Aroma 3
3
1Bai, Nnyahudi abile na kikowe saku' kulikoni bandu bi'ngi'? Au inilwa kubile na pwaila gani? 2Kubile na pwaila ngu'lu' muno. Wi'ti', bakamukiyilwe li'lu' liyi'gi'yo lya kweli lya Nnu'ngu'. 3Ilu'e pangika buli manaitei bi'ngi' bau'bi'lili? Kotoka u'bi'lya kwabe kulu'e munaisa aminika kwa Nnu'ngu'? 4Ata pasene! Nnu'ngu' atanganikwe panga ywa kakape saa yoti, pamope no panga kila mundu mmu'su'. Kati mwagabaya Maandiko Mapeleteu, “Kila paulongela malongelo gako ga kakape, na wenga waasinda pawasitakilwa na bandu.”
5Lakini manaitei masambi gitu gakong'ondelya panga Nnu'ngu' apanga kwa aki, tubaye buli? Buli, Nnu'ngu' leta nyongo yake endaakaya? (Nilongela kati namundu ywa payi'ga.) 6Ata pasene! Ikapangage nnyo, Nnu'ngu' alu'e wesa buli kwiukumu dunia?
7Mundu awesa laluya, “Manaitei ubu'su' wangu' uyangatia laya ukweli wa Nnu'ngu', no yongeya utukupu wake, mwanjaa namani nenga niukumilwa panga na mwene sambi?” 8Na twenga mwanjaa namani tukotoka baya kati mwabatuku'pi'ki'a panga tubaya, “Tupange maakau li'nga gaise manogau?” Boti babapangite, bapalikwa pata ukumu yabe.
Ntu'pu' mwene aki kwa Nnu'ngu'
9Tubaye buli? Twenga twa Ayahudi twapi'ta paku' balu' bangali Ayahudi? Twapi'tali ata kwa kili'be simo, kwa mwanjaa niyomwike laya panga Ayahudi na bangali Ayahudi, boti babile pai' ya utawala wa sambi. 10Kati mwaiandikilwe mu Maandiko Mapeleteu panga,
“Ntu'pu' mwene aki ata yumo.
11 Ntu'pu' mundu ywatangite makowe ga Nnu'ngu',
wala ywaauka na Nnu'ngu'.
12 Boti baponangine,
boti baboi,
Ntu'pu' ywapanga manogau, ntu'pu' ata yumo.
13 Malu'pi' gabe kati masiko gangakulya,
ndimi yabe ilongela ubu'su',
mikano yabe ipiya makowe gene sumu kati nng'ambo.
14 Nkati ya mikano yabe itwi'li lasi yaibaba.
15 Magu'lu' gabe gabutukya bulaga bandu,
16 kila kwabayenda bendaalabia no langamisa,
17 ndi'la ya amani baitangiteli.
18 Nnu'ngu' bannyogopali ata pasene.”
19Bai, tutangite panga, makowe goti gagalongelelwa na salya, babakiyilwa balu' bababile pai' ya salya, li'nga kila mundu kane abe na sakwikengya na dunia yoti ibe pai' ya ukumu ya Nnu'ngu'. 20Kwa nyo, ntu'pu' ata mundu yumo ywaalu'a balangilwa aki kwa Nnu'ngu' kwa kuikota salya, kwa mwanjaa salya innyangatia mundu aitange sambi bai.
Yi'ki'ti'lwa na Nnu'ngu' kwa imani
21Lakini nambi'yambi', Nnu'ngu' alayite ndi'la ya kummalangilya mundu aki kwake ywembe, kwenda kwa ndi'la ya salyali. Maandiko ga salya na alondoli ba Nnu'ngu' gendakong'ondelya. 22Aki yi' yaibu'ka kwa Nnu'ngu', ipatikana kwa imani kwa ndi'la ya Yesu Kilisitu. Nnu'ngu' apanga nyo kwa boti babau'bi'lya, kwa mwanjaa apo bandu boti sawasawa, 23boti bapangite sambi no pu'ngu'ki'lwa na utukupu wa Nnu'ngu'. 24Lakini kwa ngu'ngu' ya Nnu'ngu', boti babalangilwa aki wabule kwa ndi'la ya Kilisitu Yesu ywakosopolya. 25Nnu'ngu' aampiyite Yesu abe salaka ya kwaawaniya kwa ndi'la ya imani mumyai yake. Aapangite nya li'nga alaye aki yake, kwa mwanjaa kwo komeya kwake, ailekekiye yi'lu' sambi yailongoli pangilwa. 26Aapangite nyo pala alaye aki yake nsimu wu'no, li'nga ywembe abe mwene aki na ammalangilya aki yu'lu' ywamwu'bi'lya Yesu.
27Bai, kwipuna kubile kwaku'? Kubi'kilwe kuutalu. Kwa salya yaku'? Buli, kwa yi'lu' ya iyendo? Lili, ila kwa salya yi'lu' ya imani. 28Kwa mwanjaa tuibona panga, mundu abalangilwa aki kwa ndi'la ya imani, kwenda kwa iyendo ya salya lili. 29Buli, Nnu'ngu' ywa Ayahudi kisabe? Buli, ywembe Nnu'ngu' ata kwa bandu bangali Ayahudi? Eloo, ywembe Nnu'ngu' ywa bandu boti. 30Bai, kwa mwanjaa Nnu'ngu' yumo bai, aabalangilya aki balu' babainilwe kwa imani na balu' bangali inilwa kwa imani yoyoyo. 31Bai, nga tubaye tuitaikwa salya kwa kitumbu sa yi'lu' imani? Lili ata pasene! Ila tuitimisa salya yaibinilwe.
ទើបបានជ្រើសរើសហើយ៖
Aroma 3: Matumbi
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Pioneer Bible Translators
Aroma 3
3
1Bai, Nnyahudi abile na kikowe saku' kulikoni bandu bi'ngi'? Au inilwa kubile na pwaila gani? 2Kubile na pwaila ngu'lu' muno. Wi'ti', bakamukiyilwe li'lu' liyi'gi'yo lya kweli lya Nnu'ngu'. 3Ilu'e pangika buli manaitei bi'ngi' bau'bi'lili? Kotoka u'bi'lya kwabe kulu'e munaisa aminika kwa Nnu'ngu'? 4Ata pasene! Nnu'ngu' atanganikwe panga ywa kakape saa yoti, pamope no panga kila mundu mmu'su'. Kati mwagabaya Maandiko Mapeleteu, “Kila paulongela malongelo gako ga kakape, na wenga waasinda pawasitakilwa na bandu.”
5Lakini manaitei masambi gitu gakong'ondelya panga Nnu'ngu' apanga kwa aki, tubaye buli? Buli, Nnu'ngu' leta nyongo yake endaakaya? (Nilongela kati namundu ywa payi'ga.) 6Ata pasene! Ikapangage nnyo, Nnu'ngu' alu'e wesa buli kwiukumu dunia?
7Mundu awesa laluya, “Manaitei ubu'su' wangu' uyangatia laya ukweli wa Nnu'ngu', no yongeya utukupu wake, mwanjaa namani nenga niukumilwa panga na mwene sambi?” 8Na twenga mwanjaa namani tukotoka baya kati mwabatuku'pi'ki'a panga tubaya, “Tupange maakau li'nga gaise manogau?” Boti babapangite, bapalikwa pata ukumu yabe.
Ntu'pu' mwene aki kwa Nnu'ngu'
9Tubaye buli? Twenga twa Ayahudi twapi'ta paku' balu' bangali Ayahudi? Twapi'tali ata kwa kili'be simo, kwa mwanjaa niyomwike laya panga Ayahudi na bangali Ayahudi, boti babile pai' ya utawala wa sambi. 10Kati mwaiandikilwe mu Maandiko Mapeleteu panga,
“Ntu'pu' mwene aki ata yumo.
11 Ntu'pu' mundu ywatangite makowe ga Nnu'ngu',
wala ywaauka na Nnu'ngu'.
12 Boti baponangine,
boti baboi,
Ntu'pu' ywapanga manogau, ntu'pu' ata yumo.
13 Malu'pi' gabe kati masiko gangakulya,
ndimi yabe ilongela ubu'su',
mikano yabe ipiya makowe gene sumu kati nng'ambo.
14 Nkati ya mikano yabe itwi'li lasi yaibaba.
15 Magu'lu' gabe gabutukya bulaga bandu,
16 kila kwabayenda bendaalabia no langamisa,
17 ndi'la ya amani baitangiteli.
18 Nnu'ngu' bannyogopali ata pasene.”
19Bai, tutangite panga, makowe goti gagalongelelwa na salya, babakiyilwa balu' bababile pai' ya salya, li'nga kila mundu kane abe na sakwikengya na dunia yoti ibe pai' ya ukumu ya Nnu'ngu'. 20Kwa nyo, ntu'pu' ata mundu yumo ywaalu'a balangilwa aki kwa Nnu'ngu' kwa kuikota salya, kwa mwanjaa salya innyangatia mundu aitange sambi bai.
Yi'ki'ti'lwa na Nnu'ngu' kwa imani
21Lakini nambi'yambi', Nnu'ngu' alayite ndi'la ya kummalangilya mundu aki kwake ywembe, kwenda kwa ndi'la ya salyali. Maandiko ga salya na alondoli ba Nnu'ngu' gendakong'ondelya. 22Aki yi' yaibu'ka kwa Nnu'ngu', ipatikana kwa imani kwa ndi'la ya Yesu Kilisitu. Nnu'ngu' apanga nyo kwa boti babau'bi'lya, kwa mwanjaa apo bandu boti sawasawa, 23boti bapangite sambi no pu'ngu'ki'lwa na utukupu wa Nnu'ngu'. 24Lakini kwa ngu'ngu' ya Nnu'ngu', boti babalangilwa aki wabule kwa ndi'la ya Kilisitu Yesu ywakosopolya. 25Nnu'ngu' aampiyite Yesu abe salaka ya kwaawaniya kwa ndi'la ya imani mumyai yake. Aapangite nya li'nga alaye aki yake, kwa mwanjaa kwo komeya kwake, ailekekiye yi'lu' sambi yailongoli pangilwa. 26Aapangite nyo pala alaye aki yake nsimu wu'no, li'nga ywembe abe mwene aki na ammalangilya aki yu'lu' ywamwu'bi'lya Yesu.
27Bai, kwipuna kubile kwaku'? Kubi'kilwe kuutalu. Kwa salya yaku'? Buli, kwa yi'lu' ya iyendo? Lili, ila kwa salya yi'lu' ya imani. 28Kwa mwanjaa tuibona panga, mundu abalangilwa aki kwa ndi'la ya imani, kwenda kwa iyendo ya salya lili. 29Buli, Nnu'ngu' ywa Ayahudi kisabe? Buli, ywembe Nnu'ngu' ata kwa bandu bangali Ayahudi? Eloo, ywembe Nnu'ngu' ywa bandu boti. 30Bai, kwa mwanjaa Nnu'ngu' yumo bai, aabalangilya aki balu' babainilwe kwa imani na balu' bangali inilwa kwa imani yoyoyo. 31Bai, nga tubaye tuitaikwa salya kwa kitumbu sa yi'lu' imani? Lili ata pasene! Ila tuitimisa salya yaibinilwe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Pioneer Bible Translators