VA ROMA 2
2
1Oco amunu o vela ukuẽle, ku kuete ondaka, momo eci o vela ukuẽle o lipisa ove muẽle, momo ove vukuakuvela evi o lingaingavo ove muẽle. 2Tua kũlĩha okuti okutetulula kua Suku ku pisa locili ava va linga ovina evi. 3Amunu, eci o vela ava va linga ovina evi, kuenje ove muẽle haivio o lingaingavo, wa soka huti, Muluka episo lia Suku? 4Ale wa lavisa ño ukuasi wohenda ya Suku lepandi liaye lokutoñomala kuaye? Kua kũlĩhile nga okuti ohenda ya Suku yi lingiwila oku ku tuala koku likekembela akandu? 5Puãi, omo o kasi lutima we yuka umbinde haiwo wa siva, oco o kasi loku lisolekela onyeño, kuenje onyeño yaco o yi sanga eteke lionyeño, eci okutetulula kua Suku kuesunga ku situluiwa. 6Momo eye o muisa omanu vosi, omunu ndovilinga viaye, omunu ndovilinga viaye. 7Ava va pandakaisa kovopange awa oku sanda ulamba lekemainyo lomuenyo ko pui, o va muisa omuenyo ko pui. 8Puãi ava va tamalala kuenje ka va pokola kocili, puãi va pokola kevĩho, ovo a tetuluila lonyeño locikumbiti. 9Omunu wosi o linga ekandu o sanga ohali longongo, tete u Yudea, noke u Helasi. 10Puãi wosi o lingainga eci ciwa o sanga ulamba lesumbilo lombembua, tete u Yudea, noke u Helasi. 11Momo ku Suku ka kuli ocame comanu.
12Pokati kava ka va kuete ovihandeleko, vosi va linga akandu va nyoleha, ndaño ka va kuete ovihandeleko. Vosi va kasi lovihandeleko kuenje va linga akandu va tetuluiwa lovihandeleko. 13Momo vakuakuyeva lika ovihandeleko havoko vakuesunga kovaso a Suku, te ava va pokola kovihandeleko ovo va tendiwa nda vakuesunga. 14Vakualofeka, ava ka va kuete ovihandeleko, nda va pokola kovihandeleko ndocituwa cavo, va likapela ovo muẽle ovihandeleko, ndaño ka va kuete ovihandeleko. 15Va lekisa okuti eci ci sĩliha ovihandeleko ca sonehiwa vovitima viavo. Owanji wovitima viavo lawovo u va imbila uvangi, kuenda ovisimilo viavo vi likuatisa pokati, pamue oku pisa, pamue oku yovuisa, 16keteke Suku a tetuluila ku Kristu Yesu ovina viomanu viuyombeki ndondaka yiwa ñunda ñunda.
17Puãi, nda o litukula huti, Ndu Yudea, kuenje o kolela ovihandeleko loku lipandela Suku,— 18nda wa kũlĩha ocipango caye, loku limbuka ovina via velapo, momo wa longisiwa lovihandeleko,— 19nda wa likolela okuti vusongui wolomeke, haive vucinyi cava va kasi vowelema, 20haive vukuakupindisa ava ka va kuete olondunge, haive vulongisi womãla, omo vovihandeleko o kuete cosi ci tiama kukũlĩhiso kuenda kocili,— 21oco hẽ, ove o longisa ukuẽle, ove muẽle ku lilongisa? Osimbu o kunda huti, Ku ka ive, ove muẽle wiva? 22Ove o popia huti, Ku ka pekelise, ove muẽle o pekelisa? Ove o nyehũla oviteka haimo o punda olonembele? 23Ove vukuakulipanda lovihandeleko, o tomba Suku loku sama ovihandeleko? 24Momo onduko ya Suku ya tombiwa pokati ka vakualofeka mekonda liene, ndomo ca sonehiwa.
25Ocili evamba li kuatisa, nda vu pokola kovihandeleko, puãi nda vu sama ovihandeleko, evamba liove hevambako. 26Oco, nda ociyamba ci linga ovisila viovihandeleko, uyamba waye hẽ, ko tendiwa ndevamba? 27Ociyamba nda ci linga ovihandeleko, ka ci ku pisa hẽ nda ove o sama ovihandeleko, haive o kuete ovisonehua levamba? 28U o moleha ño kilu lika ndu Yudea, ho Yudeako, ndaño evamba li moleha ño lika ketimba hevambako. 29U o kuete ovituwa viu Yudea vutima waye eye u Yudea wocili, kuenje evamba liocili lieli liutima lespiritu, haliovisonehuako. Omunu ndo-o; hamanuko vo sivaya, te Suku.
ទើបបានជ្រើសរើសហើយ៖
VA ROMA 2: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
VA ROMA 2
2
1Oco amunu o vela ukuẽle, ku kuete ondaka, momo eci o vela ukuẽle o lipisa ove muẽle, momo ove vukuakuvela evi o lingaingavo ove muẽle. 2Tua kũlĩha okuti okutetulula kua Suku ku pisa locili ava va linga ovina evi. 3Amunu, eci o vela ava va linga ovina evi, kuenje ove muẽle haivio o lingaingavo, wa soka huti, Muluka episo lia Suku? 4Ale wa lavisa ño ukuasi wohenda ya Suku lepandi liaye lokutoñomala kuaye? Kua kũlĩhile nga okuti ohenda ya Suku yi lingiwila oku ku tuala koku likekembela akandu? 5Puãi, omo o kasi lutima we yuka umbinde haiwo wa siva, oco o kasi loku lisolekela onyeño, kuenje onyeño yaco o yi sanga eteke lionyeño, eci okutetulula kua Suku kuesunga ku situluiwa. 6Momo eye o muisa omanu vosi, omunu ndovilinga viaye, omunu ndovilinga viaye. 7Ava va pandakaisa kovopange awa oku sanda ulamba lekemainyo lomuenyo ko pui, o va muisa omuenyo ko pui. 8Puãi ava va tamalala kuenje ka va pokola kocili, puãi va pokola kevĩho, ovo a tetuluila lonyeño locikumbiti. 9Omunu wosi o linga ekandu o sanga ohali longongo, tete u Yudea, noke u Helasi. 10Puãi wosi o lingainga eci ciwa o sanga ulamba lesumbilo lombembua, tete u Yudea, noke u Helasi. 11Momo ku Suku ka kuli ocame comanu.
12Pokati kava ka va kuete ovihandeleko, vosi va linga akandu va nyoleha, ndaño ka va kuete ovihandeleko. Vosi va kasi lovihandeleko kuenje va linga akandu va tetuluiwa lovihandeleko. 13Momo vakuakuyeva lika ovihandeleko havoko vakuesunga kovaso a Suku, te ava va pokola kovihandeleko ovo va tendiwa nda vakuesunga. 14Vakualofeka, ava ka va kuete ovihandeleko, nda va pokola kovihandeleko ndocituwa cavo, va likapela ovo muẽle ovihandeleko, ndaño ka va kuete ovihandeleko. 15Va lekisa okuti eci ci sĩliha ovihandeleko ca sonehiwa vovitima viavo. Owanji wovitima viavo lawovo u va imbila uvangi, kuenda ovisimilo viavo vi likuatisa pokati, pamue oku pisa, pamue oku yovuisa, 16keteke Suku a tetuluila ku Kristu Yesu ovina viomanu viuyombeki ndondaka yiwa ñunda ñunda.
17Puãi, nda o litukula huti, Ndu Yudea, kuenje o kolela ovihandeleko loku lipandela Suku,— 18nda wa kũlĩha ocipango caye, loku limbuka ovina via velapo, momo wa longisiwa lovihandeleko,— 19nda wa likolela okuti vusongui wolomeke, haive vucinyi cava va kasi vowelema, 20haive vukuakupindisa ava ka va kuete olondunge, haive vulongisi womãla, omo vovihandeleko o kuete cosi ci tiama kukũlĩhiso kuenda kocili,— 21oco hẽ, ove o longisa ukuẽle, ove muẽle ku lilongisa? Osimbu o kunda huti, Ku ka ive, ove muẽle wiva? 22Ove o popia huti, Ku ka pekelise, ove muẽle o pekelisa? Ove o nyehũla oviteka haimo o punda olonembele? 23Ove vukuakulipanda lovihandeleko, o tomba Suku loku sama ovihandeleko? 24Momo onduko ya Suku ya tombiwa pokati ka vakualofeka mekonda liene, ndomo ca sonehiwa.
25Ocili evamba li kuatisa, nda vu pokola kovihandeleko, puãi nda vu sama ovihandeleko, evamba liove hevambako. 26Oco, nda ociyamba ci linga ovisila viovihandeleko, uyamba waye hẽ, ko tendiwa ndevamba? 27Ociyamba nda ci linga ovihandeleko, ka ci ku pisa hẽ nda ove o sama ovihandeleko, haive o kuete ovisonehua levamba? 28U o moleha ño kilu lika ndu Yudea, ho Yudeako, ndaño evamba li moleha ño lika ketimba hevambako. 29U o kuete ovituwa viu Yudea vutima waye eye u Yudea wocili, kuenje evamba liocili lieli liutima lespiritu, haliovisonehuako. Omunu ndo-o; hamanuko vo sivaya, te Suku.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.