Yohana 20
20
Imitondo ya Pasaka, Yesu kazuka
1Viivikile siku ya ichanduso ya ijuma, Maria Magdalena kachola kukabuli imitondotondo, tanhu kuhali na ziza; kajona dija idibwe disegezigwa hana ikabuli. 2Kachola mbwisa, kavika kwa Simoni Petro na yuja imwanahina iyagwe, ayuja Yesu iyamnogele, kawalongela, “Wamsegeza Mndewa mkabuli, wala hatutangile hawamwikile.” 3Baho Petro kalawa na yuja imwanahina iyagwe, wagoga nzila kuchola kukabuli. 4Wose vuwali wabili wabigima, na yuja imwanahina iyagwe kachola bigime kumbanza Petro, kalongola ukuvika hali ikabuli. 5Kenamila na kusungulila, kazona nhambala za sanda zitambalale, bali hengile. 6Baho keza na Simoni Petro yomkoleleza, kengila mgati mwa ikabuli na kuvilolesa ivitambala vitambalale; 7Na uja mulufia ukalile mutwi mmwake, hautambalale hamonga na ivitambala, komu uizingiliza-zingiliza kutali hanhu hali yeka. 8Baho yengile na yuja imwanahina iyagwe yavikile ichanduso kukabuli, kavona, katogola. 9Kwa mzoko tanhu hawanaditanga jandiko kamba imwandama kuzuka. 10Avo waja iwanahina wachola na zao ukaye kumwao.
Yesu kamulawilila Maria Magdalena
11Komu Maria kakala yemile hanze behi na ikabuli yolila, na viyakalile yolila, kenamila kasungulila mgati mdikabuli. 12Kawona malaika wabili, wavalile nguwo nzelu, wakalile yumwe kuli iditwi, yumwe kuli imigulu haja hautambalikwe umtufi wa Yesu. 13Na hewo wamulongela, “Mamo, kolilila choni?” Kawalongela, “Kilumbo wamsegeza mndewa wangu, na niye sitangile kuwamwikile.” 14Yomala kahinduka hachugu, kamona Yesu yemile, hamtangile kamba iyo Yesu. 15Yesu kamulongela, “Mamo, kolilila choni? Komzahila yalihi?” Na heyo, kuno yogesa kamba yuyo msepa ikihati, kamulongela, “Bwana, uhawa gwegwe umsolile, ndongela haumwikile, na niye ngende hamsole.” 16Yesu kamulongela, “Maria!” Na heyo kahinduka, kamulongela kwa kiebrania, “Raboni!” (Ngalukizo yake, “Mwalimu wangu”) 17Yesu kamulongela, “Sikuungoge, kwa mzoko sinaweluka kuchola kwa Tata; bali genda kwa ndugu zangu, kawalongele, noweluka kuchola kwa Tata wangu na heyo iyo Tata wenu, kwa Mulungu wangu na heyo iyo Mulungu wenu.” 18Maria Magdalena kachola kawapetela iwanahina, Nimona Mndewa, na ago gago gayanongele.
Yesu kawonekela wanahina na Toma
19Viivikile ichungulo siku ija ya ichanduso ya Ijuma, haja iwakalile iwanahina, na nyivi zihindigwa kilumbo cha kuwadumba Wayuda, keza Yesu, kema wima hagatigati, kawalongela, “Tindiwalo diwe kumwenu!” 20Yomala kawalagila mikono yake na lubavu lwake; na waja iwanahina wemozamoza, vuwamonile Mndewa. 21Yesu kawalongela viyagwe, “Tindiwalo diwe kumwenu! Kamba Tata viyanhumile niye, nomgalani na mweye. 22Yomala kawahuzila na kuwalongela, Bokeleni Loho Ingʼalile! 23Wowose wonda muwasegezele matozo, wosegezelwa, na wowose wonda muwafungile matozo wofungilwa.”
24Komu imonga wa waja longo dimwe na wabili, Tomaso yokemigwa Ubasa, hawile baho hamonga na hewo viyezile Yesu. 25Wanahina wayage wamulongela, “Tumona Mnde-wa!” Na heyo kawalongela, “Niye kamba siziwene mmikono yake zinghovu za misumali, na kugela kidole changu ihanhu haimisumali, na kugela mkono wangu muna ulubavu lwake, niye sitogole ngʼo.”
26Siku jekanane, wanahina wake vuwakalile mumo mngʼanda kabili, na Tomaso hamonga na hewo, keza Yesu, na nyivi zihindigwa, kema hagatigati zugaga kalonga, “Tindiwalo diwe kumwenu!” 27Yomala kamulongela Tomaso, “Gala hano kidole chako uilole mikono yangu; ugale na mkono wako, wingize mulubavu lwangu, kahi sikuuwe na kinghwaso komu uwe mwene kutogola!” 28Tomaso kedika kamulongela, “Mndewa wangu na Mulungu wangu!” 29Yesu kamulongela, “Gweye kutogola kilumbo vuumbwene; wamota waja hawalolile watogola.”
30Avo kukala vinzonza viyagwe bwando, Yesu viyasanghane hakihanga cha iwanahina, vilekigwe kwandikwa mkitabu kino. 31Bali zino zandikigwa giladi mtogole kamba Yesu yuyo Kristo Mwanage Mulungu, na kwa kumtogola muwe na upile ulawile mtwaga jake.
ទើបបានជ្រើសរើសហើយ៖
Yohana 20: ZAM75
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.
Yohana 20
20
Imitondo ya Pasaka, Yesu kazuka
1Viivikile siku ya ichanduso ya ijuma, Maria Magdalena kachola kukabuli imitondotondo, tanhu kuhali na ziza; kajona dija idibwe disegezigwa hana ikabuli. 2Kachola mbwisa, kavika kwa Simoni Petro na yuja imwanahina iyagwe, ayuja Yesu iyamnogele, kawalongela, “Wamsegeza Mndewa mkabuli, wala hatutangile hawamwikile.” 3Baho Petro kalawa na yuja imwanahina iyagwe, wagoga nzila kuchola kukabuli. 4Wose vuwali wabili wabigima, na yuja imwanahina iyagwe kachola bigime kumbanza Petro, kalongola ukuvika hali ikabuli. 5Kenamila na kusungulila, kazona nhambala za sanda zitambalale, bali hengile. 6Baho keza na Simoni Petro yomkoleleza, kengila mgati mwa ikabuli na kuvilolesa ivitambala vitambalale; 7Na uja mulufia ukalile mutwi mmwake, hautambalale hamonga na ivitambala, komu uizingiliza-zingiliza kutali hanhu hali yeka. 8Baho yengile na yuja imwanahina iyagwe yavikile ichanduso kukabuli, kavona, katogola. 9Kwa mzoko tanhu hawanaditanga jandiko kamba imwandama kuzuka. 10Avo waja iwanahina wachola na zao ukaye kumwao.
Yesu kamulawilila Maria Magdalena
11Komu Maria kakala yemile hanze behi na ikabuli yolila, na viyakalile yolila, kenamila kasungulila mgati mdikabuli. 12Kawona malaika wabili, wavalile nguwo nzelu, wakalile yumwe kuli iditwi, yumwe kuli imigulu haja hautambalikwe umtufi wa Yesu. 13Na hewo wamulongela, “Mamo, kolilila choni?” Kawalongela, “Kilumbo wamsegeza mndewa wangu, na niye sitangile kuwamwikile.” 14Yomala kahinduka hachugu, kamona Yesu yemile, hamtangile kamba iyo Yesu. 15Yesu kamulongela, “Mamo, kolilila choni? Komzahila yalihi?” Na heyo, kuno yogesa kamba yuyo msepa ikihati, kamulongela, “Bwana, uhawa gwegwe umsolile, ndongela haumwikile, na niye ngende hamsole.” 16Yesu kamulongela, “Maria!” Na heyo kahinduka, kamulongela kwa kiebrania, “Raboni!” (Ngalukizo yake, “Mwalimu wangu”) 17Yesu kamulongela, “Sikuungoge, kwa mzoko sinaweluka kuchola kwa Tata; bali genda kwa ndugu zangu, kawalongele, noweluka kuchola kwa Tata wangu na heyo iyo Tata wenu, kwa Mulungu wangu na heyo iyo Mulungu wenu.” 18Maria Magdalena kachola kawapetela iwanahina, Nimona Mndewa, na ago gago gayanongele.
Yesu kawonekela wanahina na Toma
19Viivikile ichungulo siku ija ya ichanduso ya Ijuma, haja iwakalile iwanahina, na nyivi zihindigwa kilumbo cha kuwadumba Wayuda, keza Yesu, kema wima hagatigati, kawalongela, “Tindiwalo diwe kumwenu!” 20Yomala kawalagila mikono yake na lubavu lwake; na waja iwanahina wemozamoza, vuwamonile Mndewa. 21Yesu kawalongela viyagwe, “Tindiwalo diwe kumwenu! Kamba Tata viyanhumile niye, nomgalani na mweye. 22Yomala kawahuzila na kuwalongela, Bokeleni Loho Ingʼalile! 23Wowose wonda muwasegezele matozo, wosegezelwa, na wowose wonda muwafungile matozo wofungilwa.”
24Komu imonga wa waja longo dimwe na wabili, Tomaso yokemigwa Ubasa, hawile baho hamonga na hewo viyezile Yesu. 25Wanahina wayage wamulongela, “Tumona Mnde-wa!” Na heyo kawalongela, “Niye kamba siziwene mmikono yake zinghovu za misumali, na kugela kidole changu ihanhu haimisumali, na kugela mkono wangu muna ulubavu lwake, niye sitogole ngʼo.”
26Siku jekanane, wanahina wake vuwakalile mumo mngʼanda kabili, na Tomaso hamonga na hewo, keza Yesu, na nyivi zihindigwa, kema hagatigati zugaga kalonga, “Tindiwalo diwe kumwenu!” 27Yomala kamulongela Tomaso, “Gala hano kidole chako uilole mikono yangu; ugale na mkono wako, wingize mulubavu lwangu, kahi sikuuwe na kinghwaso komu uwe mwene kutogola!” 28Tomaso kedika kamulongela, “Mndewa wangu na Mulungu wangu!” 29Yesu kamulongela, “Gweye kutogola kilumbo vuumbwene; wamota waja hawalolile watogola.”
30Avo kukala vinzonza viyagwe bwando, Yesu viyasanghane hakihanga cha iwanahina, vilekigwe kwandikwa mkitabu kino. 31Bali zino zandikigwa giladi mtogole kamba Yesu yuyo Kristo Mwanage Mulungu, na kwa kumtogola muwe na upile ulawile mtwaga jake.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.