Mak 5
5
Jisas mwa Barahu Atatu Vui Hantai mwa Lolia
(Mat 8.28-34; Luk 8.26-39)
1Haḡe Jisas mai non roron̄tai ram botu haltavalun numbu gaivua Kalili lol vanua Kerasa. 2Ataguna be Jisas mwa mwalue nin waḡa, kea mwa bisogari bul mai atatu gabe mwa bwihavare nin malan̄an atatmate. Wani uhu vui hantai alolona 3kea mwa dogo lol malan̄ara atatmate. Atatu ram hav mom bauhi te dumwia gin gaotalai; 4vaivusi bwalagena gairua mai limana saraḡo mwa bauhian batugehi tagaro take mwa lol n̄andu gao talai i mwa momogai lok aean gabe ran lok batugehi bwalagena ginia. Atatu ram hav mom dadariha tehe mai non muramura be rav to ḡoro dumwia. 5Vataha bon̄i mai rani mwa lagoi lolon malan̄an atatmate duluai, mwa haharigi lalavoa i mwa dav rebehina gin vatu.
6Kea nu tu hautu batena mwa ḡita Jisas; mwa rovo, vaivotu mwa sisiabwau hurin bwalagena, 7mwa haharigi gin silo gaivua mwa bevea be, “Jisas Nitun God Holomare Hae! Gom doron be gov lol hano maiau? La ihan God, nam hudalinigo be gosav vevegiau tehe!” 8(Mwa avo kun uhu bwatuna Jisas nu vevea lalainia be, “Vui hantai bwihavare nin atatu uhu!”)
9Haḡe Jisas mwa hudalinia be, “Ihamwa ihei?”
Atatu gea mwa bwaliua be “Ihaku ‘Mob.’ Kamai ivusi!” 10Vui hantai mwa hudali Jisas be si hav hora te dagainira nin vanua gea.
11Aia vatugin boe ivusi nu van̄aniana la balsin vusi. 12Haḡe vui hantai ram hudali Jisas, ram bevea be, “Hora kamai vai lol boe, be gav haroro alolora.” 13Haḡe mwa mahin̄ainira, vui hantai ram bwihavare nin atatu gea i ram haroro lol boe duluai. Vatugigi duluai kun vasan̄val varua ram rovo vai la balsin bahara vai lol numbu gaivua i ram mate duluai.
14Kera gabe ran gitaḡoro boe duluai gea ram romaragai ram ban vai lol bwatutun vanua i abera gabe ram gitaḡoro ute loloara ram bat avoana huri hano be nu loli. Haḡe sinombu duluai ram ban be ramen gita havanau gabe nu loli, 15i batena ram mai aben Jisas ram ḡita atatu gabe vui hantai ran tu alolona. Kea mwa do aia, nu sagasaga i binihina nu mai tavuha mulei huba; i kera duluai ram matagu. 16Kera gabe ran gitae ram bevea lalai sinombu huri ginau gabe nu loli lalai wani gabe vui hantai ran tu alolona, i huri boe duluai.
17Haḡe kera ram dau bwatuna ram hudali Jisas be men van dagai nin vanuara.
18Haḡe Jisas mwa ḡalo la waḡa vwate. Atatu gabe vui hantai ran mwalue ninia mwa hudalinia be, “Mahin̄a be nav van bul maigo!”
19Take Jisas mwa bisigai. Mwa bevea lalainia be, “Gov tabagil mulei vai la imwa aben ira tuamwa ba bevea lalainira huri havanau gabe Ratahigi nu lolia lalainigo, kun hanigi kea mwa ḡita dabego lol non sine hagavi.”
20Atatu gea mwa ban sivi Bwatutun Vanua Han̄vulu mwa bev lua ginau gabe Jisas nu lolia lalainia; kera duluai gabe ram ron̄ duluai ginau uhu ram dan̄an̄a maragai huria.
Daulato Nitun Jaerus mai Vavine gabe nu Sibweri Gaisagan Jisas
(Mat 9.18-26; Luk 8.40-56)
21Jisas mwa dabagilu mulei vai haltavalun numbu gaivua. Aia la balsin numbu sinombu gaivua ram mai ram ḡoḡo dalisia. 22Jaerus kea lavoa vai lol imwa tataro mwa hamai, mahavana gabe mwa ḡita Jisas kea mwa hivbahudui lol bwalagena la lolmatana 23mwa hudalinia gin binihimarahi be, “Nituku vavine tirigi mwa haro maragai. Nam hudali maragainigo huria be gov tau limwamwa aluna, i kea vi rahu i vi togo mulei!”
24Haḡe Jisas mwa ban bul maia. Sinombu ivusi maragai ram ban bul mai Jisas i ram bivirira ataguna i ram ban ḡoro lolmatana i dalisia duluai.
25Alolora vavine vwate mwa haro maragai gin daga rovrovo huri taulu han̄vul domwan gairua, 26ira matatavwaga ram lol ron̄oe be rav varahua ta mwa hav dumwi tehe, rahuna mwa hantai liu nin amua. Mahavana ivusi nu gitara huria ta ram hav bului te dumwia, non homu nu nogo huria. 27Kea mwa ron̄oe huri Jisas i mwa mai bul mai sinombu ataguna, 28mwa bevea mau sibona be, “Be nas sibweri dum gaisagana, nas rahu mulei.”
29Haḡe kea mwa sibweri ḡeregeren gaisagan Jisas i daga rovrovo mwa lin̄ia darihou, i kea mwa ron̄ batoia lol rebehina be mwa rahu nin non harova. 30Haḡe vilehi Jisas mwa ron̄ batoia be muramura mwa mwalue ninia. Haḡe mwa ban burigai lol sinombu mwa bevea be, “Ihei mwa sibweri gaisagaku?”
31Take non roron̄tai ram bwaliua ram bevea be, “Gom ḡitae be sinombu ivusi ram bivirigo, huri hano gom bevea be ihei mwa sibwerigo?”
32Take Jisas mwa ḡarere dalisira be men habwea be ihei mwa sibweria. 33Haḡe vavine mwa binihi dum havanau gabe nu loli lalainia, kea mwa mai gin mataguana gaivua mwa hivbwaubwau hurin bwalagena, mwa bev lua mwasigi huri ginau gabe nu loli. 34Haḡe Jisas mwa bevea lalainia be, “Nituku, nom binihimwasigi garagusi mwa barahugo sibomwa. Vano lol tamwata, i gov rahu nin nom harova.”
35Mahavana be Jisas mwa bev ginau uhu, horata non Jaerus ram mai aben Jaerus ram bevea lalainia be, “Nitumwa daulato nu mate. Gosav lol te bidoi vagahi huria?”
36Jisas mwa hav roron̄tai te hano ram bevea, take mwa bevea lalainia be, “Gosav matagu tehe, ta gov binihimwasigi n̄an!” 37Kea mwa hav mahin̄a te be atat dodolua rav van bul maia take Pita i Semes bul mai tuana Jon. 38Kera ram botui imwan lavoa Jaerus i Jisas mwa ḡita ginau duluai gabe mwa loli, deiana mai sosobweroan gaivua. 39Kea mwa haroro mwa bevea lalainira gabe ram dei be, “Hurihano gim sosobwero? Gim dei huri hano? Naturigi mwa hav mate tehe take mwa maturu.”
40Take ram manuhia, i mwa ḡoro luara duluai vai avare, mwa lai taman naturigi mai ratahina i non roron̄tai gaitolu ram haroro lol vwavwan imwa gabe naturigi mwa en aia. 41Mwa haḡoe la limana, mwa bevea lalainia be, “Talita kum,” binihiva be, “Vavin kolo, tomare nam bevea lalainigo!”
42Kea mwa domare darihou i mwa lago. (Tauluna kun han̄vul domwan gairua.) Mahavana be ram ḡita ginau uhu ram dan̄an̄a maragai! 43Jisas mwa av wasi lalainira be rasav vevea te lalai irahei dolua, i mwa bevea be, “Gin lai ginaganiana lalainia ba vi gania.”
ទើបបានជ្រើសរើសហើយ៖
Mak 5: HNB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific
Mak 5
5
Jisas mwa Barahu Atatu Vui Hantai mwa Lolia
(Mat 8.28-34; Luk 8.26-39)
1Haḡe Jisas mai non roron̄tai ram botu haltavalun numbu gaivua Kalili lol vanua Kerasa. 2Ataguna be Jisas mwa mwalue nin waḡa, kea mwa bisogari bul mai atatu gabe mwa bwihavare nin malan̄an atatmate. Wani uhu vui hantai alolona 3kea mwa dogo lol malan̄ara atatmate. Atatu ram hav mom bauhi te dumwia gin gaotalai; 4vaivusi bwalagena gairua mai limana saraḡo mwa bauhian batugehi tagaro take mwa lol n̄andu gao talai i mwa momogai lok aean gabe ran lok batugehi bwalagena ginia. Atatu ram hav mom dadariha tehe mai non muramura be rav to ḡoro dumwia. 5Vataha bon̄i mai rani mwa lagoi lolon malan̄an atatmate duluai, mwa haharigi lalavoa i mwa dav rebehina gin vatu.
6Kea nu tu hautu batena mwa ḡita Jisas; mwa rovo, vaivotu mwa sisiabwau hurin bwalagena, 7mwa haharigi gin silo gaivua mwa bevea be, “Jisas Nitun God Holomare Hae! Gom doron be gov lol hano maiau? La ihan God, nam hudalinigo be gosav vevegiau tehe!” 8(Mwa avo kun uhu bwatuna Jisas nu vevea lalainia be, “Vui hantai bwihavare nin atatu uhu!”)
9Haḡe Jisas mwa hudalinia be, “Ihamwa ihei?”
Atatu gea mwa bwaliua be “Ihaku ‘Mob.’ Kamai ivusi!” 10Vui hantai mwa hudali Jisas be si hav hora te dagainira nin vanua gea.
11Aia vatugin boe ivusi nu van̄aniana la balsin vusi. 12Haḡe vui hantai ram hudali Jisas, ram bevea be, “Hora kamai vai lol boe, be gav haroro alolora.” 13Haḡe mwa mahin̄ainira, vui hantai ram bwihavare nin atatu gea i ram haroro lol boe duluai. Vatugigi duluai kun vasan̄val varua ram rovo vai la balsin bahara vai lol numbu gaivua i ram mate duluai.
14Kera gabe ran gitaḡoro boe duluai gea ram romaragai ram ban vai lol bwatutun vanua i abera gabe ram gitaḡoro ute loloara ram bat avoana huri hano be nu loli. Haḡe sinombu duluai ram ban be ramen gita havanau gabe nu loli, 15i batena ram mai aben Jisas ram ḡita atatu gabe vui hantai ran tu alolona. Kea mwa do aia, nu sagasaga i binihina nu mai tavuha mulei huba; i kera duluai ram matagu. 16Kera gabe ran gitae ram bevea lalai sinombu huri ginau gabe nu loli lalai wani gabe vui hantai ran tu alolona, i huri boe duluai.
17Haḡe kera ram dau bwatuna ram hudali Jisas be men van dagai nin vanuara.
18Haḡe Jisas mwa ḡalo la waḡa vwate. Atatu gabe vui hantai ran mwalue ninia mwa hudalinia be, “Mahin̄a be nav van bul maigo!”
19Take Jisas mwa bisigai. Mwa bevea lalainia be, “Gov tabagil mulei vai la imwa aben ira tuamwa ba bevea lalainira huri havanau gabe Ratahigi nu lolia lalainigo, kun hanigi kea mwa ḡita dabego lol non sine hagavi.”
20Atatu gea mwa ban sivi Bwatutun Vanua Han̄vulu mwa bev lua ginau gabe Jisas nu lolia lalainia; kera duluai gabe ram ron̄ duluai ginau uhu ram dan̄an̄a maragai huria.
Daulato Nitun Jaerus mai Vavine gabe nu Sibweri Gaisagan Jisas
(Mat 9.18-26; Luk 8.40-56)
21Jisas mwa dabagilu mulei vai haltavalun numbu gaivua. Aia la balsin numbu sinombu gaivua ram mai ram ḡoḡo dalisia. 22Jaerus kea lavoa vai lol imwa tataro mwa hamai, mahavana gabe mwa ḡita Jisas kea mwa hivbahudui lol bwalagena la lolmatana 23mwa hudalinia gin binihimarahi be, “Nituku vavine tirigi mwa haro maragai. Nam hudali maragainigo huria be gov tau limwamwa aluna, i kea vi rahu i vi togo mulei!”
24Haḡe Jisas mwa ban bul maia. Sinombu ivusi maragai ram ban bul mai Jisas i ram bivirira ataguna i ram ban ḡoro lolmatana i dalisia duluai.
25Alolora vavine vwate mwa haro maragai gin daga rovrovo huri taulu han̄vul domwan gairua, 26ira matatavwaga ram lol ron̄oe be rav varahua ta mwa hav dumwi tehe, rahuna mwa hantai liu nin amua. Mahavana ivusi nu gitara huria ta ram hav bului te dumwia, non homu nu nogo huria. 27Kea mwa ron̄oe huri Jisas i mwa mai bul mai sinombu ataguna, 28mwa bevea mau sibona be, “Be nas sibweri dum gaisagana, nas rahu mulei.”
29Haḡe kea mwa sibweri ḡeregeren gaisagan Jisas i daga rovrovo mwa lin̄ia darihou, i kea mwa ron̄ batoia lol rebehina be mwa rahu nin non harova. 30Haḡe vilehi Jisas mwa ron̄ batoia be muramura mwa mwalue ninia. Haḡe mwa ban burigai lol sinombu mwa bevea be, “Ihei mwa sibweri gaisagaku?”
31Take non roron̄tai ram bwaliua ram bevea be, “Gom ḡitae be sinombu ivusi ram bivirigo, huri hano gom bevea be ihei mwa sibwerigo?”
32Take Jisas mwa ḡarere dalisira be men habwea be ihei mwa sibweria. 33Haḡe vavine mwa binihi dum havanau gabe nu loli lalainia, kea mwa mai gin mataguana gaivua mwa hivbwaubwau hurin bwalagena, mwa bev lua mwasigi huri ginau gabe nu loli. 34Haḡe Jisas mwa bevea lalainia be, “Nituku, nom binihimwasigi garagusi mwa barahugo sibomwa. Vano lol tamwata, i gov rahu nin nom harova.”
35Mahavana be Jisas mwa bev ginau uhu, horata non Jaerus ram mai aben Jaerus ram bevea lalainia be, “Nitumwa daulato nu mate. Gosav lol te bidoi vagahi huria?”
36Jisas mwa hav roron̄tai te hano ram bevea, take mwa bevea lalainia be, “Gosav matagu tehe, ta gov binihimwasigi n̄an!” 37Kea mwa hav mahin̄a te be atat dodolua rav van bul maia take Pita i Semes bul mai tuana Jon. 38Kera ram botui imwan lavoa Jaerus i Jisas mwa ḡita ginau duluai gabe mwa loli, deiana mai sosobweroan gaivua. 39Kea mwa haroro mwa bevea lalainira gabe ram dei be, “Hurihano gim sosobwero? Gim dei huri hano? Naturigi mwa hav mate tehe take mwa maturu.”
40Take ram manuhia, i mwa ḡoro luara duluai vai avare, mwa lai taman naturigi mai ratahina i non roron̄tai gaitolu ram haroro lol vwavwan imwa gabe naturigi mwa en aia. 41Mwa haḡoe la limana, mwa bevea lalainia be, “Talita kum,” binihiva be, “Vavin kolo, tomare nam bevea lalainigo!”
42Kea mwa domare darihou i mwa lago. (Tauluna kun han̄vul domwan gairua.) Mahavana be ram ḡita ginau uhu ram dan̄an̄a maragai! 43Jisas mwa av wasi lalainira be rasav vevea te lalai irahei dolua, i mwa bevea be, “Gin lai ginaganiana lalainia ba vi gania.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bible Society of the South Pacific