Sanghano 5
5
Anania na Safira wakanhigwa mdidale
1Kukala na munhu twaga jake Anania; sano jake Safira; yuno kaguliza kiunga. 2Kafisa mhiya ziyagwe kwa ubadagi, na sano jake kavimanya, kagala fungu dimwe, kadika hamigulu ya Watumigwa. 3Petro kalonga, “Anania, vilihi Mwenembago viyakumemele mmoyo, kumvwizila Loho Yangʼalile, kufisa fungu ja mhiya za ikiunga? 4Vuukalile nacho, hakiwile mali gako? Na vikimalile kugulizwa, hudahile kutenda vugesile? Vilihi vuikile mbuli ino mmoyo mmwako? Humulongele utungulu munhu komu Mulungu!”
5Anania viyahulike malonga gano, kaibwanha kadanganika; bwembwe bwando diwengila wanhu wose wahulike gano. 6Wamhale wamsegeza, wamgela msanda, wamgala kunze, wamzika.
7Kipigiti cha saa ndatu vikibitile, imwehe kengila, na heyo kabule kivugulo cha gaja galawilile. 8Petro kamuuza, “Nongela mkiguliza kiunga kwa mhiya hizo?” Kalonga, “Wona, kwa mhiya hizo.” 9Petro kamulongela, “Vilihi vumwigondanye kumgeza Loho wa Mndewa? Lola migulu yao wamzikile mkasano wako, yabaho hamulango, nahewo wokusola kunze na gweye.” 10Mhunde kagwa hamigulu yake, kadanganika; waja wamhale vuwengile, wamvika yafile; wamsola wamgala kunze, wamzika hamonga na mbigalo wake. 11Kidete kikulu kiwapata waja watogole wose na wanhu wose wagahulike gaja.
Vinzonza vitendigwe
12Vilolomboto na vinzonza bwando visanghanwa na mikono ya Watumigwa kwa wanhu wa kumwao; hiwo wose wakala hamonga muna Umsana wa Salomo, na miyoyo yao ikala hamwe. 13Komu wayagwe haduhu hata yumwe yagesile kwigondanya nawo, bali wanhu wakala wawavumila. 14Na waja wamtogole Mndewa, wabanza kongezeka nghani, madale bwando ga wambigalo na watwanzi. 15Avo wanhu wakala walava watamu oweka mnzila, wawasile mvisazi hebu mmajamvi, wobeta Petro yaheza, sisila jake dihamgubika imonga, kohona. 16Na madale ga wanhu wali mviwambo vili mmambwegambwega mwa Yerusalemu, weza wawagala watamu na waja wene kugazwa na mizuka michapalisi; wose wahonyigwa.
Watumigwa vuwadoholigwe mkifungo, wagangamala
17Baho mtambika mkulu kenuka, na wose wakalile hamonga na heyo, waja wa ididale da Masadukeo, wamema migongo. 18Wawagoga Watumigwa na kuwagela mkifungo. 19Komu ikilo malaika wa Mndewa kaifungula milango ya ngʼanda ya kifungo, kawalava. 20Kalonga, “Gendeni mkeme mngʼanda da Mulungu, muwalongele wanhu mbuli zose za ugima uno.”
21Na hewo vuwahulike, wachola mdingʼanda da Mulungu imitondo, wandusa kulangukiza; komu Mtambika Mkulu na waja wakalile hamonga na heyo, wawalundiza wayao kuluhengo lwa nhaguso, na wavyele wose wa wana Israeli; watuma wanhu kuja kukifungo giladi wawagale.
22Waja watumigwe vuwavikile, hawawawene mkifungo, wabwela kuwapetela, walonga, 23“Kifungo tukivika kifungigwe vivija, na iwasepi wema zugaga hamulango, komu vituvugule hatuwene munhu mgati.” 24Baho Mwimiliza Ngʼanda ya Mulungu na Watambika Wakulu vuwahulike gaja wagudema, hawamanyile dokuwaze kumwao gweka hijo. 25Munhu imonga keza kawapetela kamba wanhu waja wamfungile, wamuja mdingʼanda da Mulungu, wema walangukiza wanhu.
26Baho yuja Mwimilizi kachola hamonga na asikali, kawagala ugaluga, kilumbo wawadumba wanhu sikuweze kuwasuna na mabwe. 27Vuwawagalile, waweka haluhengo lwa Nhaguso; Mtambika Mkulu kawauza kalonga, 28“Che, hatumzumileni mweye nghani, sukumlangukize kwa tagwa dino? Na mweye lola muimemeza Yerusalemu malangulizo genu, molonda kugela langalila ja munhu yuja kumwetu!”
29Petro na Watumigwa wedika walonga, “Itwandama tumdumbe Mulungu kubita wanhu. 30Mulungu wa tata zetu kamzusa Yesu, mweye mumkoma, mumtumbika muna dibiki. 31Munhu hiyo Mulungu kamtunila yakale mumkono wake wa ukulume, yawe Mndewa na Mgombozi, yawenghe Waisraeli mgaluko na segezelo da matozo. 32Na tweye twawasindi wa magweka gano hamonga na Loho Yangʼalile, vilema Mulungu kawagwelela wose wene kumtamanila.”
Kizumo cha Gamalieli
33Vuwagahulike, wengilwa na lusango, watenda msagu wawakome. 34Baho Fariseo imonga twaga jake Gamalieli, Mkulufunzi wa Inzuma, mwene kudumbwa na wanhu wose, kema wima haluhengo lwa Nhaguso, kalagiza, Watumigwa wekigwe hanze kipigiti kidodo. 35Kawalongela, “Mweye mbigalo wa Israeli, teganyeni vonda muwatendele wanhu wano! 36Kilumbo siku zino kenukila Teuda, kaitopa kamba heyo munhu mkulu, wanhu wamkoleleze wavika miya ne, na heyo kakomigwa, na wose wamvumile wapwililika, wagalamka si kinhu. 37Ilawa baho mazuwa gaja ga kwandikwa kodi, Yuda Mgalilea kenuka, kawakwega wanhu wano na wano kuchugu chake, na heyo kayangayuka, na wose wamvumile wapwililike. 38Avo nomulongelani, Inegeni na wanhu wano, walekeni! Kwa mzoko mbuli ino hebu sanghana ino ihawa ilawa kwa munhu, yobanangika; 39komu ihawa ilawa kwa Mulungu, hamdaha kuibananga, sikumwize moneke kamba mobamila na Mulungu.”
40Wavumila malonga gake. Na vuwawakemile Watumigwa, wawasuna na kuwengha mbila sikuwalonge kwa tagwa ja Yesu; imala wawaleka wachole na zao. 41Na hewo walawa hana luhengo, kuno wodenghelela kilumbo wapetigwa, kamba viwandama kugelwa kinyala kwa mzoko wa twaga hijo. 42Mazuwa gose hawalekile kulangukiza mgati mdihekalu na mzingʼanda zao, na kupeta kivugulo kinogile cha Yesu kamba yuyo Kristo.
ទើបបានជ្រើសរើសហើយ៖
Sanghano 5: ZAM75
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.
Sanghano 5
5
Anania na Safira wakanhigwa mdidale
1Kukala na munhu twaga jake Anania; sano jake Safira; yuno kaguliza kiunga. 2Kafisa mhiya ziyagwe kwa ubadagi, na sano jake kavimanya, kagala fungu dimwe, kadika hamigulu ya Watumigwa. 3Petro kalonga, “Anania, vilihi Mwenembago viyakumemele mmoyo, kumvwizila Loho Yangʼalile, kufisa fungu ja mhiya za ikiunga? 4Vuukalile nacho, hakiwile mali gako? Na vikimalile kugulizwa, hudahile kutenda vugesile? Vilihi vuikile mbuli ino mmoyo mmwako? Humulongele utungulu munhu komu Mulungu!”
5Anania viyahulike malonga gano, kaibwanha kadanganika; bwembwe bwando diwengila wanhu wose wahulike gano. 6Wamhale wamsegeza, wamgela msanda, wamgala kunze, wamzika.
7Kipigiti cha saa ndatu vikibitile, imwehe kengila, na heyo kabule kivugulo cha gaja galawilile. 8Petro kamuuza, “Nongela mkiguliza kiunga kwa mhiya hizo?” Kalonga, “Wona, kwa mhiya hizo.” 9Petro kamulongela, “Vilihi vumwigondanye kumgeza Loho wa Mndewa? Lola migulu yao wamzikile mkasano wako, yabaho hamulango, nahewo wokusola kunze na gweye.” 10Mhunde kagwa hamigulu yake, kadanganika; waja wamhale vuwengile, wamvika yafile; wamsola wamgala kunze, wamzika hamonga na mbigalo wake. 11Kidete kikulu kiwapata waja watogole wose na wanhu wose wagahulike gaja.
Vinzonza vitendigwe
12Vilolomboto na vinzonza bwando visanghanwa na mikono ya Watumigwa kwa wanhu wa kumwao; hiwo wose wakala hamonga muna Umsana wa Salomo, na miyoyo yao ikala hamwe. 13Komu wayagwe haduhu hata yumwe yagesile kwigondanya nawo, bali wanhu wakala wawavumila. 14Na waja wamtogole Mndewa, wabanza kongezeka nghani, madale bwando ga wambigalo na watwanzi. 15Avo wanhu wakala walava watamu oweka mnzila, wawasile mvisazi hebu mmajamvi, wobeta Petro yaheza, sisila jake dihamgubika imonga, kohona. 16Na madale ga wanhu wali mviwambo vili mmambwegambwega mwa Yerusalemu, weza wawagala watamu na waja wene kugazwa na mizuka michapalisi; wose wahonyigwa.
Watumigwa vuwadoholigwe mkifungo, wagangamala
17Baho mtambika mkulu kenuka, na wose wakalile hamonga na heyo, waja wa ididale da Masadukeo, wamema migongo. 18Wawagoga Watumigwa na kuwagela mkifungo. 19Komu ikilo malaika wa Mndewa kaifungula milango ya ngʼanda ya kifungo, kawalava. 20Kalonga, “Gendeni mkeme mngʼanda da Mulungu, muwalongele wanhu mbuli zose za ugima uno.”
21Na hewo vuwahulike, wachola mdingʼanda da Mulungu imitondo, wandusa kulangukiza; komu Mtambika Mkulu na waja wakalile hamonga na heyo, wawalundiza wayao kuluhengo lwa nhaguso, na wavyele wose wa wana Israeli; watuma wanhu kuja kukifungo giladi wawagale.
22Waja watumigwe vuwavikile, hawawawene mkifungo, wabwela kuwapetela, walonga, 23“Kifungo tukivika kifungigwe vivija, na iwasepi wema zugaga hamulango, komu vituvugule hatuwene munhu mgati.” 24Baho Mwimiliza Ngʼanda ya Mulungu na Watambika Wakulu vuwahulike gaja wagudema, hawamanyile dokuwaze kumwao gweka hijo. 25Munhu imonga keza kawapetela kamba wanhu waja wamfungile, wamuja mdingʼanda da Mulungu, wema walangukiza wanhu.
26Baho yuja Mwimilizi kachola hamonga na asikali, kawagala ugaluga, kilumbo wawadumba wanhu sikuweze kuwasuna na mabwe. 27Vuwawagalile, waweka haluhengo lwa Nhaguso; Mtambika Mkulu kawauza kalonga, 28“Che, hatumzumileni mweye nghani, sukumlangukize kwa tagwa dino? Na mweye lola muimemeza Yerusalemu malangulizo genu, molonda kugela langalila ja munhu yuja kumwetu!”
29Petro na Watumigwa wedika walonga, “Itwandama tumdumbe Mulungu kubita wanhu. 30Mulungu wa tata zetu kamzusa Yesu, mweye mumkoma, mumtumbika muna dibiki. 31Munhu hiyo Mulungu kamtunila yakale mumkono wake wa ukulume, yawe Mndewa na Mgombozi, yawenghe Waisraeli mgaluko na segezelo da matozo. 32Na tweye twawasindi wa magweka gano hamonga na Loho Yangʼalile, vilema Mulungu kawagwelela wose wene kumtamanila.”
Kizumo cha Gamalieli
33Vuwagahulike, wengilwa na lusango, watenda msagu wawakome. 34Baho Fariseo imonga twaga jake Gamalieli, Mkulufunzi wa Inzuma, mwene kudumbwa na wanhu wose, kema wima haluhengo lwa Nhaguso, kalagiza, Watumigwa wekigwe hanze kipigiti kidodo. 35Kawalongela, “Mweye mbigalo wa Israeli, teganyeni vonda muwatendele wanhu wano! 36Kilumbo siku zino kenukila Teuda, kaitopa kamba heyo munhu mkulu, wanhu wamkoleleze wavika miya ne, na heyo kakomigwa, na wose wamvumile wapwililika, wagalamka si kinhu. 37Ilawa baho mazuwa gaja ga kwandikwa kodi, Yuda Mgalilea kenuka, kawakwega wanhu wano na wano kuchugu chake, na heyo kayangayuka, na wose wamvumile wapwililike. 38Avo nomulongelani, Inegeni na wanhu wano, walekeni! Kwa mzoko mbuli ino hebu sanghana ino ihawa ilawa kwa munhu, yobanangika; 39komu ihawa ilawa kwa Mulungu, hamdaha kuibananga, sikumwize moneke kamba mobamila na Mulungu.”
40Wavumila malonga gake. Na vuwawakemile Watumigwa, wawasuna na kuwengha mbila sikuwalonge kwa tagwa ja Yesu; imala wawaleka wachole na zao. 41Na hewo walawa hana luhengo, kuno wodenghelela kilumbo wapetigwa, kamba viwandama kugelwa kinyala kwa mzoko wa twaga hijo. 42Mazuwa gose hawalekile kulangukiza mgati mdihekalu na mzingʼanda zao, na kupeta kivugulo kinogile cha Yesu kamba yuyo Kristo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.