OVILINGA 13
13
1Vekongelo lio ka Antiokea mua kala ovaprofeto lalongisi, olonduko viavo vievi, Barnaba, la Sumone haeye Katekava, la Lukiu u Kurene, la Manane eye wa tekuiwa lepalanga Herode, kuenda Saulu. 2Osimbu va kala loku likutilila ku Ñala loku likandangiya okulia, oco Espiritu Sandu wa linga hati, Nepelipo Barnaba la Saulu ha va lingi upange nda va kovongela. 3Oco, eci va likandangiya okulia kuenje va likutilila, va va kapa ovaka kuenje va va katula.
4Oco va tumiwa le Espiritu Sandu. Oku fetika ungende va lokila ko Selukia, oku tunda ko Selukia va endela vonaviyu toke ko Kupro. 5Eci va pitila vo Salami va kundila ondaka ya Suku volosunangonga via va Yudea. Yoano wa linga oñuatisi yavo. 6Eci va pita vocifuka cosi va pitila ko Pafu, kuenje oko va sanga ulume umue u Yudea, onduko yaye Bar Yesu, eye uprofeto wesanda, haeye ocimbanda, 7haeye wa kala kumue lepalanga Sergio Paulu. Sergio Paulu, ukualondunge, haeye wa laleka Barnaba la Saulu momo wa yongola oku yeva ondaka ya Suku. 8Puãi ocimbanda Elumasi, momo oco ca lomboloka onduko yaye, wa va patãla, momo wa yongola oku konyuisa epalanga ketavo. 9Puãi Saulu, haeye wa tukuiwavo Paulu, haeye we yuka Espiritu Sandu, wo tunguila ovaso, 10kuenje wa linga hati, amõla eliapu, onyali wesunga liosi, amunu we yuka elimbi liosi levĩho liosi, ku liweka hẽ oku pengisa olonjila via suñama via Suku? 11Kaliye, ota, eka lia Ñala li ku wila kuenje o linga omeke, ku moli handi ekumbi. Tuli a ci popia haico ovaso o vuvala, lowelema wo wila. Wa fetika oku papayata loku vanjiliya ava vo kuatela kombueti. 12Oco, epalanga, oku mola eci ca lingiwa, wa tava momo wa komoha ovilongua via Ñala.
13Oco Paulu lava va kala laye va endela vonaviyu oku tunda ko Pafu, kuenje va pitila ko Perga ko vo Pamfulia. Yoano puãi wa litepa lavo kuenje wa tiukila ko Yerusalãi. 14Oku tunda ko Perga va amako, yu veya ka Antiokea ko Pisidia. Eteke liesambata va iñila vosunangonga kuenje omo va tumala. 15Kovaso yoku tanga ovihandeleko lovaprofeto oco akulu vosunangonga va tuma kokuavo vati, Akuetu, nda vu kuete ondaka yoku lungula, kundi ño. 16Oco Paulu wa votoka, kuenje oku payula, wa linga hati,
Alume va Isareli, lene wa sumbili Suku, yeveleli. 17Suku yomanu ava va Isareli wa nola olosekulu vietu, yu wa kemainyaisa omanu vaco osimbu va kala ve Egito, kuenje wa va tundisa ve Egito lokuokuo kua kola. 18Ca soka ndakui akuãla kanyamo wa va lela ndonjali vekalasoko. 19Eci a nyõla epanduvali liolofeka vo Kanana oco wa va piñalisa osi yavo ovita vikuãla kanyamo kanyamo akui atãlo. 20Kovaso yaco, wa va iha olonganji toke kuprofeto Samuele. 21Oco va pinga osoma, kuenje Suku wa va iha Saulu, omõla a Kisi, ukuepata lia Benjamini. Eye wa viala akui akuãla kanyamo. 22Eci a vopako oco wa katula Daviti ha lingi Soma yavo, yu wo wimbila uvangi hati, Nda sanga Daviti, omõla a Jese, haeye ulume ukuotima wange, o lingainga ocipango cange cosi. 23Suku wopa kombuto ya Daviti onjovoli ya Isareli yokuti Yesu, ndeci a likuminya. 24Osimbu Yesu keyile handi, Yoano wa kundila va Isareli vosi, oku vetiya epapatiso li linga ondimbukiso yoku likekembela akandu. 25Eci Yoano a kala kesulilo liupange waye oco wa popia hati, Wa simi nye, ame ame elie? U wa simili okuti ame, hameko. Puãi konyima yange kuiya umue okuti ame si sesamela oku u lula olohaku kolomãi viaye.
26Akuetu, amãla vepata li. Avirahama kuenda ava pokati kene wa sumbili Suku, ondaka yepopelo eli ya tumiwa muẽle kokuetu. 27Ava va tunga vo Yerusalãi lolombiali viavo, omo ka vo limbukile, lomo olondaka viovaprofeto, vina via tangiwa asambata osi, ka via va lombolokele, oco va vi tẽlisa eci vo pisa. 28Ndaño ka vo sangele leko lia sesamela okufa, haimo va pinga Pilato okuti ipaiwa. 29Eci va linga ovina viosi vio sonehiwila oco vo tulula kuti, kuenje vo kenda veleva. 30Suku puãi wo pindula ku vakualufa, 31kuenje oloneke via lua, a limolehisa kuava va enda laye eci a tunda ko Galilea oku iya ko Yerusalãi, haivo cilo va linga olombangi viaye komanu. 32Etu tu vu sapuila ondaka yiwa yokuti ohuminyo yina Suku a likuminya lolosekulu vietu, 33wa tu yi tẽlisila etu, tumãla vavo, eci a pindula Yesu. Ondaka eyi yi kasivo vosamo yavali, yiti,
Ove umõlange,
etaili nda ku cita,
34Kuenda vali, kondaka yoku u pindula ku vakualufa okuti ka futi vali, Suku wa popia hati,
Ndu muisi asumũlũho a kola a tunda ku Daviti hao a koleliwa.
35Oco, wa popiavo vosamo yikuavo hati,
Ku tava okuti u Wove o kola o mola oku futa.
36Momo Daviti, eci a linga ocipango ca Suku vocitumbulukila caye, wa fa, wa kendiwila kumue lolosekulu viaye, kuenje wa mola oku futa. 37U puãi Suku wo pindula ka muile oku futa. 38Oco akuetu, limbuki okuti komunu waco oko ku u sapuilui ongecelo yakandu, 39kuenje vosi vo kolela o va yovola kovina viosi, okuti, nda kovihandeleko via Mose, ka vu tẽla oku yovuiwa kovina viaco. 40Oco lunguki sanga eci ca popia ovaprofeto ci vu kuata, cokuti,
41Ene alomembuli vanji.
Komohi loku nyõleha.
Momo ñasi loku linga upange umue voloneke viene
okuti, ndaño u sapuilui, haimo ko tava.
42Eci va kala loku tunda va va pinga, vati, Olondaka evi ene vu tu vi sapuila vali kesambata liyako. 43Eci va tunda vosunangonga oco va Yudea va lua kuenda olomongoloke via sumbila Suku, va kuama Paulu la Barnaba. Ovo, eci va vangula lavo, va va lungula vati, Pandikisili vocali ca Suku.
44Esambata lia kuamamo, pa kamba naito imbo liosi oku ongolokela oku yeva ondaka ya Suku. 45Puãi, eci va Yudea va mola owiñi waco, va lenda itima, va patãla ovina via popiwa la Paulu kuenje vo sepula. 46Oco Paulu la Barnaba va popia lutõi, vati, Ca sungulukile okuti ondaka ya Suku yu kundiwili ene tete. Puãi, omo wa yi likali, kuenje wa lisimili hoti, Ka tua posokelele omuenyo ko pui, cilo tu enda ku vakualofeka. 47Momo oco ocikundi tua tambula ku Ñala, cokuti,
Nda ku lingisa ocinyi ca vakualofeka,
okuti o tuala epopelo toke kasulilo ongongo.
48Eci vakualofeka va ci yeva va yolela, kuenje va tumbangiya ondaka ya Suku. Vosi va noliwila omuenyo ko pui va tava. 49Kuenje ondaka ya Ñala ya sambukila kofeka yaco yosi. 50Puãi va Yudea va tutuminya akãi vakuambili yefendelo haivo va kemala, kuenda olosekulu viovimbo, yu va wenguila Paulu la Barnaba ema, kuenje va va tundisa vofeka yavo. 51Paulu la Barnaba, puãi, va va tutumuila oneketela yolomãi viavo, kuenje va enda ki Ikoniyu, 52Kuenje oloñame vie yuka onjolela kuenda Espiritu Sandu.
ទើបបានជ្រើសរើសហើយ៖
OVILINGA 13: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
OVILINGA 13
13
1Vekongelo lio ka Antiokea mua kala ovaprofeto lalongisi, olonduko viavo vievi, Barnaba, la Sumone haeye Katekava, la Lukiu u Kurene, la Manane eye wa tekuiwa lepalanga Herode, kuenda Saulu. 2Osimbu va kala loku likutilila ku Ñala loku likandangiya okulia, oco Espiritu Sandu wa linga hati, Nepelipo Barnaba la Saulu ha va lingi upange nda va kovongela. 3Oco, eci va likandangiya okulia kuenje va likutilila, va va kapa ovaka kuenje va va katula.
4Oco va tumiwa le Espiritu Sandu. Oku fetika ungende va lokila ko Selukia, oku tunda ko Selukia va endela vonaviyu toke ko Kupro. 5Eci va pitila vo Salami va kundila ondaka ya Suku volosunangonga via va Yudea. Yoano wa linga oñuatisi yavo. 6Eci va pita vocifuka cosi va pitila ko Pafu, kuenje oko va sanga ulume umue u Yudea, onduko yaye Bar Yesu, eye uprofeto wesanda, haeye ocimbanda, 7haeye wa kala kumue lepalanga Sergio Paulu. Sergio Paulu, ukualondunge, haeye wa laleka Barnaba la Saulu momo wa yongola oku yeva ondaka ya Suku. 8Puãi ocimbanda Elumasi, momo oco ca lomboloka onduko yaye, wa va patãla, momo wa yongola oku konyuisa epalanga ketavo. 9Puãi Saulu, haeye wa tukuiwavo Paulu, haeye we yuka Espiritu Sandu, wo tunguila ovaso, 10kuenje wa linga hati, amõla eliapu, onyali wesunga liosi, amunu we yuka elimbi liosi levĩho liosi, ku liweka hẽ oku pengisa olonjila via suñama via Suku? 11Kaliye, ota, eka lia Ñala li ku wila kuenje o linga omeke, ku moli handi ekumbi. Tuli a ci popia haico ovaso o vuvala, lowelema wo wila. Wa fetika oku papayata loku vanjiliya ava vo kuatela kombueti. 12Oco, epalanga, oku mola eci ca lingiwa, wa tava momo wa komoha ovilongua via Ñala.
13Oco Paulu lava va kala laye va endela vonaviyu oku tunda ko Pafu, kuenje va pitila ko Perga ko vo Pamfulia. Yoano puãi wa litepa lavo kuenje wa tiukila ko Yerusalãi. 14Oku tunda ko Perga va amako, yu veya ka Antiokea ko Pisidia. Eteke liesambata va iñila vosunangonga kuenje omo va tumala. 15Kovaso yoku tanga ovihandeleko lovaprofeto oco akulu vosunangonga va tuma kokuavo vati, Akuetu, nda vu kuete ondaka yoku lungula, kundi ño. 16Oco Paulu wa votoka, kuenje oku payula, wa linga hati,
Alume va Isareli, lene wa sumbili Suku, yeveleli. 17Suku yomanu ava va Isareli wa nola olosekulu vietu, yu wa kemainyaisa omanu vaco osimbu va kala ve Egito, kuenje wa va tundisa ve Egito lokuokuo kua kola. 18Ca soka ndakui akuãla kanyamo wa va lela ndonjali vekalasoko. 19Eci a nyõla epanduvali liolofeka vo Kanana oco wa va piñalisa osi yavo ovita vikuãla kanyamo kanyamo akui atãlo. 20Kovaso yaco, wa va iha olonganji toke kuprofeto Samuele. 21Oco va pinga osoma, kuenje Suku wa va iha Saulu, omõla a Kisi, ukuepata lia Benjamini. Eye wa viala akui akuãla kanyamo. 22Eci a vopako oco wa katula Daviti ha lingi Soma yavo, yu wo wimbila uvangi hati, Nda sanga Daviti, omõla a Jese, haeye ulume ukuotima wange, o lingainga ocipango cange cosi. 23Suku wopa kombuto ya Daviti onjovoli ya Isareli yokuti Yesu, ndeci a likuminya. 24Osimbu Yesu keyile handi, Yoano wa kundila va Isareli vosi, oku vetiya epapatiso li linga ondimbukiso yoku likekembela akandu. 25Eci Yoano a kala kesulilo liupange waye oco wa popia hati, Wa simi nye, ame ame elie? U wa simili okuti ame, hameko. Puãi konyima yange kuiya umue okuti ame si sesamela oku u lula olohaku kolomãi viaye.
26Akuetu, amãla vepata li. Avirahama kuenda ava pokati kene wa sumbili Suku, ondaka yepopelo eli ya tumiwa muẽle kokuetu. 27Ava va tunga vo Yerusalãi lolombiali viavo, omo ka vo limbukile, lomo olondaka viovaprofeto, vina via tangiwa asambata osi, ka via va lombolokele, oco va vi tẽlisa eci vo pisa. 28Ndaño ka vo sangele leko lia sesamela okufa, haimo va pinga Pilato okuti ipaiwa. 29Eci va linga ovina viosi vio sonehiwila oco vo tulula kuti, kuenje vo kenda veleva. 30Suku puãi wo pindula ku vakualufa, 31kuenje oloneke via lua, a limolehisa kuava va enda laye eci a tunda ko Galilea oku iya ko Yerusalãi, haivo cilo va linga olombangi viaye komanu. 32Etu tu vu sapuila ondaka yiwa yokuti ohuminyo yina Suku a likuminya lolosekulu vietu, 33wa tu yi tẽlisila etu, tumãla vavo, eci a pindula Yesu. Ondaka eyi yi kasivo vosamo yavali, yiti,
Ove umõlange,
etaili nda ku cita,
34Kuenda vali, kondaka yoku u pindula ku vakualufa okuti ka futi vali, Suku wa popia hati,
Ndu muisi asumũlũho a kola a tunda ku Daviti hao a koleliwa.
35Oco, wa popiavo vosamo yikuavo hati,
Ku tava okuti u Wove o kola o mola oku futa.
36Momo Daviti, eci a linga ocipango ca Suku vocitumbulukila caye, wa fa, wa kendiwila kumue lolosekulu viaye, kuenje wa mola oku futa. 37U puãi Suku wo pindula ka muile oku futa. 38Oco akuetu, limbuki okuti komunu waco oko ku u sapuilui ongecelo yakandu, 39kuenje vosi vo kolela o va yovola kovina viosi, okuti, nda kovihandeleko via Mose, ka vu tẽla oku yovuiwa kovina viaco. 40Oco lunguki sanga eci ca popia ovaprofeto ci vu kuata, cokuti,
41Ene alomembuli vanji.
Komohi loku nyõleha.
Momo ñasi loku linga upange umue voloneke viene
okuti, ndaño u sapuilui, haimo ko tava.
42Eci va kala loku tunda va va pinga, vati, Olondaka evi ene vu tu vi sapuila vali kesambata liyako. 43Eci va tunda vosunangonga oco va Yudea va lua kuenda olomongoloke via sumbila Suku, va kuama Paulu la Barnaba. Ovo, eci va vangula lavo, va va lungula vati, Pandikisili vocali ca Suku.
44Esambata lia kuamamo, pa kamba naito imbo liosi oku ongolokela oku yeva ondaka ya Suku. 45Puãi, eci va Yudea va mola owiñi waco, va lenda itima, va patãla ovina via popiwa la Paulu kuenje vo sepula. 46Oco Paulu la Barnaba va popia lutõi, vati, Ca sungulukile okuti ondaka ya Suku yu kundiwili ene tete. Puãi, omo wa yi likali, kuenje wa lisimili hoti, Ka tua posokelele omuenyo ko pui, cilo tu enda ku vakualofeka. 47Momo oco ocikundi tua tambula ku Ñala, cokuti,
Nda ku lingisa ocinyi ca vakualofeka,
okuti o tuala epopelo toke kasulilo ongongo.
48Eci vakualofeka va ci yeva va yolela, kuenje va tumbangiya ondaka ya Suku. Vosi va noliwila omuenyo ko pui va tava. 49Kuenje ondaka ya Ñala ya sambukila kofeka yaco yosi. 50Puãi va Yudea va tutuminya akãi vakuambili yefendelo haivo va kemala, kuenda olosekulu viovimbo, yu va wenguila Paulu la Barnaba ema, kuenje va va tundisa vofeka yavo. 51Paulu la Barnaba, puãi, va va tutumuila oneketela yolomãi viavo, kuenje va enda ki Ikoniyu, 52Kuenje oloñame vie yuka onjolela kuenda Espiritu Sandu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.