Lua tohi a Paulo ki te kau KOLINITO 13
13
Fakamalohi fakaosi
1E au alu atu kia koutou ko tona tua tolu leva aia. E fakatokatoka anai te u mea fuli i te fakamooni a ni tagata e toko lua pee toko tolu. 2E au fai he valoki kia natou ae nee agahala i mua pea mo natou ake ae; nee au tuku atu foki ia i te tua lua o taku nofo mo koutou, kae e au toe liuga atu ia i te aho nei e au mamao ai mo koutou: I te faiaga ka hau e au alu atu ai anai o sio kia koutou, e mole au toe fakameamea anai ki he tahi, 3koteuhi e koutou kumi he fakamooni o te palalau a Kilisito ia au, ia ia ae e mole gaegae kia koutou, kae e malohi ia koutou. 4Koteuhi nee kolusifikoi ia i tona gaegae, kae e mauli ia i te mafimafi o te Atua; ko maua foki, e ma gaegae ia ia, kae e ma mauuli anai mo ia i te mafimafi o te Atua, o gaue kia koutou.
5Ke kotou fakasiosio kia koutou totonu, ke iloi pe e koutou nofo i te tui; koutou ahiahii koutou totonu. Pe e mole koutou iloi e nofo Sesu-Kilisito ia koutou? Kae naa mea age e mole kotou mau ni fakamooni o takotou tui. 6Kae e au amanaki e kotou iloi ko maua, e ma mau a ma fakamooni. 7Koia e ma kole ai ki te Atua ke aua naa koutou fai he mea ae e kovi, o mole ke ma matatonu ai kia koutou, kae ke koutou fai te mea ae e lelei, pea ko maua, ke ma hage ko ni mea ae e mole fakamooni. 8Koteuhi e mole ma mau he malohi ke agatuu ki te mooni, kae ke kau fakatahi mo te mooni. 9E ma fiafia moka e ma gaegae, kae kotou malohi; pea ko te mea ae e ma kole i ama faikole, ko tokotou lelei pau. 10Koia e au tohi atu ai te u mea aeni kae e au puli ia koutou, ke aua naa au fakaaoga anai te malohi, moka au nofo anai mo koutou, o mulimuli ki te pule ae nee foaki mai e te Aliki o uhiga mo te lagai, kae e mole uhiga mo te maumaui.
Fakaalofa fakaosi
11Pea e au fakaosi leva, u tehina, kotou nofo i te fiafia, kotou kumi ki te lelei tukupau, kotou fefakafimalieaki, koutou mau he manatu e tahi, koutou mauli i te tokalelei; pea ko te Atua o te ofa mo te tokalelei e nofo anai mo koutou. 12Koutou taualofa ia koutou i he fekita maonioni. E fakaalofa atu kia koutou te kau sagato katoa.
13Ko te kalasia o te Aliki ko Sesu-Kilisito, mo te ofa o te Atua, pea mo te komunio o te Laumalie Maonioni, ke nofo mo koutou fuli!
ទើបបានជ្រើសរើសហើយ៖
Lua tohi a Paulo ki te kau KOLINITO 13: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
Lua tohi a Paulo ki te kau KOLINITO 13
13
Fakamalohi fakaosi
1E au alu atu kia koutou ko tona tua tolu leva aia. E fakatokatoka anai te u mea fuli i te fakamooni a ni tagata e toko lua pee toko tolu. 2E au fai he valoki kia natou ae nee agahala i mua pea mo natou ake ae; nee au tuku atu foki ia i te tua lua o taku nofo mo koutou, kae e au toe liuga atu ia i te aho nei e au mamao ai mo koutou: I te faiaga ka hau e au alu atu ai anai o sio kia koutou, e mole au toe fakameamea anai ki he tahi, 3koteuhi e koutou kumi he fakamooni o te palalau a Kilisito ia au, ia ia ae e mole gaegae kia koutou, kae e malohi ia koutou. 4Koteuhi nee kolusifikoi ia i tona gaegae, kae e mauli ia i te mafimafi o te Atua; ko maua foki, e ma gaegae ia ia, kae e ma mauuli anai mo ia i te mafimafi o te Atua, o gaue kia koutou.
5Ke kotou fakasiosio kia koutou totonu, ke iloi pe e koutou nofo i te tui; koutou ahiahii koutou totonu. Pe e mole koutou iloi e nofo Sesu-Kilisito ia koutou? Kae naa mea age e mole kotou mau ni fakamooni o takotou tui. 6Kae e au amanaki e kotou iloi ko maua, e ma mau a ma fakamooni. 7Koia e ma kole ai ki te Atua ke aua naa koutou fai he mea ae e kovi, o mole ke ma matatonu ai kia koutou, kae ke koutou fai te mea ae e lelei, pea ko maua, ke ma hage ko ni mea ae e mole fakamooni. 8Koteuhi e mole ma mau he malohi ke agatuu ki te mooni, kae ke kau fakatahi mo te mooni. 9E ma fiafia moka e ma gaegae, kae kotou malohi; pea ko te mea ae e ma kole i ama faikole, ko tokotou lelei pau. 10Koia e au tohi atu ai te u mea aeni kae e au puli ia koutou, ke aua naa au fakaaoga anai te malohi, moka au nofo anai mo koutou, o mulimuli ki te pule ae nee foaki mai e te Aliki o uhiga mo te lagai, kae e mole uhiga mo te maumaui.
Fakaalofa fakaosi
11Pea e au fakaosi leva, u tehina, kotou nofo i te fiafia, kotou kumi ki te lelei tukupau, kotou fefakafimalieaki, koutou mau he manatu e tahi, koutou mauli i te tokalelei; pea ko te Atua o te ofa mo te tokalelei e nofo anai mo koutou. 12Koutou taualofa ia koutou i he fekita maonioni. E fakaalofa atu kia koutou te kau sagato katoa.
13Ko te kalasia o te Aliki ko Sesu-Kilisito, mo te ofa o te Atua, pea mo te komunio o te Laumalie Maonioni, ke nofo mo koutou fuli!
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland