Sekaria 9
9
Akitub ngakiro a ngibukui alukidunyet
1 #
Isa 17:1-3; Yer 49:23-27; Amos 1:3-5 #Isa 23:1-18; Ese 26:1–28:26; Yoel 3:4-8; Amos 1:9-10; Mat 11:21-22; Luk 10:13-14 Elimunit Ekapolon Akuj akiroit na ebala,
“Erirae ayong akwap a Adirak
ka ere a Damasko.
Ere loapolon a akwap a Siria,
erai eka Ekapolon Akuj
loger a ngitela a Isirael kadaang.
2Ere a Amas dang,
lo eyei lokukuoru a Adirak,
erai ekeng.
Ngirerea a Tiro ka Sidon dang
ka aosou kech,
eraakasi ngikeng.
3Aduko ngitunga a ere a Tiro
ngawasea naapolok na eyuunotor,
asenokis akwangat etia apua
ka egolit lo etia asakatan alorotin.
4Nakaneni kingolik a,
elemari Ekapolon ibore a Tiro daang,
tachakak ebari keng nanam,
sodi kinom ere.
5 #
Isa 14:29-31; Yer 47:1-7; Ese 25:15-17; Yoel 3:4-8; Amos 1:6-8; Sep 2:5 “Eemi ere a Achikelon
na eanyungarea nguna.
Ani Gasa, kibelebel eriaba.
Ee robo, tani Ekiron,
kainyo engopete nguna igieno ngesi.
Etubor apolou alore a Gasa,
tongopa ngitunga alore a Achikelon.
6Ngitunga lu inyialakina ngajul
kesi elomete Achidod.
Atubori ekinis a Ngipilisti.
7Achakari anakituk kech
akiring na eyakasi ngaakot,
atodema alokel kech
akimuj na italeo akinyam.
Eliworosi lupiyayek ngitunga kang,
kikokis emachar epei alo Yuda.
Ngitunga lua Ekiron,
ikokinete Ngiebus.#9:7 Ngiebus; ngitunga lukolong sek esiaunete akilom Yerusalem, lu apolokini Daudi na alemarea ere.
8Ayong alope etee akwap kang,
eratak ngasigerea nyeetubonorosi kaneni.
Emam ekechiekiaran eringa ebuni lotunga kang,
kainyo engolik tokona a ngakonyen kang
eger lo aboliare kesi.”
Ekapolon lo ebunit
9 #
Mat 21:5; Yoa 12:15 Ee ngitunga a Sion,
talakaros kichurokis!
Ee ngitunga a Yerusalem,
kiremasi lokojokon!
Kingolikisi a, ebunit ekapolon kus,
ebunit ichuruno ani edwangea!
Nakaneni epalaana, edokit esikiria,
isikiria ni erai itasikiria. #Eosio 72:8
10Etubori ngaurukukui a ejie alo Isirael.
Tolema ngangolei a ejie alo Yerusalem.
Ebilibilaario ngakwaaras na ejiere.
Isisili ngesi ngibukui.
Epetakin apolou keng wadaang,
napei ananam a apei tanang nache.
Epetar napei anangolol a Eupurate
tanang losal a akwap.
Ebuunio ngitunga a Akuj
11 #
Apud 24:8 Ebala Ekapolon Akuj kona,
“Kotere achamunet nakichamakin ayong ka esi,
achamunet na eyookinio a ngaakot,
alakakini ayong ngitunga kus anarikonot
ana ikoni aaut na emam ngakipi.
12Esi ngirikon lu ianyut ibore ni igienosi,
tobongutu nawasea kus nakaagongok.
Kalimokinit tokona atamar
kabuakini naajokak ngabuakinet ngaarei.
13Kainyo akudok ayong Yuda loger a akau kang.
Etiliwo Isirael ngimalea kang a amod.
Etiliwori Sion akwara
etijio ngitunga a Giris.”
14Ee robo, eriki Ekapolon Akuj ngitunga keng.
Egumari ngimalea keng loger a akimilea.
Ekapolon lo erai Ekapolon Akuj,
ekutakini aburuch,
kirukut ka ekuwam lo ipiripiri,
lo ekutunit alokuju.
15Akuj Namerikanyer, itee ngitunga keng.
Emunyarete ngitunga ngulu ngimoe kech.
Iwangakinete kesi alojie,
loger a ngitunga alu irakarit epurot,
kiyesasi ngaakot a ngimoe kech.
Eleleunete loger a ngaakot a ngakipeyos,
ana ebukunio anatubwa
tobukokinae lokeno a ngakipeyos.
16Akolongit ngina,
Ekapolon Akuj na erai Akuj kech,
eyuuni kesi,
loger lo eyuunea ekeyokon esipanit keng.
Imaunete kesi anakwap keng
loger a asir ana eyei lokiraun.
17Ee robo, ejoker wadaang a akwap kibuser!
Edwarunete ngisapa ka ngapesur
kotere alalau a akimuj ka emuna lokitetet.
ទើបបានជ្រើសរើសហើយ៖
Sekaria 9: ABIBILIA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBLE SOCIETY OF KENYA (c) 1999
Sekaria 9
9
Akitub ngakiro a ngibukui alukidunyet
1 #
Isa 17:1-3; Yer 49:23-27; Amos 1:3-5 #Isa 23:1-18; Ese 26:1–28:26; Yoel 3:4-8; Amos 1:9-10; Mat 11:21-22; Luk 10:13-14 Elimunit Ekapolon Akuj akiroit na ebala,
“Erirae ayong akwap a Adirak
ka ere a Damasko.
Ere loapolon a akwap a Siria,
erai eka Ekapolon Akuj
loger a ngitela a Isirael kadaang.
2Ere a Amas dang,
lo eyei lokukuoru a Adirak,
erai ekeng.
Ngirerea a Tiro ka Sidon dang
ka aosou kech,
eraakasi ngikeng.
3Aduko ngitunga a ere a Tiro
ngawasea naapolok na eyuunotor,
asenokis akwangat etia apua
ka egolit lo etia asakatan alorotin.
4Nakaneni kingolik a,
elemari Ekapolon ibore a Tiro daang,
tachakak ebari keng nanam,
sodi kinom ere.
5 #
Isa 14:29-31; Yer 47:1-7; Ese 25:15-17; Yoel 3:4-8; Amos 1:6-8; Sep 2:5 “Eemi ere a Achikelon
na eanyungarea nguna.
Ani Gasa, kibelebel eriaba.
Ee robo, tani Ekiron,
kainyo engopete nguna igieno ngesi.
Etubor apolou alore a Gasa,
tongopa ngitunga alore a Achikelon.
6Ngitunga lu inyialakina ngajul
kesi elomete Achidod.
Atubori ekinis a Ngipilisti.
7Achakari anakituk kech
akiring na eyakasi ngaakot,
atodema alokel kech
akimuj na italeo akinyam.
Eliworosi lupiyayek ngitunga kang,
kikokis emachar epei alo Yuda.
Ngitunga lua Ekiron,
ikokinete Ngiebus.#9:7 Ngiebus; ngitunga lukolong sek esiaunete akilom Yerusalem, lu apolokini Daudi na alemarea ere.
8Ayong alope etee akwap kang,
eratak ngasigerea nyeetubonorosi kaneni.
Emam ekechiekiaran eringa ebuni lotunga kang,
kainyo engolik tokona a ngakonyen kang
eger lo aboliare kesi.”
Ekapolon lo ebunit
9 #
Mat 21:5; Yoa 12:15 Ee ngitunga a Sion,
talakaros kichurokis!
Ee ngitunga a Yerusalem,
kiremasi lokojokon!
Kingolikisi a, ebunit ekapolon kus,
ebunit ichuruno ani edwangea!
Nakaneni epalaana, edokit esikiria,
isikiria ni erai itasikiria. #Eosio 72:8
10Etubori ngaurukukui a ejie alo Isirael.
Tolema ngangolei a ejie alo Yerusalem.
Ebilibilaario ngakwaaras na ejiere.
Isisili ngesi ngibukui.
Epetakin apolou keng wadaang,
napei ananam a apei tanang nache.
Epetar napei anangolol a Eupurate
tanang losal a akwap.
Ebuunio ngitunga a Akuj
11 #
Apud 24:8 Ebala Ekapolon Akuj kona,
“Kotere achamunet nakichamakin ayong ka esi,
achamunet na eyookinio a ngaakot,
alakakini ayong ngitunga kus anarikonot
ana ikoni aaut na emam ngakipi.
12Esi ngirikon lu ianyut ibore ni igienosi,
tobongutu nawasea kus nakaagongok.
Kalimokinit tokona atamar
kabuakini naajokak ngabuakinet ngaarei.
13Kainyo akudok ayong Yuda loger a akau kang.
Etiliwo Isirael ngimalea kang a amod.
Etiliwori Sion akwara
etijio ngitunga a Giris.”
14Ee robo, eriki Ekapolon Akuj ngitunga keng.
Egumari ngimalea keng loger a akimilea.
Ekapolon lo erai Ekapolon Akuj,
ekutakini aburuch,
kirukut ka ekuwam lo ipiripiri,
lo ekutunit alokuju.
15Akuj Namerikanyer, itee ngitunga keng.
Emunyarete ngitunga ngulu ngimoe kech.
Iwangakinete kesi alojie,
loger a ngitunga alu irakarit epurot,
kiyesasi ngaakot a ngimoe kech.
Eleleunete loger a ngaakot a ngakipeyos,
ana ebukunio anatubwa
tobukokinae lokeno a ngakipeyos.
16Akolongit ngina,
Ekapolon Akuj na erai Akuj kech,
eyuuni kesi,
loger lo eyuunea ekeyokon esipanit keng.
Imaunete kesi anakwap keng
loger a asir ana eyei lokiraun.
17Ee robo, ejoker wadaang a akwap kibuser!
Edwarunete ngisapa ka ngapesur
kotere alalau a akimuj ka emuna lokitetet.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBLE SOCIETY OF KENYA (c) 1999