mai kia teau e te u faufau kovi a te kau Sutea. 20E koutou iloi pe nee mole au fufu he mea e tahi nee aoga kia koutou, pea nee mole au mataku i te fakaha atu kia koutou mo ako atu kia koutou te u mea fuli nee aoga kia koutou, i te u potu fakafenua pea mo te u loto fale, 21o au fakaha ki te kau Sutea mo te kau Keleka te fakahemala mo te tafoki ki te Atua, pea mo te tui ki totatou Aliki ko Sesu Kilisito.
22Pea i te aho nei koeni, kua hai au e te Laumalie, e au alu ki Selusalemi, pea e mole pe au iloi te mea ka hoko mai anai kia au i ai. 23Gata pe, mai te kolo ki te kolo, kua fakaha fakatomua mai e te Laumalie Maonioni kia au, e talitali mai kia au he u seini mo he u mamahi. 24Kae e mole au fai kia au he mea pe o uhiga mo toku mauli, o hage nee mauhiga ia kia au, kehe pe ke au fakakatoa taku lele mo he fiafia, pea mo te gaue nee au tali mai te Aliki Sesu, ke au fakaha te logo lelei o te kalasia o te Atua.
25Pea i te temi nei koeni, e au iloi e mole koutou toe sisio anai ki oku mata, koutou fuli pe nee au fealuaki ai o fakaha te puleaga o te Atua. 26Koia i te aho nei e au fakamooni atu kia koutou, e au maa mai te toto o koutou fuli, 27koteuhi nee au fakaha atu kia koutou te finegalo katoa o te Atua, nee mole pe au fufu hona mea e tahi. 28Koia koutou tokaga kia koutou totonu, pea mo te faga ovi katoa kua fakanofo koutou ki ai e te Laumalie Maonioni ko he u epikopo ke kotou fafaga te Ekelesia o te Atua, ae nee ina totogi aki tona toto totonu. 29E au iloi, i te osi o taku mavae, e ulu mai anai kia koutou ni lupo fekai ae e mole natou fakahao anai te faga manu. 30Pea e malaga ake anai i te lotolotoga o koutou he u tagata e natou akonaki anai ni mea fakatupu tuutamaki, ke toho ai te u tisipulo i onatou muli. 31Koia, kotou alaala, kotou manatui te u tau e tolu, i te aho mo te pouli, nee mole toe gata taku fakalotomalohii koutou takitahi mo ni loi mata.
32Pea i te lakaga nei, e au tuku koutou ki te Atua pea mo te folafola o tona kalasia, ki ae e ina feala te faufau pea mo te foaki o te tofiga o fakatahi mo natou fuli kua fakamaonionii. 33Nee mole pe au fakaamu ki he paaga, pee ki he aulo, pee ki he kofu o he tahi. 34E kotou iloi e koutou totonu, ko te u nima aeni nee natou gaue ki te u mea nee aoga kia au pea mo natou nee nonofo mo au. 35Nee au fakaha kia koutou i te u mea fuli aeni, e tonu ke gaue feia o tokoni ki te kau fakaofaofa, pea mo manatui te u folafola totonu a te Aliki i tana ui: E lahi age te manuia i te foaki i te tali.
36I te osi o tana palalau aia, nee tuutuli leva ia, pea nee faikole leva ia mo natou fuli. 37Pea nee natou fai fetagihi fuli leva, mo faufua ki te kia o Paulo o fekita kia ia. 38Nee natou tagi mamahi tafito i te tala age e Paulo kia natou, e mole natou toe sio anai ki ona mata. Pea nee natou olo leva, o tuku ia ki te vaka.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland