Marko 8
8
Wanhu elfu ne weguta
1Mazuwa gaja dale ja wanhu bwando welundiza viyagwe, na vuwakalile bule chakuja, kawakema wanahina wake, kawalongela, 2“Wanhu wano nowonela bazi, kilumbo wasinda mazuwa madatu kumwangu, hawadile kinhu. 3Kamba nihawapoza wachole ukaye kumwawo vivino, wosinduka mnzila, na wayagwe walawa kutali.” 4Wanahina wake wamwidika, “Hano haluwala kodahaze munhu kuwegutiza migate wanhu kamba wano?” 5Kawauza, “Migate mingahi imuli nayo?” Na hewo walonga, “Saba.”
6Kawalagiza waja wanhu bwando, wakale hasi; imala kaisola ija imigate saba, kaimoteza na kuimega, kawengha wanahina wake wawagolele; na hewo wawagolela waja iwanhu. 7Kabili wakala na visomba vidodo; na hivo kavimoteza kalonga, Wagweleleni na vino vivo! 8Waja wose, weguta, wadondola upakapaka wa imigate usigale, wamemeza vigelo saba. 9Na hewo wadile wavika kichinyha kamba elfu ne; imala kawapoza wachole na zawo. 10Mhunde baho kengila mngalawa hamonga na wanahina wake, kavika nyenza za Dalmanuta.
Mhumba ya Mafariseo na ya Herode
11Wamwizila Mafariseo, wasonga kwibamilila nayo womgeza, walonda yatende kilolomboto kulawa kuulanga. 12Kadudumka mmoyo kalonga, “Habali lukolo luno lozahila kilolomboto? Ihoko nomulongelani, lukolo luno honda lugwelelwe kilolomboto.” 13Imala baho kawaleka, kengila mngalawa viyagwe, kaloka umwambu.
14Na hewo wakala wesemwile kusola migate; himo mngalawa wakala na mgate umwe uli yeka. 15Na Yesu kawazuma yolonga, “Loleni, teganyeni kwa kilumbo cha mhumba ya Mafariseo na mhumba ya Herode!”
16Baho wagelegeza na kuilongelela wawo kwa wawo, “Kilumbo vituli bule migate.”
17Yesu kavitangile, kawalongela, “Habali muwalanga hivo kamba mwabule migate? Hamnakalagala tanhu? Kumbe hamnavitanga, muhali tanhu na miyoyo midala? 18Meso mnago komu hamulola? Magutwi mnago komu hamuhulika? 19Hamgesa ija imigate mitano imegile kuwengha wanhu elfu tano, ahaja hammemeze vigelo vingahi vumdondole upakapaka usigale?” Wamulongela, “Mulongo umwe na vibili.” 20Kabili hamvigesa ija imigate saba iniwamegele waja elfu ne, bahaja hammemeze vigelo vingahi vumdondole upakapaka? Wamulongela, “Saba.” 21Kawauza, “Che, avo hamnavimanya?”
Kimbugumbugu wa Betsaida
22Vuwengile Betsaida, wamgalila kimbugumbugu, wampembela yamkwase. 23Kaugoga umkono wa ikimbugumbugu, kamulongoza walawe hakiwambo; kamtemela mate mmeso, kamgeleka mikono, kamuuza, “Kokona kinhu?” 24Yuja kenula gameso, kalonga, “Nokona wanhu wotembela, wokoneka kamba mibiki.” 25Baho kamgeleka makono viyagwe mmeso gake, kamulongela yalole kabili; baho meso gake gabwela magima, kavyona vinhu vyose bunubunu na vili kutali. 26Imala kamulagiza yachole ukaye kumwawo, kamulongela, “Sukuubwele kuchugu kukiwambo, hebu kumulongela munhu mkiwambo!”
Kumtogola Kristo na migazo yake
27Wahalawa Yesu na wanahina wake, wavika kuviwambo vya nyenza za Kaisaria Filipi; vuwakalile mnzila, kawauza wanahina wake kalonga, “Wanhu wanonga niye kamba nili yalihi?” 28Wamulongela, “Wokulonga kamba kwa Yohana Msingula wanhu, wayagwe wolonga kwa Elia, wayagwe wokulonga kwa imonga wa Watulandagu.” 29Imala kawauza, “Bali mweye mononga niye nili yalihi?” Petro kedika kamulongela, “Gweye gwegwe Kristo.” 30Baho kawagomesa, sukuwamulongele munhu mbuli hiyo.
31Kasonga kuwalangukiza kamba imwandama heyo Mwanage Munhu kugazwa nghani na kubeligwa na Wavyele na Watambika Wakulu na Wana Nzuma, giladi yakomigwe, ilawabaho yazuke vondadivike siku jaikadatu; longa dino kadilonga kibunubunu.
32Baho Petro kamsola hamngwazo, kasonga kumkomhokela. 33Na heyo kahinduka kawalola wanahina wake, kamkomhokela Petro kalonga, “Halawe hano hachugu changu, Mwenembago! kilumbo gweye hugesa mbuli za Mulungu, komu kogesa mbuli za wanhu yeka.”
Kwidikwa msalaba wetu
34Kadikema dale ja wanhu wamwizile hamonga na wanahina wake, kawalongela, “Munhu yahalonda kungholeleza niye, yegomese manogelwa gake, yedwike msalaba wake, imala yaminze! 35Kwa mzoko munhu yahalonda kwihonya mwenyecho, kowasa ugima wake; ayo munhu yonda yangamize ugima wake kwa kilumbo changu niye na cha Usenga Unogile, koihonya mwenyecho. 36Kwa mzoko munhu vonoga choni kuvisuma vya ulumwengu vyose, yahonze ugima wake? 37Hebu munhu yalave choni yaukombole ugima wake? 38Munhu yonda yambonele kinyala niye na malonga gangu mulukolo luno lwene ugoni na ubananzi, avo Mwanage Munhu komonela kinyala hiyo, vondayeze mwiyenzi ya Tata wake hamonga na malaika zake womelemeta.”
ទើបបានជ្រើសរើសហើយ៖
Marko 8: ZAM75
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.
Marko 8
8
Wanhu elfu ne weguta
1Mazuwa gaja dale ja wanhu bwando welundiza viyagwe, na vuwakalile bule chakuja, kawakema wanahina wake, kawalongela, 2“Wanhu wano nowonela bazi, kilumbo wasinda mazuwa madatu kumwangu, hawadile kinhu. 3Kamba nihawapoza wachole ukaye kumwawo vivino, wosinduka mnzila, na wayagwe walawa kutali.” 4Wanahina wake wamwidika, “Hano haluwala kodahaze munhu kuwegutiza migate wanhu kamba wano?” 5Kawauza, “Migate mingahi imuli nayo?” Na hewo walonga, “Saba.”
6Kawalagiza waja wanhu bwando, wakale hasi; imala kaisola ija imigate saba, kaimoteza na kuimega, kawengha wanahina wake wawagolele; na hewo wawagolela waja iwanhu. 7Kabili wakala na visomba vidodo; na hivo kavimoteza kalonga, Wagweleleni na vino vivo! 8Waja wose, weguta, wadondola upakapaka wa imigate usigale, wamemeza vigelo saba. 9Na hewo wadile wavika kichinyha kamba elfu ne; imala kawapoza wachole na zawo. 10Mhunde baho kengila mngalawa hamonga na wanahina wake, kavika nyenza za Dalmanuta.
Mhumba ya Mafariseo na ya Herode
11Wamwizila Mafariseo, wasonga kwibamilila nayo womgeza, walonda yatende kilolomboto kulawa kuulanga. 12Kadudumka mmoyo kalonga, “Habali lukolo luno lozahila kilolomboto? Ihoko nomulongelani, lukolo luno honda lugwelelwe kilolomboto.” 13Imala baho kawaleka, kengila mngalawa viyagwe, kaloka umwambu.
14Na hewo wakala wesemwile kusola migate; himo mngalawa wakala na mgate umwe uli yeka. 15Na Yesu kawazuma yolonga, “Loleni, teganyeni kwa kilumbo cha mhumba ya Mafariseo na mhumba ya Herode!”
16Baho wagelegeza na kuilongelela wawo kwa wawo, “Kilumbo vituli bule migate.”
17Yesu kavitangile, kawalongela, “Habali muwalanga hivo kamba mwabule migate? Hamnakalagala tanhu? Kumbe hamnavitanga, muhali tanhu na miyoyo midala? 18Meso mnago komu hamulola? Magutwi mnago komu hamuhulika? 19Hamgesa ija imigate mitano imegile kuwengha wanhu elfu tano, ahaja hammemeze vigelo vingahi vumdondole upakapaka usigale?” Wamulongela, “Mulongo umwe na vibili.” 20Kabili hamvigesa ija imigate saba iniwamegele waja elfu ne, bahaja hammemeze vigelo vingahi vumdondole upakapaka? Wamulongela, “Saba.” 21Kawauza, “Che, avo hamnavimanya?”
Kimbugumbugu wa Betsaida
22Vuwengile Betsaida, wamgalila kimbugumbugu, wampembela yamkwase. 23Kaugoga umkono wa ikimbugumbugu, kamulongoza walawe hakiwambo; kamtemela mate mmeso, kamgeleka mikono, kamuuza, “Kokona kinhu?” 24Yuja kenula gameso, kalonga, “Nokona wanhu wotembela, wokoneka kamba mibiki.” 25Baho kamgeleka makono viyagwe mmeso gake, kamulongela yalole kabili; baho meso gake gabwela magima, kavyona vinhu vyose bunubunu na vili kutali. 26Imala kamulagiza yachole ukaye kumwawo, kamulongela, “Sukuubwele kuchugu kukiwambo, hebu kumulongela munhu mkiwambo!”
Kumtogola Kristo na migazo yake
27Wahalawa Yesu na wanahina wake, wavika kuviwambo vya nyenza za Kaisaria Filipi; vuwakalile mnzila, kawauza wanahina wake kalonga, “Wanhu wanonga niye kamba nili yalihi?” 28Wamulongela, “Wokulonga kamba kwa Yohana Msingula wanhu, wayagwe wolonga kwa Elia, wayagwe wokulonga kwa imonga wa Watulandagu.” 29Imala kawauza, “Bali mweye mononga niye nili yalihi?” Petro kedika kamulongela, “Gweye gwegwe Kristo.” 30Baho kawagomesa, sukuwamulongele munhu mbuli hiyo.
31Kasonga kuwalangukiza kamba imwandama heyo Mwanage Munhu kugazwa nghani na kubeligwa na Wavyele na Watambika Wakulu na Wana Nzuma, giladi yakomigwe, ilawabaho yazuke vondadivike siku jaikadatu; longa dino kadilonga kibunubunu.
32Baho Petro kamsola hamngwazo, kasonga kumkomhokela. 33Na heyo kahinduka kawalola wanahina wake, kamkomhokela Petro kalonga, “Halawe hano hachugu changu, Mwenembago! kilumbo gweye hugesa mbuli za Mulungu, komu kogesa mbuli za wanhu yeka.”
Kwidikwa msalaba wetu
34Kadikema dale ja wanhu wamwizile hamonga na wanahina wake, kawalongela, “Munhu yahalonda kungholeleza niye, yegomese manogelwa gake, yedwike msalaba wake, imala yaminze! 35Kwa mzoko munhu yahalonda kwihonya mwenyecho, kowasa ugima wake; ayo munhu yonda yangamize ugima wake kwa kilumbo changu niye na cha Usenga Unogile, koihonya mwenyecho. 36Kwa mzoko munhu vonoga choni kuvisuma vya ulumwengu vyose, yahonze ugima wake? 37Hebu munhu yalave choni yaukombole ugima wake? 38Munhu yonda yambonele kinyala niye na malonga gangu mulukolo luno lwene ugoni na ubananzi, avo Mwanage Munhu komonela kinyala hiyo, vondayeze mwiyenzi ya Tata wake hamonga na malaika zake womelemeta.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.