Dalaana 22
22
Fahaꞌi Koope yúh nda Abraham lekohte ri
1Gétëꞌ iñƴaa ɓéeɓ rë, lahte bis, Koo hom olsohi Abraham, won ɗi tih : « Abraham ! » Abraham tiilte won tih : « Yëew ! » 2Koo tahte won tih : « Kolee fu ɓeɓ koy ka lahaꞌ fu yínë kut ra, Isaak fa fahaꞌ fu keeñu ra, fu saañ Moriya. Fu lah na raa, fu hawiɗ soꞌ ri sarahi ay tamu tamo níi sooy sun fi daŋa nay mi roo teeɓe ra. » 3Kéy ɓaaɓ fin cúɓ, Abraham kolohte, ɓesse kilikka na saañ sarahin ra, séffé wë mbaam fi, ɓeɓpe waala yuliɗ tígë húmú túuƴ rí Koope ra ; ɗi kúrëelëhté koohi Isaak a súrgë ana di súrgë yí. 4Tílúu wë níi waali éeyë fë rë, Abraham ɓéyíɗté afi, séenté tígë në suu wa ra. 5Ɗi won súrgë yí tígí daaha tih : « Hëmí ɗoni mbaam fa deh, funi koy soꞌ pay jaamiyoh Koope na ndín, fun nimil ɗon na. » 6Abraham ente koohi Isaak kilikka na saañ sarahin ra ; ɗi fi bah, ɗi ɓeɓpe kíi kë a gaada, wa ñéerúuté na suu. 7Homuu wa waala ra, Isaak won boffi tih : « A baap ! » Abraham tahte won tih : « Ɗi yi koy soꞌ ? » Isaak won ɗi tih : « Yen kúrúté kíi a kilik, ndaa yee nay hawu ra dih ? » 8Abraham tahte won tih : « Koo ot na, ɗi nay onee yee nay hawu ra. » Wa ñéerúuté na suu.
9Lahuu wa tígë húmú wonaꞌ wa Koope ra, Abraham tíkëlsëꞌté i laꞌ daaha, yíppé ílíƴ hawraa, lígínëꞌté kilikka sun, antee pokalsaꞌ koohi Isaak, tíkké rí sun fi kilikki hawraa. 10Abraham yeɗte yaꞌi, ɓeɓpe gaada, saañ ooli koohi koon, 11ndaa malaakii Koo-Yahwee hom sun gokke ri won tih : « Bëyít ! Abraham ! » Ɗi tahte won tih : « Yëew ! » 12Malaakaa won ɗi tih : « Yaꞌu ɓanay lah sun fi kúkëyë, ngana paŋ ri yin misik ! Hém daa fu kaaꞌray ri koy ki yínëe lahaꞌ fu kut raa, mi yúhté wote biti fu neehte Koo. » 13Ɓéyrëꞌ Abraham afi, ɗi ot kuuy har, wicca loŋke dúuf. Ɗi payte kalite har fa, happe ri, tamiɗte ri Yahwee tígí koohi sun fi hawraa níi sooyte. 14Abraham yeɗte tígí daaha tii : « Yahwee ay onaꞌ ». Te níi a woteh, tígí daaha wonuu : « Sun fi daŋi Yahwee, Koo nay onee. » 15Malaakii Yahwee hom sun, dëekëetté Abraham 16won ɗi tih : « Yahwee daa wonaꞌ ro ɗeh : “Hém daa fu kaaꞌray soꞌ koy ka lím fu yínë kut raa, soꞌ mi Koope mee rii añoh ra ee di tii soꞌ, 17may roo barkel níi tígí teem barkel, mi keñil talu níi keñil, séttú caak níi ti hulla sun nen mbée ti peppi feey fa ɓúk kísí fë nen. Te séttú ay ílíf ɓëewë nay waa haaꞌee ra. 18Ñeya ñee fu woni soꞌ ra, ay tah níi may ñeyee séttú në mi barkel ɓëy feey fa ɓéeɓ.” » 19Abraham a koohi koluute, nimilute súrgë yí në ; wa ɓéeɓ ñéerúuté ɓeyute waali faam, wëegísúté Beer-Sebaa homute na.
Koyyi Nahoor
20Gétëꞌ iñƴaa ra, Abraham kelohte biti Milka ɓal límíɗté Nahoor koy-boffi Abraham, i koy ƴaal. 21Saawa hínú Úus, Búus daa ñéedí, ñeete Kemuwel boffi Aram, 22tíkké Keset, Haso, Pildas, Yitlaf, a Betuwel. 23Betuwel daa boffi Rebekaa. Ƴaa daa koyyi ƴaalli peeye ya límíɗ Milka Nahoor koy-boffi Abraham ra. 24Nahoor húmú lahte ɓeleɓ kay bi hínú Rewma. Ɗi lahte i koy ɓal ƴi hínú : Tebah, Gaham, Tahas a Maaka.
ទើបបានជ្រើសរើសហើយ៖
Dalaana 22: NDV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.
Dalaana 22
22
Fahaꞌi Koope yúh nda Abraham lekohte ri
1Gétëꞌ iñƴaa ɓéeɓ rë, lahte bis, Koo hom olsohi Abraham, won ɗi tih : « Abraham ! » Abraham tiilte won tih : « Yëew ! » 2Koo tahte won tih : « Kolee fu ɓeɓ koy ka lahaꞌ fu yínë kut ra, Isaak fa fahaꞌ fu keeñu ra, fu saañ Moriya. Fu lah na raa, fu hawiɗ soꞌ ri sarahi ay tamu tamo níi sooy sun fi daŋa nay mi roo teeɓe ra. » 3Kéy ɓaaɓ fin cúɓ, Abraham kolohte, ɓesse kilikka na saañ sarahin ra, séffé wë mbaam fi, ɓeɓpe waala yuliɗ tígë húmú túuƴ rí Koope ra ; ɗi kúrëelëhté koohi Isaak a súrgë ana di súrgë yí. 4Tílúu wë níi waali éeyë fë rë, Abraham ɓéyíɗté afi, séenté tígë në suu wa ra. 5Ɗi won súrgë yí tígí daaha tih : « Hëmí ɗoni mbaam fa deh, funi koy soꞌ pay jaamiyoh Koope na ndín, fun nimil ɗon na. » 6Abraham ente koohi Isaak kilikka na saañ sarahin ra ; ɗi fi bah, ɗi ɓeɓpe kíi kë a gaada, wa ñéerúuté na suu. 7Homuu wa waala ra, Isaak won boffi tih : « A baap ! » Abraham tahte won tih : « Ɗi yi koy soꞌ ? » Isaak won ɗi tih : « Yen kúrúté kíi a kilik, ndaa yee nay hawu ra dih ? » 8Abraham tahte won tih : « Koo ot na, ɗi nay onee yee nay hawu ra. » Wa ñéerúuté na suu.
9Lahuu wa tígë húmú wonaꞌ wa Koope ra, Abraham tíkëlsëꞌté i laꞌ daaha, yíppé ílíƴ hawraa, lígínëꞌté kilikka sun, antee pokalsaꞌ koohi Isaak, tíkké rí sun fi kilikki hawraa. 10Abraham yeɗte yaꞌi, ɓeɓpe gaada, saañ ooli koohi koon, 11ndaa malaakii Koo-Yahwee hom sun gokke ri won tih : « Bëyít ! Abraham ! » Ɗi tahte won tih : « Yëew ! » 12Malaakaa won ɗi tih : « Yaꞌu ɓanay lah sun fi kúkëyë, ngana paŋ ri yin misik ! Hém daa fu kaaꞌray ri koy ki yínëe lahaꞌ fu kut raa, mi yúhté wote biti fu neehte Koo. » 13Ɓéyrëꞌ Abraham afi, ɗi ot kuuy har, wicca loŋke dúuf. Ɗi payte kalite har fa, happe ri, tamiɗte ri Yahwee tígí koohi sun fi hawraa níi sooyte. 14Abraham yeɗte tígí daaha tii : « Yahwee ay onaꞌ ». Te níi a woteh, tígí daaha wonuu : « Sun fi daŋi Yahwee, Koo nay onee. » 15Malaakii Yahwee hom sun, dëekëetté Abraham 16won ɗi tih : « Yahwee daa wonaꞌ ro ɗeh : “Hém daa fu kaaꞌray soꞌ koy ka lím fu yínë kut raa, soꞌ mi Koope mee rii añoh ra ee di tii soꞌ, 17may roo barkel níi tígí teem barkel, mi keñil talu níi keñil, séttú caak níi ti hulla sun nen mbée ti peppi feey fa ɓúk kísí fë nen. Te séttú ay ílíf ɓëewë nay waa haaꞌee ra. 18Ñeya ñee fu woni soꞌ ra, ay tah níi may ñeyee séttú në mi barkel ɓëy feey fa ɓéeɓ.” » 19Abraham a koohi koluute, nimilute súrgë yí në ; wa ɓéeɓ ñéerúuté ɓeyute waali faam, wëegísúté Beer-Sebaa homute na.
Koyyi Nahoor
20Gétëꞌ iñƴaa ra, Abraham kelohte biti Milka ɓal límíɗté Nahoor koy-boffi Abraham, i koy ƴaal. 21Saawa hínú Úus, Búus daa ñéedí, ñeete Kemuwel boffi Aram, 22tíkké Keset, Haso, Pildas, Yitlaf, a Betuwel. 23Betuwel daa boffi Rebekaa. Ƴaa daa koyyi ƴaalli peeye ya límíɗ Milka Nahoor koy-boffi Abraham ra. 24Nahoor húmú lahte ɓeleɓ kay bi hínú Rewma. Ɗi lahte i koy ɓal ƴi hínú : Tebah, Gaham, Tahas a Maaka.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.