Matayo 27
27
Kotero Yesu i nyim Pilato
(Marako 15.1; Luka 23.1-2; Yokana 18.28-32)
1Kakame piny oru kede, jodongo me josaseredoti dedede karacel kede joadongo me piny oko cokere pi moko tam me neko Yesu. 2Gin kiko twene di kiko tere kikete i cing Pilato ngapug.
To ka Yuda
(Tice 1.18-19)
3 #
Tice 1.18-19
Kakame Yuda, ngat kame orupao Yesu, bin oneno kede be kotieko ngolo ne Yesu kop me to, en eko swilaro, di eko dwoko siringi akaya ot adek nogo but jodongo me josaseredoti kede joadongo me piny, 4di ewaco be, “Ango adubo pi rupao dano kame li kede kop, pi mine onyo remo mere.”
Gin kiko dwoko be, “Mano likame mako wan; mano makin.”
5Yuda oko kiro sente piny i tempulo di eko yai eoto tenge di eko dere.
6Jodongo me josaseredoti oko depo sente ka di kiwaco be, “Iswil likame yei ne wa keto magi i isau kame okano iye sente me tempulo, pien gin kibedo sente kame koonyo kede remo.” 7Kikano gin kiko poro kop karacel di kiko wilo poto me ngacwei agune kede sente nogo, pi bedo kakame koyiko iye jokumbor. 8Gino en komio kolwongo poto nono be Poto me Remo tuno tin.
9 #
Sakaria 11.12-13
Di do gikame bin enabi Yeremia owaco oko cobere kakare, kame yamo be, “Kiko kwanyo siringi ot adek akaya, en wel kame jo mogo me Isirael oudo oyei culo i kome. 10Kiko wilo poto me ngacwei agune kede sente nogo, bala kame Rwot onyuto na.”
Pilato Opepenyo Yesu
(Marako 15.2-5; Luka 23.3-5; Yokana 18.33-38)
11Yesu oko cungo i nyim ngapug me Roma, kame oko penye be, “In ibedo abaka me Iyudayan?”
Yesu oko dwoko be, “In en iwaco kamanono.” 12Do kakame jodongo me josaseredoti kede joadongo me piny opide kede, en likame eko dwoko kop moro.
13Di do Pilato oko penye be, “Mam itie winyo kope atot kame kitie pidi iye?”
14Do Yesu likame oko dwoko ne kop moro akadi acel i kom gi dedede kame kopide iye. Ngapug oko uro adikinicel.
Kongolo ne Yesu Kop me To
(Marako 15.6-15; Luka 23.13-25; Yokana 18.39—19.16)
15Bin i kare dedede me Ebaga me Kalamo, ngapug me Roma oudo onare gonyo ne jo mabus acel kame gin kimito be gony ne gi. 16I kare nono oudo tie mabus acel kame wie rac, kame nyinge Baraba. 17Kakame jo oudo otieko cokere kede karacel, Pilato oko penyo gi be, “Imitunu be agony ne wu ngai? Baraba arabo Yesu kame kolwongo be Kirisito?” 18Pien oudo en engeo be jotel me Iyudayan kede joadongo me piny bin omio Yesu i cinge pi nyeko gi.
19Kakame Pilato oudo tie bedo kede i kom me ngolo kop, dako mere oko cwano ne kop be, “Kur itim gimoro i kom dano no, en eli kede kop moro, pien oki iwor ango oudo abedo i peko adikinicel pi lek kame abedo tie kede i kome.”
20Jodongo me josaseredoti kede joadongo me piny oko supo jo pi penyo be gony ne gi Baraba, di oko neko Yesu. 21Ngapug bobo oko penyo gi be, “Ngai kikom jo are gi en kame wun imitunu be ango agony ne wu?”
Gin kiko dwoko be, “Baraba.”
22Pilato oko penyo gi be, “Nyo do kame poore atim ne Yesu kame kolwongo be Kirisito?”
Gin dedede kiko dwoko be, “Wek gure i kom musalaba.”
23Do Pilato oko penyo gi be, “Pinyo, oudo etimo nyo arac?”
Do gin kiko medo lelemo kitek be, “Wek gure i kom musalaba.”
24 #
Iswilia 21.6-9
Kakame Pilato oneno kede be likame ekaruno bobo timo gimoro, doko jo tie mito cako doko ger, en eko kwanyo pii di eko lwoko kede cinge i nyim ekodet me jo di ewaco be, “Ango gira ali kede raco moro i kom onyo remo me dano ni! Kop no mako wun.”
25Jo dedede oko dwoko be, “Wek remo mere bed i wi wan kede i wi idwe wa.”
26Pilato di oko gonyo ne gi Baraba, en eko mino kodao Yesu di eko mine i cing gi pi ot gure i kom musalaba.
Isirikalen Otimo ne Yesu Tim me Anywar
(Marako 15.16-20; Yokana 19.2-3)
27Kikano, isirikalen me ngapug oko tero Yesu i ot me ngapug gi, di kiko coko isirikalen apat dedede me kuno i nyime. 28Kiko gonyo igoen mege di kiko ngapo ne ekanso akwakwar. 29Kiko cweno okuto aluka di kiko rwako ne i wie, di kiko keto magada i cinge tetu cam, kiko donyo riondiko piny i nyime pi nyware di kiwaco be, “Yoga, abaka me Iyudayan!” 30Kiko ngungulo lau i kome, di do kiko kwanyo magada kiko jwato kede wie. 31Kakame kitieko do timo ne kede tim me anywar, kiko gonyo ekanso nono di kiko ngapo ne igoen mege, di do kiko tere tenge pi ot gure i kom musalaba.
Koguro Yesu i kom Musalaba
(Marako 15.21-32; Luka 23.26-43; Yokana 19.17-27)
32Kakame oudo kitie wok kede ki bomba, kiko ngoole i kom icuo moro me Sirene, kame nyinge Simoni, di kiko dine tetek yeno musalaba ka Yesu. 33I kare kame kituno kede kakame kolwongo be Gologota (kame dwong mere be, kabedo me cogowic), 34#Sabuli 69.21gin kiko mino Yesu bwini kame konyalo kede gi akec; do kakame ebilo kede, likame en eko mato.
35 #
Sabuli 22.18
Di do kitieko gure, kiko uco alulu pi udo epone me pokopoko igoen mege. 36Di do gin kiko donyo bedo kuno pi dare. 37I wie malo oudo koketo iye iwandik me kop kame pide, kame somere be, “Man en Yesu, Abaka me Iyudayan.” 38Kiko guro joyak are da karacel kede Yesu, acel i bade tetu cam kede ocelu i bade tetu ngodal.
39 #
Sabuli 22.7; 109.25 Jo kame oudo beo kuno oudo yayango wi gi di kiwaco ne kop me anywar be, 40#Matayo 26.61; Yokana 2.19“In ngat kame oudo iyaro turo tempulo di iko gere pi ceng adek, lakere keni! Ka in Wot ka Rubanga, wok piny ki musalaba.”
41Kamanono da jodongo me josaseredoti, jopwony me Iswil karacel kede joadongo me piny oko donyo nyware di kiwaco be, 42“En elako jo apat, do likame etwero lakere kene. En abaka me Isirael, wek en nan ewok piny ki musalaba, di wan oko bino yei en. 43#Sabuli 22.8En oudo eketo gen mere i kom Rubanga, wek Rubanga nan lake, ka cunye mito. Piento en oudo ewaco be, ‘Ango Wot ka Rubanga.’ ”
44Joyak are kame oudo kogure kede da oko donyo yeyeto en iepone acel nono.
To ka Yesu
(Marako 15.33-41; Luka 23.44-49; Yokana 19.28-30)
45Cako esawa kanyape me iceng, piny lung oko doko col paka tuno esawa kanyangon me otieno. 46#Sabuli 22.1Tetu esawa kanyangon, Yesu oko kok kede dwane amalo be, “Eli, Eli lama sabaktani?” Kame dwong mere be, “Rubanga na, Rubanga na, pinyo komio ijala?”
47Jo kame oudo tie cungo kuno owinyo di kiko waco be, “Icuo ni tie lwongo Elia.” 48#Sabuli 69.21Ngat acel kikom gi oko ringo ot kwanyo ecango, en eko keto iye bwini awac, di eko rwako i wi magada eko mino Yesu be ejwijwio.
49Do jo apat oko waco be, “Odarunu ber, omito neno ka Elia oyaro bino lake.”
50Yesu bobo oko kok kede dwan amalo di do eko omo cunye di eko to.
51 #
Yai 26.31-33
Kikano, egoe kame bin poko isenge me tempulo oko yec cako ki malo tuno piny, piny oko yangere, di lela oko belubelun. 52Atesin da oko yabere, di oko yaruno jokacil atot kame bin oto. 53Kakame kiwok kede ki atesin ingei Yesu yaruno, kiko ot i bomba kacil di kiko nyutere but jo katot.
54Bin di ngadwong me isirikalen kede jo apat kame oudo tie karacel kede en pi daro Yesu oneno yangere me piny kede gikame otimere, lworo oko mako gi di kiko waco be, “Ateteni dano ni oudo Wot ka Rubanga.”
55 #
Luka 8.2-3
Mon atot da oudo tie kuno, mon kame bin lubo Yesu i Galilaya di kikonye. Gin oudo kitie neno gikame oudo tie timere i kakabobor. 56Kikom gi oudo tie iye Maria Magadalina, Maria toto me Yakobo kede Yosepu, kede dako ka Sebedayo.
Koyiko Yesu
(Marako 15.42-47; Luka 23.50-56; Yokana 19.38-42)
57Di piny oyuto, icuo kobaro me Arimatea, kame nyinge Yosepu oko ot kuno. Eda oudo bin ebedo ngasiao ka Yesu. 58En bin eoto but Pilato di eko penye kom Yesu; Pilato oko waco be mie. 59Yosepu oko kwanyo kom Yesu eko bono kede esuka acil; 60di eko kete i ates mere kame oudo pwodi eroko nyen i lela, eko loro kidi ati i dog ates di en eko ot tenge. 61Maria Magadalina kede Maria ocelu oudo tie bedo kuno i nyim ates.
Koketo Jo pi Daro Ates
62Oru mere, di do ceng me iikere oudo otiek, jodongo me josaseredoti karacel kede Iparisayon oko ot cokere karacel i nyim Pilato 63#Matayo 16.21; 17.23; 20.19; Marako 8.31; 9.31; 10.33-34; Luka 9.22; 18.31-33kiko waco ne be, “Adwong, wan oyutuno be di pwodi ngaangalo no kuo, oudo ewaco be, ‘Ingei ceng adek abino yaruno bobo.’ 64Pi mano, mi cik me wek dar ates tuno kede di ceng me adek okato, tetekeny kur josiao mege kwal kome di kiko waco ne jo be, ‘En etieko yaruno kikom jo oto,’ kop me angalo noni bino bedo rac kalamo me agege ca.”
65Pilato oko waco ne gi be, “Terunu isirikalen iotunu idarunu kuno kiber bala kame itwerunu.”
66Gin kiko ot di kiko mwono engaro me dog ates kiber, di kiko keto jodar pi neno be kodaro ates kiber.
ទើបបានជ្រើសរើសហើយ៖
Matayo 27: BILKDC13
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Baibuli I Leb Kumam © Bible Society of Uganda, 2013.
Matayo 27
27
Kotero Yesu i nyim Pilato
(Marako 15.1; Luka 23.1-2; Yokana 18.28-32)
1Kakame piny oru kede, jodongo me josaseredoti dedede karacel kede joadongo me piny oko cokere pi moko tam me neko Yesu. 2Gin kiko twene di kiko tere kikete i cing Pilato ngapug.
To ka Yuda
(Tice 1.18-19)
3 #
Tice 1.18-19
Kakame Yuda, ngat kame orupao Yesu, bin oneno kede be kotieko ngolo ne Yesu kop me to, en eko swilaro, di eko dwoko siringi akaya ot adek nogo but jodongo me josaseredoti kede joadongo me piny, 4di ewaco be, “Ango adubo pi rupao dano kame li kede kop, pi mine onyo remo mere.”
Gin kiko dwoko be, “Mano likame mako wan; mano makin.”
5Yuda oko kiro sente piny i tempulo di eko yai eoto tenge di eko dere.
6Jodongo me josaseredoti oko depo sente ka di kiwaco be, “Iswil likame yei ne wa keto magi i isau kame okano iye sente me tempulo, pien gin kibedo sente kame koonyo kede remo.” 7Kikano gin kiko poro kop karacel di kiko wilo poto me ngacwei agune kede sente nogo, pi bedo kakame koyiko iye jokumbor. 8Gino en komio kolwongo poto nono be Poto me Remo tuno tin.
9 #
Sakaria 11.12-13
Di do gikame bin enabi Yeremia owaco oko cobere kakare, kame yamo be, “Kiko kwanyo siringi ot adek akaya, en wel kame jo mogo me Isirael oudo oyei culo i kome. 10Kiko wilo poto me ngacwei agune kede sente nogo, bala kame Rwot onyuto na.”
Pilato Opepenyo Yesu
(Marako 15.2-5; Luka 23.3-5; Yokana 18.33-38)
11Yesu oko cungo i nyim ngapug me Roma, kame oko penye be, “In ibedo abaka me Iyudayan?”
Yesu oko dwoko be, “In en iwaco kamanono.” 12Do kakame jodongo me josaseredoti kede joadongo me piny opide kede, en likame eko dwoko kop moro.
13Di do Pilato oko penye be, “Mam itie winyo kope atot kame kitie pidi iye?”
14Do Yesu likame oko dwoko ne kop moro akadi acel i kom gi dedede kame kopide iye. Ngapug oko uro adikinicel.
Kongolo ne Yesu Kop me To
(Marako 15.6-15; Luka 23.13-25; Yokana 18.39—19.16)
15Bin i kare dedede me Ebaga me Kalamo, ngapug me Roma oudo onare gonyo ne jo mabus acel kame gin kimito be gony ne gi. 16I kare nono oudo tie mabus acel kame wie rac, kame nyinge Baraba. 17Kakame jo oudo otieko cokere kede karacel, Pilato oko penyo gi be, “Imitunu be agony ne wu ngai? Baraba arabo Yesu kame kolwongo be Kirisito?” 18Pien oudo en engeo be jotel me Iyudayan kede joadongo me piny bin omio Yesu i cinge pi nyeko gi.
19Kakame Pilato oudo tie bedo kede i kom me ngolo kop, dako mere oko cwano ne kop be, “Kur itim gimoro i kom dano no, en eli kede kop moro, pien oki iwor ango oudo abedo i peko adikinicel pi lek kame abedo tie kede i kome.”
20Jodongo me josaseredoti kede joadongo me piny oko supo jo pi penyo be gony ne gi Baraba, di oko neko Yesu. 21Ngapug bobo oko penyo gi be, “Ngai kikom jo are gi en kame wun imitunu be ango agony ne wu?”
Gin kiko dwoko be, “Baraba.”
22Pilato oko penyo gi be, “Nyo do kame poore atim ne Yesu kame kolwongo be Kirisito?”
Gin dedede kiko dwoko be, “Wek gure i kom musalaba.”
23Do Pilato oko penyo gi be, “Pinyo, oudo etimo nyo arac?”
Do gin kiko medo lelemo kitek be, “Wek gure i kom musalaba.”
24 #
Iswilia 21.6-9
Kakame Pilato oneno kede be likame ekaruno bobo timo gimoro, doko jo tie mito cako doko ger, en eko kwanyo pii di eko lwoko kede cinge i nyim ekodet me jo di ewaco be, “Ango gira ali kede raco moro i kom onyo remo me dano ni! Kop no mako wun.”
25Jo dedede oko dwoko be, “Wek remo mere bed i wi wan kede i wi idwe wa.”
26Pilato di oko gonyo ne gi Baraba, en eko mino kodao Yesu di eko mine i cing gi pi ot gure i kom musalaba.
Isirikalen Otimo ne Yesu Tim me Anywar
(Marako 15.16-20; Yokana 19.2-3)
27Kikano, isirikalen me ngapug oko tero Yesu i ot me ngapug gi, di kiko coko isirikalen apat dedede me kuno i nyime. 28Kiko gonyo igoen mege di kiko ngapo ne ekanso akwakwar. 29Kiko cweno okuto aluka di kiko rwako ne i wie, di kiko keto magada i cinge tetu cam, kiko donyo riondiko piny i nyime pi nyware di kiwaco be, “Yoga, abaka me Iyudayan!” 30Kiko ngungulo lau i kome, di do kiko kwanyo magada kiko jwato kede wie. 31Kakame kitieko do timo ne kede tim me anywar, kiko gonyo ekanso nono di kiko ngapo ne igoen mege, di do kiko tere tenge pi ot gure i kom musalaba.
Koguro Yesu i kom Musalaba
(Marako 15.21-32; Luka 23.26-43; Yokana 19.17-27)
32Kakame oudo kitie wok kede ki bomba, kiko ngoole i kom icuo moro me Sirene, kame nyinge Simoni, di kiko dine tetek yeno musalaba ka Yesu. 33I kare kame kituno kede kakame kolwongo be Gologota (kame dwong mere be, kabedo me cogowic), 34#Sabuli 69.21gin kiko mino Yesu bwini kame konyalo kede gi akec; do kakame ebilo kede, likame en eko mato.
35 #
Sabuli 22.18
Di do kitieko gure, kiko uco alulu pi udo epone me pokopoko igoen mege. 36Di do gin kiko donyo bedo kuno pi dare. 37I wie malo oudo koketo iye iwandik me kop kame pide, kame somere be, “Man en Yesu, Abaka me Iyudayan.” 38Kiko guro joyak are da karacel kede Yesu, acel i bade tetu cam kede ocelu i bade tetu ngodal.
39 #
Sabuli 22.7; 109.25 Jo kame oudo beo kuno oudo yayango wi gi di kiwaco ne kop me anywar be, 40#Matayo 26.61; Yokana 2.19“In ngat kame oudo iyaro turo tempulo di iko gere pi ceng adek, lakere keni! Ka in Wot ka Rubanga, wok piny ki musalaba.”
41Kamanono da jodongo me josaseredoti, jopwony me Iswil karacel kede joadongo me piny oko donyo nyware di kiwaco be, 42“En elako jo apat, do likame etwero lakere kene. En abaka me Isirael, wek en nan ewok piny ki musalaba, di wan oko bino yei en. 43#Sabuli 22.8En oudo eketo gen mere i kom Rubanga, wek Rubanga nan lake, ka cunye mito. Piento en oudo ewaco be, ‘Ango Wot ka Rubanga.’ ”
44Joyak are kame oudo kogure kede da oko donyo yeyeto en iepone acel nono.
To ka Yesu
(Marako 15.33-41; Luka 23.44-49; Yokana 19.28-30)
45Cako esawa kanyape me iceng, piny lung oko doko col paka tuno esawa kanyangon me otieno. 46#Sabuli 22.1Tetu esawa kanyangon, Yesu oko kok kede dwane amalo be, “Eli, Eli lama sabaktani?” Kame dwong mere be, “Rubanga na, Rubanga na, pinyo komio ijala?”
47Jo kame oudo tie cungo kuno owinyo di kiko waco be, “Icuo ni tie lwongo Elia.” 48#Sabuli 69.21Ngat acel kikom gi oko ringo ot kwanyo ecango, en eko keto iye bwini awac, di eko rwako i wi magada eko mino Yesu be ejwijwio.
49Do jo apat oko waco be, “Odarunu ber, omito neno ka Elia oyaro bino lake.”
50Yesu bobo oko kok kede dwan amalo di do eko omo cunye di eko to.
51 #
Yai 26.31-33
Kikano, egoe kame bin poko isenge me tempulo oko yec cako ki malo tuno piny, piny oko yangere, di lela oko belubelun. 52Atesin da oko yabere, di oko yaruno jokacil atot kame bin oto. 53Kakame kiwok kede ki atesin ingei Yesu yaruno, kiko ot i bomba kacil di kiko nyutere but jo katot.
54Bin di ngadwong me isirikalen kede jo apat kame oudo tie karacel kede en pi daro Yesu oneno yangere me piny kede gikame otimere, lworo oko mako gi di kiko waco be, “Ateteni dano ni oudo Wot ka Rubanga.”
55 #
Luka 8.2-3
Mon atot da oudo tie kuno, mon kame bin lubo Yesu i Galilaya di kikonye. Gin oudo kitie neno gikame oudo tie timere i kakabobor. 56Kikom gi oudo tie iye Maria Magadalina, Maria toto me Yakobo kede Yosepu, kede dako ka Sebedayo.
Koyiko Yesu
(Marako 15.42-47; Luka 23.50-56; Yokana 19.38-42)
57Di piny oyuto, icuo kobaro me Arimatea, kame nyinge Yosepu oko ot kuno. Eda oudo bin ebedo ngasiao ka Yesu. 58En bin eoto but Pilato di eko penye kom Yesu; Pilato oko waco be mie. 59Yosepu oko kwanyo kom Yesu eko bono kede esuka acil; 60di eko kete i ates mere kame oudo pwodi eroko nyen i lela, eko loro kidi ati i dog ates di en eko ot tenge. 61Maria Magadalina kede Maria ocelu oudo tie bedo kuno i nyim ates.
Koketo Jo pi Daro Ates
62Oru mere, di do ceng me iikere oudo otiek, jodongo me josaseredoti karacel kede Iparisayon oko ot cokere karacel i nyim Pilato 63#Matayo 16.21; 17.23; 20.19; Marako 8.31; 9.31; 10.33-34; Luka 9.22; 18.31-33kiko waco ne be, “Adwong, wan oyutuno be di pwodi ngaangalo no kuo, oudo ewaco be, ‘Ingei ceng adek abino yaruno bobo.’ 64Pi mano, mi cik me wek dar ates tuno kede di ceng me adek okato, tetekeny kur josiao mege kwal kome di kiko waco ne jo be, ‘En etieko yaruno kikom jo oto,’ kop me angalo noni bino bedo rac kalamo me agege ca.”
65Pilato oko waco ne gi be, “Terunu isirikalen iotunu idarunu kuno kiber bala kame itwerunu.”
66Gin kiko ot di kiko mwono engaro me dog ates kiber, di kiko keto jodar pi neno be kodaro ates kiber.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Baibuli I Leb Kumam © Bible Society of Uganda, 2013.