VA ROMA 10
10
1A vamanji, onjongole ñuetele va Yudea vutima, haiyo ohutililo ndi va likutililila, yeyi, A Suku, va popeliwe. 2Ndi va imbila uvangi okuti va kuetele Suku ombili, puãi ha lukũlĩhiso ko. 3Momo, omo ka va kũlĩhile esunga li tunda ku Suku, kuenje va yongola oku liluvikiyila esunga liavo muẽle, oco ka va tavelele kesunga lia Suku. 4Momo Kristu eye efulilo liovihandeleko, okuti vosi va kuete ekolelo va tendiwa nda vakuesunga.
5Mose wa sonehavo hati, U o linga esunga li tunda kovihandeleko o muilako omuenyo. 6Puãi esunga li tunda kekolelo li popia ndomo, liti, Ku ka popie vutima huti, Helie o londa kilu?— ca lomboloka oku kopa Kristu, 7pamue, Helie o lokila vonjembo?— ca lomboloka oku kopa Kristu kuava va fa. 8Puãi esunga li popia nye? Li popia liti, Ondaka yi kasi ocipepi love, vomẽla wove muẽle, lo vutima wove. Ondaka yaco oyo ondaka yekolelo tu kasi loku kunda. 9Momo, nda o popia lomẽla wove, huti, Yesu eye Ñala, kuenda o kolela lutima wove okuti Suku wo pindula kuava va fa, o popeliwa. 10Momo, eci omunu a kolela lutima waye, oco a tendiwa ndukuesunga, leci a likekembela akandu aye lomẽla, oco a popeliwa. 11Ovisonehua vi popia viti, Lomue u kolela o kutisua osõi. 12U Yudea lu Helasi ka va litepele. Momo Ñala yavo umuamue, haeye amuila ukuasi waye kuava vosi vo vilikiya. 13Momo, ndeci ca sonehiwa okuti, Vosi va vilikiya loku tukula onduko ya Ñala va popeliwa.
14Puãi va vilikiya ndati u ka vo kolelele? Va kolela ndati u ka va la yeva? Va yeva ndati nda lu o kunda sio? 15Va kunda ndati nda ka va tumiwile? Ndeci ca sonehiwa okuti, Olomãi viava va sapula ondaka yiwa haiyo yombembua, via posoka nye! 16Puãi havosiko va pokola kondaka yiwa. Momo Isaya hati, A Ñala, helie wa kolela eci a yeva kokuetu? 17Oco ekolelo li tunda kueci ci yeviwa, leci ci yeviwa ci tunda koku kunda Kristu.
18Puãi ndi pula siti, Ka va yevele hẽ? Va yeva muẽle, momo,
Esapulo liao lia pitila kolofeka viosi,
olondaka viao kesulilo lioluali luosi.
19Mula vali siti, Isareli hẽ, ka co lombolokele? Tete Mose wa popia hati,
Ndi va muisa ukuse wava hamanuko.
Ndi va lingisa onyeño lomanu vakuanumbi.
20Isaya wa toñomala hati,
Nda sangiwa lava ka va sandele.
Nda litukulula kuava ka va mulile.
21Puãi, oku tukula Isareli, wa popia hati, Eteke liosi ndoluĩla ovoko ange komanu va sina haivo va linga vakualonamalala.
ទើបបានជ្រើសរើសហើយ៖
VA ROMA 10: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
VA ROMA 10
10
1A vamanji, onjongole ñuetele va Yudea vutima, haiyo ohutililo ndi va likutililila, yeyi, A Suku, va popeliwe. 2Ndi va imbila uvangi okuti va kuetele Suku ombili, puãi ha lukũlĩhiso ko. 3Momo, omo ka va kũlĩhile esunga li tunda ku Suku, kuenje va yongola oku liluvikiyila esunga liavo muẽle, oco ka va tavelele kesunga lia Suku. 4Momo Kristu eye efulilo liovihandeleko, okuti vosi va kuete ekolelo va tendiwa nda vakuesunga.
5Mose wa sonehavo hati, U o linga esunga li tunda kovihandeleko o muilako omuenyo. 6Puãi esunga li tunda kekolelo li popia ndomo, liti, Ku ka popie vutima huti, Helie o londa kilu?— ca lomboloka oku kopa Kristu, 7pamue, Helie o lokila vonjembo?— ca lomboloka oku kopa Kristu kuava va fa. 8Puãi esunga li popia nye? Li popia liti, Ondaka yi kasi ocipepi love, vomẽla wove muẽle, lo vutima wove. Ondaka yaco oyo ondaka yekolelo tu kasi loku kunda. 9Momo, nda o popia lomẽla wove, huti, Yesu eye Ñala, kuenda o kolela lutima wove okuti Suku wo pindula kuava va fa, o popeliwa. 10Momo, eci omunu a kolela lutima waye, oco a tendiwa ndukuesunga, leci a likekembela akandu aye lomẽla, oco a popeliwa. 11Ovisonehua vi popia viti, Lomue u kolela o kutisua osõi. 12U Yudea lu Helasi ka va litepele. Momo Ñala yavo umuamue, haeye amuila ukuasi waye kuava vosi vo vilikiya. 13Momo, ndeci ca sonehiwa okuti, Vosi va vilikiya loku tukula onduko ya Ñala va popeliwa.
14Puãi va vilikiya ndati u ka vo kolelele? Va kolela ndati u ka va la yeva? Va yeva ndati nda lu o kunda sio? 15Va kunda ndati nda ka va tumiwile? Ndeci ca sonehiwa okuti, Olomãi viava va sapula ondaka yiwa haiyo yombembua, via posoka nye! 16Puãi havosiko va pokola kondaka yiwa. Momo Isaya hati, A Ñala, helie wa kolela eci a yeva kokuetu? 17Oco ekolelo li tunda kueci ci yeviwa, leci ci yeviwa ci tunda koku kunda Kristu.
18Puãi ndi pula siti, Ka va yevele hẽ? Va yeva muẽle, momo,
Esapulo liao lia pitila kolofeka viosi,
olondaka viao kesulilo lioluali luosi.
19Mula vali siti, Isareli hẽ, ka co lombolokele? Tete Mose wa popia hati,
Ndi va muisa ukuse wava hamanuko.
Ndi va lingisa onyeño lomanu vakuanumbi.
20Isaya wa toñomala hati,
Nda sangiwa lava ka va sandele.
Nda litukulula kuava ka va mulile.
21Puãi, oku tukula Isareli, wa popia hati, Eteke liosi ndoluĩla ovoko ange komanu va sina haivo va linga vakualonamalala.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.