OVILINGA 5
5
1Puãi ulume umue, Ananiya, kumue lukãi waye Safira, wa landisa epia, 2yu wa soleka onepa yondando yaco, kuenje weya lonepa yikuavo oku yi kapa polomãi viovapostolo. Ukãi waye wa ci kũlĩha. 3Petulu wa linga hati, A Ananiya, nye Satana e yukisila vutima wove uhembi woku kemba Espiritu Sandu loku soleka onepa yondando yepia? 4Osimbu kua li landisile hẽ, ka lia kaile liove muẽle? Leci wa li landisa olombongo viaco hẽ, ka via kaile viove oku linga lavio ndeci wa panga? Elinga ndeli wa li panga ndati vutima wove? Kua kembele omunu te Suku. 5Eci Ananiya a yeva olondaka evi wa kupuka kuenje wa fa. Usumba wa lua wa kuata vosi va ci yeva. 6Akuenje oku votoka vo wiña onanga, vo tuala kusenge, kuenje vo kenda.
7Kovaso yolowola vitatu ukãi waye wa iñila, eye ka kũlĩhile eci ca pita. 8Petulu wa popia laye hati, Sapuileko nda olombongo evi ovio wa landisi epia. Eye hati, Ovio. 9Petulu puãi wo pula vali hati, Nye wa litaveli pokati oku nyika Espiritu lia Ñala? Olomãi viava va kenda veyove vievi puvelo, kuenje va ku ambatavo. 10Haico a kupukila kolomãi viaye kuenje wa fa. Akuenje, oku iñila, vo sanga wa fa, va tunda laye, yu vo kenda ponele ya veyaye. 11Usumba wa lua wa kuata ekongelo liosi kuenda omanu vosi va yeva ovina evi.
12Va tuwa oku ongolokela vocindumba ca Salomone. Ovilimbu via lua lovikomo via lingiwa pokati komanu lovaka ovapostolo. 13Puãi lomue ukuavo wa lukuta oku kala lavo, ndaño omanu va va pandiya. 14Kua vokiyiwa va lua va tava ku Ñala, owiñi walume lakãi, 15okuti va nena ava va vela valuwa, kuenje va va pekelisa kovola lo poviyalo, okuti, eci Petulu a pita, oco ocilelembia caye ci vetapo vamue, ndaño ka va luile. 16Kueyavo owiñi wa tunda kovaimbo a lisungue la Yerusalãi. Va ambata olombei, lava va talisua ohali laspiritu ãvi, kuenje vosi va sakuiwa.
17Puãi ocitunda cinene ca votoka, la vosi va kala laye okuti ocisoko ca va Sadukeo. Vosi yavo ve yuka onya, 18oco va kuata ovapostolo kuenje va va kapa vokayike kaño. 19Puãi pokati kuteke, ungelo wa Ñala wa yikulula apito okayike, wa vopamo kuenje wa popia hati, 20Kuendi konembele, talami vilu kovaso omanu, ka lomboluili omanu omuenyo ulo. 21Eci va ci yeva oco va iñila vonembele omele, kongula, kuenje va longisa.
Oco, ocitunda cinene ceya, lava va kala laye. Vongolola onjango yavo lakulu va va Isareli kuenje va tuma kokayike oku ka vopa. 22Puãi, eci akuenje va enda, ka va va sangele vokayike, oco, oku tiuka, va sapula vati, 23Tua ka sangele okayike ka yikiwa lutate. Vakuakulava va kala povivelo. Puãi, eci tua yikulula, lomue tua sangamo. 24Oco, eci Kesongo lionembele lovitunda vinene va yeva olondaka evi, va tokotelua kuenje vati, Eci puãi ci laika oku sulila pi? 25Oco, umue weya, wa va sapuila hati, Alume vana wa kapi vokayike va kasi vonembele oku longisa omanu. 26Oco Kesongo wa enda lakuenje, wa ka vopile, puãi halonjangako, momo va kala lusumba womanu sanga va va asa ovawe.
27Oco, eci va ka vopile, va va nena vonjango. Oco ocitunda cinene ca va pula, 28citi, Tuo handeleki longusu, tuti, Ko ka longisi vali vonduko yaco. Puãi haimo wa yukisi Yerusalãi lovilongua viene, kuenje wa pangi oku tu pisila osonde yomunu waco. 29Puãi Petulu lovapostolo va kumbulula vati, Cetu oku pokola ku Suku, komanu hakoko. 30Suku yolosekulu vietu wa pindula Yesu, una ene wa pondi loku u nyoñamisila kuti, 31haeye Suku a kemalisila kondio yaye ha lingi Njalu kuenda Upopeli oku eca ku va Isareli oku likekembela akandu longecelo yao. 32Etu tulombangi violondaka viaco. Espiritu Sandu, una Suku a eca komanu vosi va pokola kokuaye, layevo ombangi.
33Ovo, eci va yeva olondaka evi, va fungula kuenje va yongola oku va ipa. 34Puãi vonjango mua kala u Fariseo umue, onduko yaye Gamalieli, eye ulongisi wovihandeleko kuenje wa sumbiwa lomanu vosi. Eye wa votoka, kuenje wa popia hati, Omanu vaco va tundile handi posamua. 35Oco wa popia lavo hati, Alume va Isareli, lunguki leci wa soki oku linga lomanu ava. 36Momo ale kua katukile Teodasi. Eye wa litukula hati, Ndimunu unene. Omanu va litokeka laye va lua, va soka ndovita vikuala. Puãi eye wa ipaiwa, kuenje vosi va tava kokuaye va sandoka, yu va taka. 37Noke kua katuka Yuda u Galilea koloneke vioku lisonehisa. Layevo wa koka omanu okuti vo kuama. Layevo wa nyõleha kuenje vosi va tava kokuaye va sandoka. 38Kaliye mopia lene siti, Liweki komanu ava. Va kale ño, momo etavo eli, pamue upange u, nda womanu, u nyõleha. 39Puãi, nda wa Suku, ene ka vu tẽla oku va yula. Kuli ohele sanga vu linga ndava va liyaka la Suku.
40Oco va tava kokuaye, kuenje, eci va pañinya ovapostolo, va va tipula. Noke va va handeleka, vati, Ka ci tava oku longisa vali vonduko ya Yesu, kuenje va va eca. 41Ovo va tunda vonjango loku yolela, momo va sangiwa okuti va sesamela oku talela onduko yaco esepu. 42Oloneke viosi ka va liwekele oku kundila vonembele lo volonjo, loku longisa okuti Yesu eye Mesiya.
ទើបបានជ្រើសរើសហើយ៖
OVILINGA 5: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
OVILINGA 5
5
1Puãi ulume umue, Ananiya, kumue lukãi waye Safira, wa landisa epia, 2yu wa soleka onepa yondando yaco, kuenje weya lonepa yikuavo oku yi kapa polomãi viovapostolo. Ukãi waye wa ci kũlĩha. 3Petulu wa linga hati, A Ananiya, nye Satana e yukisila vutima wove uhembi woku kemba Espiritu Sandu loku soleka onepa yondando yepia? 4Osimbu kua li landisile hẽ, ka lia kaile liove muẽle? Leci wa li landisa olombongo viaco hẽ, ka via kaile viove oku linga lavio ndeci wa panga? Elinga ndeli wa li panga ndati vutima wove? Kua kembele omunu te Suku. 5Eci Ananiya a yeva olondaka evi wa kupuka kuenje wa fa. Usumba wa lua wa kuata vosi va ci yeva. 6Akuenje oku votoka vo wiña onanga, vo tuala kusenge, kuenje vo kenda.
7Kovaso yolowola vitatu ukãi waye wa iñila, eye ka kũlĩhile eci ca pita. 8Petulu wa popia laye hati, Sapuileko nda olombongo evi ovio wa landisi epia. Eye hati, Ovio. 9Petulu puãi wo pula vali hati, Nye wa litaveli pokati oku nyika Espiritu lia Ñala? Olomãi viava va kenda veyove vievi puvelo, kuenje va ku ambatavo. 10Haico a kupukila kolomãi viaye kuenje wa fa. Akuenje, oku iñila, vo sanga wa fa, va tunda laye, yu vo kenda ponele ya veyaye. 11Usumba wa lua wa kuata ekongelo liosi kuenda omanu vosi va yeva ovina evi.
12Va tuwa oku ongolokela vocindumba ca Salomone. Ovilimbu via lua lovikomo via lingiwa pokati komanu lovaka ovapostolo. 13Puãi lomue ukuavo wa lukuta oku kala lavo, ndaño omanu va va pandiya. 14Kua vokiyiwa va lua va tava ku Ñala, owiñi walume lakãi, 15okuti va nena ava va vela valuwa, kuenje va va pekelisa kovola lo poviyalo, okuti, eci Petulu a pita, oco ocilelembia caye ci vetapo vamue, ndaño ka va luile. 16Kueyavo owiñi wa tunda kovaimbo a lisungue la Yerusalãi. Va ambata olombei, lava va talisua ohali laspiritu ãvi, kuenje vosi va sakuiwa.
17Puãi ocitunda cinene ca votoka, la vosi va kala laye okuti ocisoko ca va Sadukeo. Vosi yavo ve yuka onya, 18oco va kuata ovapostolo kuenje va va kapa vokayike kaño. 19Puãi pokati kuteke, ungelo wa Ñala wa yikulula apito okayike, wa vopamo kuenje wa popia hati, 20Kuendi konembele, talami vilu kovaso omanu, ka lomboluili omanu omuenyo ulo. 21Eci va ci yeva oco va iñila vonembele omele, kongula, kuenje va longisa.
Oco, ocitunda cinene ceya, lava va kala laye. Vongolola onjango yavo lakulu va va Isareli kuenje va tuma kokayike oku ka vopa. 22Puãi, eci akuenje va enda, ka va va sangele vokayike, oco, oku tiuka, va sapula vati, 23Tua ka sangele okayike ka yikiwa lutate. Vakuakulava va kala povivelo. Puãi, eci tua yikulula, lomue tua sangamo. 24Oco, eci Kesongo lionembele lovitunda vinene va yeva olondaka evi, va tokotelua kuenje vati, Eci puãi ci laika oku sulila pi? 25Oco, umue weya, wa va sapuila hati, Alume vana wa kapi vokayike va kasi vonembele oku longisa omanu. 26Oco Kesongo wa enda lakuenje, wa ka vopile, puãi halonjangako, momo va kala lusumba womanu sanga va va asa ovawe.
27Oco, eci va ka vopile, va va nena vonjango. Oco ocitunda cinene ca va pula, 28citi, Tuo handeleki longusu, tuti, Ko ka longisi vali vonduko yaco. Puãi haimo wa yukisi Yerusalãi lovilongua viene, kuenje wa pangi oku tu pisila osonde yomunu waco. 29Puãi Petulu lovapostolo va kumbulula vati, Cetu oku pokola ku Suku, komanu hakoko. 30Suku yolosekulu vietu wa pindula Yesu, una ene wa pondi loku u nyoñamisila kuti, 31haeye Suku a kemalisila kondio yaye ha lingi Njalu kuenda Upopeli oku eca ku va Isareli oku likekembela akandu longecelo yao. 32Etu tulombangi violondaka viaco. Espiritu Sandu, una Suku a eca komanu vosi va pokola kokuaye, layevo ombangi.
33Ovo, eci va yeva olondaka evi, va fungula kuenje va yongola oku va ipa. 34Puãi vonjango mua kala u Fariseo umue, onduko yaye Gamalieli, eye ulongisi wovihandeleko kuenje wa sumbiwa lomanu vosi. Eye wa votoka, kuenje wa popia hati, Omanu vaco va tundile handi posamua. 35Oco wa popia lavo hati, Alume va Isareli, lunguki leci wa soki oku linga lomanu ava. 36Momo ale kua katukile Teodasi. Eye wa litukula hati, Ndimunu unene. Omanu va litokeka laye va lua, va soka ndovita vikuala. Puãi eye wa ipaiwa, kuenje vosi va tava kokuaye va sandoka, yu va taka. 37Noke kua katuka Yuda u Galilea koloneke vioku lisonehisa. Layevo wa koka omanu okuti vo kuama. Layevo wa nyõleha kuenje vosi va tava kokuaye va sandoka. 38Kaliye mopia lene siti, Liweki komanu ava. Va kale ño, momo etavo eli, pamue upange u, nda womanu, u nyõleha. 39Puãi, nda wa Suku, ene ka vu tẽla oku va yula. Kuli ohele sanga vu linga ndava va liyaka la Suku.
40Oco va tava kokuaye, kuenje, eci va pañinya ovapostolo, va va tipula. Noke va va handeleka, vati, Ka ci tava oku longisa vali vonduko ya Yesu, kuenje va va eca. 41Ovo va tunda vonjango loku yolela, momo va sangiwa okuti va sesamela oku talela onduko yaco esepu. 42Oloneke viosi ka va liwekele oku kundila vonembele lo volonjo, loku longisa okuti Yesu eye Mesiya.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.