OVILINGA 20
20
1Eci onjuela ya imuha Paulu wa pañinya oloñame. Eci a va lungula, wa vosika kuenje wa tundako, wa enda ko Makedonia. 2Eci a pita volofeka viaco, loku kolisa ca lua oloñame, oco weya ko Helasi. 3Oko a kala olosãi vitatu. Noke wa simile oku enda lonaviyu ko Suria. Puãi va Yudea vo tumbika ongombo, oco, wa teta onimbu hati, Oku tiukila tu pita vali vo Makedonia. 4Ava va enda laye vava, Sopatero omõla a Puro, eye u Berea, kuenda Aristarko la Sekundo, ovo va Tesalonike, kuenda Galio u Derbe, la Timoteo kuenda Tukiko la Trofimo, ovo va Asia. 5Ovo va pita kovaso kuenje va tu talamela ko Torasi. 6Etu puãi tua talamela ofesta yombolo ka yi kuete etumbisa. Kovaso yaco tua tunda ko Filipoi oku enda lonaviyu. Tua enda oloneke vitãlo kuenje tua va sanga ko Torasi, oko tua tumala oloneke epanduvali.
7Keteke liatete kosimanu tua liongoluila oku timbula ombolo. Paulu wa va kupuila ohundo omo a soka oku tundako hẽla, kuenje wa amisako ohundo yaye toke vokati kuteke. 8Vohondo yosapalalo, omu tua liongoluila, mua kala olondiyelo via lua. 9Ponjinela pa tumala ukuenje umue, onduko yaye Eutuko. Eye wa lemiwa lotulo tua lua kuenje, eci Paulu amisako ca lua ohundo yaye, eye, omo otulo tuo kola, wa kupuka kosapalalo yatatu. Vo yelulapo tupu wa fa. 10Oco Paulu wa lokako, wo yukamela kuenje wo kuata, hati, Ko ka yokoki, momo lopo mu kasi omuenyo. 11Kovaso yaco Paulu wa londa vali, wa timbula ombolo kuenje wa lia. Noke wa vangula lavo, vangule-e, toke kua ca, kuenje wa tundako. 12Ukuenje, va enda laye lomuenyo, kuenje esanju va kala lalio ka li popiwa, lia-a lua.
13Etu, tua livanga kovaso lonaviyu kuenje tueya ka Aso, momo oko tua liusikile oku tokekela la Paulu. Eye muẽle, Paulu, wa endela posi. 14Eci a tu sanga ka Aso tuo tambula vonaviyu kuenje tueya ko Mitulene. 15Oku tunda oko, eteke likuavo tua vambala ko Kiyo. Eteke likuavo tueya ko Samo, likuavo ko Miletu. 16Momo Paulu wa panga oku pita ombamba ke Efeso, okuti ka talukila va Asia, momo wa kala lonjanga yoku kala vo Yerusalãi keteke lia Pentekoste, nda ci tẽliwa.
17Ko Miletu wa tuma ke Efeso oku pañinya akulu vekongelo. 18Eci veya kokuaye wa popia lavo hati,
Ene muẽle wa kũlĩhi ndeci nda kala lene tunde eteke liatete nda liatela kongongo ya Asia. 19Wa moli ndeci nda vumba Ñala lukukui vutima kuenda lasuelela. Wa kũlĩhi ovisiliñinya nda sanga kolongombo via va Yudea. 20Wa kũlĩhivo ndeci sia yuvuile oku lombolola kokuene olondaka viosi viu kuatisi, loku vu longasaila vovila lo volonjo. 21Va Yudea la va Helasi nda va kundila oku va vetiya okuti va likekembela akandu avo kovaso a Suku loku kolela Ñala yetu Yesu Kristu. 22Oco cilo ndimandekua ye Espiritu kuenje ngenda ko Yerusalãi. Eci ha sangako si ci. 23Cimosi lika nda kũlĩha ceci okuti, kovaimbo osi mita, Espiritu Sandu o njimbaimba onumbi hati, Ovikolo lohali vi ku tãilili. 24Puãi si tendi omuenyo wange ndocina cimue ci silivila pamue ci mepa. Cimosi lika ndi livela ceci, Oku tẽlisa ocikundi cange loku mala upange nda tambula ku Ñala Yesu, loku imbila uvangi ondaka yiwa yocali ca Suku. 25Kaliye, ndi ci okuti ene vosi nda ñuala ñuala pokati kene loku longaisa ondaka yusoma wa Suku, ka vu moli vali ocipala cange. 26Oco, etaili ndu sapuili longusu, siti, Nda yela osonde yomanu vosi. 27Nda pua eko momo sia yuvuile oku vu sapuila ocipango cosi ca Suku. 28Lilavi ene muẽle. Lavivo ocunda cosi Espiritu Sandu wo ci kapeli angombo, okuti vu lisa lisa ekongelo lia Ñala lina a landa losonde yaye. 29Ndi ci okuti, eci nunda, olombinji via tema viñila pokati kene, kuenje ka vi kuatela ohenda ocunda. 30Kuenda vali, pokati kene muẽle, pa katuka alume va vangula ovina via penga ha va koki oloñame okuti vi va kuama. 31Oco lavululi, loku ivaluka okuti anyamo atatu, utanya luteke, sia liwekele oku u lunguli lasuelẽla, omunu omunu. 32Cilo ndu kundiki ku Suku kuenda kondaka yocali caye, haico ci tẽla oku vu pamisa loku wihi ocipiñalo kumue la vosi va kolisiwa. 33Sia la livela oku tambula komunu opalata, pamue ulu, pamue uwalo. 34Ene muẽle vu ci cokuti ovaka ange alo o-o a muisa eteku liange leli liava va kala lame. 35Kovina viosi ndo lekisi okuti koku talavaya oko ku tunda coku kuatisa laco olosuke, ndocikele cetu eci tu ivaluka olondaka via Ñala Yesu vina a popia hati, Esumũlũho li tunda koku eca olio lia lua, eli li tunda koku tambula li sule.
36Oco, eci a popia ndoco, wa kekama kolongolo, kuenje wa likutilila kumue la vosi. 37Vosi va lila ca lua, va kuatelela Paulu kosingo kuenje vo sipula. 38Ca piãla enene, va sumuila ondaka a popia lavo, hati, Ka vu moli vali ocipala cange. Noke vo sindikila konaviyu.
ទើបបានជ្រើសរើសហើយ៖
OVILINGA 20: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
OVILINGA 20
20
1Eci onjuela ya imuha Paulu wa pañinya oloñame. Eci a va lungula, wa vosika kuenje wa tundako, wa enda ko Makedonia. 2Eci a pita volofeka viaco, loku kolisa ca lua oloñame, oco weya ko Helasi. 3Oko a kala olosãi vitatu. Noke wa simile oku enda lonaviyu ko Suria. Puãi va Yudea vo tumbika ongombo, oco, wa teta onimbu hati, Oku tiukila tu pita vali vo Makedonia. 4Ava va enda laye vava, Sopatero omõla a Puro, eye u Berea, kuenda Aristarko la Sekundo, ovo va Tesalonike, kuenda Galio u Derbe, la Timoteo kuenda Tukiko la Trofimo, ovo va Asia. 5Ovo va pita kovaso kuenje va tu talamela ko Torasi. 6Etu puãi tua talamela ofesta yombolo ka yi kuete etumbisa. Kovaso yaco tua tunda ko Filipoi oku enda lonaviyu. Tua enda oloneke vitãlo kuenje tua va sanga ko Torasi, oko tua tumala oloneke epanduvali.
7Keteke liatete kosimanu tua liongoluila oku timbula ombolo. Paulu wa va kupuila ohundo omo a soka oku tundako hẽla, kuenje wa amisako ohundo yaye toke vokati kuteke. 8Vohondo yosapalalo, omu tua liongoluila, mua kala olondiyelo via lua. 9Ponjinela pa tumala ukuenje umue, onduko yaye Eutuko. Eye wa lemiwa lotulo tua lua kuenje, eci Paulu amisako ca lua ohundo yaye, eye, omo otulo tuo kola, wa kupuka kosapalalo yatatu. Vo yelulapo tupu wa fa. 10Oco Paulu wa lokako, wo yukamela kuenje wo kuata, hati, Ko ka yokoki, momo lopo mu kasi omuenyo. 11Kovaso yaco Paulu wa londa vali, wa timbula ombolo kuenje wa lia. Noke wa vangula lavo, vangule-e, toke kua ca, kuenje wa tundako. 12Ukuenje, va enda laye lomuenyo, kuenje esanju va kala lalio ka li popiwa, lia-a lua.
13Etu, tua livanga kovaso lonaviyu kuenje tueya ka Aso, momo oko tua liusikile oku tokekela la Paulu. Eye muẽle, Paulu, wa endela posi. 14Eci a tu sanga ka Aso tuo tambula vonaviyu kuenje tueya ko Mitulene. 15Oku tunda oko, eteke likuavo tua vambala ko Kiyo. Eteke likuavo tueya ko Samo, likuavo ko Miletu. 16Momo Paulu wa panga oku pita ombamba ke Efeso, okuti ka talukila va Asia, momo wa kala lonjanga yoku kala vo Yerusalãi keteke lia Pentekoste, nda ci tẽliwa.
17Ko Miletu wa tuma ke Efeso oku pañinya akulu vekongelo. 18Eci veya kokuaye wa popia lavo hati,
Ene muẽle wa kũlĩhi ndeci nda kala lene tunde eteke liatete nda liatela kongongo ya Asia. 19Wa moli ndeci nda vumba Ñala lukukui vutima kuenda lasuelela. Wa kũlĩhi ovisiliñinya nda sanga kolongombo via va Yudea. 20Wa kũlĩhivo ndeci sia yuvuile oku lombolola kokuene olondaka viosi viu kuatisi, loku vu longasaila vovila lo volonjo. 21Va Yudea la va Helasi nda va kundila oku va vetiya okuti va likekembela akandu avo kovaso a Suku loku kolela Ñala yetu Yesu Kristu. 22Oco cilo ndimandekua ye Espiritu kuenje ngenda ko Yerusalãi. Eci ha sangako si ci. 23Cimosi lika nda kũlĩha ceci okuti, kovaimbo osi mita, Espiritu Sandu o njimbaimba onumbi hati, Ovikolo lohali vi ku tãilili. 24Puãi si tendi omuenyo wange ndocina cimue ci silivila pamue ci mepa. Cimosi lika ndi livela ceci, Oku tẽlisa ocikundi cange loku mala upange nda tambula ku Ñala Yesu, loku imbila uvangi ondaka yiwa yocali ca Suku. 25Kaliye, ndi ci okuti ene vosi nda ñuala ñuala pokati kene loku longaisa ondaka yusoma wa Suku, ka vu moli vali ocipala cange. 26Oco, etaili ndu sapuili longusu, siti, Nda yela osonde yomanu vosi. 27Nda pua eko momo sia yuvuile oku vu sapuila ocipango cosi ca Suku. 28Lilavi ene muẽle. Lavivo ocunda cosi Espiritu Sandu wo ci kapeli angombo, okuti vu lisa lisa ekongelo lia Ñala lina a landa losonde yaye. 29Ndi ci okuti, eci nunda, olombinji via tema viñila pokati kene, kuenje ka vi kuatela ohenda ocunda. 30Kuenda vali, pokati kene muẽle, pa katuka alume va vangula ovina via penga ha va koki oloñame okuti vi va kuama. 31Oco lavululi, loku ivaluka okuti anyamo atatu, utanya luteke, sia liwekele oku u lunguli lasuelẽla, omunu omunu. 32Cilo ndu kundiki ku Suku kuenda kondaka yocali caye, haico ci tẽla oku vu pamisa loku wihi ocipiñalo kumue la vosi va kolisiwa. 33Sia la livela oku tambula komunu opalata, pamue ulu, pamue uwalo. 34Ene muẽle vu ci cokuti ovaka ange alo o-o a muisa eteku liange leli liava va kala lame. 35Kovina viosi ndo lekisi okuti koku talavaya oko ku tunda coku kuatisa laco olosuke, ndocikele cetu eci tu ivaluka olondaka via Ñala Yesu vina a popia hati, Esumũlũho li tunda koku eca olio lia lua, eli li tunda koku tambula li sule.
36Oco, eci a popia ndoco, wa kekama kolongolo, kuenje wa likutilila kumue la vosi. 37Vosi va lila ca lua, va kuatelela Paulu kosingo kuenje vo sipula. 38Ca piãla enene, va sumuila ondaka a popia lavo, hati, Ka vu moli vali ocipala cange. Noke vo sindikila konaviyu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.