Apudunet 2
2
Akidounet a Musa
1Ngirwa ngulu, kiut itwaan a ekitela a Lawi aberu a ekitela keng. 2Topoti aberu ngina kidou ikoku nisapat. Ani ingolikini ngesi atamar arai ikoku niajokon, kidaa a ngilapio a nguuni. 3Ani engopikini kona idai ngesi nabo, tolem akikap na asubunitae a ngataagor sodi kilalak elaam tongop ngakipi kona elomarete tooma. Kiwaak ngesi ikoku nakikap, sodi kirepak tooma lonyia lukooyak ayakasi lokwaas a angolol. 4#Tich 7:20; Ebura 11:23 Towo nakaatokeng a ikoku echadakina, esaki akiyen atamar anukiro esubakinosi anikoku.
5Bu nakookeng a ekapolon a Misiri akilotar anangolol, esaa lo alooso ngakasubak etich keng alokwaas a angolol. Taanyunga ngesi akikap alonyia, tomea akedalan keng alemun. 6Tangaa nakookeng a ekapolon a Misiri akikap sodi taanyunga ikoku nisapat ni egoro. Kisieni ngesi ikoku ngini tolim tama, “Erai ikoku en ipei a ngide a Ngieburaniae.” 7Sodi Tolimok nakaatokeng a ikoku kangini ngesi tama, “Kimiek atolot atanyarau aberu Naeburaniait toliwor akadakan ngesi.” 8Tatachak nakookeng a ekapolon ngesi tama, “Kape kare tanyarau.” Sodi tolot apese ngina toriku itiokeng a ikoku kangini. 9Tolimok nakookeng a ekapolon aberu ngina tama, “Tadaka ikoku nikang en kitan, nakaneni ketanyami ayong iyong ngaropiyae.” Sodi tadaka aberu ngina ikoku kitan. 10#Tich 7:21 Ani ekisidi epolouni ikoku, toriko ngesi nia nakookeng a ekapolon, tadaka ngina ikoku toliwor lokookeng. Tolim ngesi tama, “Eriuni kolong ayong ngesi anakipi, kotere ngakiro nguna, alimokini ayong ngesi ekiro be Musa.”#2:10 Musa; esibit eger a ekiro kalo a Ngaeburaniae ngesi atamar “kiriu”.
Asii Musa tolot Midian
11Ani na apolounio Musa, tolot ngesi aanyun ngitunga keng lu araakasi Ngieburaniae. Taanyunga ngesi eger lo etingakinitere kesi akisub etich loationon. Taanyunga ngesi tani epei a Ngimisiri ibungae Eburaniait lo arai epei a ngitunga a Musa. 12Tongolengolek Musa ani eyenuni atamar emam itwaan ketee, taar Emisirit sodi kidaik akwaan keng nalup. 13#Ebura 11:24 Ani akolongit na a ngaarei, tobongo ngesi torukau Ngieburaniae lukiliok ngiarei ejiete. Kingit ngesi lo asechit tama, “Nyo itijio iyong Eburaniait lo erai erukitos kon?” #Tich 7:23-28
14Kingit ekile ngolo ngesi tama, “Ngae kitiliwori iyong ekapolon ka ekatubon ngakiro kosi? Isaki iyong akiar ayong loger lobeen iarea Emisirit a?” Sodi toem Musa tolim tama, “Keyan ngitunga ngakiro nabeen asubi ayong.” 15#Tich 7:29; Ebura 11:27 Ani na eirarea ekapolon a Misiri ngakiro nguna, tasak akiar Musa.
Sodi todok Musa ani ayei ekapolon a Misiri, tolot akilom nakwap enyaritae Midian. Akolongit apei na ebooyo ngesi alodiyete akar, 16pot tanakookeng a Yesiro alo arai emuron a ngakujo a akwap a Midian. Araakasi tanakookeng a Yesiro ngakan-kaarei. Tookut kesi ngakipi kilelebikis nategerin tamata ngamesekin ka ngaanei a apakech. 17Nakaneni kiritasi ngikeyokok ngiche tanakookeng a Yesiro. Sodi tolot Musa toyuu kesi tookok ngibaren kech ngakipi. 18Ani ebongorete kesi ni ayei apakech, kingit ngesi kesi tama, “Nyo ibongunioto esi akolongit naga atipei kona?” 19Tatachakis kesi ngesi tamasi, “Emisirit ngesi kiyuuni sua ani eyakasi ngikeyokok, sodi kitookok ngesi sua ka ngibaren kosi ngakipi.” 20Kingit ngesi tanakookeng tama, “Nyaali tokona ngesi? Nyo imiekineta esi itwaan ngini ewei anikalapatan? Kapesi tanyarautu ngesi bu emuja ka ngoni.” 21Tacham Musa akiboi ka itwaan ngini. Kipoto Yesiro nakookeng na enyaritae Sipora nak Musa kiut. 22Kidou Sipora ikoku nisapat. Tolim Musa tama, “Arai ayong itwaan ni nyerai akwap naga akang, aloger kangolo, alimokini ayong ngesi ekiro be Gerichom.”#2:22 Gerichom; ikwaan ekiro logo ka akiroit a Ngaeburaniae na erai eger keng atamar “itwaan a akwap a ache”. 23Ani adaunet a ngikaru a ngikaalak, totoan ekapolon a Misiri. Nakaneni aringa Ngisirael eriabasi kotere etich loationon edesikinitae kesi. Egorosi kesi esakete ayuuno. Tanang akigoro kech nia Akuj. 24Sodi kiira Akuj akigoro kech kitam achamunet na achamakin ngesi ka Aburaam, ka Isaka, ta Yakobo. 25#Siak 15:13-14 Taanyunga Akuj eger lo aboliare Ngisirael, toliwor itee kesi.#2:25 itee kesi; igiritae nakitab ache nangorot atamar kidodiun Akuj anikech.
ទើបបានជ្រើសរើសហើយ៖
Apudunet 2: ABIBILIA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBLE SOCIETY OF KENYA (c) 1999
Apudunet 2
2
Akidounet a Musa
1Ngirwa ngulu, kiut itwaan a ekitela a Lawi aberu a ekitela keng. 2Topoti aberu ngina kidou ikoku nisapat. Ani ingolikini ngesi atamar arai ikoku niajokon, kidaa a ngilapio a nguuni. 3Ani engopikini kona idai ngesi nabo, tolem akikap na asubunitae a ngataagor sodi kilalak elaam tongop ngakipi kona elomarete tooma. Kiwaak ngesi ikoku nakikap, sodi kirepak tooma lonyia lukooyak ayakasi lokwaas a angolol. 4#Tich 7:20; Ebura 11:23 Towo nakaatokeng a ikoku echadakina, esaki akiyen atamar anukiro esubakinosi anikoku.
5Bu nakookeng a ekapolon a Misiri akilotar anangolol, esaa lo alooso ngakasubak etich keng alokwaas a angolol. Taanyunga ngesi akikap alonyia, tomea akedalan keng alemun. 6Tangaa nakookeng a ekapolon a Misiri akikap sodi taanyunga ikoku nisapat ni egoro. Kisieni ngesi ikoku ngini tolim tama, “Erai ikoku en ipei a ngide a Ngieburaniae.” 7Sodi Tolimok nakaatokeng a ikoku kangini ngesi tama, “Kimiek atolot atanyarau aberu Naeburaniait toliwor akadakan ngesi.” 8Tatachak nakookeng a ekapolon ngesi tama, “Kape kare tanyarau.” Sodi tolot apese ngina toriku itiokeng a ikoku kangini. 9Tolimok nakookeng a ekapolon aberu ngina tama, “Tadaka ikoku nikang en kitan, nakaneni ketanyami ayong iyong ngaropiyae.” Sodi tadaka aberu ngina ikoku kitan. 10#Tich 7:21 Ani ekisidi epolouni ikoku, toriko ngesi nia nakookeng a ekapolon, tadaka ngina ikoku toliwor lokookeng. Tolim ngesi tama, “Eriuni kolong ayong ngesi anakipi, kotere ngakiro nguna, alimokini ayong ngesi ekiro be Musa.”#2:10 Musa; esibit eger a ekiro kalo a Ngaeburaniae ngesi atamar “kiriu”.
Asii Musa tolot Midian
11Ani na apolounio Musa, tolot ngesi aanyun ngitunga keng lu araakasi Ngieburaniae. Taanyunga ngesi eger lo etingakinitere kesi akisub etich loationon. Taanyunga ngesi tani epei a Ngimisiri ibungae Eburaniait lo arai epei a ngitunga a Musa. 12Tongolengolek Musa ani eyenuni atamar emam itwaan ketee, taar Emisirit sodi kidaik akwaan keng nalup. 13#Ebura 11:24 Ani akolongit na a ngaarei, tobongo ngesi torukau Ngieburaniae lukiliok ngiarei ejiete. Kingit ngesi lo asechit tama, “Nyo itijio iyong Eburaniait lo erai erukitos kon?” #Tich 7:23-28
14Kingit ekile ngolo ngesi tama, “Ngae kitiliwori iyong ekapolon ka ekatubon ngakiro kosi? Isaki iyong akiar ayong loger lobeen iarea Emisirit a?” Sodi toem Musa tolim tama, “Keyan ngitunga ngakiro nabeen asubi ayong.” 15#Tich 7:29; Ebura 11:27 Ani na eirarea ekapolon a Misiri ngakiro nguna, tasak akiar Musa.
Sodi todok Musa ani ayei ekapolon a Misiri, tolot akilom nakwap enyaritae Midian. Akolongit apei na ebooyo ngesi alodiyete akar, 16pot tanakookeng a Yesiro alo arai emuron a ngakujo a akwap a Midian. Araakasi tanakookeng a Yesiro ngakan-kaarei. Tookut kesi ngakipi kilelebikis nategerin tamata ngamesekin ka ngaanei a apakech. 17Nakaneni kiritasi ngikeyokok ngiche tanakookeng a Yesiro. Sodi tolot Musa toyuu kesi tookok ngibaren kech ngakipi. 18Ani ebongorete kesi ni ayei apakech, kingit ngesi kesi tama, “Nyo ibongunioto esi akolongit naga atipei kona?” 19Tatachakis kesi ngesi tamasi, “Emisirit ngesi kiyuuni sua ani eyakasi ngikeyokok, sodi kitookok ngesi sua ka ngibaren kosi ngakipi.” 20Kingit ngesi tanakookeng tama, “Nyaali tokona ngesi? Nyo imiekineta esi itwaan ngini ewei anikalapatan? Kapesi tanyarautu ngesi bu emuja ka ngoni.” 21Tacham Musa akiboi ka itwaan ngini. Kipoto Yesiro nakookeng na enyaritae Sipora nak Musa kiut. 22Kidou Sipora ikoku nisapat. Tolim Musa tama, “Arai ayong itwaan ni nyerai akwap naga akang, aloger kangolo, alimokini ayong ngesi ekiro be Gerichom.”#2:22 Gerichom; ikwaan ekiro logo ka akiroit a Ngaeburaniae na erai eger keng atamar “itwaan a akwap a ache”. 23Ani adaunet a ngikaru a ngikaalak, totoan ekapolon a Misiri. Nakaneni aringa Ngisirael eriabasi kotere etich loationon edesikinitae kesi. Egorosi kesi esakete ayuuno. Tanang akigoro kech nia Akuj. 24Sodi kiira Akuj akigoro kech kitam achamunet na achamakin ngesi ka Aburaam, ka Isaka, ta Yakobo. 25#Siak 15:13-14 Taanyunga Akuj eger lo aboliare Ngisirael, toliwor itee kesi.#2:25 itee kesi; igiritae nakitab ache nangorot atamar kidodiun Akuj anikech.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
BIBLE SOCIETY OF KENYA (c) 1999