Akisiakinet 48
48
Apiari Yakobo Epiraim ka Manase
1Ani ekisidi kanguna, tolimokinae Yosep atamar edeak apakeng. Abu ngesi toriko talokookeng luarei lu anyaritae Manase ka Epiraim toloto ni ayei apakeng. 2Ani elimokinio Yakobo atamar abu lokookeng Yosep aanyun ngesi, kitingak akwaan anyoun, kiboikin lokitanda keng. 3Tolimok Yakobo Yosep tama, “Akuj Naationon, abuni kolong nikang ayei ni enyaritae Lus anakwap a Kanaan, katopia ngesi ayong 4ebala, ‘Kingolik a, kainakini ayong iyong ngalesea nakaalak. Epote ngibukui lukaalak anikon, nakaneni ainakini ayong ngalesea kon akwap naga toliwor kesi irumete jik.’ 5Talokookon luarei lukolong iuriuni iyong kane alo Misiri eringa ayong nyebuno, eraakasi talokookang, eraakasi Epiraim ka Manase ngikang loger a Reuben ka Simeon. 6Ani ngulu iuriuni iyong ekisidi, eraakasi ngikon. Etupete ngulu Epiraim ka Manase anibore ani irumete. 7#Siak 28:13-14 Asubi ayong nguna kotere itiokon. Ariangakin ayong na atoanea ngesi anakwap a Kanaan, alo diyete Epirasa, na abongunitor ayong alo Mesopotamia. Atonukak ayong lokwaas a erot alo etenere Epirasa.” (Enyaritae Epirasa tokona Betleem.) #Siak 35:16-19
8Na aanyungarea Yakobo talokookeng a Yosep kingis tama, “Tangae lugu?” 9Tatachak Yosep apakeng tama, “Eraakasi lugu talokookang lu kainakini Akuj ayong ayei nege.” Tolim Yakobo tama, “Toriku kare diyete sodi atopia.” 10Peetee Yakobo akwap lokojokon ani amojongitor. Sodi kitaapia Yosep talokookeng diyete apakeng, sodi tonuak apakeng kesi. 11Ani erumor tolimok Yakobo Yosep tama, “Pekolong etamit ayong atamar aanyungari ereet kon, nakaneni ketaanyu ayong Akuj tani ngide kon!” 12Sodi tolema Yosep talokookeng anakungin a apakeng, ani erumor toriedik tatap ereet ngalup. 13Toriko Yosep talokookeng luarei, Epiraim lo arikit ngesi a akan ana aloteten, kisibak anakan ana alokiedieny a apakeng. Kisiyotoo ngesi kesi diyete apakeng. 14Nakaneni tolunyak Yakobo ngakan keng, kidokok akan na aloteten nakou a Epiraim alo arai echichi, ani akan keng na alokiedieny kidokok nakou a Manase alo epolot. 15Sodi topia ngesi Yosep#48:15 Yosep; edodiunit eger lo apiarea Yakobo Epiraim ka Manase atamar apiarit ngesi Yosep. tama,
“Kimiekisi Akuj nakolong ewapito taapaakang,
Aburaam ka Isaka ngakiro keng,
Akuj na erai ngesi keyoki ayong tanang tokona,
16ka emalaikat lo kayuuni ayong anaaronok kadaang,
topia ngide lugu!
Ekiro kang ka ngirora
kata apaakang Aburaam ka Isaka,
toliworos elimitoe kotere ngide lugu
sodi talalaketa kesi noi anakwap.”
17Ani ingolikini Yosep atamar edokok apakeng akan keng na aloteten nakou a Epiraim, nyeejoikis ngesi ngakiro nguna. Sodi toting ngesi akan esaki alemun anakou a Epiraim kiwaak nakou a Manase. 18Tolimok ngesi apakeng tama, “Nyikote neni apa! Logo ngesi epol. Kidokok kare akan kon na aloteten nakou keng.” 19Nakaneni towou apakeng tolimok tama, “Ayeni, ayeni ayong lokookang. Eliworosi ngalesea a Manase daang ebukut lo epol, nabo eliwor lo eyenikinitae. Tani kikoni neni, eliwor lokaatokeng loochi lo epol noi akidwang ngesi, nabo eliworosi ngalesea keng ngibukui lukaalak.” 20#Ebura 11:21 Sodi topia Yakobo kesi akolongit ngina ebala,
“Ngirora kus kesi epianareta Ngisirael ngitunga ebalasi,
‘Kisikok Akuj esi Epiraim ka Manase.’ ”
Aloger kangolo, kitiliwo Yakobo Epiraim epol ani a Manase.
21Tolimok Yakobo Yosep tama, “Itee tokona iyong dang atamar edikino ayong atoani, nakaneni irukete esi ka Akuj, sodi kitobua ngesi esi nakwap a taapaakus. 22Eyakasi nguna daang, kainak ayong iyong, meere talokaatokon, ewae lo enyaritae Chekem. Erai neni akwap na eyakasi ngalup naketurupak ngikinyam. Ademuni kolong ayong Ngiamor ewae ngolo a ekileng ka akau kang.”
ទើបបានជ្រើសរើសហើយ៖
Akisiakinet 48: ABIBILIA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBLE SOCIETY OF KENYA (c) 1999
Akisiakinet 48
48
Apiari Yakobo Epiraim ka Manase
1Ani ekisidi kanguna, tolimokinae Yosep atamar edeak apakeng. Abu ngesi toriko talokookeng luarei lu anyaritae Manase ka Epiraim toloto ni ayei apakeng. 2Ani elimokinio Yakobo atamar abu lokookeng Yosep aanyun ngesi, kitingak akwaan anyoun, kiboikin lokitanda keng. 3Tolimok Yakobo Yosep tama, “Akuj Naationon, abuni kolong nikang ayei ni enyaritae Lus anakwap a Kanaan, katopia ngesi ayong 4ebala, ‘Kingolik a, kainakini ayong iyong ngalesea nakaalak. Epote ngibukui lukaalak anikon, nakaneni ainakini ayong ngalesea kon akwap naga toliwor kesi irumete jik.’ 5Talokookon luarei lukolong iuriuni iyong kane alo Misiri eringa ayong nyebuno, eraakasi talokookang, eraakasi Epiraim ka Manase ngikang loger a Reuben ka Simeon. 6Ani ngulu iuriuni iyong ekisidi, eraakasi ngikon. Etupete ngulu Epiraim ka Manase anibore ani irumete. 7#Siak 28:13-14 Asubi ayong nguna kotere itiokon. Ariangakin ayong na atoanea ngesi anakwap a Kanaan, alo diyete Epirasa, na abongunitor ayong alo Mesopotamia. Atonukak ayong lokwaas a erot alo etenere Epirasa.” (Enyaritae Epirasa tokona Betleem.) #Siak 35:16-19
8Na aanyungarea Yakobo talokookeng a Yosep kingis tama, “Tangae lugu?” 9Tatachak Yosep apakeng tama, “Eraakasi lugu talokookang lu kainakini Akuj ayong ayei nege.” Tolim Yakobo tama, “Toriku kare diyete sodi atopia.” 10Peetee Yakobo akwap lokojokon ani amojongitor. Sodi kitaapia Yosep talokookeng diyete apakeng, sodi tonuak apakeng kesi. 11Ani erumor tolimok Yakobo Yosep tama, “Pekolong etamit ayong atamar aanyungari ereet kon, nakaneni ketaanyu ayong Akuj tani ngide kon!” 12Sodi tolema Yosep talokookeng anakungin a apakeng, ani erumor toriedik tatap ereet ngalup. 13Toriko Yosep talokookeng luarei, Epiraim lo arikit ngesi a akan ana aloteten, kisibak anakan ana alokiedieny a apakeng. Kisiyotoo ngesi kesi diyete apakeng. 14Nakaneni tolunyak Yakobo ngakan keng, kidokok akan na aloteten nakou a Epiraim alo arai echichi, ani akan keng na alokiedieny kidokok nakou a Manase alo epolot. 15Sodi topia ngesi Yosep#48:15 Yosep; edodiunit eger lo apiarea Yakobo Epiraim ka Manase atamar apiarit ngesi Yosep. tama,
“Kimiekisi Akuj nakolong ewapito taapaakang,
Aburaam ka Isaka ngakiro keng,
Akuj na erai ngesi keyoki ayong tanang tokona,
16ka emalaikat lo kayuuni ayong anaaronok kadaang,
topia ngide lugu!
Ekiro kang ka ngirora
kata apaakang Aburaam ka Isaka,
toliworos elimitoe kotere ngide lugu
sodi talalaketa kesi noi anakwap.”
17Ani ingolikini Yosep atamar edokok apakeng akan keng na aloteten nakou a Epiraim, nyeejoikis ngesi ngakiro nguna. Sodi toting ngesi akan esaki alemun anakou a Epiraim kiwaak nakou a Manase. 18Tolimok ngesi apakeng tama, “Nyikote neni apa! Logo ngesi epol. Kidokok kare akan kon na aloteten nakou keng.” 19Nakaneni towou apakeng tolimok tama, “Ayeni, ayeni ayong lokookang. Eliworosi ngalesea a Manase daang ebukut lo epol, nabo eliwor lo eyenikinitae. Tani kikoni neni, eliwor lokaatokeng loochi lo epol noi akidwang ngesi, nabo eliworosi ngalesea keng ngibukui lukaalak.” 20#Ebura 11:21 Sodi topia Yakobo kesi akolongit ngina ebala,
“Ngirora kus kesi epianareta Ngisirael ngitunga ebalasi,
‘Kisikok Akuj esi Epiraim ka Manase.’ ”
Aloger kangolo, kitiliwo Yakobo Epiraim epol ani a Manase.
21Tolimok Yakobo Yosep tama, “Itee tokona iyong dang atamar edikino ayong atoani, nakaneni irukete esi ka Akuj, sodi kitobua ngesi esi nakwap a taapaakus. 22Eyakasi nguna daang, kainak ayong iyong, meere talokaatokon, ewae lo enyaritae Chekem. Erai neni akwap na eyakasi ngalup naketurupak ngikinyam. Ademuni kolong ayong Ngiamor ewae ngolo a ekileng ka akau kang.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBLE SOCIETY OF KENYA (c) 1999