Sanghano 3
3
Mbetembete hamulango wa dihekalu viyahonele
1Siku dimonga Petro na Yohana wachola Kungʼanda ya Mulungu saa kenda, wanhu vuwacholaga kupula. 2Kukala na munhu yaleligwe mbetembete, na heyo kasolagwa na wanhu, yokwikwa mazuwa gose hamulango wa dihekalu ukemagwa unoga, giladi yapule nhosa kwa waja wokwingila mdihekalu. 3Viyawawene Petro na Yohana wokwingila mngʼanda ya Mulungu, kalonda wamgwelele nhosa na hewo. 4Komu Petro kambunhulila meso hamonga na Yohana, kalonga, “Tulole tweye!” 5Kawabunhulila meso, na heyo yobeta chonda wamwinghe. 6Petro kalonga, “Mhiya na zahabu nabule, komu kinili nacho kicho chonda nikwinghe; kwa tagwa ja Yesu Kristo wa Nazareti ima wima ugende!” 7Kamgoga mkono wa ukulume, kamnyagamula; mhunde migulu yake na ngozongo zake zingilwa mhiko. 8Kenuka mbwisa, kema wima, kandusa kuchola; kengila mngʼanda ya Mulungu hamonga na hewo, yozunguluka kuno yozumhazumha na kumtogola Mulungu.
9Wanhu wose vuwamuwene yozunguluka na kumtunila Mulungu, 10wavimanya kamba yuja yuyo yakalile yopula nhosa behi ha mulango unogile wa dihekalu. Wakanganya nghani na kugasinhuka gaja gampatile.
Petro kawapetela wanhu kilaga cha Kristo
11Avo viyakalile yowandama Petro na Yohana, mhunde wanhu wose wawalundila muna Umsana ukemigwa wa Salomo, wakangawala.
12Petro viyawawene kawalongela, “Mweye Waisraeli, vilihi mumkanganya, na tweye motubunhulila meso, kamba kwali mhiko zetu wenyego na nhamanilo zetu zizo zimtendile yuno yachole? 13Mulungu wa Abrahamu, wa Isaka na wa Yakobo, Mulungu wa tata zetu kamtunila msongolo wake Yesu; amweye mumlava na kumbela hakihanga cha Pilato viyalamule yadoholigwe. 14Komu mweye mumulema yuja mwene uholo na mwene ihoko, mulonda mgwelelwe mkoma wanhu. 15Ayuja mwene kulongoza kuugima mumkoma, komu Mulungu kamzusa kulawa kwa wafile, na tweye twa wasindi wake. 16Kabili munhu yuno viyaditamanile twaga jake, ajo twaga jake dimgwelela mhiko ino yumona na kumtanga; na nhamamanilo iyo ya kumgoga Yesu imgelile upile mgima hakihanga chenu.
17Avo ndugu zangu, nivitanga kamba mgatenda gano hamvitangile, hamonga na wakulu wenu wose. 18Komu avo vivo Mulungu viyagaduganye gayapwililise mwaka mmilomo ya Watulandagu wose, kamba Kristo wake kogaduswa. 19Avo yalaleni na kugaluka, giladi nhozo zenu zisegezwe ziwalawe. 20Avo vonda zimvikileni zija siku za kihozelo, vonda yabwele Mndewa, baho honda yadahe kumtuma Kristo Yesu yuja mgolelwe haikilongozi. 21Ayuja imwandame kuusola Undewa wa Kuulanga kuvikila isiku, vinhu vyose vonda vigalamke sambi, kamba Mulungu viyalongile umwaka mmilomo ya Walaguzi wake wangʼalile.
22Kwa mzoko Mose kalonga, Magana Mulungu wenu komwinulilani Mlaguzi muna mlelo wenu, yagambile kamba niye; mtegelezeni yuyo muna gamalonga gose gonda yawalangukize! 23Avo kamba munhu hamtegeleze Mlaguzi hiyo, kobaguligwa mulukolo lwa Mulungu na kubanangwa. – 24Avo walaguzi kulawa kwa Samweli na waja wezile hachugu, wose walongile, wabwililisa kivugulo cha siku zino zimkona. 25Mweye mwa wana wa Watulandagu, kabili mwa wana wa ikilaga, Mulungu kiyalagane na tata zenu; viyamulongele Abrahamu, Mulukolo lwako mumo ngholo zose za ulumwengu zomotezwa. 26Mulungu viyamalile kumzusa mtumigwa wake Yesu, kalongola kumgala kumwenu, giladi yawamoteze mweye kwa kumbenhula kila imonga wenu na matozo gake.”
ទើបបានជ្រើសរើសហើយ៖
Sanghano 3: ZAM75
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.
Sanghano 3
3
Mbetembete hamulango wa dihekalu viyahonele
1Siku dimonga Petro na Yohana wachola Kungʼanda ya Mulungu saa kenda, wanhu vuwacholaga kupula. 2Kukala na munhu yaleligwe mbetembete, na heyo kasolagwa na wanhu, yokwikwa mazuwa gose hamulango wa dihekalu ukemagwa unoga, giladi yapule nhosa kwa waja wokwingila mdihekalu. 3Viyawawene Petro na Yohana wokwingila mngʼanda ya Mulungu, kalonda wamgwelele nhosa na hewo. 4Komu Petro kambunhulila meso hamonga na Yohana, kalonga, “Tulole tweye!” 5Kawabunhulila meso, na heyo yobeta chonda wamwinghe. 6Petro kalonga, “Mhiya na zahabu nabule, komu kinili nacho kicho chonda nikwinghe; kwa tagwa ja Yesu Kristo wa Nazareti ima wima ugende!” 7Kamgoga mkono wa ukulume, kamnyagamula; mhunde migulu yake na ngozongo zake zingilwa mhiko. 8Kenuka mbwisa, kema wima, kandusa kuchola; kengila mngʼanda ya Mulungu hamonga na hewo, yozunguluka kuno yozumhazumha na kumtogola Mulungu.
9Wanhu wose vuwamuwene yozunguluka na kumtunila Mulungu, 10wavimanya kamba yuja yuyo yakalile yopula nhosa behi ha mulango unogile wa dihekalu. Wakanganya nghani na kugasinhuka gaja gampatile.
Petro kawapetela wanhu kilaga cha Kristo
11Avo viyakalile yowandama Petro na Yohana, mhunde wanhu wose wawalundila muna Umsana ukemigwa wa Salomo, wakangawala.
12Petro viyawawene kawalongela, “Mweye Waisraeli, vilihi mumkanganya, na tweye motubunhulila meso, kamba kwali mhiko zetu wenyego na nhamanilo zetu zizo zimtendile yuno yachole? 13Mulungu wa Abrahamu, wa Isaka na wa Yakobo, Mulungu wa tata zetu kamtunila msongolo wake Yesu; amweye mumlava na kumbela hakihanga cha Pilato viyalamule yadoholigwe. 14Komu mweye mumulema yuja mwene uholo na mwene ihoko, mulonda mgwelelwe mkoma wanhu. 15Ayuja mwene kulongoza kuugima mumkoma, komu Mulungu kamzusa kulawa kwa wafile, na tweye twa wasindi wake. 16Kabili munhu yuno viyaditamanile twaga jake, ajo twaga jake dimgwelela mhiko ino yumona na kumtanga; na nhamamanilo iyo ya kumgoga Yesu imgelile upile mgima hakihanga chenu.
17Avo ndugu zangu, nivitanga kamba mgatenda gano hamvitangile, hamonga na wakulu wenu wose. 18Komu avo vivo Mulungu viyagaduganye gayapwililise mwaka mmilomo ya Watulandagu wose, kamba Kristo wake kogaduswa. 19Avo yalaleni na kugaluka, giladi nhozo zenu zisegezwe ziwalawe. 20Avo vonda zimvikileni zija siku za kihozelo, vonda yabwele Mndewa, baho honda yadahe kumtuma Kristo Yesu yuja mgolelwe haikilongozi. 21Ayuja imwandame kuusola Undewa wa Kuulanga kuvikila isiku, vinhu vyose vonda vigalamke sambi, kamba Mulungu viyalongile umwaka mmilomo ya Walaguzi wake wangʼalile.
22Kwa mzoko Mose kalonga, Magana Mulungu wenu komwinulilani Mlaguzi muna mlelo wenu, yagambile kamba niye; mtegelezeni yuyo muna gamalonga gose gonda yawalangukize! 23Avo kamba munhu hamtegeleze Mlaguzi hiyo, kobaguligwa mulukolo lwa Mulungu na kubanangwa. – 24Avo walaguzi kulawa kwa Samweli na waja wezile hachugu, wose walongile, wabwililisa kivugulo cha siku zino zimkona. 25Mweye mwa wana wa Watulandagu, kabili mwa wana wa ikilaga, Mulungu kiyalagane na tata zenu; viyamulongele Abrahamu, Mulukolo lwako mumo ngholo zose za ulumwengu zomotezwa. 26Mulungu viyamalile kumzusa mtumigwa wake Yesu, kalongola kumgala kumwenu, giladi yawamoteze mweye kwa kumbenhula kila imonga wenu na matozo gake.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.