Sanghano 16
16
Paulo kamsola Timoteo
1Paulo viyavikile Derbe na Listra, hakala na mwanahina imonga, twaga jake Timoteo, mwana wa mtwanzi Muyuda mwene kutogola, komu tata wake kakala Mgriki. 2Mmhale hiyo kasindilwa goya na wanahina wakalile Listra na Ikonio. 3Paulo kamulonda hiyo yelongoze nayo, kamsola kamwingiza kumbi, kilumbo Wayuda wose wakalile hiko, wavimanya kamba tata wake Mgriki. 4Vuwabitile mgati mviwambo vija, wawalanguliza kuigoga ija imiko ikigwe na Watumigwa na Wavyele wa Yerusalemu. 5Avo wanahina wagangamala muna inhamanilo, na sikuzose ubwando wa gamadale ukongezeka.
Wakemigwa kuchola Makedonia
6Vuwabitile isi ya Frigia na Galatia, wagomeswa na Loho Yangʼalile sukuwasimulile dilonga muisi ya Asia. 7Vuwavikile Misia, wageza kuchola Bitinia, Loho wa Yesu kawagomesa. 8Wabita Misia, wahulumukila Troa. 9Hiko Paulo kalawililwa na nzozi ikilo; kamona munhu wa Makedonia kema yompembela, “Loka wize Makedonia, ututaze!” 10Viyamalile kulota nzozi hizo, mhunde tuzahila vilihi vonda tuloke tuchole Makedonia, kwa mzoko tose tuvitanga ino iyo ihoko kamba Mulungu katukema, twize tuwapetele usenga unogile.
Wakristo wasongile hiko Filipi; Lidia
11Twingila mjahazi, tuhalawa Troa, tuvika Samotrake; vuuchele tuvika Neapoli. 12Kulawa hiko tuvika Filipi, kiwambo kikulu cha Makedonia, hanhu hawahamilile Waroma; tukala muja mkiwambo mazuwa madodo.
13Vivikile Sabato, tuchola kunze ya dilango kumngwazo wa zanda, kuno tugesa baho hanhu ha kutambikila kwa Wayuda; tukala hasi, tulonga na watwanzi wetinghanile. 14Hakala na mtwanzi imonga, twaga jake Lidia, mwenekaye wa Tiatira, mchuluzi wa nguwo za undewa, na heyo mdumba Mulungu; kagategeleza gaja galongigwe na Paulo, na Mndewa kaugubula umoyo wake, yagagoge. 15Viyamalile kubatizwa, heyo na wa mngʼanda yake wose, katupembela yolonga, Kamba mmbona nimtogola Mndewa, haya ingileni mngʼanda yangu, mkakale! Katunanahiza.
Paulo na Sila mkifungo; mwimilizi kagaluka
16Siku imonga vitucholile hanhu ha kutambikila, twitinghanila na kitumwa kimonga cha kitwanzi, kikalile na mzuka wa kulagula; ayo mabwana zake kawasumila mali bwando kwa ulaguzi wake. 17Kamuwinza Paulo hamonga na tweye, kuno yotowa nyangi yolonga, “Wanhu wano wawo watumwa wa Mulungu Yali Uchana, na hewo womsimulilani nzila ya kukombolwa.”
18Katenda higo mazuwa bwando, komu Paulo moyo umuluma, kahinduka, kamulongela uja umzuka, “Kwa twaga ja Yesu Kristo nokulagiza umulawe!”
Na uja umzuka umulawa kipigiti kikija.
19Mabwana zake vuwawene kamba sumo jao da mali dipotela, wawagoga Paulo na Sila, wawakwekwesa wachola nawo kwa iwakulu wa utawala. 20Wawagala kwa iwakulu wa ikitala walonga, “Wanhu wano wobananga wambo jetu, kabili wano Wayuda. 21Wobwililisa kivugulo cha luto luli bule lutondo kumwetu kubokela au kukoleleza, na tweye twa Waroma.”
22Madale ga wanhu wawagumhukila; baho wakulu wa ikitala walagiza wavuligwe nguwo, kileka wasunigwe vibongho. 23Vuwamalile kuwasuna nghani, wawagela mkifungo, wamulagiza mwimiliza ikifungo yawemilize nghani. 24Na heyo viyabokele ndagizo hiyo, kawagela kudigati ja hagatigati, kawadaza imigulu mhikwi.
25Vivikile ikilo kikulu, Paulo na Sila wakala wompula Mulungu na kumwimbila nyila za kumtogola, wayagwe wafungigwe wakala wowategeleza. 26Nyidukila kingila kingwaya kikulu cha isi; mhambaza za ikifungo zitigisika, mhunde imilango yose ivuguka, na mikwangwa yao wose ikanhika. 27Yuja Mwimiliza ikifungo kalamuka, na heyo viyawene kamba milango ya ikifungo ivuguka, kasomola sime, kalonda kwikoma, yokwagiza kamba iwafungwa wakimbila. 28Komu Paulo kamkemelela nyangi kalonga, “Sikuikome, kwa mzoko tweye chose twabaha.”
29Kalagiza taa ize, kazumhila mgati, kuno yogwaya kwa bwembwe, kawagwila Paulo na Sila hamavindi.
30Imala kawagala hanze kawauza, “Mabwana zangu, vigambile kusanghana ivo vilihi, kileka nghomboke?”
31Wedika, “Mtamanile Mndewa Yesu, na gweye kokombolwa hamwe na wa mngʼanda yako wose.”
32Wamulongela mbuli ya Mndewa heyo na wa mngʼanda yake wose. 33Kawagomela ikilo hiyo na kuwasunha milonda iwatowigwe; baho kabatizwa hamonga na wanhu wake wose kipigiti kikija. 34Kawagala kungʼanda yake, kawasanghanila mandiya na kudenghelela nghani heyo na wa mngʼanda yake wose, kwa mzoko kamtogola Mulungu.
35Vuuchele, waja wakulu wa ikitala watuma asikali kulonga, “Wadohole wanhu waja, wachole na zao!” 36Mwimiliza kifungo kampetela Paulo mbuli ino, yolonga, “Wakulu wa ikitala watuma wanhu mdoholigwe; avo laweni mchole na zenu.”
37Paulo kawalongela, “Watusuna hameso ga wanhu, hatunataguswa, na tweye twa Waroma, watugela mkifungo; vilihi vuwolonda kutulava kwa ubadagi? Aka sivivo, komu na weze wenyego watulave!”
38Waja wakulu vuwalongelwe na asikali mbuli zino, wadumba vuwahulike kamba hewo Waroma. 39Weza kuwapembela; wawadohola, wawapula nghani walawe mdiwambo dija. 40Na hewo walawa mkifungo, wengila mngʼanda ya Lidia; na vuwamalile kwibona na wanahina, wawagangamaza miyoyo, wahalawa.
ទើបបានជ្រើសរើសហើយ៖
Sanghano 16: ZAM75
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.
Sanghano 16
16
Paulo kamsola Timoteo
1Paulo viyavikile Derbe na Listra, hakala na mwanahina imonga, twaga jake Timoteo, mwana wa mtwanzi Muyuda mwene kutogola, komu tata wake kakala Mgriki. 2Mmhale hiyo kasindilwa goya na wanahina wakalile Listra na Ikonio. 3Paulo kamulonda hiyo yelongoze nayo, kamsola kamwingiza kumbi, kilumbo Wayuda wose wakalile hiko, wavimanya kamba tata wake Mgriki. 4Vuwabitile mgati mviwambo vija, wawalanguliza kuigoga ija imiko ikigwe na Watumigwa na Wavyele wa Yerusalemu. 5Avo wanahina wagangamala muna inhamanilo, na sikuzose ubwando wa gamadale ukongezeka.
Wakemigwa kuchola Makedonia
6Vuwabitile isi ya Frigia na Galatia, wagomeswa na Loho Yangʼalile sukuwasimulile dilonga muisi ya Asia. 7Vuwavikile Misia, wageza kuchola Bitinia, Loho wa Yesu kawagomesa. 8Wabita Misia, wahulumukila Troa. 9Hiko Paulo kalawililwa na nzozi ikilo; kamona munhu wa Makedonia kema yompembela, “Loka wize Makedonia, ututaze!” 10Viyamalile kulota nzozi hizo, mhunde tuzahila vilihi vonda tuloke tuchole Makedonia, kwa mzoko tose tuvitanga ino iyo ihoko kamba Mulungu katukema, twize tuwapetele usenga unogile.
Wakristo wasongile hiko Filipi; Lidia
11Twingila mjahazi, tuhalawa Troa, tuvika Samotrake; vuuchele tuvika Neapoli. 12Kulawa hiko tuvika Filipi, kiwambo kikulu cha Makedonia, hanhu hawahamilile Waroma; tukala muja mkiwambo mazuwa madodo.
13Vivikile Sabato, tuchola kunze ya dilango kumngwazo wa zanda, kuno tugesa baho hanhu ha kutambikila kwa Wayuda; tukala hasi, tulonga na watwanzi wetinghanile. 14Hakala na mtwanzi imonga, twaga jake Lidia, mwenekaye wa Tiatira, mchuluzi wa nguwo za undewa, na heyo mdumba Mulungu; kagategeleza gaja galongigwe na Paulo, na Mndewa kaugubula umoyo wake, yagagoge. 15Viyamalile kubatizwa, heyo na wa mngʼanda yake wose, katupembela yolonga, Kamba mmbona nimtogola Mndewa, haya ingileni mngʼanda yangu, mkakale! Katunanahiza.
Paulo na Sila mkifungo; mwimilizi kagaluka
16Siku imonga vitucholile hanhu ha kutambikila, twitinghanila na kitumwa kimonga cha kitwanzi, kikalile na mzuka wa kulagula; ayo mabwana zake kawasumila mali bwando kwa ulaguzi wake. 17Kamuwinza Paulo hamonga na tweye, kuno yotowa nyangi yolonga, “Wanhu wano wawo watumwa wa Mulungu Yali Uchana, na hewo womsimulilani nzila ya kukombolwa.”
18Katenda higo mazuwa bwando, komu Paulo moyo umuluma, kahinduka, kamulongela uja umzuka, “Kwa twaga ja Yesu Kristo nokulagiza umulawe!”
Na uja umzuka umulawa kipigiti kikija.
19Mabwana zake vuwawene kamba sumo jao da mali dipotela, wawagoga Paulo na Sila, wawakwekwesa wachola nawo kwa iwakulu wa utawala. 20Wawagala kwa iwakulu wa ikitala walonga, “Wanhu wano wobananga wambo jetu, kabili wano Wayuda. 21Wobwililisa kivugulo cha luto luli bule lutondo kumwetu kubokela au kukoleleza, na tweye twa Waroma.”
22Madale ga wanhu wawagumhukila; baho wakulu wa ikitala walagiza wavuligwe nguwo, kileka wasunigwe vibongho. 23Vuwamalile kuwasuna nghani, wawagela mkifungo, wamulagiza mwimiliza ikifungo yawemilize nghani. 24Na heyo viyabokele ndagizo hiyo, kawagela kudigati ja hagatigati, kawadaza imigulu mhikwi.
25Vivikile ikilo kikulu, Paulo na Sila wakala wompula Mulungu na kumwimbila nyila za kumtogola, wayagwe wafungigwe wakala wowategeleza. 26Nyidukila kingila kingwaya kikulu cha isi; mhambaza za ikifungo zitigisika, mhunde imilango yose ivuguka, na mikwangwa yao wose ikanhika. 27Yuja Mwimiliza ikifungo kalamuka, na heyo viyawene kamba milango ya ikifungo ivuguka, kasomola sime, kalonda kwikoma, yokwagiza kamba iwafungwa wakimbila. 28Komu Paulo kamkemelela nyangi kalonga, “Sikuikome, kwa mzoko tweye chose twabaha.”
29Kalagiza taa ize, kazumhila mgati, kuno yogwaya kwa bwembwe, kawagwila Paulo na Sila hamavindi.
30Imala kawagala hanze kawauza, “Mabwana zangu, vigambile kusanghana ivo vilihi, kileka nghomboke?”
31Wedika, “Mtamanile Mndewa Yesu, na gweye kokombolwa hamwe na wa mngʼanda yako wose.”
32Wamulongela mbuli ya Mndewa heyo na wa mngʼanda yake wose. 33Kawagomela ikilo hiyo na kuwasunha milonda iwatowigwe; baho kabatizwa hamonga na wanhu wake wose kipigiti kikija. 34Kawagala kungʼanda yake, kawasanghanila mandiya na kudenghelela nghani heyo na wa mngʼanda yake wose, kwa mzoko kamtogola Mulungu.
35Vuuchele, waja wakulu wa ikitala watuma asikali kulonga, “Wadohole wanhu waja, wachole na zao!” 36Mwimiliza kifungo kampetela Paulo mbuli ino, yolonga, “Wakulu wa ikitala watuma wanhu mdoholigwe; avo laweni mchole na zenu.”
37Paulo kawalongela, “Watusuna hameso ga wanhu, hatunataguswa, na tweye twa Waroma, watugela mkifungo; vilihi vuwolonda kutulava kwa ubadagi? Aka sivivo, komu na weze wenyego watulave!”
38Waja wakulu vuwalongelwe na asikali mbuli zino, wadumba vuwahulike kamba hewo Waroma. 39Weza kuwapembela; wawadohola, wawapula nghani walawe mdiwambo dija. 40Na hewo walawa mkifungo, wengila mngʼanda ya Lidia; na vuwamalile kwibona na wanahina, wawagangamaza miyoyo, wahalawa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
New Testament in Zaramo © United Bible Societies, 1975.