Matayo 17
17
Akibelo a Yesu
(Mariko 9:2-13; Luka 9:28-36)
1Adaunet a ngirwa a ngikan-kapei, abu Yesu toriko Petero ka Yakobo ta Yoana lu araakasi ngikaitotoi, todokasi kesi make kidiama emoru lokooyen. 2Kibelei Yesu iteete kesi. Tokwanger ereet keng tomilimil loger a akolong. Tokwangeta ngiworui keng loger a akicha. 3Sodi kingolikis ngirukitos luuni ngulu Musa ka Elija iruorosi ka Yesu. 4Tolimok Petero Yesu tama, “Ekapolon, ejok noi ani kiyakar ngoni ne. Ani kichamit iyong, adukokini ayong ngakais ngauni ne, apei akon, apei aka Musa, nache aka Elija.” 5#Siak 22:2; Etal 18:15; Eosio 42:1; Mat 3:17; 12:18; Mar 1:11; Luk 3:22 Ani eringa ngesi iruorikinit, totiyaun edou loakwaan noi tarap kesi. Kiirasi kesi etoil alodou kangolo ebala, “Lokookang lominat ngesi lo. Ketalakarit ngesi ayong. Topupokisi ngesi!”
6Na eirareta ngirukitos etoil, tadakakinos kwap, tobul noi. 7Bu Yesu tatap kesi tama, “Tonyoutu. Tojongoto aemit.” 8Ani ingoliarete kesi, emam itwaan iche engolikis mati Yesu bon.
9Ani etiyaate alomoru, todungok Yesu kesi ngakiro na abala, “Nyiilimokis itwaan tani ipei akitoodikinet na ingolikis esi anakisingolikinet a Akuj tanang akolongit na iteyarunere Lokookeng a Itwaan.”
10 #
Mal 4:5 Kingita ngirukitos Yesu tamasi, “Nyo ebaatar ngiketatamak a etal ejoikinit Elija ebuni ekingaren?”
11Tatachak Yesu kesi tama, “Iteni ebuni Elija ekingaren sodi tosubak ngakiro daang kitiriyan. 12#Mat 11:14 Nakaneni kalimokinit atamar abu kolong Elija nakaneni emam itwaan ayen ngesi. Tosubeta ngitunga ngesi ngakiro daang na asakete asubea, loger lo moi eboliatar tani Lokookeng a Itwaan.”
13Nakaneni toyena ngirukitos keng atamar eruoro ngesi ngakiro a Yoana Ekebatisan.
Akitangalekin a Yesu edia lo akoporito ngikerep
(Mariko 9:14-29; Luka 9:37-43)
14Na abongoreta kesi nasepich a ngitunga, bu ekile eche nia a Yesu toriedik alongaren keng 15tolim tama, “Ekapolon, kingarak lokookang edeak! Irakanar ngesi lokojokon, echakanakin nakim ka nakipi. 16Ayaunit ayong ngesi lorukitos kon, nakaneni nyitojoka kesi ngesi.”
17Tatachu Yesu tama, “Iraakasi esi ngitunga lu iroko noi nyinupito ngakiro a Akuj. Ejoikinit ayong kiruki ka esi tanang ori? Anaikini ayong ngakiro kus tanang ori? Yautu idia ngini ne.” 18Todungok Yesu Ekipe atamar tolom ani a idia! Tojoker ngesi esaa ngolo.
19 #
Mat 2:21; Mar 11:23; 1 Kor 13:2 Potu ngirukitos a Yesu ni ayei ngesi elope kingita tamasi, “Nyo pekitwarakinea sua Ekipe?”
20Tatachak Yesu kesi tama, “Erai ni nyinupitotor esi lokojokon. Kalimokinit ayong esi dir atamar, tani kedit anupit kus ketia echokit a ekoropus, ilimokinete emoru lo tamasi, ‘Kape kane, toten ama’ sodi torotok. Ipedorete akisub daang! [ 21Akilip na eronere akimuj ngesi epedori akitwarakin Ekipe lo ikoni lo. Emam ibore iche epedori!]”
Alimuni Yesu nabo akiroit a akitu keng
(Mariko 9:30-32; Luka 9:43-45)
22Na achununotor ngirukitos daang wapei alo Galilaya, tolimok Yesu kesi tama, “Aapuu ni erikokinere Lokookeng a Itwaan ngitunga 23lu earete ngesi. Nakaneni akolongit na a ngauni iteyarunio ngesi.”
Apot ngirukitos kialolongo noi.
Alemuunun a ngaropiyae a ekanisa
24 #
Apud 30:13; 38:26 Na ananguneta Yesu ka ngirukitos keng Kaperinaum, pot ngikalemak a ngaropiyae a ekanisa nia Petero kingita tamasi, “Ebukeene Eketataman lokus echur a akai a Akuj a?”
25Tatachak Petero kesi tama, “Ee, ebukeene.” Naalomarea Petero kai, kiruorik Yesu ekingaren tama, “Simon! Esibit iyong kwaai? Ngae ebuki echur a ngikapolok a ngakwapea kanu? Ngikulepek a akwap kori ngitunga a akwap anache?”
26Tatachak Petero ngesi tama, “Ngitunga a akwap anache.”
Tatachu Yesu tama, “Idodiunito ngakiro nguna atamar, nyechamit ngikulepek a akwap ebukete echur. 27Kona nyikisakea kesi toronikis ngakiro nu, kape nanam, tochakak ekorobich nakipi. Ekolia lo irumuni iyong ekingaren, tangaa akituk keng toriam ngaropiyae na itemokino iyong ka ayong kiwaakini kai a Akuj, naa kesi ngaropiyae nguna tatachea echur yok!”
ទើបបានជ្រើសរើសហើយ៖
Matayo 17: ABIBILIA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBLE SOCIETY OF KENYA (c) 1999
Matayo 17
17
Akibelo a Yesu
(Mariko 9:2-13; Luka 9:28-36)
1Adaunet a ngirwa a ngikan-kapei, abu Yesu toriko Petero ka Yakobo ta Yoana lu araakasi ngikaitotoi, todokasi kesi make kidiama emoru lokooyen. 2Kibelei Yesu iteete kesi. Tokwanger ereet keng tomilimil loger a akolong. Tokwangeta ngiworui keng loger a akicha. 3Sodi kingolikis ngirukitos luuni ngulu Musa ka Elija iruorosi ka Yesu. 4Tolimok Petero Yesu tama, “Ekapolon, ejok noi ani kiyakar ngoni ne. Ani kichamit iyong, adukokini ayong ngakais ngauni ne, apei akon, apei aka Musa, nache aka Elija.” 5#Siak 22:2; Etal 18:15; Eosio 42:1; Mat 3:17; 12:18; Mar 1:11; Luk 3:22 Ani eringa ngesi iruorikinit, totiyaun edou loakwaan noi tarap kesi. Kiirasi kesi etoil alodou kangolo ebala, “Lokookang lominat ngesi lo. Ketalakarit ngesi ayong. Topupokisi ngesi!”
6Na eirareta ngirukitos etoil, tadakakinos kwap, tobul noi. 7Bu Yesu tatap kesi tama, “Tonyoutu. Tojongoto aemit.” 8Ani ingoliarete kesi, emam itwaan iche engolikis mati Yesu bon.
9Ani etiyaate alomoru, todungok Yesu kesi ngakiro na abala, “Nyiilimokis itwaan tani ipei akitoodikinet na ingolikis esi anakisingolikinet a Akuj tanang akolongit na iteyarunere Lokookeng a Itwaan.”
10 #
Mal 4:5 Kingita ngirukitos Yesu tamasi, “Nyo ebaatar ngiketatamak a etal ejoikinit Elija ebuni ekingaren?”
11Tatachak Yesu kesi tama, “Iteni ebuni Elija ekingaren sodi tosubak ngakiro daang kitiriyan. 12#Mat 11:14 Nakaneni kalimokinit atamar abu kolong Elija nakaneni emam itwaan ayen ngesi. Tosubeta ngitunga ngesi ngakiro daang na asakete asubea, loger lo moi eboliatar tani Lokookeng a Itwaan.”
13Nakaneni toyena ngirukitos keng atamar eruoro ngesi ngakiro a Yoana Ekebatisan.
Akitangalekin a Yesu edia lo akoporito ngikerep
(Mariko 9:14-29; Luka 9:37-43)
14Na abongoreta kesi nasepich a ngitunga, bu ekile eche nia a Yesu toriedik alongaren keng 15tolim tama, “Ekapolon, kingarak lokookang edeak! Irakanar ngesi lokojokon, echakanakin nakim ka nakipi. 16Ayaunit ayong ngesi lorukitos kon, nakaneni nyitojoka kesi ngesi.”
17Tatachu Yesu tama, “Iraakasi esi ngitunga lu iroko noi nyinupito ngakiro a Akuj. Ejoikinit ayong kiruki ka esi tanang ori? Anaikini ayong ngakiro kus tanang ori? Yautu idia ngini ne.” 18Todungok Yesu Ekipe atamar tolom ani a idia! Tojoker ngesi esaa ngolo.
19 #
Mat 2:21; Mar 11:23; 1 Kor 13:2 Potu ngirukitos a Yesu ni ayei ngesi elope kingita tamasi, “Nyo pekitwarakinea sua Ekipe?”
20Tatachak Yesu kesi tama, “Erai ni nyinupitotor esi lokojokon. Kalimokinit ayong esi dir atamar, tani kedit anupit kus ketia echokit a ekoropus, ilimokinete emoru lo tamasi, ‘Kape kane, toten ama’ sodi torotok. Ipedorete akisub daang! [ 21Akilip na eronere akimuj ngesi epedori akitwarakin Ekipe lo ikoni lo. Emam ibore iche epedori!]”
Alimuni Yesu nabo akiroit a akitu keng
(Mariko 9:30-32; Luka 9:43-45)
22Na achununotor ngirukitos daang wapei alo Galilaya, tolimok Yesu kesi tama, “Aapuu ni erikokinere Lokookeng a Itwaan ngitunga 23lu earete ngesi. Nakaneni akolongit na a ngauni iteyarunio ngesi.”
Apot ngirukitos kialolongo noi.
Alemuunun a ngaropiyae a ekanisa
24 #
Apud 30:13; 38:26 Na ananguneta Yesu ka ngirukitos keng Kaperinaum, pot ngikalemak a ngaropiyae a ekanisa nia Petero kingita tamasi, “Ebukeene Eketataman lokus echur a akai a Akuj a?”
25Tatachak Petero kesi tama, “Ee, ebukeene.” Naalomarea Petero kai, kiruorik Yesu ekingaren tama, “Simon! Esibit iyong kwaai? Ngae ebuki echur a ngikapolok a ngakwapea kanu? Ngikulepek a akwap kori ngitunga a akwap anache?”
26Tatachak Petero ngesi tama, “Ngitunga a akwap anache.”
Tatachu Yesu tama, “Idodiunito ngakiro nguna atamar, nyechamit ngikulepek a akwap ebukete echur. 27Kona nyikisakea kesi toronikis ngakiro nu, kape nanam, tochakak ekorobich nakipi. Ekolia lo irumuni iyong ekingaren, tangaa akituk keng toriam ngaropiyae na itemokino iyong ka ayong kiwaakini kai a Akuj, naa kesi ngaropiyae nguna tatachea echur yok!”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBLE SOCIETY OF KENYA (c) 1999