OVILINGA 23
23
1Paulu wa imba ovaso konjango, kuenje wa popia hati. A vamanji, omuneyo wange wosi nda vumba Suku lutima wa pua eko toke etaili lilo. 2Ocitunda cinene, Ananiya, wa popia lava va kala ocipepi laye, hati. U tusuli komẽla. 3Oco Paulu wa popia hati. Ove, acimano ca yanguiwa, Suku o ku veta. Ove wa tumalelapo oku nepisila ndeci ca soka lovihandeleko, osimbu haive wa sinila ovihandeleko loku linga huti, Vo vete? 4Ava va kalako va popia vati, Nga o tuka ocitunda cinene ca Suku? 5Paulu wa linga hati, Akuetu, sia ci kũlĩhile okuti eye ocitunda cinene, momo ca sonehiwa citi, Ku ka popie cĩvi ombiali yofeka yove.
6Puãi, eci Paulu a limbuka okuti vamue va Sandukeo, kuenda vamue va Fariseo, oco a popia lonjango lolukandi hati, Akuetu, ame ndu Fariseo, haime ndimõla a va Fariseo. Ñasi loku sombisilua elavoko liepinduko lia vakualufa. 7Eci a popia ndoco, kueya olonamalala pokati ka va Fariseo la va Sandukeo. Oco owiñi wa litepa. 8Momo va Sandukeo va longisa vati, Ka kuli epinduko, ndaño ungelo, ndaño ocilulu. Ovina viaco puãi, katatu kavio, va Fariseo va vi tava. 9Oco kueya onjuela ya lua, kuenje vakuavisonehua vamue va tiamela ku va Fariseo, va votoka kuenje va toñomãla vati, Ka tua sangele cimue cĩvi komunu u. Mbi wa popia ocili, okuti espiritu limue, pamue ungelo umue, wa popia laye. 10Kua wenguka ema linene. Kuenje omo Kesongo a kala lusumba sanga Paulu o nyanyuiwa lavo, oco wa tuma asualali ha vo poli pokati kavo loku u tuala vombonge.
11Uteke wa kuamamo Ñala wa talama kumue la Paulu, kuenje wa popia laye hati, Kolisako. Momo ndeci wa njimbila uvangi ko Yerusalãi haico o njimbilavo uvangi ko Roma.
12Eci kua ca omẽle, va Yudea va tumbika ongombo, yu va lisinga vati, Ka tu li, ka tu nyui, te tua ipa Paulu. 13Ava va linga ungalu waco akui akuãla va supa. 14Oco va enda kovitunda vinene kuenda kakulu, va linga vati, Tua lisinga lesingo li kola, tuti, Ka tu mahi cimue te tua ipa Paulu. 15Oco ene, kumue lonjango, tumi ku Kesongo oco o nene kokuene. Ci lingiwe letutu. Ci molehe okuti tu yongola oku patisa ondaka yaye lutate. Etu tu taĩlili oku wipa osimbu ka pitilile.
16Ocimumba ca Paulu ca yeva okuti vo lavekela, oco weya, wa iñila vombonge, kuenje wa ci sapuila Paulu. 17Paulu wa kovonga umue usongui, wa popia laye hati, Tuala umalehe u ku Kesongo, momo o kasi londaka yoku u sapuila. 18Eye wa enda lumalehe ku Kesongo, oco wa popia hati; Omandekua Paulu wa ñovonga yu wa minga oku nena umalehe u kokuove, o kuete cimue coku vangula love. 19Kesongo, oku u kuata peka, wo tiamisila ponele pulika, yu wo pula hati, O kuete nye coku sapuila? 20Eye hati, Va Yudea va livangula oku ku pinga okuti hẽla o va nenela Paulu konjango, vati, Tu ka patisa vali ondaka yaye lutate. 21Puãi, ku ka tave kokuavo, momo alume vakuavo, akui akuãla va supa, vo lavekela, va lisinga vati, Ka tu li, ka tu nyui, te tua wipa. Cilo va kapelako ale, kuenje va kasi loku talamela ondaka yove. 22Oco Kesongo wa eca umalehe. Wo wusika, hati, Ku ka ci popie lomunu okuti wa ci sapuila.
23Noke wa kovonga asongui vavali vovisoko viocita ocita, hati, Mãlẽhisi ovita vivali viasualali, kuenda vakuakuendela kotuvalu akui epanduvali kuenda ovita vivali via vakualonjelia. Va lipongiye okuti va tunda kola yatatu kuteke, va ende ko Kaisarea. 24Angiliyivo otuvalu okuti Paulu endelako. U tuali ciwa konguluvulu Feliki. 25Noke wa soneha ukanda, hati,
26Ame ndi Kaludio Lusia ndi sonehela Feliki, onguluvulu ya piãla. Epasu. 27Ulume u wa kuatiwa la va Yudea yu va soka oku wipa. Omo nda yeva okuti u Roma oco ndeya kokuaye lasualali kuenje ndo popela. 28Eci nda yongola oku limbuka ondaka vo pindikila, ndaile laye konjango yavo. 29Nda limbuka okuti vo pindikila olondaka vimue viovihandeleko viavo, puãi ka vo pindikilile cimue ca sesamela okufa pamue oku yikiwa. 30Eci ca sapuilua okuti vo tumbika ongombo, oco ndo tuma kokuove lonjanga, kuenje nda pañinya olomindiki viaye oku u pindika kokuove.
31Oco asualali, ndeci va handelekua, va enda la Paulu, kuenje veya ka Antipatiri kuteke. 32Hẽla yaco, ovo va tiukila kombonge, Paulu vo kundika ku vakuatuvalu okuti va enda laye toke ko Kaisarea. 33Eci va pitila ko Kaisarea va eca ukanda ku Nguluvulu, Paulu layevo vo wecavo kokuaye. 34Eci Nguluvulu a tanga ukanda oco wa pula hati, Omunu u wa tunda kofeka yipi? Eci a yeva okuti ko Kilikia, 35wa popia hati, Hu yeva eci olomindiki viove viya. Noke wa handeleka hati, Vo lavele vombonge ya Herode.
ទើបបានជ្រើសរើសហើយ៖
OVILINGA 23: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
OVILINGA 23
23
1Paulu wa imba ovaso konjango, kuenje wa popia hati. A vamanji, omuneyo wange wosi nda vumba Suku lutima wa pua eko toke etaili lilo. 2Ocitunda cinene, Ananiya, wa popia lava va kala ocipepi laye, hati. U tusuli komẽla. 3Oco Paulu wa popia hati. Ove, acimano ca yanguiwa, Suku o ku veta. Ove wa tumalelapo oku nepisila ndeci ca soka lovihandeleko, osimbu haive wa sinila ovihandeleko loku linga huti, Vo vete? 4Ava va kalako va popia vati, Nga o tuka ocitunda cinene ca Suku? 5Paulu wa linga hati, Akuetu, sia ci kũlĩhile okuti eye ocitunda cinene, momo ca sonehiwa citi, Ku ka popie cĩvi ombiali yofeka yove.
6Puãi, eci Paulu a limbuka okuti vamue va Sandukeo, kuenda vamue va Fariseo, oco a popia lonjango lolukandi hati, Akuetu, ame ndu Fariseo, haime ndimõla a va Fariseo. Ñasi loku sombisilua elavoko liepinduko lia vakualufa. 7Eci a popia ndoco, kueya olonamalala pokati ka va Fariseo la va Sandukeo. Oco owiñi wa litepa. 8Momo va Sandukeo va longisa vati, Ka kuli epinduko, ndaño ungelo, ndaño ocilulu. Ovina viaco puãi, katatu kavio, va Fariseo va vi tava. 9Oco kueya onjuela ya lua, kuenje vakuavisonehua vamue va tiamela ku va Fariseo, va votoka kuenje va toñomãla vati, Ka tua sangele cimue cĩvi komunu u. Mbi wa popia ocili, okuti espiritu limue, pamue ungelo umue, wa popia laye. 10Kua wenguka ema linene. Kuenje omo Kesongo a kala lusumba sanga Paulu o nyanyuiwa lavo, oco wa tuma asualali ha vo poli pokati kavo loku u tuala vombonge.
11Uteke wa kuamamo Ñala wa talama kumue la Paulu, kuenje wa popia laye hati, Kolisako. Momo ndeci wa njimbila uvangi ko Yerusalãi haico o njimbilavo uvangi ko Roma.
12Eci kua ca omẽle, va Yudea va tumbika ongombo, yu va lisinga vati, Ka tu li, ka tu nyui, te tua ipa Paulu. 13Ava va linga ungalu waco akui akuãla va supa. 14Oco va enda kovitunda vinene kuenda kakulu, va linga vati, Tua lisinga lesingo li kola, tuti, Ka tu mahi cimue te tua ipa Paulu. 15Oco ene, kumue lonjango, tumi ku Kesongo oco o nene kokuene. Ci lingiwe letutu. Ci molehe okuti tu yongola oku patisa ondaka yaye lutate. Etu tu taĩlili oku wipa osimbu ka pitilile.
16Ocimumba ca Paulu ca yeva okuti vo lavekela, oco weya, wa iñila vombonge, kuenje wa ci sapuila Paulu. 17Paulu wa kovonga umue usongui, wa popia laye hati, Tuala umalehe u ku Kesongo, momo o kasi londaka yoku u sapuila. 18Eye wa enda lumalehe ku Kesongo, oco wa popia hati; Omandekua Paulu wa ñovonga yu wa minga oku nena umalehe u kokuove, o kuete cimue coku vangula love. 19Kesongo, oku u kuata peka, wo tiamisila ponele pulika, yu wo pula hati, O kuete nye coku sapuila? 20Eye hati, Va Yudea va livangula oku ku pinga okuti hẽla o va nenela Paulu konjango, vati, Tu ka patisa vali ondaka yaye lutate. 21Puãi, ku ka tave kokuavo, momo alume vakuavo, akui akuãla va supa, vo lavekela, va lisinga vati, Ka tu li, ka tu nyui, te tua wipa. Cilo va kapelako ale, kuenje va kasi loku talamela ondaka yove. 22Oco Kesongo wa eca umalehe. Wo wusika, hati, Ku ka ci popie lomunu okuti wa ci sapuila.
23Noke wa kovonga asongui vavali vovisoko viocita ocita, hati, Mãlẽhisi ovita vivali viasualali, kuenda vakuakuendela kotuvalu akui epanduvali kuenda ovita vivali via vakualonjelia. Va lipongiye okuti va tunda kola yatatu kuteke, va ende ko Kaisarea. 24Angiliyivo otuvalu okuti Paulu endelako. U tuali ciwa konguluvulu Feliki. 25Noke wa soneha ukanda, hati,
26Ame ndi Kaludio Lusia ndi sonehela Feliki, onguluvulu ya piãla. Epasu. 27Ulume u wa kuatiwa la va Yudea yu va soka oku wipa. Omo nda yeva okuti u Roma oco ndeya kokuaye lasualali kuenje ndo popela. 28Eci nda yongola oku limbuka ondaka vo pindikila, ndaile laye konjango yavo. 29Nda limbuka okuti vo pindikila olondaka vimue viovihandeleko viavo, puãi ka vo pindikilile cimue ca sesamela okufa pamue oku yikiwa. 30Eci ca sapuilua okuti vo tumbika ongombo, oco ndo tuma kokuove lonjanga, kuenje nda pañinya olomindiki viaye oku u pindika kokuove.
31Oco asualali, ndeci va handelekua, va enda la Paulu, kuenje veya ka Antipatiri kuteke. 32Hẽla yaco, ovo va tiukila kombonge, Paulu vo kundika ku vakuatuvalu okuti va enda laye toke ko Kaisarea. 33Eci va pitila ko Kaisarea va eca ukanda ku Nguluvulu, Paulu layevo vo wecavo kokuaye. 34Eci Nguluvulu a tanga ukanda oco wa pula hati, Omunu u wa tunda kofeka yipi? Eci a yeva okuti ko Kilikia, 35wa popia hati, Hu yeva eci olomindiki viove viya. Noke wa handeleka hati, Vo lavele vombonge ya Herode.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.