I VA KORINDO 3
3
1Ame puãi, a vamanji, oku popia lene nda la vaku'Espiritu sia ci tẽlẽle, te nda la vakuetimba oloñaña vu Kristu. 2Ndo tekoli lasenjele, halokulia kua kolako, momo ka wa ku tẽleli kuenje lopo ka vu ku tẽla, 3momo lopo wakuetimba. Momo, osimbu pokati kene pali ukuse luyaki, ka wakuetimbako hẽ? Ka wa tuwili ndomanu? 4Momo, osimbu umue a linga hati, Ame ndukua Paulu, kuenda ukuavo hati, Ame ndukua Apolosi, homanuko?
5Apolosi elie? Paulu elie? Ovo vakuopange, kuenje va talavaya ndeci Ñala a va kundika, omunu omunu, oku u tavisi. 6Ame nda kũla, Apolosi wa tapela, Suku puãi wa kulisa. 7Oco, ndaño u o kũla, ndaño u o tapela, vosi yavo hacimueko, te Suku ukuakukulisa. 8U o kũla lu o tapela va lisoka, kuenje va tambula omunu omunu onima ya sesamela upange waye. 9Etu tulondingupange kumosi la Suku. Ene wupia lia Suku, haene wunjo ya Suku.
10Omo nda ci kundikiwa locali ca Suku, oco nda talavayela ndutungi wa loñoloha, oku seveta ociseveto, puãi umue wiñi o tungilako. Vosi, omunu omunu a lunguke ndomo a tungilako. 11Momo lomue o tẽla oku seveta ociseveto ciñi, te lika eci ca sevetiwa ale cokuti Yesu Kristu. 12Nda umue o tungila kociseveto caco ulu, pamue opalata, pamue ovawe a tĩla, pamue oviti, pamue owangu, pamue ovisila viaño, 13upange womanu vosi, omunu omunu, u limbukiwa. Momo eteke liaco li u limbukisa, omo u setekiwa londalu. Ondalu yi seteka upange womunu omunu ndomo u kasi. 14Nda upange womunu a tungilako u tumala, omunu waco o tambula onima. 15Nda upange womunu u pia, omunu waco o pesela, puãi o popeliwa ndu wa pita vondalu.
16Ka wa kũlĩhili okuti ene vunembele ya Suku kuenda okuti Espiritu lia Suku li kasi vokati kene? 17Nda umue o nyõla onembele ya Suku, omunu waco Suku u nyõlavo. Momo onembele ya Suku yi kola, kuenje ene, ene vunembele yaco.
18Lomue ka ka likembe. Nda umue pokati kene wa soka hati, Ndukualondunge violuali lulo, a linge eveke hã ha lingi ukualondunge viocili. 19Omo olondunge violuali lulo ku Suku via soka nduveke. Momo ca sonehiwa okuti, Eye o kuataila vakualondunge pokati kokulunguka kuavo. 20Kuenda vali hati, Ñala wa kũlĩha ovisimilo via vakualondunge okuti viesanda. 21Oco lomue ka ka lipandele omanu, momo ovina viosi viene. 22Ndaño Paulu, ndaño Apolosi, ndaño Kefa, ndaño oluali, ndaño omuenyo, ndaño okufa, ndaño ovina via cilo, ndaño evi viya noke, viosi viene. 23Ene puãi wa tiami ku Kristu, kuenda Kristu wa tiama ku Suku.
ទើបបានជ្រើសរើសហើយ៖
I VA KORINDO 3: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
I VA KORINDO 3
3
1Ame puãi, a vamanji, oku popia lene nda la vaku'Espiritu sia ci tẽlẽle, te nda la vakuetimba oloñaña vu Kristu. 2Ndo tekoli lasenjele, halokulia kua kolako, momo ka wa ku tẽleli kuenje lopo ka vu ku tẽla, 3momo lopo wakuetimba. Momo, osimbu pokati kene pali ukuse luyaki, ka wakuetimbako hẽ? Ka wa tuwili ndomanu? 4Momo, osimbu umue a linga hati, Ame ndukua Paulu, kuenda ukuavo hati, Ame ndukua Apolosi, homanuko?
5Apolosi elie? Paulu elie? Ovo vakuopange, kuenje va talavaya ndeci Ñala a va kundika, omunu omunu, oku u tavisi. 6Ame nda kũla, Apolosi wa tapela, Suku puãi wa kulisa. 7Oco, ndaño u o kũla, ndaño u o tapela, vosi yavo hacimueko, te Suku ukuakukulisa. 8U o kũla lu o tapela va lisoka, kuenje va tambula omunu omunu onima ya sesamela upange waye. 9Etu tulondingupange kumosi la Suku. Ene wupia lia Suku, haene wunjo ya Suku.
10Omo nda ci kundikiwa locali ca Suku, oco nda talavayela ndutungi wa loñoloha, oku seveta ociseveto, puãi umue wiñi o tungilako. Vosi, omunu omunu a lunguke ndomo a tungilako. 11Momo lomue o tẽla oku seveta ociseveto ciñi, te lika eci ca sevetiwa ale cokuti Yesu Kristu. 12Nda umue o tungila kociseveto caco ulu, pamue opalata, pamue ovawe a tĩla, pamue oviti, pamue owangu, pamue ovisila viaño, 13upange womanu vosi, omunu omunu, u limbukiwa. Momo eteke liaco li u limbukisa, omo u setekiwa londalu. Ondalu yi seteka upange womunu omunu ndomo u kasi. 14Nda upange womunu a tungilako u tumala, omunu waco o tambula onima. 15Nda upange womunu u pia, omunu waco o pesela, puãi o popeliwa ndu wa pita vondalu.
16Ka wa kũlĩhili okuti ene vunembele ya Suku kuenda okuti Espiritu lia Suku li kasi vokati kene? 17Nda umue o nyõla onembele ya Suku, omunu waco Suku u nyõlavo. Momo onembele ya Suku yi kola, kuenje ene, ene vunembele yaco.
18Lomue ka ka likembe. Nda umue pokati kene wa soka hati, Ndukualondunge violuali lulo, a linge eveke hã ha lingi ukualondunge viocili. 19Omo olondunge violuali lulo ku Suku via soka nduveke. Momo ca sonehiwa okuti, Eye o kuataila vakualondunge pokati kokulunguka kuavo. 20Kuenda vali hati, Ñala wa kũlĩha ovisimilo via vakualondunge okuti viesanda. 21Oco lomue ka ka lipandele omanu, momo ovina viosi viene. 22Ndaño Paulu, ndaño Apolosi, ndaño Kefa, ndaño oluali, ndaño omuenyo, ndaño okufa, ndaño ovina via cilo, ndaño evi viya noke, viosi viene. 23Ene puãi wa tiami ku Kristu, kuenda Kristu wa tiama ku Suku.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.