Matayo 19
19
Etatami Yesu ngakiro a elakit
(Mariko 10:1-12)
1Na arumorea Yesu ekiruor ngakiro nu, torotok alo Galilaya, toten nakwap a Yudea todoka ekwakaye a angolol a Yorudan. 2Kiwapak asepich a ngitunga nakaalan ngesi kitojok ngesi kesi kaina.
3 #
Siak 1:27; 5:2 Pot Ngiparisayo ngiche esakete akining ngesi kingita tamasi, “Echamakinitae alotal yok elaki ekile aberu keng kotere ibore cha daang ni aronikini ngesi a?”
4Tatachu Yesu tama, “Nyisoma esi ngagiran na ebaasi, kolong anakisiakinet, asubuni Akuj ekile ka aberu a? 5Sodi tolim Akuj tama, ‘Kotere ngakiro nguna, eisikini ekile apakeng ka itiokeng, sodi kiruko ka aberu keng, tarautu kesi luarei ngipei’. 6#Siak 2:24 Nakaneni nyeringa kesi nabo eraakasi ngitunga ngiarei, nakaneni erai itwaan ipei. Nyejoikinit itwaan etiaki ngini kolong emorik Akuj.” #Etal 24:1-4; Mat 5:31
7Kingita Ngiparisayo ngesi tamasi, “Nyo bo alimunitor Musa atamar ani kesaki itwaan akilak aberu keng ejoikinit igirakini abarua na elakit, totiakatar.”
8Tatachu Yesu tama, “Kichamakini Musa esi ilakete ngaberu kus kainyo egogong esi ngakies emam kona kitatamio. Nakaneni peekote ngakiro nguna neni nakolong asubunere akwap. 9#Mat 5:32; 1 Kor 7:10-11 Kalimokinit ayong esi atamar, itwaan cha daang ni elaki aberu keng peelomit aberu, sodi kiuut aberu ache, eliwor ngesi ekaloman.”
10Tolimokis ngirukitos keng ngesi tamasi, “Ani kikote neni ngakiro a ekile ka aberu echamit peiutanario.”
11Tatachak Yesu kesi tama, “Meere akitadapet na aka itwaan kadaang. Erai aka ngulu ainaki Akuj ngakiro nguna. 12Kainyo egelagela ngakiro napenyechamit ngitunga iutanareta. Ngiche eraakasi ni kolong edounere ikote neni. Ngiche ngitunga kolong esikokinete neni. Ngiche erai nyiutarete kotere Apolou a Akuj. Kimiekisi ngulu iwapito akitatamet ngina kiwapa.”
Apiari Yesu ngide luuchik
(Mariko 10:13-16; Luka 18:15-17)
13Torikut ngitunga ngiche ngide nia Yesu esakete ngesi kidokok ngakan keng kidiama kech sodi kilipak. Nakaneni kikilakis ngirukitos keng ngitunga. 14Tama Yesu, “Kimiekisi ngide luuchik pot nikang. Nyiiratakis kesi kainyo erai Apolou a Akuj aka ngulu ikote lu.”
15Kidokok ngakan keng nakies kech, ani erumor torotok kaneni.
Ekile lokabaran
(Mariko 10:17-31; Luka 18:18-30)
16Abuni kolong itwaan nia Yesu kingit tama, “Eketataman, nyo niajokon ejoikinit ayong asubi ataanyunea akiyar na nyedaun?”
17Tatachak Yesu tama, “Nyo kingisitor iyong ayong atamar nyoni ejok? Eyei epei bon lo ejok. Kiwap ngitalio a Akuj kisaki aanyun akiyar.”
18Tatachu tama, “Alutalio?” Tatachak Yesu tama, “Nyiiar, nyiilom, nyiikoko, nyiiruor ngakiro na eraakasi alioko. 19#Apud 20:13-16; Etal 5:17-20 Toker apakon ka itiokon, sodi tominak ekidunyet kon loger lo iminar iyong elope akwaan kon.” #Apud 20:12; Etal 5:16; Lawi 19:18
20Tatachu ekile ngolo tama, “Erichunit ayong ngitalio ngulu daang. Nyo iche echamit ayong asubi?”
21Tolimok Yesu ngesi tama, “Ani kisaki iyong araun itwaan ni ikiuna noi, kape togiela ibore daang ni itingit iyong, tokoranak ngikebootok ngaropiyae, sodi min ebari kon kidiama nadis. Ani erumor bu kiwapak ayong.”
22Na eirarea ekile ngolo nguna, torotok esinyit kainyo abarit ngesi noi.
23Tolimok Yesu nabo ngirukitos keng tama, “Kalimokinit ayong esi ngakiro na iteni dir abala: egogong noi ngikabarak alomar Napolou a Akuj. 24Alimunit nabo na abala, ebeben ekaal akitor napedot a emutu idwangit eger lo elomarea ekabaran Napolou a Akuj.”
25Na eirareta ngirukitos keng nguna, toiliilikis noi kingita tamasi, “Ani ngae epedori ayuun?”
26Tokienyik Yesu kesi tatachak tama, “Nyepedorosi nguna alotunga, nakaneni ani a Akuj, epedorosi ngakiro daang.”
27 #
Mat 25:31; Luk 22:30 Tolim Petero ngakiro na ekeunit tama, “Tokona abe kiisik bo kolong sua ibore daang kiwapak iyong. Nyoni kianyuni sua?”
28Tolimok Yesu kesi tama, “Toyena atamar akolongit na iboikinor Lokookeng a Itwaan Napolou keng, kilochoi ibore daang toliwor ikitetet, tani esi dang lutomon ka ngiarei lu iraakasi ngirukitos kang, iboikinosi lokicholongo ngitomon ka ngiarei a Napolou, kirirata ngitela lutomon ka ngiarei a Isirael. 29Itwaan daang ni aisiki awi keng, kori ngikaitotoi ka ngakaitotoi keng, kori apa ka itiokeng, kori ngide, kori ngamanat keng kotere ayong, einakinio ngainakinet nakaalak na idwangito amiat apei taanyunite akiyar na nyedaun. 30#Mat 20:16; Luk 13:30 Nakaneni ngikaalak lu ingarenete tokona, isidiyorosi, ngikaalak lu isidiyete tokona, ingarenikinete.
ទើបបានជ្រើសរើសហើយ៖
Matayo 19: ABIBILIA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBLE SOCIETY OF KENYA (c) 1999
Matayo 19
19
Etatami Yesu ngakiro a elakit
(Mariko 10:1-12)
1Na arumorea Yesu ekiruor ngakiro nu, torotok alo Galilaya, toten nakwap a Yudea todoka ekwakaye a angolol a Yorudan. 2Kiwapak asepich a ngitunga nakaalan ngesi kitojok ngesi kesi kaina.
3 #
Siak 1:27; 5:2 Pot Ngiparisayo ngiche esakete akining ngesi kingita tamasi, “Echamakinitae alotal yok elaki ekile aberu keng kotere ibore cha daang ni aronikini ngesi a?”
4Tatachu Yesu tama, “Nyisoma esi ngagiran na ebaasi, kolong anakisiakinet, asubuni Akuj ekile ka aberu a? 5Sodi tolim Akuj tama, ‘Kotere ngakiro nguna, eisikini ekile apakeng ka itiokeng, sodi kiruko ka aberu keng, tarautu kesi luarei ngipei’. 6#Siak 2:24 Nakaneni nyeringa kesi nabo eraakasi ngitunga ngiarei, nakaneni erai itwaan ipei. Nyejoikinit itwaan etiaki ngini kolong emorik Akuj.” #Etal 24:1-4; Mat 5:31
7Kingita Ngiparisayo ngesi tamasi, “Nyo bo alimunitor Musa atamar ani kesaki itwaan akilak aberu keng ejoikinit igirakini abarua na elakit, totiakatar.”
8Tatachu Yesu tama, “Kichamakini Musa esi ilakete ngaberu kus kainyo egogong esi ngakies emam kona kitatamio. Nakaneni peekote ngakiro nguna neni nakolong asubunere akwap. 9#Mat 5:32; 1 Kor 7:10-11 Kalimokinit ayong esi atamar, itwaan cha daang ni elaki aberu keng peelomit aberu, sodi kiuut aberu ache, eliwor ngesi ekaloman.”
10Tolimokis ngirukitos keng ngesi tamasi, “Ani kikote neni ngakiro a ekile ka aberu echamit peiutanario.”
11Tatachak Yesu kesi tama, “Meere akitadapet na aka itwaan kadaang. Erai aka ngulu ainaki Akuj ngakiro nguna. 12Kainyo egelagela ngakiro napenyechamit ngitunga iutanareta. Ngiche eraakasi ni kolong edounere ikote neni. Ngiche ngitunga kolong esikokinete neni. Ngiche erai nyiutarete kotere Apolou a Akuj. Kimiekisi ngulu iwapito akitatamet ngina kiwapa.”
Apiari Yesu ngide luuchik
(Mariko 10:13-16; Luka 18:15-17)
13Torikut ngitunga ngiche ngide nia Yesu esakete ngesi kidokok ngakan keng kidiama kech sodi kilipak. Nakaneni kikilakis ngirukitos keng ngitunga. 14Tama Yesu, “Kimiekisi ngide luuchik pot nikang. Nyiiratakis kesi kainyo erai Apolou a Akuj aka ngulu ikote lu.”
15Kidokok ngakan keng nakies kech, ani erumor torotok kaneni.
Ekile lokabaran
(Mariko 10:17-31; Luka 18:18-30)
16Abuni kolong itwaan nia Yesu kingit tama, “Eketataman, nyo niajokon ejoikinit ayong asubi ataanyunea akiyar na nyedaun?”
17Tatachak Yesu tama, “Nyo kingisitor iyong ayong atamar nyoni ejok? Eyei epei bon lo ejok. Kiwap ngitalio a Akuj kisaki aanyun akiyar.”
18Tatachu tama, “Alutalio?” Tatachak Yesu tama, “Nyiiar, nyiilom, nyiikoko, nyiiruor ngakiro na eraakasi alioko. 19#Apud 20:13-16; Etal 5:17-20 Toker apakon ka itiokon, sodi tominak ekidunyet kon loger lo iminar iyong elope akwaan kon.” #Apud 20:12; Etal 5:16; Lawi 19:18
20Tatachu ekile ngolo tama, “Erichunit ayong ngitalio ngulu daang. Nyo iche echamit ayong asubi?”
21Tolimok Yesu ngesi tama, “Ani kisaki iyong araun itwaan ni ikiuna noi, kape togiela ibore daang ni itingit iyong, tokoranak ngikebootok ngaropiyae, sodi min ebari kon kidiama nadis. Ani erumor bu kiwapak ayong.”
22Na eirarea ekile ngolo nguna, torotok esinyit kainyo abarit ngesi noi.
23Tolimok Yesu nabo ngirukitos keng tama, “Kalimokinit ayong esi ngakiro na iteni dir abala: egogong noi ngikabarak alomar Napolou a Akuj. 24Alimunit nabo na abala, ebeben ekaal akitor napedot a emutu idwangit eger lo elomarea ekabaran Napolou a Akuj.”
25Na eirareta ngirukitos keng nguna, toiliilikis noi kingita tamasi, “Ani ngae epedori ayuun?”
26Tokienyik Yesu kesi tatachak tama, “Nyepedorosi nguna alotunga, nakaneni ani a Akuj, epedorosi ngakiro daang.”
27 #
Mat 25:31; Luk 22:30 Tolim Petero ngakiro na ekeunit tama, “Tokona abe kiisik bo kolong sua ibore daang kiwapak iyong. Nyoni kianyuni sua?”
28Tolimok Yesu kesi tama, “Toyena atamar akolongit na iboikinor Lokookeng a Itwaan Napolou keng, kilochoi ibore daang toliwor ikitetet, tani esi dang lutomon ka ngiarei lu iraakasi ngirukitos kang, iboikinosi lokicholongo ngitomon ka ngiarei a Napolou, kirirata ngitela lutomon ka ngiarei a Isirael. 29Itwaan daang ni aisiki awi keng, kori ngikaitotoi ka ngakaitotoi keng, kori apa ka itiokeng, kori ngide, kori ngamanat keng kotere ayong, einakinio ngainakinet nakaalak na idwangito amiat apei taanyunite akiyar na nyedaun. 30#Mat 20:16; Luk 13:30 Nakaneni ngikaalak lu ingarenete tokona, isidiyorosi, ngikaalak lu isidiyete tokona, ingarenikinete.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBLE SOCIETY OF KENYA (c) 1999