TOHI GAUE A TE KAU APOSITOLO 11
11
Palalau a Petelo ki te Ekelesia o Selusalemi
1Pea nee logo leva te kau apositolo mo te u tehina nee nonofo i Sutea, kua tali foki e te kau pagani te folafola a te Atua. 2Pea i te hake ake leva a Petelo ki Selusalemi, nee fakafehui leva ia e te kau agatonu silikosisio, 3o natou ui age leva kia ia: Nee ke ulu ki he u api o he kau hee silikosisio pea nee ke kai fakatahi mo natou.
4Pea nee kamata leva e Petelo te fakamatala hoholo kia natou o te u mea fuli nee hoko. 5Nee ina ui leva: Nee au nofo i te kolo ko Sope, pea i te lolotoga o taku faikole, nee au sio leva ki he mea nee ha mai kia au: Nee hage ia ko he kie laulahi nee nonoo i ona tapa e fa, pea nee hifo ia mai te lagi o kaku mai kia au. 6I taku sio fakamamau ki ai, nee au sivisivi fakalelei ia, nee au sio leva ki te u manu vae fa o te kele, mo te u manu kanivao, mo te u manu totolo, pea mo te u manulele o te lagi. 7Pea nee au logo leva ki he leo ae nee ina ui mai kia au: Petelo, tuu ki oluga, tamatei pea ke kai. 8Kae nee au ui age leva: Kailoa, Aliki, koteuhi nee heeki ulu i he aho he mea e tapu pe uli ki toku gutu. 9Pea nee au toe logo leva i te tua lua ki te ui mai a te leo aena mai lagi: Ko te mea ae kua fakaha e te Atua e maa, aua naa ke sio ki ai o hage e uli. 10Nee hoko leva te mea aena o tua tolu, pea nee toe too ake leva te u mea fuli ki te lagi. 11Pea fokifa pe, kua kaku ake ni tagata e toko tolu nee fekaui mai Sesalea, o tutuu i te matapa o te fale ae nee au nofo ai. 12Pea nee ui mai leva e te Laumalie kia au ke au alu mo natou, kae aua taku mataku. Nee olo leva mo au te u tehina aeni e toko ono, pea nee matou ulu leva ki te fale o Kolenelio. 13Nee fakamatala mai leva e te tagata aena kia matou tana sio i tona fale ki te aselo nee ha age kia ia, o ui: Fekaui he tahi ki Sope o kumi mai Simone ae e higoa ko Petelo, 14e ina fakaha atu anai kia koe te u folafola ae ke haofaki ai anai ia koe mo tou fale katoa. 15Kei kamata taku palalau, kae nee hifo leva te Laumalie Maonioni kia natou o hage ko tana hifo kia tatou i te kamataaga. 16Pea nee au manatui leva te folafola aeni a te Aliki: Nee papitema Soane ki te vai, kae ko koutou, e koutou papitema anai ki te Laumalie Maonioni. 17Koia, kapau kua foaki age e te Atua kia natou te meaofa e tahi ae nee ina foaki mai kia tatou aeni nee tou tui ki te Aliki ko Sesu-Kilisito, pea ko ai au, ke au taofi te Atua?
18I te osi o tanatou fakalogo ki te mea aena, nee natou fimalie leva pea nee natou fakakololia leva ki te Atua, o ui: Kua tuku foki e te Atua te fakahemala ki te kau pagani, koteuhi ke natou mau te mauli.
I Atiokia: te higoa ko kilisitiano
19Ko natou ae nee fakamavetevete e te fakataga ae nee hoko kia Setefano, nee natou olo leva o kaku ki Fenisia mo te motu ko Sipele, pea mo Atiokia, o natou fakaha te folafola ki te kau Sutea pe. 20Kae nee i ai leva ia natou ni tagata mai Sipele, mo Silene, i tanatou kaku age ki Atiokia, nee natou palalau foki ki te kau Keleka, pea nee natou fakaha age leva kia natou te logo lelei o te Aliki Sesu. 21Nee nofo mo natou te nima o te Aliki, pea nee kaugamalie ia natou nee natou tui leva pea nee natou tafoki leva ki te Aliki.
22Nee kaku leva te logo aena kia taliga o natou o te Ekelesia o Selusalemi, pea nee natou fekaui leva Palenapa ki Atiokia. 23I tana kaku ki ai, o sio ki te kalasia o te Atua, nee fiafia leva ia, pea nee ina fakalotomalohi natou fuli ke pipiki mau onatou loto ki te Aliki. 24Koteuhi nee ko he tagata lelei ia, mo fonu i te Laumalie Maonioni pea mo te tui. Pea nee kaugamalie te hahai nee natou fakatahi age ki te Aliki.
25Nee alu leva Palenapa ki Talese o kumi mai Saulo; 26pea, i tana mau ia, nee ina aumai leva ia ki Atiokia. I te lolotoga o te tau katoa e tahi, nee na kau leva ki te u fakatahi a te Ekelesia pea nee na akoi leva he hahai kaugamalie aupito. Nee ko Atiokia ae nee uluaki fakahigoa ai te kau tisipulo ko te kau kilisitiano.
Fai meaofa o te Ekelesia o Atiokia ki te kau sagato o Selusalemi
27I te temi aena, nee hifo leva ni polofeta mai Selusalemi ki Atiokia. 28Ko he tahi o natou nee higoa ko Akapusi, nee tuu leva ia ki oluga, o fakaha leva i te laumalie, e to anai he hoge lahi i te kele katoa. Pea nee to leva te hoge aena i te temi o Kolote. 29Nee fai leva he tonu e te kau tisipulo ke ave he tokoni ki te u tehina i Sutea, o fakalogo ki te mea e fealagia e te tagata takitahi. 30Nee natou fakakaku leva te mea aena ki te kau matuatua i te nima o Palenapa mo Saulo.
ទើបបានជ្រើសរើសហើយ៖
TOHI GAUE A TE KAU APOSITOLO 11: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
TOHI GAUE A TE KAU APOSITOLO 11
11
Palalau a Petelo ki te Ekelesia o Selusalemi
1Pea nee logo leva te kau apositolo mo te u tehina nee nonofo i Sutea, kua tali foki e te kau pagani te folafola a te Atua. 2Pea i te hake ake leva a Petelo ki Selusalemi, nee fakafehui leva ia e te kau agatonu silikosisio, 3o natou ui age leva kia ia: Nee ke ulu ki he u api o he kau hee silikosisio pea nee ke kai fakatahi mo natou.
4Pea nee kamata leva e Petelo te fakamatala hoholo kia natou o te u mea fuli nee hoko. 5Nee ina ui leva: Nee au nofo i te kolo ko Sope, pea i te lolotoga o taku faikole, nee au sio leva ki he mea nee ha mai kia au: Nee hage ia ko he kie laulahi nee nonoo i ona tapa e fa, pea nee hifo ia mai te lagi o kaku mai kia au. 6I taku sio fakamamau ki ai, nee au sivisivi fakalelei ia, nee au sio leva ki te u manu vae fa o te kele, mo te u manu kanivao, mo te u manu totolo, pea mo te u manulele o te lagi. 7Pea nee au logo leva ki he leo ae nee ina ui mai kia au: Petelo, tuu ki oluga, tamatei pea ke kai. 8Kae nee au ui age leva: Kailoa, Aliki, koteuhi nee heeki ulu i he aho he mea e tapu pe uli ki toku gutu. 9Pea nee au toe logo leva i te tua lua ki te ui mai a te leo aena mai lagi: Ko te mea ae kua fakaha e te Atua e maa, aua naa ke sio ki ai o hage e uli. 10Nee hoko leva te mea aena o tua tolu, pea nee toe too ake leva te u mea fuli ki te lagi. 11Pea fokifa pe, kua kaku ake ni tagata e toko tolu nee fekaui mai Sesalea, o tutuu i te matapa o te fale ae nee au nofo ai. 12Pea nee ui mai leva e te Laumalie kia au ke au alu mo natou, kae aua taku mataku. Nee olo leva mo au te u tehina aeni e toko ono, pea nee matou ulu leva ki te fale o Kolenelio. 13Nee fakamatala mai leva e te tagata aena kia matou tana sio i tona fale ki te aselo nee ha age kia ia, o ui: Fekaui he tahi ki Sope o kumi mai Simone ae e higoa ko Petelo, 14e ina fakaha atu anai kia koe te u folafola ae ke haofaki ai anai ia koe mo tou fale katoa. 15Kei kamata taku palalau, kae nee hifo leva te Laumalie Maonioni kia natou o hage ko tana hifo kia tatou i te kamataaga. 16Pea nee au manatui leva te folafola aeni a te Aliki: Nee papitema Soane ki te vai, kae ko koutou, e koutou papitema anai ki te Laumalie Maonioni. 17Koia, kapau kua foaki age e te Atua kia natou te meaofa e tahi ae nee ina foaki mai kia tatou aeni nee tou tui ki te Aliki ko Sesu-Kilisito, pea ko ai au, ke au taofi te Atua?
18I te osi o tanatou fakalogo ki te mea aena, nee natou fimalie leva pea nee natou fakakololia leva ki te Atua, o ui: Kua tuku foki e te Atua te fakahemala ki te kau pagani, koteuhi ke natou mau te mauli.
I Atiokia: te higoa ko kilisitiano
19Ko natou ae nee fakamavetevete e te fakataga ae nee hoko kia Setefano, nee natou olo leva o kaku ki Fenisia mo te motu ko Sipele, pea mo Atiokia, o natou fakaha te folafola ki te kau Sutea pe. 20Kae nee i ai leva ia natou ni tagata mai Sipele, mo Silene, i tanatou kaku age ki Atiokia, nee natou palalau foki ki te kau Keleka, pea nee natou fakaha age leva kia natou te logo lelei o te Aliki Sesu. 21Nee nofo mo natou te nima o te Aliki, pea nee kaugamalie ia natou nee natou tui leva pea nee natou tafoki leva ki te Aliki.
22Nee kaku leva te logo aena kia taliga o natou o te Ekelesia o Selusalemi, pea nee natou fekaui leva Palenapa ki Atiokia. 23I tana kaku ki ai, o sio ki te kalasia o te Atua, nee fiafia leva ia, pea nee ina fakalotomalohi natou fuli ke pipiki mau onatou loto ki te Aliki. 24Koteuhi nee ko he tagata lelei ia, mo fonu i te Laumalie Maonioni pea mo te tui. Pea nee kaugamalie te hahai nee natou fakatahi age ki te Aliki.
25Nee alu leva Palenapa ki Talese o kumi mai Saulo; 26pea, i tana mau ia, nee ina aumai leva ia ki Atiokia. I te lolotoga o te tau katoa e tahi, nee na kau leva ki te u fakatahi a te Ekelesia pea nee na akoi leva he hahai kaugamalie aupito. Nee ko Atiokia ae nee uluaki fakahigoa ai te kau tisipulo ko te kau kilisitiano.
Fai meaofa o te Ekelesia o Atiokia ki te kau sagato o Selusalemi
27I te temi aena, nee hifo leva ni polofeta mai Selusalemi ki Atiokia. 28Ko he tahi o natou nee higoa ko Akapusi, nee tuu leva ia ki oluga, o fakaha leva i te laumalie, e to anai he hoge lahi i te kele katoa. Pea nee to leva te hoge aena i te temi o Kolote. 29Nee fai leva he tonu e te kau tisipulo ke ave he tokoni ki te u tehina i Sutea, o fakalogo ki te mea e fealagia e te tagata takitahi. 30Nee natou fakakaku leva te mea aena ki te kau matuatua i te nima o Palenapa mo Saulo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland