LUKA 7
7
1Eci a mala oku yevisa komanu olondaka viaye viosi oco a iñila vo Kafarinau. 2Kesongo limue wa kala lukuenje waye wa soliwa ca lua, kuenje ukuenje waco wa vela ca lua okuti wa soka oku fa. 3Eci kesongo a yeva oluhimo lua Yesu oco wo tumisa akulu va va Yudea oku u peya okuti iya, o popela ukuenje waye. 4Kuenje eci veya ku Yesu vo lipilikila vati, Wa sungulukila oku u ci lingila. 5Momo o sole epata lietu, kuenje eye muẽle wa tu tungila osunangonga. 6Oco Yesu wa enda lavo. Eci eya ocipepi lonjo yaco oco kesongo wa tuma akamba vaye oku popia laye. Kuenje va popia laye vati, A Ñala, Kesongo hati, Ñala ka ka likavise ño, momo si sesamela okuti iñila vemi liolusoka luonjo yange, 7haico sia sokele siti, Sesamela oku enda kokuaye, puãi a popie ño ondaka oco ukuenje wange a kaye. 8Momo ame ndimunu ukuakupokola ku wa mbelapo, haime ñasi lasualali va pokola kokuange. Mopia lumue siti, Kuende, kuenje enda. Mopia lukuavo siti, Enju, kuenje iya. Mopia lukuenje wange siti, Linga eci, kuenje o ci linga. 9Eci Yesu a yeva ovina evi, wo komoha, kuenda, oku pongolokela kowiñi wu kuãi, wa linga hati, Mopia lene siti, Ndaño ku Isareli sia sangeleko ekolelo ndeli. 10Kuenje eci ava va tumiwa va tiukila konjo, va sanga ukuenje waco wa kaya.
11Oco noke yaco, eye wa enda kimbo limue, ko Naini. Olondonge viaye lowiñi wa lua womanu va enda laye. 12Eci a pitila ocipepi lombundi yimbo oco wa tokeka locivimbi ca tunda vimbo. Omunu waco omõla ongunga ku inaye, inaco ocimbumba, kuenje vakuimbo va lua va kala kumue laye. 13Kuenje eci Ñala o mola, wo kuatela ohenda yu wa popia laye hati, Ku ka lile. 14Oco oku amelako wa lamba kocikalavekua, kuenje vakuacikalavekua va talama, yu wa popia hati, Omalehe, mopia love siti, Pasuka. 15Oco u wa file wa tumala, kuenje wa fetika oku popia. Yesu yu wo weca ku inaye. 16Usumba wa va kuata vosi, kuenje va tumbangiya Suku vati, Uprofeto unene wa katukila pokati ketu; kuenda vali vati, Suku wa pasula omanu vaye. 17Oluhimo olu lua sandokaila kuosi ko Yudea lo kofeka yosi yi sungueko.
18Olondonge via Yoano vio sapuila ovina evi viosi. 19Kuenje Yoano, oku pañinya olondonge viaye vimue vivali, wa vi tuma ku Ñala, hati, Ove hẽ, ove una iya ale, ele tu lavoka umue wiñi? 20Eci olondonge viaco vieya ku Yesu via popia laye, viti, Yoano Upapatisi wa tu tuma kokuove, hati, Ove hẽ, ove una iya ale, ele tu lavoka umue wiñi? 21Ola yaco haiyo a sakula va lua okuvela kuavo, lovolema avo, laspiritu a vĩha, kuenda wa letulula olomeke via lua. 22Yu wa va kumbulula hati, Kuendi, ka sapuili Yoano ovina wa moli levi wa yevi, okuti olomeke vi letuluka, oyilema vi enda, vakuavilundu va yelisua, ovisitatui vi yeva, lava va fa va pinduiwa, kuenje olosuke vi kundilua ondaka yiwa. 23Kuenje u ka natamisilua wa sumũlũha.
24Eci olomunga via Yoano via tundako Yesu wa fetika oku vangula Yoano lowiñi, hati, Wa endeleli oku ka tala nye vekalasoko? oluneva lua lituñunya lofela? 25Nda hacoko, wa endeleli oku ka tala nye? omunu wa wala uwalo wa fina? Tali, ava va wala uwalo wa fina kuenda va lia lia elau va kasi volonjo violosoma. 26Oco hẽ, wa endeleli oku ka tala nye? uprofeto? Mopia lene siti, Ocili muẽle, wa ka taleli umue wa velapo, okuti uprofeto o sule. 27Eye, eye una co sonehelua, citi,
Tala, numa omunga yange kovaso yove.
Eye o pelela onjila yove kovaso yove.
28Ndu sapuili siti, Pokati kava va citiwa lakãi ka pali umue unene okuti Yoano o sule, puãi u o sule vusoma wa Suku, eye unene okuti Yoano o sule. 29Eci omanu vosi la vakuakutambula elisimu va yeva ondaka eyi oco va tava okuti ocipango ca Suku ca sunguluka, kuenje va ci lekisa poku papatisiwa la Yoano. 30Va Fariseo puãi lalongisi vovihandeleko va likala ocipango Suku a va yonguila omo ka va tavele oku papatisiwa la Yoano.
31Oco omanu vocitumbulukila cilo ndi va sokisa le? Va lisoka la nye? 32Va lisoka lomãla va tumala vocila kuenje va vilikiya vakuavo, vati,
Tuo sikili olombendo, kuenje ka wa cilili.
Tua litetela, kuenje ka wa lilili.
33Momo Yoano Upapatisi weya, ombolo ka li, ovinyu ka nyui, kuenje vu linga hoti, O kuete ondele. 34Mõlomanu weya, o lia lia, o nyua nyua, kuenje vu linga hoti, Tali ocisapanu haeye oholua, haeye ekamba lia vakuakutambula elisimu kuenda lia vakuakandu. 35Haimo Ndunge o tendiwa ndukuesunga mekonda liomãla vaye vosi.
36Kuenje umue ku va Fariseo wa laleka Yesu oku lia kumue laye. Oco Yesu wa iñila vonjo yu Fariseo, kuenje wa tumala komesa. 37Ukãi umue wovimbo, haeye ondingakandu, eci a yeva okuti wa tumala komesa vonjo yu Fariseo, oco weya lombutika yalabastro ye yuka onguendu. 38Wa talama konyima, kolomãi viaye, loku lila, kuenje wa fetika oku yulisa olomãi via Yesu lasuelela aye, yu wa vi puenya lesinga liaye, kuenje wa sipula olomãi viaye loku vi waveka onguendu. 39Eci u Fariseo, una wo laleka, a ci mola, wa popia lutima waye hati, Omunu u, nda wa kaile uprofeto, nda wa kũlĩhile ukãi u u kuete ndeti ndeci a tuwa, momo ukuakandu. 40Kuenje Yesu, oku u kumbulula, wa popia laye hati, A Simono, ñuete cimue oku popia love. Eye wa linga hati, Olongisi, va popie ño. 41Yesu wa popia hati, Umue ondevalisi wa kaile lolondevali vivali, umue wa levala ovita vitãlo kolopalata, ukuavo akui atãlo. 42Eci ka va kaile leci va feta, oco wa va ecela kavali kavo. Pokati kavio u u solepo ca lua helie? 43Simono wa kumbulula hati, Nda soka siti, Yu a ecela ca lua. Yu wa popia laye hati, Wa teta onimbu yiwa. 44Kuenje, oku pongolokela kukãi waco, Yesu wa popia la Simono hati, O lete ukãi u? Nda iñila vonjo yove, kua nyihile ovava okolomãi viange, puãi eye wa yulisa olomãi viange lasuelela aye kuenje wa vi puenya lesinga liaye. 45Ove kua sipuile, puãi eye, tunde apa nda ka iñila, ka liwekele oku sipula olomãi viange. 46Utue wange kuo wavekele ulela, puãi eye wa waveka olomãi viange longuendu. 47Oco mopia love siti, Akandu aye, ndaño a lua, a ecelua, momo o sole ca lua, puãi u wa ecelua citito o sole citito. 48Kuenje wa popia lukãi hati, Akandu ove a ecelua. 49Oco ava va tumala kumue laye kokulia va fetika oku livangula pokati vati, U helie okuti ndaño akandu ecela? 50Yu wa popia lukãi hati, Ekolelo liove lia ku popela kuende lombembua.
ទើបបានជ្រើសរើសហើយ៖
LUKA 7: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
LUKA 7
7
1Eci a mala oku yevisa komanu olondaka viaye viosi oco a iñila vo Kafarinau. 2Kesongo limue wa kala lukuenje waye wa soliwa ca lua, kuenje ukuenje waco wa vela ca lua okuti wa soka oku fa. 3Eci kesongo a yeva oluhimo lua Yesu oco wo tumisa akulu va va Yudea oku u peya okuti iya, o popela ukuenje waye. 4Kuenje eci veya ku Yesu vo lipilikila vati, Wa sungulukila oku u ci lingila. 5Momo o sole epata lietu, kuenje eye muẽle wa tu tungila osunangonga. 6Oco Yesu wa enda lavo. Eci eya ocipepi lonjo yaco oco kesongo wa tuma akamba vaye oku popia laye. Kuenje va popia laye vati, A Ñala, Kesongo hati, Ñala ka ka likavise ño, momo si sesamela okuti iñila vemi liolusoka luonjo yange, 7haico sia sokele siti, Sesamela oku enda kokuaye, puãi a popie ño ondaka oco ukuenje wange a kaye. 8Momo ame ndimunu ukuakupokola ku wa mbelapo, haime ñasi lasualali va pokola kokuange. Mopia lumue siti, Kuende, kuenje enda. Mopia lukuavo siti, Enju, kuenje iya. Mopia lukuenje wange siti, Linga eci, kuenje o ci linga. 9Eci Yesu a yeva ovina evi, wo komoha, kuenda, oku pongolokela kowiñi wu kuãi, wa linga hati, Mopia lene siti, Ndaño ku Isareli sia sangeleko ekolelo ndeli. 10Kuenje eci ava va tumiwa va tiukila konjo, va sanga ukuenje waco wa kaya.
11Oco noke yaco, eye wa enda kimbo limue, ko Naini. Olondonge viaye lowiñi wa lua womanu va enda laye. 12Eci a pitila ocipepi lombundi yimbo oco wa tokeka locivimbi ca tunda vimbo. Omunu waco omõla ongunga ku inaye, inaco ocimbumba, kuenje vakuimbo va lua va kala kumue laye. 13Kuenje eci Ñala o mola, wo kuatela ohenda yu wa popia laye hati, Ku ka lile. 14Oco oku amelako wa lamba kocikalavekua, kuenje vakuacikalavekua va talama, yu wa popia hati, Omalehe, mopia love siti, Pasuka. 15Oco u wa file wa tumala, kuenje wa fetika oku popia. Yesu yu wo weca ku inaye. 16Usumba wa va kuata vosi, kuenje va tumbangiya Suku vati, Uprofeto unene wa katukila pokati ketu; kuenda vali vati, Suku wa pasula omanu vaye. 17Oluhimo olu lua sandokaila kuosi ko Yudea lo kofeka yosi yi sungueko.
18Olondonge via Yoano vio sapuila ovina evi viosi. 19Kuenje Yoano, oku pañinya olondonge viaye vimue vivali, wa vi tuma ku Ñala, hati, Ove hẽ, ove una iya ale, ele tu lavoka umue wiñi? 20Eci olondonge viaco vieya ku Yesu via popia laye, viti, Yoano Upapatisi wa tu tuma kokuove, hati, Ove hẽ, ove una iya ale, ele tu lavoka umue wiñi? 21Ola yaco haiyo a sakula va lua okuvela kuavo, lovolema avo, laspiritu a vĩha, kuenda wa letulula olomeke via lua. 22Yu wa va kumbulula hati, Kuendi, ka sapuili Yoano ovina wa moli levi wa yevi, okuti olomeke vi letuluka, oyilema vi enda, vakuavilundu va yelisua, ovisitatui vi yeva, lava va fa va pinduiwa, kuenje olosuke vi kundilua ondaka yiwa. 23Kuenje u ka natamisilua wa sumũlũha.
24Eci olomunga via Yoano via tundako Yesu wa fetika oku vangula Yoano lowiñi, hati, Wa endeleli oku ka tala nye vekalasoko? oluneva lua lituñunya lofela? 25Nda hacoko, wa endeleli oku ka tala nye? omunu wa wala uwalo wa fina? Tali, ava va wala uwalo wa fina kuenda va lia lia elau va kasi volonjo violosoma. 26Oco hẽ, wa endeleli oku ka tala nye? uprofeto? Mopia lene siti, Ocili muẽle, wa ka taleli umue wa velapo, okuti uprofeto o sule. 27Eye, eye una co sonehelua, citi,
Tala, numa omunga yange kovaso yove.
Eye o pelela onjila yove kovaso yove.
28Ndu sapuili siti, Pokati kava va citiwa lakãi ka pali umue unene okuti Yoano o sule, puãi u o sule vusoma wa Suku, eye unene okuti Yoano o sule. 29Eci omanu vosi la vakuakutambula elisimu va yeva ondaka eyi oco va tava okuti ocipango ca Suku ca sunguluka, kuenje va ci lekisa poku papatisiwa la Yoano. 30Va Fariseo puãi lalongisi vovihandeleko va likala ocipango Suku a va yonguila omo ka va tavele oku papatisiwa la Yoano.
31Oco omanu vocitumbulukila cilo ndi va sokisa le? Va lisoka la nye? 32Va lisoka lomãla va tumala vocila kuenje va vilikiya vakuavo, vati,
Tuo sikili olombendo, kuenje ka wa cilili.
Tua litetela, kuenje ka wa lilili.
33Momo Yoano Upapatisi weya, ombolo ka li, ovinyu ka nyui, kuenje vu linga hoti, O kuete ondele. 34Mõlomanu weya, o lia lia, o nyua nyua, kuenje vu linga hoti, Tali ocisapanu haeye oholua, haeye ekamba lia vakuakutambula elisimu kuenda lia vakuakandu. 35Haimo Ndunge o tendiwa ndukuesunga mekonda liomãla vaye vosi.
36Kuenje umue ku va Fariseo wa laleka Yesu oku lia kumue laye. Oco Yesu wa iñila vonjo yu Fariseo, kuenje wa tumala komesa. 37Ukãi umue wovimbo, haeye ondingakandu, eci a yeva okuti wa tumala komesa vonjo yu Fariseo, oco weya lombutika yalabastro ye yuka onguendu. 38Wa talama konyima, kolomãi viaye, loku lila, kuenje wa fetika oku yulisa olomãi via Yesu lasuelela aye, yu wa vi puenya lesinga liaye, kuenje wa sipula olomãi viaye loku vi waveka onguendu. 39Eci u Fariseo, una wo laleka, a ci mola, wa popia lutima waye hati, Omunu u, nda wa kaile uprofeto, nda wa kũlĩhile ukãi u u kuete ndeti ndeci a tuwa, momo ukuakandu. 40Kuenje Yesu, oku u kumbulula, wa popia laye hati, A Simono, ñuete cimue oku popia love. Eye wa linga hati, Olongisi, va popie ño. 41Yesu wa popia hati, Umue ondevalisi wa kaile lolondevali vivali, umue wa levala ovita vitãlo kolopalata, ukuavo akui atãlo. 42Eci ka va kaile leci va feta, oco wa va ecela kavali kavo. Pokati kavio u u solepo ca lua helie? 43Simono wa kumbulula hati, Nda soka siti, Yu a ecela ca lua. Yu wa popia laye hati, Wa teta onimbu yiwa. 44Kuenje, oku pongolokela kukãi waco, Yesu wa popia la Simono hati, O lete ukãi u? Nda iñila vonjo yove, kua nyihile ovava okolomãi viange, puãi eye wa yulisa olomãi viange lasuelela aye kuenje wa vi puenya lesinga liaye. 45Ove kua sipuile, puãi eye, tunde apa nda ka iñila, ka liwekele oku sipula olomãi viange. 46Utue wange kuo wavekele ulela, puãi eye wa waveka olomãi viange longuendu. 47Oco mopia love siti, Akandu aye, ndaño a lua, a ecelua, momo o sole ca lua, puãi u wa ecelua citito o sole citito. 48Kuenje wa popia lukãi hati, Akandu ove a ecelua. 49Oco ava va tumala kumue laye kokulia va fetika oku livangula pokati vati, U helie okuti ndaño akandu ecela? 50Yu wa popia lukãi hati, Ekolelo liove lia ku popela kuende lombembua.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.