I VA KORINDO 14
14
1Loñi kocimãho cocisola. Liveli olongavelo vie Espiritu. Cinene puãi liveli uloño woku popia ovitumasuku. 2Momo u o popia ño elimi ka li yevala ka popi lomanu, te la Suku; momo lomue omunu o yevako, puãi o popela alumbu ve Espiritu. 3Puãi u o popia ovitumasuku o popia lomanu oku va kolisa, loku va lungula, loku va lembeleka. 4U o popia ño elimi ka li yevala o likolisa eye muẽle, puãi u o popia ovitumasuku o kolisa ekongelo. 5Kaliye njongola okuti ene vosi vu popia alimi, puãi njongola ca velapo okuti vu popia ovitumasuku. U o popia ovitumasuku wa velapo, u o popia ño elimi ka li yevala o sule, te nda umue o pitiya, okuti ekongelo li kolisua.
6Kaliye puãi, a vamanji, nda njiya kokuene loku popia alimi ka a yevala ndu kuatisi ndati, te nda ndeya lesituluilo limue, pamue lukũlĩhiso umue, pamue lovitumasuku vimue pamue lokulonga kumue okuti ovio ndu wihi. 7Ovisikilo ka vi kuete omuenyo, ndeci olumbendo pamue okalialia, nda ka vi siki alaka ocili, omanu va limbuka ndati eci ca sikiwa? 8Olumbeta, nda lu imba ondaka ka ya lombolokele, u o malehela ocilunga elie? 9Haico ene, nda vu popia lelimi ka li yevala, omanu va limbuka ndati eci ca popiwa? Momo, nda oco vu linga, vu vangula ño lofela. 10Ka ku pumbi okuti voluali muli alimi aiñi aiñi, kuenje lalimue ka lia lombolokele. 11Ame puãi, nda sia kũlĩhili elimi liomunu umue, ndinga ndongoya ku o popia, lu o popia o linga ndongoya kokuange. 12Haico ene, omo wu livela olongavelo vi Espiritu, oco kolisiko levi vi tunga ocili ekongelo lia Kristu.
13Oco, u o popia lelimi limue liñi a likutilile okuti o tẽla oku li pitiya. 14Momo, nda ndi likutilila velimi ka li yevala, utima u likutilila, puãi olondunge viange ka vi imi epako. 15Oco hẽ, ndinga nye? Ndi likutilila lutima, ndi likutililavo lolondunge. Njimba lutima, njimbavo lolondunge. 16Nda hacoko, nda ove o kasi v'Espiritu kuenje o kasi loku sivaya, u hukuelimi liacoko o tambulula ndati kesivayo liove, hati, Amene, nda ka kũlĩhile eci ove o kasi loku popia? 17Mbi ove wa sivaya ciwa, ukuavo puãi ka kuatisiwile. 18Mandula Suku omo, koku popia alimi, ame nda velapo, ene vosi vu sule. 19Haimo lumue, kokuange, vekongelo hise oku popia olondaka vitãlo lolondunge viange oku longisa vakuavo, ekui liolohũlũkãi violondaka velimi ka li yevala ci sule.
20A vamanji, kolondunge ko ka lingi ndomãla. Kevĩho lingi ndoloñaña, puãi kolondunge, lingi ndakulu vendamba. 21Vovihandeleko mua sonehiwa okuti, Vakualofeka, haivo vakualimi aiñi aiñi, ovo va sapula ondaka yange komanu ava. Ndaño oco ka va njevi. Oco ca popia Ñala. 22Oco oku popia alimi ka a yevala ku linga ondimbukiso kuava ka va kolelele, ava va kolela havoko. Ovitumasuku puãi viyilila ava va kolela, ava ka va kolelele havoko. 23Oco, nda ekongelo liosi li ongoloka, kuenje vosi va popia alimi ka a yevala, noke nda mu iñila vakualofeka pamue vava havakuetavoko, ka va popi hẽ, vati, Vosi va linga ayui? 24Puãi nda vosi va popia ovitumasuku, kuenje mu iñila umue hukuetavoko, pamue umue ukualofeka, vutima o pisiwa la vosi, cosi va popia cu sokoluisa. 25Uyombeki wutima waye wiya kutanya, oco, oku wila posi, o fendela Suku, loku vilikiya hati, Ocili, Suku o kasi pokati kene.
26Oco a vamanji, wu linga hẽ nye? Eci wongoloki, vosi va kuatise, ci kale locisungo, ci kale loku longisa, ci kale locitumasuku, ci kale loku popia velimi limue liñi, ci kale oku lombolola. Cosi ci lingiwile oku kolisa ekongelo. 27Nda kuli ava va yongola oku popia valimi ka a yevala ci tava, puãi te vavali lika, pamue vatatu, kuenje va likuame. Ku kalevo umue o pitiya. 28Nda ka kuli u o pitiya, vosi yavo omunu omunu ohe osimbu a kasi vefendelo, a popie ño lutima waye muẽle la Suku. 29Ava va popia ovitumasuku va kale vavali, pamue vatatu, vakuavo va sokolole eci ca popiwa. 30Nda esituluilo limue liya kumue wa tumala, u o kasi ale loku popia a liweke. 31Momo vosi yene, omunu omunu, vu tẽla oku popia ovitumasuku okuti vosi vu lilongisa kuenje vu kolisua vovitima. 32Aspiritu ovaprofeto a pokuisua lovaprofeto vaco. 33Momo Suku heyeko Suku yonjuela, puãi eye Suku yombembua.
Ndeci ci kasi vakongelo osi olosandu, haico ci kale okuti 34akãi vohe ño vakongelo. Ka ci tava okuti va popia. Va pokole ndomo mu popia ovihandeleko. 35Nda kuli cimue va yongola oku kũlĩhisa va pule vaveyavo muẽle volonjo viavo. Ci lingisa osõi ukãi oku popia vekongelo. 36Kokuene he, kua tunda ondaka ya Suku ale? Ele kokuene lika yeya?
37Nda umue wa soka hati, Ame nduprofeto, pamue hati, Ame nduku'Espiritu, a limbuke okuti evi ñasi loku u soneheli ocihandeleko ca Ñala. 38Kuenje, nda umue ka ci limbukile, ka ka tendiwe ndukuekongelo. 39Oco, a vamanji, liveli muẽle oku popia ovitumasuku. Ko ka lemeli oku popia alimi. 40Ovina viosi puãi vi sokiyiwe ciwa loku lingiwa lesumbilo.
ទើបបានជ្រើសរើសហើយ៖
I VA KORINDO 14: EMB63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.
I VA KORINDO 14
14
1Loñi kocimãho cocisola. Liveli olongavelo vie Espiritu. Cinene puãi liveli uloño woku popia ovitumasuku. 2Momo u o popia ño elimi ka li yevala ka popi lomanu, te la Suku; momo lomue omunu o yevako, puãi o popela alumbu ve Espiritu. 3Puãi u o popia ovitumasuku o popia lomanu oku va kolisa, loku va lungula, loku va lembeleka. 4U o popia ño elimi ka li yevala o likolisa eye muẽle, puãi u o popia ovitumasuku o kolisa ekongelo. 5Kaliye njongola okuti ene vosi vu popia alimi, puãi njongola ca velapo okuti vu popia ovitumasuku. U o popia ovitumasuku wa velapo, u o popia ño elimi ka li yevala o sule, te nda umue o pitiya, okuti ekongelo li kolisua.
6Kaliye puãi, a vamanji, nda njiya kokuene loku popia alimi ka a yevala ndu kuatisi ndati, te nda ndeya lesituluilo limue, pamue lukũlĩhiso umue, pamue lovitumasuku vimue pamue lokulonga kumue okuti ovio ndu wihi. 7Ovisikilo ka vi kuete omuenyo, ndeci olumbendo pamue okalialia, nda ka vi siki alaka ocili, omanu va limbuka ndati eci ca sikiwa? 8Olumbeta, nda lu imba ondaka ka ya lombolokele, u o malehela ocilunga elie? 9Haico ene, nda vu popia lelimi ka li yevala, omanu va limbuka ndati eci ca popiwa? Momo, nda oco vu linga, vu vangula ño lofela. 10Ka ku pumbi okuti voluali muli alimi aiñi aiñi, kuenje lalimue ka lia lombolokele. 11Ame puãi, nda sia kũlĩhili elimi liomunu umue, ndinga ndongoya ku o popia, lu o popia o linga ndongoya kokuange. 12Haico ene, omo wu livela olongavelo vi Espiritu, oco kolisiko levi vi tunga ocili ekongelo lia Kristu.
13Oco, u o popia lelimi limue liñi a likutilile okuti o tẽla oku li pitiya. 14Momo, nda ndi likutilila velimi ka li yevala, utima u likutilila, puãi olondunge viange ka vi imi epako. 15Oco hẽ, ndinga nye? Ndi likutilila lutima, ndi likutililavo lolondunge. Njimba lutima, njimbavo lolondunge. 16Nda hacoko, nda ove o kasi v'Espiritu kuenje o kasi loku sivaya, u hukuelimi liacoko o tambulula ndati kesivayo liove, hati, Amene, nda ka kũlĩhile eci ove o kasi loku popia? 17Mbi ove wa sivaya ciwa, ukuavo puãi ka kuatisiwile. 18Mandula Suku omo, koku popia alimi, ame nda velapo, ene vosi vu sule. 19Haimo lumue, kokuange, vekongelo hise oku popia olondaka vitãlo lolondunge viange oku longisa vakuavo, ekui liolohũlũkãi violondaka velimi ka li yevala ci sule.
20A vamanji, kolondunge ko ka lingi ndomãla. Kevĩho lingi ndoloñaña, puãi kolondunge, lingi ndakulu vendamba. 21Vovihandeleko mua sonehiwa okuti, Vakualofeka, haivo vakualimi aiñi aiñi, ovo va sapula ondaka yange komanu ava. Ndaño oco ka va njevi. Oco ca popia Ñala. 22Oco oku popia alimi ka a yevala ku linga ondimbukiso kuava ka va kolelele, ava va kolela havoko. Ovitumasuku puãi viyilila ava va kolela, ava ka va kolelele havoko. 23Oco, nda ekongelo liosi li ongoloka, kuenje vosi va popia alimi ka a yevala, noke nda mu iñila vakualofeka pamue vava havakuetavoko, ka va popi hẽ, vati, Vosi va linga ayui? 24Puãi nda vosi va popia ovitumasuku, kuenje mu iñila umue hukuetavoko, pamue umue ukualofeka, vutima o pisiwa la vosi, cosi va popia cu sokoluisa. 25Uyombeki wutima waye wiya kutanya, oco, oku wila posi, o fendela Suku, loku vilikiya hati, Ocili, Suku o kasi pokati kene.
26Oco a vamanji, wu linga hẽ nye? Eci wongoloki, vosi va kuatise, ci kale locisungo, ci kale loku longisa, ci kale locitumasuku, ci kale loku popia velimi limue liñi, ci kale oku lombolola. Cosi ci lingiwile oku kolisa ekongelo. 27Nda kuli ava va yongola oku popia valimi ka a yevala ci tava, puãi te vavali lika, pamue vatatu, kuenje va likuame. Ku kalevo umue o pitiya. 28Nda ka kuli u o pitiya, vosi yavo omunu omunu ohe osimbu a kasi vefendelo, a popie ño lutima waye muẽle la Suku. 29Ava va popia ovitumasuku va kale vavali, pamue vatatu, vakuavo va sokolole eci ca popiwa. 30Nda esituluilo limue liya kumue wa tumala, u o kasi ale loku popia a liweke. 31Momo vosi yene, omunu omunu, vu tẽla oku popia ovitumasuku okuti vosi vu lilongisa kuenje vu kolisua vovitima. 32Aspiritu ovaprofeto a pokuisua lovaprofeto vaco. 33Momo Suku heyeko Suku yonjuela, puãi eye Suku yombembua.
Ndeci ci kasi vakongelo osi olosandu, haico ci kale okuti 34akãi vohe ño vakongelo. Ka ci tava okuti va popia. Va pokole ndomo mu popia ovihandeleko. 35Nda kuli cimue va yongola oku kũlĩhisa va pule vaveyavo muẽle volonjo viavo. Ci lingisa osõi ukãi oku popia vekongelo. 36Kokuene he, kua tunda ondaka ya Suku ale? Ele kokuene lika yeya?
37Nda umue wa soka hati, Ame nduprofeto, pamue hati, Ame nduku'Espiritu, a limbuke okuti evi ñasi loku u soneheli ocihandeleko ca Ñala. 38Kuenje, nda umue ka ci limbukile, ka ka tendiwe ndukuekongelo. 39Oco, a vamanji, liveli muẽle oku popia ovitumasuku. Ko ka lemeli oku popia alimi. 40Ovina viosi puãi vi sokiyiwe ciwa loku lingiwa lesumbilo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Umbundu Bible © United Bible Societies, 1963.