OVILINGA 15
15
1Puãi vamue va tunda ko Yudea veya ka Antiokea yu va longisa oloñame viaco, vati, Ka vu tẽla oku popeliwa, te wa seviwi evamba ndocihõlo ca Mose. 2Eci kueya onjuela kuenje Paulu la Barnaba va hoya lavo ca lua, oco ekongelo lia tukula Paulu la Barnaba la vamue vakuavo oku enda ko Yerusalãi ha va sokiya ondaka yaco lovapostolo lakulu. 3Oco, eci va katuiwa lekongelo, va pita vo Foinike lo vo Samária kuenje va sapula epongoloko lia vakualofeka. Ca sanjuisa ca lua vosi vakuomanji waco wa Kristu. 4Eci veya ko Yerusalãi va tambuiwa lekongelo lovapostolo kuenda akulu, kuenje va sinumula ovina viosi Suku a linga lavo. 5Puãi oloñame vimue via tiamela kocisoko ca va Fariseo via votoka viti, Ca sesamela oku va sevisa evamba, kuenda oku va handeleka okuti va tava kovihandeleko via Mose.
6Oco ovapostolo lakulu va liongolola oku vangula ondaka yaco. 7Oco, eci va lihoya ca lua, Petulu wa votoka kuenje wa popia lavo hati, Ene a vamanji, ene vu ci okuti, tunde koloneke viefetikilo, Suku pokati kene wa nolapo ame okuti, komẽla wange, oko vakualofeka va yevela ondaka yiwa, kuenje va yi tava. 8Kuenje Suku, u wa kũlĩha ovitima, eye wa va imbila uvangi, kuenje wa va iha Espiritu Sandu ndeci a li eca kokuetu. 9Eye ka pañuile pokati ketu lavo, puãi wa yelisa ovitima viavo lekolelo. 10Oco he, nye vu setekela Suku poku kapa kapasingo oloñame okanga yimue yokuti, ndaño olosekulu vietu ndaño etu muẽle, ka tua yi tẽlele oku yambata. 11Puãi etu tua kolela okuti tu popeliwa locali ca Ñala Yesu, ndovo.
12Oco owiñi wosi wohako, kuenje va yevelela Barnaba la Paulu eci va sinumula ovilimbu lovikomo Suku a linga lavo pokati ka vakualofeka. 13Eci va liweka Tiago wa kumbulula hati, A vamanji, njeveleli. 14Simono wa lombolola ndeci tete Suku a nyula vakualofeka ha nolela onduko yaye epata. 15Eci ca lisoka lolondaka viovaprofeto, ndeci ca sonehiwa citi,
16Noke niuka,
kuenje numbulula onembele ya Daviti ya papuluka.
Ovitungilo viaco ndi vi tunga vali,
kuenje ndi yi katula,
17okuti ocisupe comanu ci sanda Ñala,
ndaño vakualofeka vana va tukuiwa londuko yange.
18Oco ca popia Ñala, u o linga ovina evi viosi.
Ovina evi via kũlĩhiwa la Suku tunde kosiahũlu.
19Oco, ame nda soka siti, Ka tu ka sakalaisi vakualofeka va pongolokela ku Suku. 20Puãi tu va soneheli, tuti, Va likandangiye kovina via kola vioviteka, kuenda koku pekelisa, lo kovina via lekiwa ekõle, kuenda kosonde. 21Momo, tunde kosiahũlu, vovaimbo osi, mua kala kala ava va lombolola Mose, momo ovisonehua viaye vi tangiwa volosunangonga asambata osi.
22Oco ovapostolo lakulu lekongelo liosi va sima vati, Ciwa nda pokati kakulu tu nolapo vamue, okuti tu va tuma ka Antiokea kumue la Paulu la Barnaba. Oco va nola Yuda wa tukuiwa Barsamba, la Siluano, haivo ovasongui vumanji waco. 23Va soneha ukanda kuenje vo tuma peka liavo vati, Etu tuvapostolo kuenda akulu, haetu tuvamanjene, tu u soneheli, ene vuvamanjetu vakualofeka vu kasi ka Antiokea lo ko Suria kuenda ko Kilikiya. Epasu liwa. 24Tua yeva okuti vamue va tunda kulo, puãi ka va tumiwile letu, veya kokuene, kuenje vo tatamisi lolondaka loku vu tokotisa vovitima. 25Oco etu vosi tua kala vonjango tua soka tuti, Ciwa oku nola akulu ha tu va tumi kokuene kumue la vakuetu va soliwa, Barnaba la Paulu, 26haivo va tumbikila ovimuenyo viavo onduko ya Ñala yetu Yesu Kristu. 27Oco tua tuma Yuda la Siluano, okuti olondaka tua soneha haivio vo lomboluili lomẽla 28Espiritu Sandu letu, tua tava okuti ka tu vu tuika ocilemo cimue. Tuo kisiki ño vimue okuti, 29vu yuvula ovina via lumbiwa koviteka, kuenda osonde, lovina via lekiwa ekõle, kuenda oku pekelisa. Nda vu litata kovina viaco vu kala ciwa. Lalipo.
30Eci va katuiwa ndomo va lokila ka Antiokea. Oco vongolola omanu vaco vosi kuenje va eca ukanda. 31Eci vo tanga va sanjukila elembeleko liawo. 32Kuenje Yuda la Siluano, omo lavovo ovaprofeto, va lungula vakuomanji waco lolondaka via lua, kuenje va va kolisa. 33Eci va kalako okasimbu, oco vamanji va liusika lavo lombembua kuenje va tiukila kuava va va tumile. 34Siluano puãi wa soka hati, Ame ñala ño kulo, oco Yuda wa enda lika liaye ko Yerusalãi. 35Puãi Paulu la Barnaba va kala ka Antiokea oku longisa loku kunda ondaka yiwa ya Ñala. Vakuavo va lua va kalavo kumue lavo.
36Eci pa pita oloneke vimue Paulu wa popia la Barnaba hati. Tu ende, tu ka pasule vamanjetu va kasi vovaimbo osi omo tua longaisa ondaka ya Ñala, ha tu va nyula ndomo va kasi. 37Barnaba wa yongola oku enda la Yoano wa tukuiwa Marko. 38Paulu puãi ka tavele oku enda lomunu wa litepele ale lavo ko Pamfulia kuenje kaile lavo kupange. 39Oco va liyenja ca lua kuenje ca nena oku litepa. Barnaba wambata Marko kuenje va enda lonaviyu toke ko Kupro. 40Paulu puãi wa nola Siluano kuenje, eci vamanji vo kundika kocali ca Ñala, oco wa tunda. 41Wa pita ko Suria lo ko Kilikia oku kolisa alongelo.
ទើបបានជ្រើសរើសហើយ៖
OVILINGA 15: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
OVILINGA 15
15
1Puãi vamue va tunda ko Yudea veya ka Antiokea yu va longisa oloñame viaco, vati, Ka vu tẽla oku popeliwa, te wa seviwi evamba ndocihõlo ca Mose. 2Eci kueya onjuela kuenje Paulu la Barnaba va hoya lavo ca lua, oco ekongelo lia tukula Paulu la Barnaba la vamue vakuavo oku enda ko Yerusalãi ha va sokiya ondaka yaco lovapostolo lakulu. 3Oco, eci va katuiwa lekongelo, va pita vo Foinike lo vo Samária kuenje va sapula epongoloko lia vakualofeka. Ca sanjuisa ca lua vosi vakuomanji waco wa Kristu. 4Eci veya ko Yerusalãi va tambuiwa lekongelo lovapostolo kuenda akulu, kuenje va sinumula ovina viosi Suku a linga lavo. 5Puãi oloñame vimue via tiamela kocisoko ca va Fariseo via votoka viti, Ca sesamela oku va sevisa evamba, kuenda oku va handeleka okuti va tava kovihandeleko via Mose.
6Oco ovapostolo lakulu va liongolola oku vangula ondaka yaco. 7Oco, eci va lihoya ca lua, Petulu wa votoka kuenje wa popia lavo hati, Ene a vamanji, ene vu ci okuti, tunde koloneke viefetikilo, Suku pokati kene wa nolapo ame okuti, komẽla wange, oko vakualofeka va yevela ondaka yiwa, kuenje va yi tava. 8Kuenje Suku, u wa kũlĩha ovitima, eye wa va imbila uvangi, kuenje wa va iha Espiritu Sandu ndeci a li eca kokuetu. 9Eye ka pañuile pokati ketu lavo, puãi wa yelisa ovitima viavo lekolelo. 10Oco he, nye vu setekela Suku poku kapa kapasingo oloñame okanga yimue yokuti, ndaño olosekulu vietu ndaño etu muẽle, ka tua yi tẽlele oku yambata. 11Puãi etu tua kolela okuti tu popeliwa locali ca Ñala Yesu, ndovo.
12Oco owiñi wosi wohako, kuenje va yevelela Barnaba la Paulu eci va sinumula ovilimbu lovikomo Suku a linga lavo pokati ka vakualofeka. 13Eci va liweka Tiago wa kumbulula hati, A vamanji, njeveleli. 14Simono wa lombolola ndeci tete Suku a nyula vakualofeka ha nolela onduko yaye epata. 15Eci ca lisoka lolondaka viovaprofeto, ndeci ca sonehiwa citi,
16Noke niuka,
kuenje numbulula onembele ya Daviti ya papuluka.
Ovitungilo viaco ndi vi tunga vali,
kuenje ndi yi katula,
17okuti ocisupe comanu ci sanda Ñala,
ndaño vakualofeka vana va tukuiwa londuko yange.
18Oco ca popia Ñala, u o linga ovina evi viosi.
Ovina evi via kũlĩhiwa la Suku tunde kosiahũlu.
19Oco, ame nda soka siti, Ka tu ka sakalaisi vakualofeka va pongolokela ku Suku. 20Puãi tu va soneheli, tuti, Va likandangiye kovina via kola vioviteka, kuenda koku pekelisa, lo kovina via lekiwa ekõle, kuenda kosonde. 21Momo, tunde kosiahũlu, vovaimbo osi, mua kala kala ava va lombolola Mose, momo ovisonehua viaye vi tangiwa volosunangonga asambata osi.
22Oco ovapostolo lakulu lekongelo liosi va sima vati, Ciwa nda pokati kakulu tu nolapo vamue, okuti tu va tuma ka Antiokea kumue la Paulu la Barnaba. Oco va nola Yuda wa tukuiwa Barsamba, la Siluano, haivo ovasongui vumanji waco. 23Va soneha ukanda kuenje vo tuma peka liavo vati, Etu tuvapostolo kuenda akulu, haetu tuvamanjene, tu u soneheli, ene vuvamanjetu vakualofeka vu kasi ka Antiokea lo ko Suria kuenda ko Kilikiya. Epasu liwa. 24Tua yeva okuti vamue va tunda kulo, puãi ka va tumiwile letu, veya kokuene, kuenje vo tatamisi lolondaka loku vu tokotisa vovitima. 25Oco etu vosi tua kala vonjango tua soka tuti, Ciwa oku nola akulu ha tu va tumi kokuene kumue la vakuetu va soliwa, Barnaba la Paulu, 26haivo va tumbikila ovimuenyo viavo onduko ya Ñala yetu Yesu Kristu. 27Oco tua tuma Yuda la Siluano, okuti olondaka tua soneha haivio vo lomboluili lomẽla 28Espiritu Sandu letu, tua tava okuti ka tu vu tuika ocilemo cimue. Tuo kisiki ño vimue okuti, 29vu yuvula ovina via lumbiwa koviteka, kuenda osonde, lovina via lekiwa ekõle, kuenda oku pekelisa. Nda vu litata kovina viaco vu kala ciwa. Lalipo.
30Eci va katuiwa ndomo va lokila ka Antiokea. Oco vongolola omanu vaco vosi kuenje va eca ukanda. 31Eci vo tanga va sanjukila elembeleko liawo. 32Kuenje Yuda la Siluano, omo lavovo ovaprofeto, va lungula vakuomanji waco lolondaka via lua, kuenje va va kolisa. 33Eci va kalako okasimbu, oco vamanji va liusika lavo lombembua kuenje va tiukila kuava va va tumile. 34Siluano puãi wa soka hati, Ame ñala ño kulo, oco Yuda wa enda lika liaye ko Yerusalãi. 35Puãi Paulu la Barnaba va kala ka Antiokea oku longisa loku kunda ondaka yiwa ya Ñala. Vakuavo va lua va kalavo kumue lavo.
36Eci pa pita oloneke vimue Paulu wa popia la Barnaba hati. Tu ende, tu ka pasule vamanjetu va kasi vovaimbo osi omo tua longaisa ondaka ya Ñala, ha tu va nyula ndomo va kasi. 37Barnaba wa yongola oku enda la Yoano wa tukuiwa Marko. 38Paulu puãi ka tavele oku enda lomunu wa litepele ale lavo ko Pamfulia kuenje kaile lavo kupange. 39Oco va liyenja ca lua kuenje ca nena oku litepa. Barnaba wambata Marko kuenje va enda lonaviyu toke ko Kupro. 40Paulu puãi wa nola Siluano kuenje, eci vamanji vo kundika kocali ca Ñala, oco wa tunda. 41Wa pita ko Suria lo ko Kilikia oku kolisa alongelo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.