Dalaana 20
20
Homi Abraham Geraar
1Hompe níi, Abraham kolohte saañce deyi Negep, ɗi yíppé taanta yi hanndal ki Kades a Súur. Ɗi kolaꞌ daaha, saañce hompe Geraar. 2Abraham húmú wone ow yii leŋke ɓeleɓi Saara na raa, hom wonaꞌ ti yaa ñéedí, tahte níi Abimelek buuri Geraar, ɓeɓpe Saara ɓeleɓ. 3Ndaa elgin, Koope feeñiyohte Abimelek di filiɓ yodaɗ, won ɗi tih : « Ɓeya ɓeɓ fu Saara ɓeleɓ ra tahte níi ñíinú aa yaꞌu, ndée ɗi ɓeleɓ kooru. » 4Abimelek fa liilayti lah ɓelaa na koon ra, won Koope tih : « Yíkëe, níi fay hap funi ɓëewí sëꞌ húl, te fun paguy yin a ? 5Ɗi fi Abraham daa won soꞌ biti ɓelaa ñéedí, te ɓelaa wonte biti ɓal Abraham ɓahii. Mi pagaay ri ɓos nuf, ndée mi yéeh yin na koon. » 6Filiɓ yodada, Koope tahte won ɗi tih : « Soꞌ ɓal, mi yúhté biti fu pagaay ri ɓos nuf, daa tah mi paŋ níi fu lahay ɓelaa na toñeh fay bakaare. 7Kon nimilire ɓelaa ƴaali, ndée ƴaala yonente te ri ay roo ɗagiɗ níi fu pes. Ndaa fu nimliray ri raa, lah yúhé biti ɗoni ɓëewú ɓéeɓ ay húl. »
8Yíilëꞌ Koo ɓaabin cúɓ, Abimelek dëekké súrgë yí ɓéeɓ, ɓílíɗté wë yee lah ra ; wa tíitúté níi tíit. 9Abimelek antee dëek Abraham, won ɗi tih : « Fu pagaꞌ fun yii baa ɗi ɓal ? Mi paŋ ro yi níi fu na ɓek funi ɓëy gin soꞌ bakaadi man ɗaa gaan ? Fu paŋke soꞌ yii na pëgíh ! 10Yi daa ɓek ro paŋi yii bah ? » 11Abraham tahte won tih : « Mi habaꞌ biti koon ɓëy gini bee neehuy Koope, te af ɓeleɓ soꞌ ay tah koon wa hap soꞌ húl. 12Mi ɓeɓpe ri ɓeleɓ, ndaa ɗi ñéedí sëꞌ kaah, ndée funi boku baap, ndaa funi bokuy yaay. 13Te këllëꞌ sëꞌ Koope faam baasoꞌ, kúɗté sëꞌ mi na maangaan luufa ra, mi húmú ɗaŋke ɓeleɓ soꞌ teeɓ soꞌ naaꞌ-keeñ biti tígí pay fun ɓéeɓ, lah ri wona ti mi ɓahii. »
14Abraham na woc wona, Abimelek yíppée ɓeɓ i har, peꞌ, fana, i ñaam ƴaal a ɓeleɓ, yeɗte Abraham yoobbol, nimiliɗte ri ɓeleɓi Saara. 15Abimelek won Abraham daaha tih : « Gina abee hëréet ; fu mín yíp faamu tígí neɓaꞌ ro. » 16Ɗi yíssëhté Saara na, won ɗi tih : « Ole, mee yeɗ ɓahuu hélíis caak#20.16 hélíis caak : Di ébrë, bíníyú ɗeh : hanjar júnní (1.000) di hélíis. ra ee. Daa wa nay teeɓe ɓëewë ɗoni wa dékú rë ɓéeɓ biti fu lante yii beh. » 17-18Ɓeya húmú ɓeɓ Abimelek Saara ɓeleɓ Abraham ra, tahte níi Koo-Yahwee leewte loo yi ɓeleɓɓa faam Abimelek ɓéeɓ. Ndaa ɗagaꞌ Abraham Koope ra, Koo baalte Abimelek, ɓeleɓi a súrgë yí ɓeleɓ níi wa mínëetúté lah koy.
ទើបបានជ្រើសរើសហើយ៖
Dalaana 20: NDV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.
Dalaana 20
20
Homi Abraham Geraar
1Hompe níi, Abraham kolohte saañce deyi Negep, ɗi yíppé taanta yi hanndal ki Kades a Súur. Ɗi kolaꞌ daaha, saañce hompe Geraar. 2Abraham húmú wone ow yii leŋke ɓeleɓi Saara na raa, hom wonaꞌ ti yaa ñéedí, tahte níi Abimelek buuri Geraar, ɓeɓpe Saara ɓeleɓ. 3Ndaa elgin, Koope feeñiyohte Abimelek di filiɓ yodaɗ, won ɗi tih : « Ɓeya ɓeɓ fu Saara ɓeleɓ ra tahte níi ñíinú aa yaꞌu, ndée ɗi ɓeleɓ kooru. » 4Abimelek fa liilayti lah ɓelaa na koon ra, won Koope tih : « Yíkëe, níi fay hap funi ɓëewí sëꞌ húl, te fun paguy yin a ? 5Ɗi fi Abraham daa won soꞌ biti ɓelaa ñéedí, te ɓelaa wonte biti ɓal Abraham ɓahii. Mi pagaay ri ɓos nuf, ndée mi yéeh yin na koon. » 6Filiɓ yodada, Koope tahte won ɗi tih : « Soꞌ ɓal, mi yúhté biti fu pagaay ri ɓos nuf, daa tah mi paŋ níi fu lahay ɓelaa na toñeh fay bakaare. 7Kon nimilire ɓelaa ƴaali, ndée ƴaala yonente te ri ay roo ɗagiɗ níi fu pes. Ndaa fu nimliray ri raa, lah yúhé biti ɗoni ɓëewú ɓéeɓ ay húl. »
8Yíilëꞌ Koo ɓaabin cúɓ, Abimelek dëekké súrgë yí ɓéeɓ, ɓílíɗté wë yee lah ra ; wa tíitúté níi tíit. 9Abimelek antee dëek Abraham, won ɗi tih : « Fu pagaꞌ fun yii baa ɗi ɓal ? Mi paŋ ro yi níi fu na ɓek funi ɓëy gin soꞌ bakaadi man ɗaa gaan ? Fu paŋke soꞌ yii na pëgíh ! 10Yi daa ɓek ro paŋi yii bah ? » 11Abraham tahte won tih : « Mi habaꞌ biti koon ɓëy gini bee neehuy Koope, te af ɓeleɓ soꞌ ay tah koon wa hap soꞌ húl. 12Mi ɓeɓpe ri ɓeleɓ, ndaa ɗi ñéedí sëꞌ kaah, ndée funi boku baap, ndaa funi bokuy yaay. 13Te këllëꞌ sëꞌ Koope faam baasoꞌ, kúɗté sëꞌ mi na maangaan luufa ra, mi húmú ɗaŋke ɓeleɓ soꞌ teeɓ soꞌ naaꞌ-keeñ biti tígí pay fun ɓéeɓ, lah ri wona ti mi ɓahii. »
14Abraham na woc wona, Abimelek yíppée ɓeɓ i har, peꞌ, fana, i ñaam ƴaal a ɓeleɓ, yeɗte Abraham yoobbol, nimiliɗte ri ɓeleɓi Saara. 15Abimelek won Abraham daaha tih : « Gina abee hëréet ; fu mín yíp faamu tígí neɓaꞌ ro. » 16Ɗi yíssëhté Saara na, won ɗi tih : « Ole, mee yeɗ ɓahuu hélíis caak#20.16 hélíis caak : Di ébrë, bíníyú ɗeh : hanjar júnní (1.000) di hélíis. ra ee. Daa wa nay teeɓe ɓëewë ɗoni wa dékú rë ɓéeɓ biti fu lante yii beh. » 17-18Ɓeya húmú ɓeɓ Abimelek Saara ɓeleɓ Abraham ra, tahte níi Koo-Yahwee leewte loo yi ɓeleɓɓa faam Abimelek ɓéeɓ. Ndaa ɗagaꞌ Abraham Koope ra, Koo baalte Abimelek, ɓeleɓi a súrgë yí ɓeleɓ níi wa mínëetúté lah koy.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Wycliffe Bible Translators, Inc. All rights reserved.