Sanghano 18
18
Akila na Prisila wamgomela Paulo hiko Korinto
1Ilawa baho Paulo kahalawa Atene, kavika Korinto. 2Kamona Muyuda imonga twaga jake Akila, mwelekelwa Ponto, na heyo keza kulawa isi ya Italia siku zizija hamonga na sano jake Prisila; kilumbo Mtawala Klaudio kawalavila mbila Wayuda wose walawe Roma. 3Paulo kavikila kumwao, kilumbo sanghana yawo ya ufundi ikala imonga, wakala mafundi wa kusona hema. 4Kalava nongezi zake muna ingʼanda ya nhambiko siku zose za ukuhumula, kageza kuwakwega Wayuda na Wagriki.
5Aluja Sila na Timoteo vuwavikile kulawa Makedonia Paulo kagangamazwa kudibwililisa dija dilonga, yowasindila Wayuda kamba Yesu yuyo Kristo. 6Komu vuwebamilile, kuno womuliga, kakungʼunha nguwo zake timbwisi, kawalongela, “Mulopa wenu na uwezile uchana ha matwi genu; niye namduhu; avo nochola kwa wanhu walilingwa.”
7Kasegela hiko, kengila mngʼanda ya munhu imonga twaga jake Tito Yusto mdumba Mulungu, na ngʼanda yake ibakana na ngʼanda ya nhambiko. 8Na Krispo, mkulu wa ngʼanda ya nhambiko, kamtogola Mndewa hamonga na wose wa mngʼanda yake; na Wakorinto bwando vuwahulike, watogola na kubatizwa.
9Mndewa kamulongela Paulo ikilo muna zinzozi, “Sukuudumbe, komu ditonge Longa jangu, sukuunyamale! 10Kilumbo Niye nahamwe na gweye, haduhu munhu yonda yakugaze hebu kukulumiza, kwa mzoko ninawo wanhu bwando mdiwambo dino.”
11Kakukala hiko mwaka umwe na miyezi sita, yolangukiza mmwawo Longa da Mulungu.
Luwali Galio
12Komu Galio viyakalile luwali wa Ugriki (Akea), Wayuda waigondanya, wamana kumwinukila Paulo, wamgala kukitala. 13Walonga, “Munhu yuno kowakwega wanhu, wakoleleze nhambiko kimoso cha inzuma ya Mtawala!” 14Paulo viyalondile kunanula mulomo wake, Galio kawalongela Wayuda, “Mweye Wayuda, kamba dihawile gweka ja undumu hebu ubananzi, ihawile goya niye na mweye tuhagasagule. 15Bali ihawa bamila digambile muulonzi wa nhambiko na matwaga na nzuma yenu, galoleni mwemwe wenyego; mbuli kamba hizo niye ndema kuzilamula.” 16Kawawinga kulawa hana ikigoda chake cha ikitala. 17Baho wose wamgoga Sostene, imkulu wa ingʼanga ya nhambiko, wamsuna behi ya kigoda cha kitala, wala Galio hagawene magweka higo kamba kinhu.
Paulo kabwelela Antiokia
18Imala Paulo kongeza kukala hiko mazuwa bwando, kalagana na wanahina, kengila mjahazi, kachola Siria, na Prisila na Akila wachola hamonga na heyo; tanhu kabeya ditwi jake hiko Kenkrea, kilumbo duwilo diyaduganye. 19Vuwavikile Efeso, kawaleka hiko; heyo mwenyecho kengila mngʼanda ya nhambiko, kalongelela na Wayuda. 20Komu vuwamulondile yakale mazuwa bwando, hatogole. 21Komu kalagana nawo yolonga, “Kwiza nobwela kumwenu, Mulungu yahamotela.”
Kengila mjahazi, kulawa Efese.
22Kavika Kaisaria, kakwela Yerusalemu, kuilamusa na iwanahina, imala kabwelela Antiokia. 23Viyamalile kukala hiko mazuwa bwando, kahalawa kabita mgati mwa isi ya Galatia na Frigia, kengila mviwambo vyose na kuwakungulusa iwanahina.
Mtumigwa Apolo kandusa mdidale ja Korinto
24Kukala na muyuda, tagwa jake Apolo, mwelekelwa wa Aleksandria, mgalu wa ulonzi, mwene kuitanga Nzuma, kavika Efese. 25Munhu hiyo kakala yalangukizwe nzila ya Mndewa, kandusa kusimulila na kulanguliza mbuli za Yesu mwihoko, avija moyo wake vuukalile usaganhika; komu kautanga ubatizo wa Yohana wiyeka. 26Yuno viyasongile kupeta chalinze mngʼanda ya nhambiko, Prisila na Akila wamuhulika, na hewo wamgomela kumwao, wamulangukiza goya yaitange nzila ya Mndewa. 27Na heyo viyalondile kuloka mbahali yavike Korinto, wanahina wamswagiza, wawandikila baluwa waja iwanahina, wambokele; avo viyavikile Ugriki, kawataza nghani waja watogole unozi wa Mulungu. 28Kwa mzoko kawahuma Wayuda vihile hameso ga wanhu wose, yolagusila na kupeta malonga ga Jandiko kamba Yesu yuyo Kristo.
ទើបបានជ្រើសរើសហើយ៖
Sanghano 18: ZAM75
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.
Sanghano 18
18
Akila na Prisila wamgomela Paulo hiko Korinto
1Ilawa baho Paulo kahalawa Atene, kavika Korinto. 2Kamona Muyuda imonga twaga jake Akila, mwelekelwa Ponto, na heyo keza kulawa isi ya Italia siku zizija hamonga na sano jake Prisila; kilumbo Mtawala Klaudio kawalavila mbila Wayuda wose walawe Roma. 3Paulo kavikila kumwao, kilumbo sanghana yawo ya ufundi ikala imonga, wakala mafundi wa kusona hema. 4Kalava nongezi zake muna ingʼanda ya nhambiko siku zose za ukuhumula, kageza kuwakwega Wayuda na Wagriki.
5Aluja Sila na Timoteo vuwavikile kulawa Makedonia Paulo kagangamazwa kudibwililisa dija dilonga, yowasindila Wayuda kamba Yesu yuyo Kristo. 6Komu vuwebamilile, kuno womuliga, kakungʼunha nguwo zake timbwisi, kawalongela, “Mulopa wenu na uwezile uchana ha matwi genu; niye namduhu; avo nochola kwa wanhu walilingwa.”
7Kasegela hiko, kengila mngʼanda ya munhu imonga twaga jake Tito Yusto mdumba Mulungu, na ngʼanda yake ibakana na ngʼanda ya nhambiko. 8Na Krispo, mkulu wa ngʼanda ya nhambiko, kamtogola Mndewa hamonga na wose wa mngʼanda yake; na Wakorinto bwando vuwahulike, watogola na kubatizwa.
9Mndewa kamulongela Paulo ikilo muna zinzozi, “Sukuudumbe, komu ditonge Longa jangu, sukuunyamale! 10Kilumbo Niye nahamwe na gweye, haduhu munhu yonda yakugaze hebu kukulumiza, kwa mzoko ninawo wanhu bwando mdiwambo dino.”
11Kakukala hiko mwaka umwe na miyezi sita, yolangukiza mmwawo Longa da Mulungu.
Luwali Galio
12Komu Galio viyakalile luwali wa Ugriki (Akea), Wayuda waigondanya, wamana kumwinukila Paulo, wamgala kukitala. 13Walonga, “Munhu yuno kowakwega wanhu, wakoleleze nhambiko kimoso cha inzuma ya Mtawala!” 14Paulo viyalondile kunanula mulomo wake, Galio kawalongela Wayuda, “Mweye Wayuda, kamba dihawile gweka ja undumu hebu ubananzi, ihawile goya niye na mweye tuhagasagule. 15Bali ihawa bamila digambile muulonzi wa nhambiko na matwaga na nzuma yenu, galoleni mwemwe wenyego; mbuli kamba hizo niye ndema kuzilamula.” 16Kawawinga kulawa hana ikigoda chake cha ikitala. 17Baho wose wamgoga Sostene, imkulu wa ingʼanga ya nhambiko, wamsuna behi ya kigoda cha kitala, wala Galio hagawene magweka higo kamba kinhu.
Paulo kabwelela Antiokia
18Imala Paulo kongeza kukala hiko mazuwa bwando, kalagana na wanahina, kengila mjahazi, kachola Siria, na Prisila na Akila wachola hamonga na heyo; tanhu kabeya ditwi jake hiko Kenkrea, kilumbo duwilo diyaduganye. 19Vuwavikile Efeso, kawaleka hiko; heyo mwenyecho kengila mngʼanda ya nhambiko, kalongelela na Wayuda. 20Komu vuwamulondile yakale mazuwa bwando, hatogole. 21Komu kalagana nawo yolonga, “Kwiza nobwela kumwenu, Mulungu yahamotela.”
Kengila mjahazi, kulawa Efese.
22Kavika Kaisaria, kakwela Yerusalemu, kuilamusa na iwanahina, imala kabwelela Antiokia. 23Viyamalile kukala hiko mazuwa bwando, kahalawa kabita mgati mwa isi ya Galatia na Frigia, kengila mviwambo vyose na kuwakungulusa iwanahina.
Mtumigwa Apolo kandusa mdidale ja Korinto
24Kukala na muyuda, tagwa jake Apolo, mwelekelwa wa Aleksandria, mgalu wa ulonzi, mwene kuitanga Nzuma, kavika Efese. 25Munhu hiyo kakala yalangukizwe nzila ya Mndewa, kandusa kusimulila na kulanguliza mbuli za Yesu mwihoko, avija moyo wake vuukalile usaganhika; komu kautanga ubatizo wa Yohana wiyeka. 26Yuno viyasongile kupeta chalinze mngʼanda ya nhambiko, Prisila na Akila wamuhulika, na hewo wamgomela kumwao, wamulangukiza goya yaitange nzila ya Mndewa. 27Na heyo viyalondile kuloka mbahali yavike Korinto, wanahina wamswagiza, wawandikila baluwa waja iwanahina, wambokele; avo viyavikile Ugriki, kawataza nghani waja watogole unozi wa Mulungu. 28Kwa mzoko kawahuma Wayuda vihile hameso ga wanhu wose, yolagusila na kupeta malonga ga Jandiko kamba Yesu yuyo Kristo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.