Etatelu 41
41
Josefu Ambulimbitshiya Farayo Alo Andi
1Lamʼaketi deku pendi diʼetundu, Farayo akenyi do. Lu do diako, ndi akemadi lʼumamu a ndjali ka Nile. 2Enyi ku ngombe esambeli ya waki ndu yʼamena yayatumbi uma lu ndjali la ndjole adiyu. 3Enyi ntu ku ngombe kina esambeli ya dingeno ndu ya tondjondju yayatumbi lʼokongo ayo, yakayemala lasuki la yo. 4Enda, ngombe esambeli ya dingeno la tondjondju yakali ngombe esambeli ya waki yʼamena. Ku Farayo akakashimo uma lu djo. 5Ku ndi akakalula lu djo ntu, akenyi do dikina, enyi ku asha esambeli weli la tongo ya waki yʼamena. Asha ako esambeli wakatumbi lu tshina otoi. 6Enyi ku asha esambeli akina weli la tongo yakalungula la luhaladi la yanyi yʼuma lʼehutwelu ka unyawayatumbi lʼokongo awo. 7Asha esambeli waki la tongo yʼelungudi wakamene asha esambeli waki la tongo ya waki yʼamena. Ku Farayo akakashimo uma lu djo; akati ati: Teti lu do one enami okone! 8La pindju Farayo akahenyahenyama lu lumu. Ndi akatumi akendji la nteta akanga wʼaloho la akanga a tumba tshe wa lʼEdjibitu. Ku Farayo asakwela alo andi. Keli nduku untu akeyi nimbitshiya Farayo tukitshimudi tawo.
9Kapita kʼamangudi a wanu akatela Farayo ati: Dimi lambuho munga kami elo. 10We Farayo akatuki, shu ekambi aye, kele. Okone we akatudji, dimi la kapita kʼekatshi wa ma, lu lukanu, lu luudu la kapita kʼelami wʼasi lukanu. 11Dimi la ndi takenyi alo utshu wame, untu lʼuntu akenyi do diaki la kitshimudi yadio. 12Ku olongo a pami omotshi, usi Heberu, fumbi kʼolombodi wʼalimbi, aki la su leko. Shu takusakwela alo asu, ku ndi akatulimbitshiya untu lʼuntu kitshimudi ya do diandi. 13Ku akambu wakayala uku akandatulimbitshiya. Farayo akankaluya lʼulimu ami. Keli wakahane kapita kʼekatshi lʼutamba.
14Farayo akatumi dikendji dia nteta Josefu. Vo wakatutundja esadi uma lu lukanu. Ndi akanya divu, akengula ahondo, akatshu la ntundu ka Farayo. 15Ku Farayo akatela Josefu ati: Dimi lakenyi do, ku nduku untu lakeyi nimbitshiyamidio. Keli lakuki lukumu ati: We kateyaka nimbitshiya antu alo lamʼatuwukusakwelakawo. 16Josefu akakaluya Farayo diui ati: Yimba nye yaha uma le mi, tshikima Unyashungu kayulimbitshiya Farayo kitshimudi yʼololo. 17Ku Farayo akasakwela Josefu do diandi ati: Lu do diami, dimi lakenyi lemadi lʼumamu a ndjali ka Nile. 18Menyi ku ngombe esambeli ya waki yʼamena yayatumbi uma lu ndjali dia ndjole adiyu. 19Menyi ntu ku ngombe esambeli kina ya dingeno la tondjondju yahamatenyi nduku lushi lu kete yʼEdjibitu yayatumbi lʼokongo a nye ya ntundu. 20Ku nye ya dingeno la tondjondju yakali ngombe esambeli ya waki yʼamena ya ntundu. 21Lamʼakayashili ndjile, kumbeyama ati: Engo kuleyo, ne dia yo yaki dingeno la tondjondju uku akiyo ntundu. Ku dimi lakakashimo uma lu djo. 22Lu do dikina, dimi lakenyi asha esambeli weli la tongo ya waki yʼamena wayatumbi uma lu tshina otoi. 23Ku asha esambeli wʼatanganyi atanganyi wakalungula la luhaladi la yanyi lʼuma lʼehutwelu ka unya, wakatumbi lʼokongo awo. 24Asha ako wʼatanganyi wʼelungudi wakamene asha esambeli waki la tongo ya waki yʼamena. Dimi lakasakwela akanga wʼaloho do ne, keli nduku untu lakeyi nimbitshiyamidio.
25Josefu akatela Farayo ati: Alo wakayenaki, we Farayo, weko la kitshimudi otoi. Unyashungu akenyisha Farayo akambu wayangandi ntsha. 26Ngombe esambeli yʼamena, yeli deku esambeli, ndu asha esambeli weli la tongo yʼamena, weli deku esambeli pupu. Alo ane ahendi weko paka do otoi. 27Ngombe esambeli ya dingeno la tondjondju yakayutumba lʼokongo, yeko deku esambeli, ndu asha esambeli waki la tongo yʼatanganyi ndu yakalungula la luhaladi la yanyi lʼuma lʼehutwelu ka unya, yeko deku esambeli dia ndjala ka kasha. 28Diako mbakamakutedi nti: Unyashungu akenyisha Farayo dikambu diayangandi ntsha. 29Enda, lu deku esambeli ne diayayi, kete ya Edjibitu tshe yayongonya mbu ya nde efula kaheyama. 30Keli deku esambeli dia ndjala ka kasha diayuyala lʼokongo adio. Ku mbu ya nde yayushila tshe lu kete ya Edjibitu. Ndjala ka kasha kayuhangiya lu wedja tshe. 31Ndjala ka kasha kayayi keso, kayuleka wulu efula edja ndu antu wayukumbula efula ka mbu ya nde yaki la wo nshi kina. 32Naka Farayo akenyi do tena pendi, keti Unyashungu ambushikike dikambu so, ku laso ndi ayusamanya dia ditsha. 33Okone Farayo asonole pami kemotshi, kanga yimba la ewu, ukitsha olombodi lu kete ya Edjibitu. 34Farayo asamanya dia ntsha dikambu so. Asonole ndu elombodi ekina, adianganya lu beke tshe dia Edjibitu, dia vo nkongoya etenyi otoi ka tanu ka dinela dia untu lʼuntu lu deku esambeli diayongona mbu ya nde efula kaheyama. 35Vo kawokongolaki mbu ya nde lu deku diake diʼololo diayayi, kawuyumbaki lʼesumba a waki, la tshina dia lunya la Farayo. 36Mbu ya nde sho kayumbami, diako mbahuvo antu lu deku esambeli dia ndjala ka kasha kayuyala lu kete ya Edjibitu.
Josefu Ambuyala Umbuledi lu Edjibitu
37Aui aso wakangenyangenya Farayo la ekambi andi tshe. 38Ku Farayo akambula ekambi andi ati: Lendi ayututana untu ukina luludiami la Nyuma ka Unyashungu uku ndi? 39Okone Farayo akatela Josefu ati: Unyashungu ambukenya akambu ane tshe, ku nduku untu lukuleki ewu la yimba. 40Dimi lambukudja olombodi a luudu lami,#41:40 Etsh. 7:10. ndu wudja ami tshe wayukitanyiaka aui aye; paka lu kiti ka diulelu kukulekimi. 41Farayo akatela Josefu ati: Dimi lambukudja umbuledi lu kete yʼEdjibitu tshe. 42Ku Farayo akanya lohete landi laki la ematelu uma lu lunya landi akaludji lu luhita la Josefu. Ndi akolotsha ahondo wa nemo wa diulelu, ndu molola wa paunyi lu kingu kandi. 43Ndi akawahemia lu pusupusu kakayayelaka kandi. Ku antu wakatahangohangoka la ntundu kandi vati: Nyuki adui! Ku ndi akawudji umbuledi lu kete yʼEdjibitu tshe. 44Farayo akatela Josefu ati: Dimi keli Farayo! Lu kete yʼEdjibitu tshe, nduku untu layedia lunya kana lukulu landi tshikima la wulu uma le ye. 45Farayo akole Josefu lukumbu ati: Zafenate-Paneya (kitshimudi ati: Umbishudi wʼakambu wushami). Ndi akawusha Asenate, onʼa Poti-Fera, olombedi wa One, wadi. Ku Josefu akatakindulaka dia ntendi kete yʼEdjibitu tshe.
46Josefu aki la deku akumi asatu lamʼakandemala la ntundu ka Farayo, khumʼekanga kʼEdjibitu. Ku Josefu akamo la le Farayo, akatakindulaka lu kete yʼEdjibitu tshe. 47Lu deku esambeli diaki kete eteto, mbu ya nde yakangonanela otekoya. 48Ndi akakongoyaka mbu ya nde deku esambeli so lu kete yʼEdjibitu, ku ndi akayumbi lʼesumba. Ndi akatumbaka mbu ya nde tshe yakandatakongoyaka uma lu tusamba lu esumba ato. 49Osoku Josefu akumbi mbu ya nde uku lokongo la lʼumamu a ndjali, edja ndu wakaheko mbala efula kayo. Mete, yo yakayala efula kaheyama mbala. 50Asenate, onʼa Poti-Fera, olombedi wa One, akuti la Josefu ana apami ahendi ntundu ndjala ka kasha katayala. 51Josefu akole onʼandi lʼenundu ati: Manase (kitshimudi ati: Mbuhiya); ne dia ndi akati ati: Unyashungu ambumbuhiya asui ami tshe ndu luudu la papa tshe. 52Ku ndi akole onʼandi la hendi ati: Efarayima (kitshimudi ati: Diwutshi); ati: Unyashungu ambumbete kanga diwutshi lu kete yakamadienaka. 53Deku esambeli diaki mbu ya nde efula lu kete yʼEdjibitu diaketi. 54Ku deku esambeli dia ndjala ka kasha diakatatela ndja#41:54 Etsh. 7:11. uku akati Josefu lu dikambu diako. Ndjala ka kasha kakakukanela lu kete tshe, keli mbu ya nde yakiko lu kete yʼEdjibitu. 55Lamʼakakukanela ndjala ka kasha lu kete yʼEdjibitu tshe, antu wakayulelela Farayo dia ndi mbasha mbu ya nde. Ku Farayo akatela asi Edjibitu ati: Nyutshu le Josefu, nyututshi akambu tshe wayundunyutela.#41:55 Joa. 2:5. 56Ndjala ka kasha akakukanela lu wedja tshe wa la kete. Ku Josefu akafulula apenge wa mbu ya nde, akasundja asi Edjibitu. 57Asi wedja ekina wakayakaka lʼEdjibitu la ndjusumba mbu ya nde le Josefu, ne dia ndjala ka kasha akatekoya mpangiya lu wedja tshe.
ទើបបានជ្រើសរើសហើយ៖
Etatelu 41: TLL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
La Bible en Otetela © Allianee Biblique de la Republique Democratique du Congo, 1991
Etatelu 41
41
Josefu Ambulimbitshiya Farayo Alo Andi
1Lamʼaketi deku pendi diʼetundu, Farayo akenyi do. Lu do diako, ndi akemadi lʼumamu a ndjali ka Nile. 2Enyi ku ngombe esambeli ya waki ndu yʼamena yayatumbi uma lu ndjali la ndjole adiyu. 3Enyi ntu ku ngombe kina esambeli ya dingeno ndu ya tondjondju yayatumbi lʼokongo ayo, yakayemala lasuki la yo. 4Enda, ngombe esambeli ya dingeno la tondjondju yakali ngombe esambeli ya waki yʼamena. Ku Farayo akakashimo uma lu djo. 5Ku ndi akakalula lu djo ntu, akenyi do dikina, enyi ku asha esambeli weli la tongo ya waki yʼamena. Asha ako esambeli wakatumbi lu tshina otoi. 6Enyi ku asha esambeli akina weli la tongo yakalungula la luhaladi la yanyi yʼuma lʼehutwelu ka unyawayatumbi lʼokongo awo. 7Asha esambeli waki la tongo yʼelungudi wakamene asha esambeli waki la tongo ya waki yʼamena. Ku Farayo akakashimo uma lu djo; akati ati: Teti lu do one enami okone! 8La pindju Farayo akahenyahenyama lu lumu. Ndi akatumi akendji la nteta akanga wʼaloho la akanga a tumba tshe wa lʼEdjibitu. Ku Farayo asakwela alo andi. Keli nduku untu akeyi nimbitshiya Farayo tukitshimudi tawo.
9Kapita kʼamangudi a wanu akatela Farayo ati: Dimi lambuho munga kami elo. 10We Farayo akatuki, shu ekambi aye, kele. Okone we akatudji, dimi la kapita kʼekatshi wa ma, lu lukanu, lu luudu la kapita kʼelami wʼasi lukanu. 11Dimi la ndi takenyi alo utshu wame, untu lʼuntu akenyi do diaki la kitshimudi yadio. 12Ku olongo a pami omotshi, usi Heberu, fumbi kʼolombodi wʼalimbi, aki la su leko. Shu takusakwela alo asu, ku ndi akatulimbitshiya untu lʼuntu kitshimudi ya do diandi. 13Ku akambu wakayala uku akandatulimbitshiya. Farayo akankaluya lʼulimu ami. Keli wakahane kapita kʼekatshi lʼutamba.
14Farayo akatumi dikendji dia nteta Josefu. Vo wakatutundja esadi uma lu lukanu. Ndi akanya divu, akengula ahondo, akatshu la ntundu ka Farayo. 15Ku Farayo akatela Josefu ati: Dimi lakenyi do, ku nduku untu lakeyi nimbitshiyamidio. Keli lakuki lukumu ati: We kateyaka nimbitshiya antu alo lamʼatuwukusakwelakawo. 16Josefu akakaluya Farayo diui ati: Yimba nye yaha uma le mi, tshikima Unyashungu kayulimbitshiya Farayo kitshimudi yʼololo. 17Ku Farayo akasakwela Josefu do diandi ati: Lu do diami, dimi lakenyi lemadi lʼumamu a ndjali ka Nile. 18Menyi ku ngombe esambeli ya waki yʼamena yayatumbi uma lu ndjali dia ndjole adiyu. 19Menyi ntu ku ngombe esambeli kina ya dingeno la tondjondju yahamatenyi nduku lushi lu kete yʼEdjibitu yayatumbi lʼokongo a nye ya ntundu. 20Ku nye ya dingeno la tondjondju yakali ngombe esambeli ya waki yʼamena ya ntundu. 21Lamʼakayashili ndjile, kumbeyama ati: Engo kuleyo, ne dia yo yaki dingeno la tondjondju uku akiyo ntundu. Ku dimi lakakashimo uma lu djo. 22Lu do dikina, dimi lakenyi asha esambeli weli la tongo ya waki yʼamena wayatumbi uma lu tshina otoi. 23Ku asha esambeli wʼatanganyi atanganyi wakalungula la luhaladi la yanyi lʼuma lʼehutwelu ka unya, wakatumbi lʼokongo awo. 24Asha ako wʼatanganyi wʼelungudi wakamene asha esambeli waki la tongo ya waki yʼamena. Dimi lakasakwela akanga wʼaloho do ne, keli nduku untu lakeyi nimbitshiyamidio.
25Josefu akatela Farayo ati: Alo wakayenaki, we Farayo, weko la kitshimudi otoi. Unyashungu akenyisha Farayo akambu wayangandi ntsha. 26Ngombe esambeli yʼamena, yeli deku esambeli, ndu asha esambeli weli la tongo yʼamena, weli deku esambeli pupu. Alo ane ahendi weko paka do otoi. 27Ngombe esambeli ya dingeno la tondjondju yakayutumba lʼokongo, yeko deku esambeli, ndu asha esambeli waki la tongo yʼatanganyi ndu yakalungula la luhaladi la yanyi lʼuma lʼehutwelu ka unya, yeko deku esambeli dia ndjala ka kasha. 28Diako mbakamakutedi nti: Unyashungu akenyisha Farayo dikambu diayangandi ntsha. 29Enda, lu deku esambeli ne diayayi, kete ya Edjibitu tshe yayongonya mbu ya nde efula kaheyama. 30Keli deku esambeli dia ndjala ka kasha diayuyala lʼokongo adio. Ku mbu ya nde yayushila tshe lu kete ya Edjibitu. Ndjala ka kasha kayuhangiya lu wedja tshe. 31Ndjala ka kasha kayayi keso, kayuleka wulu efula edja ndu antu wayukumbula efula ka mbu ya nde yaki la wo nshi kina. 32Naka Farayo akenyi do tena pendi, keti Unyashungu ambushikike dikambu so, ku laso ndi ayusamanya dia ditsha. 33Okone Farayo asonole pami kemotshi, kanga yimba la ewu, ukitsha olombodi lu kete ya Edjibitu. 34Farayo asamanya dia ntsha dikambu so. Asonole ndu elombodi ekina, adianganya lu beke tshe dia Edjibitu, dia vo nkongoya etenyi otoi ka tanu ka dinela dia untu lʼuntu lu deku esambeli diayongona mbu ya nde efula kaheyama. 35Vo kawokongolaki mbu ya nde lu deku diake diʼololo diayayi, kawuyumbaki lʼesumba a waki, la tshina dia lunya la Farayo. 36Mbu ya nde sho kayumbami, diako mbahuvo antu lu deku esambeli dia ndjala ka kasha kayuyala lu kete ya Edjibitu.
Josefu Ambuyala Umbuledi lu Edjibitu
37Aui aso wakangenyangenya Farayo la ekambi andi tshe. 38Ku Farayo akambula ekambi andi ati: Lendi ayututana untu ukina luludiami la Nyuma ka Unyashungu uku ndi? 39Okone Farayo akatela Josefu ati: Unyashungu ambukenya akambu ane tshe, ku nduku untu lukuleki ewu la yimba. 40Dimi lambukudja olombodi a luudu lami,#41:40 Etsh. 7:10. ndu wudja ami tshe wayukitanyiaka aui aye; paka lu kiti ka diulelu kukulekimi. 41Farayo akatela Josefu ati: Dimi lambukudja umbuledi lu kete yʼEdjibitu tshe. 42Ku Farayo akanya lohete landi laki la ematelu uma lu lunya landi akaludji lu luhita la Josefu. Ndi akolotsha ahondo wa nemo wa diulelu, ndu molola wa paunyi lu kingu kandi. 43Ndi akawahemia lu pusupusu kakayayelaka kandi. Ku antu wakatahangohangoka la ntundu kandi vati: Nyuki adui! Ku ndi akawudji umbuledi lu kete yʼEdjibitu tshe. 44Farayo akatela Josefu ati: Dimi keli Farayo! Lu kete yʼEdjibitu tshe, nduku untu layedia lunya kana lukulu landi tshikima la wulu uma le ye. 45Farayo akole Josefu lukumbu ati: Zafenate-Paneya (kitshimudi ati: Umbishudi wʼakambu wushami). Ndi akawusha Asenate, onʼa Poti-Fera, olombedi wa One, wadi. Ku Josefu akatakindulaka dia ntendi kete yʼEdjibitu tshe.
46Josefu aki la deku akumi asatu lamʼakandemala la ntundu ka Farayo, khumʼekanga kʼEdjibitu. Ku Josefu akamo la le Farayo, akatakindulaka lu kete yʼEdjibitu tshe. 47Lu deku esambeli diaki kete eteto, mbu ya nde yakangonanela otekoya. 48Ndi akakongoyaka mbu ya nde deku esambeli so lu kete yʼEdjibitu, ku ndi akayumbi lʼesumba. Ndi akatumbaka mbu ya nde tshe yakandatakongoyaka uma lu tusamba lu esumba ato. 49Osoku Josefu akumbi mbu ya nde uku lokongo la lʼumamu a ndjali, edja ndu wakaheko mbala efula kayo. Mete, yo yakayala efula kaheyama mbala. 50Asenate, onʼa Poti-Fera, olombedi wa One, akuti la Josefu ana apami ahendi ntundu ndjala ka kasha katayala. 51Josefu akole onʼandi lʼenundu ati: Manase (kitshimudi ati: Mbuhiya); ne dia ndi akati ati: Unyashungu ambumbuhiya asui ami tshe ndu luudu la papa tshe. 52Ku ndi akole onʼandi la hendi ati: Efarayima (kitshimudi ati: Diwutshi); ati: Unyashungu ambumbete kanga diwutshi lu kete yakamadienaka. 53Deku esambeli diaki mbu ya nde efula lu kete yʼEdjibitu diaketi. 54Ku deku esambeli dia ndjala ka kasha diakatatela ndja#41:54 Etsh. 7:11. uku akati Josefu lu dikambu diako. Ndjala ka kasha kakakukanela lu kete tshe, keli mbu ya nde yakiko lu kete yʼEdjibitu. 55Lamʼakakukanela ndjala ka kasha lu kete yʼEdjibitu tshe, antu wakayulelela Farayo dia ndi mbasha mbu ya nde. Ku Farayo akatela asi Edjibitu ati: Nyutshu le Josefu, nyututshi akambu tshe wayundunyutela.#41:55 Joa. 2:5. 56Ndjala ka kasha akakukanela lu wedja tshe wa la kete. Ku Josefu akafulula apenge wa mbu ya nde, akasundja asi Edjibitu. 57Asi wedja ekina wakayakaka lʼEdjibitu la ndjusumba mbu ya nde le Josefu, ne dia ndjala ka kasha akatekoya mpangiya lu wedja tshe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
La Bible en Otetela © Allianee Biblique de la Republique Democratique du Congo, 1991