İona Běšin əyit
Běšin əyit
Xavareçal İonay girke boş Buxačuğon içu əmirbit'oğo bex p'ap'esp'sun nu çureśi xavareçal İonay bel hari əşurxoxune exlətesa.
Buxačuğon şot'o nexe ki, hayzeri Aşşur oç̌ala bakala Nineva şəhəreq'an taśi. Şot'in ninevaluğo p'ap'esp'alaney ki, Buxačuğon içoğoy toobabsunane çuresa. T'e vədə aşşurluyox israilluğoy ən kala düşmənxot'uniy. Mot'o görəl İona xavareçalen Buxačuğoy əyitə şot'oğo p'ap'espsun çurtenesay, şot'o görə ki, Buxačuğoy ük' bok'al baksuna avaney. Avaney ki, ninevaluğon toobabayt'un, Buxačuğon şot'oğo tene əfçibal.
Ama İonan iz bel hari nu ak'eśi əşurxoxun oşa q'amişebaksa ki, Buxačuğoy içu tapşurbit'oğo bex p'ap'esp'alane. Şo şəhəre baśi "Nineva q'ırx ğinaxun oşa oç̌alen sa bakale" pi, şot'oğoy əfçibaksunane iz muzel eçeri. Ama İonan iz muzel eçerit'oğoy nu bex p'ap'suna ak'at'an izi əcuğone biq'i, Buxačuğonal şot'ay biq'i əşlin düz nu baksunane içu ak'est'i.
Me girkəxun ak'esa ki, Buxačuğoy çureğalo amdarxo caza zapest'un q'a şot'oğo əfçibsun təə, ama israilluğoxun barabar, mandi millətxoynak'al bitot'aynak' bağışlayinşaksun q'a çark'esun q'azayinşest'une.
ទើបបានជ្រើសរើសហើយ៖
İona Běšin əyit: udi
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Translation Services International Ltd.