ໂຢນາ 2
2
ໂຢນາ ເຕົ໋າ ເກົ໋າ
1ໂຢນາ ຢຽມ ຕົ້ມ ເບຢົ໌າ ເຍີຍ ກະເຊຍ ກະຍົ໌ວ ເຕົ໋າ ເກົ໋າ ບົ໋ວ ຕສ໊ຽວ, ນິ່ນ ເຍີຍ ທິນ-ຮູ່ງ.
2“ ຕສ໊ຽວ ອ່າ,
ເຢຍ ປວັ້ງ ຕສຸ ໂຄ້ວ ໜ່ານ ເຢຍ ເຫ່ວ ເມີ່ຍ,
ເມີ່ຍ ຢ່າ ເຕົາ ເຢຍ.
ເຢຍ ຢຽມ ຢ້ຽມ ເກນ ເຫ່ວ ເມີ່ຍ ເຖງ,
ເມີ່ຍ ຢ່າ ໄຮ໌ ເຢຍ ເຍີຍ ຫວ່າ.
3ເມີ່ຍ ເຕສ໊າະ ເຢຍ ຕສອຍ ເອຈ່ຍ ຄ້ອຍ ໂດ ເຍີຍ ຕ໋ອງ,
ເອຈ່ຍ ເຖົາ ຄ້ອຍ-ໂດ໊ະ,
ວວມ ເວີ່ຍ ກ໋ອມ ຕສ໋ຽມ ຈ໊ຽນ ເຢຍ.
ເມີ່ຍ ເຍີຍ ຢຽດ ຕສູ໊ງ ວວມ-ຫລ່າງ ກວ໊າດ ເຈ໋ຍ ເຢຍ ກູ້ ຫງວ່າຍ.
4ເຢຍ ຫລ່າຍ ຢຽດ ລິ໌ວ ໄມ້ ຕຸ໊ ແອ໋ງ ຢຽມ ເມີ່ຍ ເຍີຍ ດສະຮມຽນ ອ໊ະ.
ຢຽດ ລິ໌ວ ຢ່າ ໄມ້ ຕຸ໊ ປວັດ ເມີ່ຍ ເຍີຍ ສີງ ຕິ່ນ.
5ວວມ ຢ໋ຽມ ຈ໊ຽນ ເຢຍ ກູ້ ຫງວ່າຍ,
ວວມ ກົ໊ມ ດິບ ເຢຍ.
ກູ້ ປິ້ວ ຢ່າ ເດສ່ນ ຈ໊ຽນ ເຢຍ ເຍີຍ ມອກ໊ອງ.
6ເຢຍ ດ໊ອດ ເອຈ່ຍ ເຖົາ ບົງ ກະເດ໊ຍ ແໝງ,
ດ໊ອດ ເອຈ່ຍ ເຖົາ ນອມ ເຕີ່ຍ-ປູງ,
ຫລາດ ແກ້ງ ຢ່າ ຢຽດ ລິ໌ວ ຟໍ້ ຈ໊ຽນ.
ມປ່າ ຕສ໊ຽວ, ເຢຍ ເຍີຍ ທິນ-ຮູ່ງ ອ່າ,
ເມີ່ຍ ຕໍ້ ເຢຍ ຢຽມ ໂດ ໄຫ່ ເຍີຍ ຕ໋ອງ ທສວດ ຕ້າຍ
ປຸນ ເຢຍ ຖສໍ່ ມ່າຍ ແໝ່ງ ຕສຢັ້ງ ຈ໊ຽນ ເຍີຍ.
7“ ຕສ໊ຽວ ອ່າ, ເຢຍ ໄຮ໌ ອ໊າ ລ່ຳ ເຕີ໋ຍ ກວັ່ງ ແໝ່ງ ວົ້ວ ຕສັ່ນ,
ເຢຍ ຕສ່ຽວ ຈັ໋ງ ຕສຸ ເມີ່ຍ ຢ່າ ເຕົ໋າ ເກົ໋າ.
ເມີ່ຍ ຢຽມ ເມີ່ຍ ເຍີຍ ສີງ ຕິ່ນ ໄຮ໌ ເຢຍ ເຕົ໋າ ເກົ໋າ ເຍີຍ ຫວ່າ.
8“ມ່ຽນ ຕສັ່ງ ໄມ້ ມ່າຍ ທຈະ ເຍີຍ ໝິ່ວ-ຝັງ,
ເຊ ນິ່ນ ບົວ ກວັ່ງ ເມີ່ຍ, ໄມ້ ກັນ ເມີ່ຍ.
9ມປ່າ ເຢຍ ອ໋ອຍ ປ໋າວ ດສູງ ເທສງ ເມີ່ຍ,
ຢ່າ ອ໋ອຍ ເຕສ໊າະ ແຊງ-ຄູ້ ເຕສ່ຍ ເມີ່ຍ,
ຢ່າ ເອີຍ ຈ໊ຽນ ເຢຍ ແລ໌ງ ເຈ໋ຍ ເຍີຍ ຫວ່າ ໂຕສ໋ວ.
ຕສ໊ຽວ ອ່າ, ຂູງ ເມີ່ຍ ກັ້ນ ຮນັ້ງ ໄຮ່ ໂອຈ໋ວ ແໝ່ງ.”
10ໂຢນາ ເຕົ໋າ ເກົ໋າ ປ່າ, ຕສ໊ຽວ ບົ໋ວ ເບຢົ໌າ ໂລ້ ໂຢນາ ທສວດ ວົ້ວ ບ໋ຽນ. ເບຢົ໌າ ຕສ່ຽວ ໂລ້ ນິ່ນ ທສວດ ຕ້າຍ ອ໊ະ.
ទើបបានជ្រើសរើសហើយ៖
ໂຢນາ 2: IuMiLAO
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mien Bible (Lao Script) © 2007 Thailand Bible Society, 2007.