Aroma 7
7
Mayi'gano ga Kikilisitu bu'ka mundoa
1Mwaalongo bangu', nilongela na mwenga mwamwitangite salya, panga salya intawala mundu nsimu wabaa nkoti bai. 2Pano nilandanisa na mwaibaya salya ya ndoa panga, nnwawa atabilwa mundoa, nsengowe pabaa balo akalama. Lakini mana nsengowe awile, aapanga abi'kilwe ulu mundoa yo. 3Kwa nyo nnwawa ywo mana aaku'nda kwa nnalu'me ywi'ngi' na nsengowe akalama aakemelwa mpege. Lakini mana nsengowe awile, aapanga ntabilweli mundoa yo, na mana aaku'nda kwa nnalu'me ywi'ngi' aakemelwali mpege. 4Nyinyonyo na mwenga mwaalongo bangu', mwiwi'li salya kwa ndi'la ya yi'ga ya Kilisitu li'nga mube mwamali ya yu'lu' ywaayu'yilwe bu'ka kuuwi'li, li'nga maisa ginu gabeleye itunda inannoga kwa Nnu'ngu'. 5Apo kwai'mbu' twaatawalilwe na ukigopi wa kimundu. Salya yaatupangite tuminyikiye panga sambi, na maminyikiyo go ga sambi gatawalite yi'ga yitu, na galu' gaatuleti kiwo sa kiloo. 6Nambi'yambi' tubile ulu bu'ka musalya, kwa mwanjaa tuwile musalya yatwatabilwe nayo. Kwa nyo, tuntumikiali Nnu'ngu' kwa ndi'la ya salya ya kwai'mbu' yayaandikilwe, ila kwa ndi'la yayambi' yo longoyelwa na Loo Mpeleteu.
Salya na sambi
7Buli? Tubaye panga salya nga sambi? Lili! Ikapangage ntu'pu' salya, nilu'e tangali sambi. Na ikapangage ntu'pu' salya yaibaya panga, “Kaneuminyikiye kili'be sa nnyino,” nilu'e tangali panga minyikiya kili'be sa nnyino panga nga sambi. 8Lakini kwo bu'kana na salya, sambi yaapatike ndi'la yo yumuya ngolo yoti ya maminyikiyo nkati yangu'. Mwanjaa pangali salya sambi nga kili'be kiwaa. 9Panaabile ninaitangali salya naapangite kati mwanipalage, lakini panaaitangite salya naakwipwi panga sambi ibile na makakala na nenga nganiwaa. 10Nganiibona panga, salya yo yayaabini kuniletya ukoto yaanileti kiwo. 11Kwa mwanjaa sambi yaapatike ndi'la ya salya yo, na kuniletya kiwo.
12Ata nyo itanganikwe panga salya nga mbeleteu, na amuli yake mbeleteu, ya aki na ngolou. 13Buli, si'lu' sasabile kigolou sai kiwo sangu'? Lili! Lakini li'nga sambi itanganikwe panga sambi yaletike kiwo kasangu' kwo pi'tya si'lu' kigolou, li'nga kwa ndi'la ya salya sambi iyendeli akala munomuno.
Ngondo nkati ya mundu
14Tutangite panga salya yaabu'kite kwa Nnu'ngu', lakini nenga namundu ywa payi'ga na nipi'mi'yilwe panga nammanda wa sambi. 15Kakape nitangiteli sanikipanga kwa mwanjaa, salu' sanipala nikipange nikipangali, ila salu' sanikisukya ngasanikipanga. 16Bai, mana kanipanga sanikotwike kukipenda, niyi'ki'tya panga salya yo nga ngolou. 17Lakini kakape nengali nanipanga sambi, ila sambi yaitama nkati yangu'. 18Kwa mwanjaa nitangite panga ntu'pu' linogau lyolyoti lyalitama nkati yangu', nilombolya ube wangu' ya kiyi'ga, mwanjaa nibaa na kilu'lu' so panga linannoga lakini nikombwali kulipanga. 19Nipangali manogau ganigapala nigapange. Nigapanga malau galu' ganikana kugapanga. 20Bai, manaitei kanipanga ganigakana, apo nengali nanipanga go, ila yi'lu' sambi yaitama nkati yangu'.
21Kwa nyo nikwipwi panga, mana kanipala panga kikowe kinogau, niutilwa na makakala go panga kikowe kilau. 22Mumwoyo wangu' ninapusika kwikota salya ya Nnu'ngu'. 23Lakini nikwipwi panga kubile na makakala gi'ngi' gagapanga kasi nkati yangu', nagembe gabile mungondo kagaku'mbwana na malango gangu'. Makakala ago gi'ngi' nga ga utawala wa sambi gaganiboywa na kunipanga nammanda wa sambi. 24Naakibona nenga namundu nki'ba! Nyai ywaanikosopolya bu'ka muyi'ga yi'no yainiletya kiwo? 25Ninsukulu Nnu'ngu' kwa ukosopoli wake waupangilwe kwa ndi'la ya Yesu Kilisitu Bwana witu!
Kwa nyo mumalango gangu' nenga nammanda wa salya ya Nnu'ngu', lakini kwa ube wangu' ya kiyi'ga, nenga nammanda wa makakala ga sambi.
ទើបបានជ្រើសរើសហើយ៖
Aroma 7: Matumbi
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Pioneer Bible Translators
Aroma 7
7
Mayi'gano ga Kikilisitu bu'ka mundoa
1Mwaalongo bangu', nilongela na mwenga mwamwitangite salya, panga salya intawala mundu nsimu wabaa nkoti bai. 2Pano nilandanisa na mwaibaya salya ya ndoa panga, nnwawa atabilwa mundoa, nsengowe pabaa balo akalama. Lakini mana nsengowe awile, aapanga abi'kilwe ulu mundoa yo. 3Kwa nyo nnwawa ywo mana aaku'nda kwa nnalu'me ywi'ngi' na nsengowe akalama aakemelwa mpege. Lakini mana nsengowe awile, aapanga ntabilweli mundoa yo, na mana aaku'nda kwa nnalu'me ywi'ngi' aakemelwali mpege. 4Nyinyonyo na mwenga mwaalongo bangu', mwiwi'li salya kwa ndi'la ya yi'ga ya Kilisitu li'nga mube mwamali ya yu'lu' ywaayu'yilwe bu'ka kuuwi'li, li'nga maisa ginu gabeleye itunda inannoga kwa Nnu'ngu'. 5Apo kwai'mbu' twaatawalilwe na ukigopi wa kimundu. Salya yaatupangite tuminyikiye panga sambi, na maminyikiyo go ga sambi gatawalite yi'ga yitu, na galu' gaatuleti kiwo sa kiloo. 6Nambi'yambi' tubile ulu bu'ka musalya, kwa mwanjaa tuwile musalya yatwatabilwe nayo. Kwa nyo, tuntumikiali Nnu'ngu' kwa ndi'la ya salya ya kwai'mbu' yayaandikilwe, ila kwa ndi'la yayambi' yo longoyelwa na Loo Mpeleteu.
Salya na sambi
7Buli? Tubaye panga salya nga sambi? Lili! Ikapangage ntu'pu' salya, nilu'e tangali sambi. Na ikapangage ntu'pu' salya yaibaya panga, “Kaneuminyikiye kili'be sa nnyino,” nilu'e tangali panga minyikiya kili'be sa nnyino panga nga sambi. 8Lakini kwo bu'kana na salya, sambi yaapatike ndi'la yo yumuya ngolo yoti ya maminyikiyo nkati yangu'. Mwanjaa pangali salya sambi nga kili'be kiwaa. 9Panaabile ninaitangali salya naapangite kati mwanipalage, lakini panaaitangite salya naakwipwi panga sambi ibile na makakala na nenga nganiwaa. 10Nganiibona panga, salya yo yayaabini kuniletya ukoto yaanileti kiwo. 11Kwa mwanjaa sambi yaapatike ndi'la ya salya yo, na kuniletya kiwo.
12Ata nyo itanganikwe panga salya nga mbeleteu, na amuli yake mbeleteu, ya aki na ngolou. 13Buli, si'lu' sasabile kigolou sai kiwo sangu'? Lili! Lakini li'nga sambi itanganikwe panga sambi yaletike kiwo kasangu' kwo pi'tya si'lu' kigolou, li'nga kwa ndi'la ya salya sambi iyendeli akala munomuno.
Ngondo nkati ya mundu
14Tutangite panga salya yaabu'kite kwa Nnu'ngu', lakini nenga namundu ywa payi'ga na nipi'mi'yilwe panga nammanda wa sambi. 15Kakape nitangiteli sanikipanga kwa mwanjaa, salu' sanipala nikipange nikipangali, ila salu' sanikisukya ngasanikipanga. 16Bai, mana kanipanga sanikotwike kukipenda, niyi'ki'tya panga salya yo nga ngolou. 17Lakini kakape nengali nanipanga sambi, ila sambi yaitama nkati yangu'. 18Kwa mwanjaa nitangite panga ntu'pu' linogau lyolyoti lyalitama nkati yangu', nilombolya ube wangu' ya kiyi'ga, mwanjaa nibaa na kilu'lu' so panga linannoga lakini nikombwali kulipanga. 19Nipangali manogau ganigapala nigapange. Nigapanga malau galu' ganikana kugapanga. 20Bai, manaitei kanipanga ganigakana, apo nengali nanipanga go, ila yi'lu' sambi yaitama nkati yangu'.
21Kwa nyo nikwipwi panga, mana kanipala panga kikowe kinogau, niutilwa na makakala go panga kikowe kilau. 22Mumwoyo wangu' ninapusika kwikota salya ya Nnu'ngu'. 23Lakini nikwipwi panga kubile na makakala gi'ngi' gagapanga kasi nkati yangu', nagembe gabile mungondo kagaku'mbwana na malango gangu'. Makakala ago gi'ngi' nga ga utawala wa sambi gaganiboywa na kunipanga nammanda wa sambi. 24Naakibona nenga namundu nki'ba! Nyai ywaanikosopolya bu'ka muyi'ga yi'no yainiletya kiwo? 25Ninsukulu Nnu'ngu' kwa ukosopoli wake waupangilwe kwa ndi'la ya Yesu Kilisitu Bwana witu!
Kwa nyo mumalango gangu' nenga nammanda wa salya ya Nnu'ngu', lakini kwa ube wangu' ya kiyi'ga, nenga nammanda wa makakala ga sambi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Pioneer Bible Translators