OVILINGA 11
11
1Ovapostolo la vakuetavo vo vo Yudea va yeva okuti vakualofeka lavovo va tava kondaka ya Suku. 2Oco, eci Petulu a lamanela ko Yerusalãi, vakuevamba vo vela, 3vati, Wa singila nye koviyamba loku lia kumue lavo? 4Petulu, oku upisa kefetikilo, wa sinumula cosi, hati, 5Nda kala loku likutilila vimbo vo Yopa, kuenje vocinjonde nda mola owima, okuti ocikuata cimue ca loka, ca setahala elasola linene, lia lowisiwa kilu lasusu akuãla, yu lieya kokuange. 6Eci nda ci vanja lutate, nda mola ovinyama viñi viñi viokilu lieve, lapuka oposi, kuenda olonjila viovilu. 7Noke nda yeva ondaka ya popia lame yiti, A Petulu, votoka, ipa, lia. 8Ame puãi nda linga siti, A Ñala, hacoko, momo lacimue caño pamue ca vĩha ca la iñila vomẽla yange. 9Oco ondaka ya popela vali kilu, yiti, Ca yelisa Suku, ku ka ci tukule huti, Caño. 10Eci ca lingiwa lutatu, kovaso yaco cosi ca yeluiwa vali vilu. 11Ekumbi liaco hailio alume vatatu veya vonjo omu tua kala. Va tunda ko Kaisarea, va tumiwa kokuange. 12Kuenje Espiritu wa mañinya hati, Kuende lavo. Ku ka kale latatahãi. Vakuetu ava epandu va sindikila, kuenje tua iñila vonjo yulume waco. 13Eye wa tu sapuila ndomo a mola ungelo wa talama vonjo yaye, lomo ungelo a popia hati, Tuma ko Yopa, kope Simono wa tukuiwa Petulu. 14Eye o popia love olondaka o popelua lavio, ove lonjo yove yosi. 15Eci nda fetika oku popia, Espiritu Sandu wa va wila ndeci a tu wila etu kefetikilo. 16Oco nda ivaluka ondaka ya Ñala, ndeci a linga hati, Yoano wa papatisa lovava puãi ene vu papatisiwa le Espiritu Sandu. 17Oco, nda Suku wa va iha ocali cimuamue leci a tu iha etu eci tua tava ku Ñala Yesu Kristu, ame elie okuti nẽla oku tamãlãla la Suku? 18Oco, eci va yeva ovina evi, va liweka oku popia. Kuenje va tumbangiya Suku, vati, Ocili vakualofeka lavovo, Suku wa va iha utima woku likekembela akandu okuti va mola omuenyo.
19Ava va sandokaila ekangiso lina lia fetikila ku Stefano, va enda toke ko Foinike lo ko Kupro lo ka Antiokea. Ka va kundilile ondaka yaco omanu vakuavo te va Yudea lika. 20Puãi vamue pokati kavo, okuti alume va Kupro la va Kurene, eci veya ka Antiokea, va vangulavo la va Helasi oku va lomboluila ondaka yiwa ya Ñala Yesu. 21Eka lia Ñala lia kala lavo, kuenje va lua va tava, va pongolokela ku Ñala. 22Ondaka yavo ya yevala kekongelo lio ko Yerusalãi, oco va tuma Barnaba ka Antiokea. 23Eye, eci a pitila kuenje wa mola ocali ca Suku, oco wa yolela, yu wa va vetiya vosi hati, Kakateli Ñala locipango cutima. 24Momo eye ulume wa sunguluka, we yuka Espiritu Sandu lekolelo. Omanu va lua va livandeka ku Ñala. 25Oco Barnaba wa enda ko Tarso oku sanda Saulu. 26Eci o sanga weya laye ka Antiokea. Oco va kala lekongelo liaco unyamo wosi, kuenje va longisa omanu va lua. Kuenje ka Antiokea oko va livanga oku tukola olondonge, vati, Vakua Kristu.
27Koloneke viaco ovaprofeto vamue va tunda ko Yerusalãi veya ka Antiokea. 28Umue pokati kavo, onduko yaye Agabo, wa votoka kuenje wa imba owanji le Espiritu, hati, Koluali luosi kuiya onjala ya lua. Onjala yaco yeya ocili koloneke via Kaludio. 29Oco olondonge via likapela oku eca omunu omunu ndeci a tẽla, loku tuma otumbongo tuoku kuatisa vakuetavo va kala vo Yudea. 30Kuenje va ci linga, lotumbongo tuaco va tu tuma kakulu povaka a Barnaba la Saulu.
ទើបបានជ្រើសរើសហើយ៖
OVILINGA 11: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
OVILINGA 11
11
1Ovapostolo la vakuetavo vo vo Yudea va yeva okuti vakualofeka lavovo va tava kondaka ya Suku. 2Oco, eci Petulu a lamanela ko Yerusalãi, vakuevamba vo vela, 3vati, Wa singila nye koviyamba loku lia kumue lavo? 4Petulu, oku upisa kefetikilo, wa sinumula cosi, hati, 5Nda kala loku likutilila vimbo vo Yopa, kuenje vocinjonde nda mola owima, okuti ocikuata cimue ca loka, ca setahala elasola linene, lia lowisiwa kilu lasusu akuãla, yu lieya kokuange. 6Eci nda ci vanja lutate, nda mola ovinyama viñi viñi viokilu lieve, lapuka oposi, kuenda olonjila viovilu. 7Noke nda yeva ondaka ya popia lame yiti, A Petulu, votoka, ipa, lia. 8Ame puãi nda linga siti, A Ñala, hacoko, momo lacimue caño pamue ca vĩha ca la iñila vomẽla yange. 9Oco ondaka ya popela vali kilu, yiti, Ca yelisa Suku, ku ka ci tukule huti, Caño. 10Eci ca lingiwa lutatu, kovaso yaco cosi ca yeluiwa vali vilu. 11Ekumbi liaco hailio alume vatatu veya vonjo omu tua kala. Va tunda ko Kaisarea, va tumiwa kokuange. 12Kuenje Espiritu wa mañinya hati, Kuende lavo. Ku ka kale latatahãi. Vakuetu ava epandu va sindikila, kuenje tua iñila vonjo yulume waco. 13Eye wa tu sapuila ndomo a mola ungelo wa talama vonjo yaye, lomo ungelo a popia hati, Tuma ko Yopa, kope Simono wa tukuiwa Petulu. 14Eye o popia love olondaka o popelua lavio, ove lonjo yove yosi. 15Eci nda fetika oku popia, Espiritu Sandu wa va wila ndeci a tu wila etu kefetikilo. 16Oco nda ivaluka ondaka ya Ñala, ndeci a linga hati, Yoano wa papatisa lovava puãi ene vu papatisiwa le Espiritu Sandu. 17Oco, nda Suku wa va iha ocali cimuamue leci a tu iha etu eci tua tava ku Ñala Yesu Kristu, ame elie okuti nẽla oku tamãlãla la Suku? 18Oco, eci va yeva ovina evi, va liweka oku popia. Kuenje va tumbangiya Suku, vati, Ocili vakualofeka lavovo, Suku wa va iha utima woku likekembela akandu okuti va mola omuenyo.
19Ava va sandokaila ekangiso lina lia fetikila ku Stefano, va enda toke ko Foinike lo ko Kupro lo ka Antiokea. Ka va kundilile ondaka yaco omanu vakuavo te va Yudea lika. 20Puãi vamue pokati kavo, okuti alume va Kupro la va Kurene, eci veya ka Antiokea, va vangulavo la va Helasi oku va lomboluila ondaka yiwa ya Ñala Yesu. 21Eka lia Ñala lia kala lavo, kuenje va lua va tava, va pongolokela ku Ñala. 22Ondaka yavo ya yevala kekongelo lio ko Yerusalãi, oco va tuma Barnaba ka Antiokea. 23Eye, eci a pitila kuenje wa mola ocali ca Suku, oco wa yolela, yu wa va vetiya vosi hati, Kakateli Ñala locipango cutima. 24Momo eye ulume wa sunguluka, we yuka Espiritu Sandu lekolelo. Omanu va lua va livandeka ku Ñala. 25Oco Barnaba wa enda ko Tarso oku sanda Saulu. 26Eci o sanga weya laye ka Antiokea. Oco va kala lekongelo liaco unyamo wosi, kuenje va longisa omanu va lua. Kuenje ka Antiokea oko va livanga oku tukola olondonge, vati, Vakua Kristu.
27Koloneke viaco ovaprofeto vamue va tunda ko Yerusalãi veya ka Antiokea. 28Umue pokati kavo, onduko yaye Agabo, wa votoka kuenje wa imba owanji le Espiritu, hati, Koluali luosi kuiya onjala ya lua. Onjala yaco yeya ocili koloneke via Kaludio. 29Oco olondonge via likapela oku eca omunu omunu ndeci a tẽla, loku tuma otumbongo tuoku kuatisa vakuetavo va kala vo Yudea. 30Kuenje va ci linga, lotumbongo tuaco va tu tuma kakulu povaka a Barnaba la Saulu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.