II VA KORINDO 8
8
1Cilo, a vamanji, tu vu lomboluila ndomo ocali ca Suku ca eciwa kakongelo o ko Makedonia! 2Momo, ndaño va nyikiwa ca lua lohali, haimo esanju liavo lia piãla lusuke wavo wa lua wa koka okulumba kuna kuocili. 3Momo ndi va imbila uvangi okuti, ocipango cavo muẽle va lumba ndeci va tẽla. Oku popia ocili, va lumba eci ca pitahãla eci va tẽla. 4Va tu pinga lolupili lua lua okuti tu tava okuti lavovo va eca kocilumba coku kuatisa olosandu. 5Ndeci etu tua va lavokaila hacoko va linga, puai tete va litumbika ku Ñala, noke kokuetu locipango ca Suku. 6Oco tua vetiya Tito okuti, ndeci a fetika ale upange wocilumba caco cocisola, haico cilo u malusula poku tambula eci ene weci. 7Oco, ndeci vu supoka lovina viosi, okuti lekolelo, luloño woku kunda, lukũlĩhiso, lombili yosi, kuenda ocisola cene kokuetu, haico cilo, esunga liene li supoke vupange wocilumba cilo cocisola.
8Si popi ndoku handeleka puãi, poku sokisa ombili yene leyi ya vakuavo, njongola oku nyika ocisola cene nda cocili nda ndati. 9Momo ocali ca Ñala yetu Yesu Kristu vu ci, cokuti ndaño wa kala ohuasi, haimo mekonda liene, wa linga osuke, okuti kusuke waye vu muilako ukuasi. 10Kondaka eyi yombango, elungulo liange lieli, co velelipo oku malusula eci ene tete wa sokoluili, haico wa fetikili enyamuali. 11Malusuli muẽle oku ci linga okuti, ndeci wa kali lombili yoku ci fetikisa, haico vu malusula poku lumba ndeci vu kuete. 12Momo, nda kuli utima woku lumba, omunu o panduiwa nda o lumba ndeci a kuete. Suku ka kisika eci omunu ka kuete. 13Eci ka ca lombolokele okuti vakuavo va lipolapo osimbu ene vu lemiwa enene. Oco hacoko. 14Ocisimilo cange ceci, okuti, vu likuatisa pokati, okuti cilo, omo wa salali, ene vu va kuatisa omo ovo va kamba; onjanja yikuavo ovo, eci va salala, vo kuatisi ene nda wa kambi. Oco ca lomboloka oku likuatisa pokati. 15Ndeci ca sonehiwa okuti, U wa nyomola ca lua ka co supilile, lu wa nyomola citito ka co kambisile.
16Puãi pandu pandu ku Suku u wa kapa vutima wa Tito ocisola coku vu wivaluka ca soka locisola cetu. 17Momo ka ci kasi lika okuti wa tava omo tuo pinga, puãi, omo a kasi lombili ya lua, oco o kasi loku iya kokuene ocipango caye muẽle. 18Tuo tuma la manjetu wa kemalela okukunda kuaye ondaka yiwa vakongelo osi. 19Hacoko lika, wa noliwavo lakongelo oku tu sindikila osimbu tu kasi lupange u wocilumba cocisola. Upange waco tu kasi loku u lingila ulamba wa Ñala, kuenda oku lekisa utima wetu woku likuatisa pokati. 20Tu yongola okuti lomue o tu vetisila evelo ocilumba eci cocisola tu kasi loku amũla. 21Momo tu livela lika oku linga eci ca sunguluka, hakovaso a Ñalako lika, puãi lo kovaso omanu le. 22Tua va tuma la manjetu u tua nyika nyika olonjanja via lua, kovina via lua, kuenje tua sanga okuti ukuambili, cilo puãi ombili yo luila vali enene omo wo koleli ca lua. 23Oco Tito ndu tukula, siti, Eye ukuetu haeye oñuatisi yange koku vu vumba, vakuetu ndi va tukula siti, Ovo olomunga viakongelo, haivo ulamba wa Kristu. 24Oco, lekisi kokuavo kovaso akongelo okuti ocisola cene cocili, kuenda okuti, oku vu lipandiyila kuetu lakovo kuocili.
ទើបបានជ្រើសរើសហើយ៖
II VA KORINDO 8: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
II VA KORINDO 8
8
1Cilo, a vamanji, tu vu lomboluila ndomo ocali ca Suku ca eciwa kakongelo o ko Makedonia! 2Momo, ndaño va nyikiwa ca lua lohali, haimo esanju liavo lia piãla lusuke wavo wa lua wa koka okulumba kuna kuocili. 3Momo ndi va imbila uvangi okuti, ocipango cavo muẽle va lumba ndeci va tẽla. Oku popia ocili, va lumba eci ca pitahãla eci va tẽla. 4Va tu pinga lolupili lua lua okuti tu tava okuti lavovo va eca kocilumba coku kuatisa olosandu. 5Ndeci etu tua va lavokaila hacoko va linga, puai tete va litumbika ku Ñala, noke kokuetu locipango ca Suku. 6Oco tua vetiya Tito okuti, ndeci a fetika ale upange wocilumba caco cocisola, haico cilo u malusula poku tambula eci ene weci. 7Oco, ndeci vu supoka lovina viosi, okuti lekolelo, luloño woku kunda, lukũlĩhiso, lombili yosi, kuenda ocisola cene kokuetu, haico cilo, esunga liene li supoke vupange wocilumba cilo cocisola.
8Si popi ndoku handeleka puãi, poku sokisa ombili yene leyi ya vakuavo, njongola oku nyika ocisola cene nda cocili nda ndati. 9Momo ocali ca Ñala yetu Yesu Kristu vu ci, cokuti ndaño wa kala ohuasi, haimo mekonda liene, wa linga osuke, okuti kusuke waye vu muilako ukuasi. 10Kondaka eyi yombango, elungulo liange lieli, co velelipo oku malusula eci ene tete wa sokoluili, haico wa fetikili enyamuali. 11Malusuli muẽle oku ci linga okuti, ndeci wa kali lombili yoku ci fetikisa, haico vu malusula poku lumba ndeci vu kuete. 12Momo, nda kuli utima woku lumba, omunu o panduiwa nda o lumba ndeci a kuete. Suku ka kisika eci omunu ka kuete. 13Eci ka ca lombolokele okuti vakuavo va lipolapo osimbu ene vu lemiwa enene. Oco hacoko. 14Ocisimilo cange ceci, okuti, vu likuatisa pokati, okuti cilo, omo wa salali, ene vu va kuatisa omo ovo va kamba; onjanja yikuavo ovo, eci va salala, vo kuatisi ene nda wa kambi. Oco ca lomboloka oku likuatisa pokati. 15Ndeci ca sonehiwa okuti, U wa nyomola ca lua ka co supilile, lu wa nyomola citito ka co kambisile.
16Puãi pandu pandu ku Suku u wa kapa vutima wa Tito ocisola coku vu wivaluka ca soka locisola cetu. 17Momo ka ci kasi lika okuti wa tava omo tuo pinga, puãi, omo a kasi lombili ya lua, oco o kasi loku iya kokuene ocipango caye muẽle. 18Tuo tuma la manjetu wa kemalela okukunda kuaye ondaka yiwa vakongelo osi. 19Hacoko lika, wa noliwavo lakongelo oku tu sindikila osimbu tu kasi lupange u wocilumba cocisola. Upange waco tu kasi loku u lingila ulamba wa Ñala, kuenda oku lekisa utima wetu woku likuatisa pokati. 20Tu yongola okuti lomue o tu vetisila evelo ocilumba eci cocisola tu kasi loku amũla. 21Momo tu livela lika oku linga eci ca sunguluka, hakovaso a Ñalako lika, puãi lo kovaso omanu le. 22Tua va tuma la manjetu u tua nyika nyika olonjanja via lua, kovina via lua, kuenje tua sanga okuti ukuambili, cilo puãi ombili yo luila vali enene omo wo koleli ca lua. 23Oco Tito ndu tukula, siti, Eye ukuetu haeye oñuatisi yange koku vu vumba, vakuetu ndi va tukula siti, Ovo olomunga viakongelo, haivo ulamba wa Kristu. 24Oco, lekisi kokuavo kovaso akongelo okuti ocisola cene cocili, kuenda okuti, oku vu lipandiyila kuetu lakovo kuocili.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.