Aroma 15
15
Muleke makowe ga kwipenda mwabene
1Bai twenga twatukomile muimani, tupalikwa kuupu'twa ukigopi wa aitu bangali komala. Twaayangatie muukigopi wabe na kanetupange makowe gagatunogelelya twenga twabene bai. 2Kwa kila yumo ywitu apalikwa kunnogelelya ywapapipi yake kwa makowe goti manogau, li'nga kunkangamaya muimani. 3Kwa mwanjaa ata Kilisitu mwene aapangiteli makowe gakunnogelelya mwene, ila kati mwagabaya Maandiko Mapeleteu, “Matukano gabe gabaakutukine wenga, gaanipatike na nenga.” 4Kwa mwanjaa kila kili'be sasaandikilwe kwai'mbu' mu Maandiko Mapeleteu, saandikilwe kwa kitumbu sa kutuyi'gana twenga. Maandiko go gatuyangatia komeya tabu yitu na gatukamwamboko, li'nga tube na liu'bi'lyo. 5Nnu'ngu' ywai nsingi wa ukomeyi na mboko anyalyange mwenga li'nga mubini limo bu'kana na Kilisitu Yesu, 6li'nga mwenga mwaboti kwo binia limo na kwa lilobe limo, munkwi'ye Nnu'ngu', Tati' ba Bwana witu Yesu Kilisitu.
Abali Inannoga kwa bandu boti
7Mukemyane mwabene na bene kati Kilisitu mwaankemi mwenga li'nga kunnetya Nnu'ngu' utukupu. 8Kwa mwanjaa nimmakia panga, Kilisitu aaisi baa ntumisi ywa Ayahudi, li'nga kwalaya panga Nnu'ngu' kakape nga ywo u'bi'li'ka. Kwa ndi'la ya Kilisitu, Nnu'ngu' atimisike malagano goti gabalagilwe au'ku' babe, 9kai' aaisi li'nga bandu bangali Ayahudi bapate kunkwi'ya Nnu'ngu' kwa kiya sake. Kati mwaiandikilwe mu Maandiko Mapeleteu, “Kwa nyo nilu'a kunnumba mukipi'nga sa bandu bangali Ayahudi, nilu'a kwiyi'mba sipwa ya lina lyako.” 10Kai' Maandiko gabaya, “Mupulaike mwabandu bangali Ayahudi, mupulaike pamope na bandu bake.” 11Kai', “Mwenga mwamataipwa goti, munnumbe Bwana, mwenga mwabandu boti, munnumbe.” 12Kai' Isaya abaya, “Mundu yumo mulukolo lwa Yese aalu'a pitya, aalu'a kwatawala bandu ba mataipwa, na bembe baalu'a kumwu'bi'lya.”
13Bai Nnu'ngu' ywaleta mau'bi'lyo, antwi'li'ye pulaa yoti na amani bu'kana na imani yinu, li'nga mau'bi'lyo ginu gapate yongekeya kwa makakala ga Loo Mpeleteu.
Utumisi wa Pauli
14Mwaalongo bangu', nenga namwene nitangite kakape panga, mwenga mwabandu anogau na mwabene malango muno, kai' mwendawesa yi'ganana mwabene na bene. 15Lakini mubalua yi', nimwandiki makowe gi'ngi' pangali bwoga, li'nga ninku'mbu'ki'ye makowe go. Nipangite nyo bu'kana na ngu'ngu' yaniyali Nnu'ngu', 16li'nga nipange na ntumisi wa Kilisitu Yesu kwa kitumbu sa bandu bangali Ayahudi. Nikamukiyilwe lyengo lya utumisi wa Abali Inannoga yaibu'ka kwa Nnu'ngu', li'nga bapate ba salaka yaiyi'ki'tilwe na Nnu'ngu', yaipeleteyilwe na Loo Mpeleteu. 17Kwa nyo, bu'kana no lu'mbana na Kilisitu Yesu, niwesa baya nendakwilumba panintumikia Nnu'ngu'. 18Kwa mwanjaa nilowali baya kili'be sosoti si'lu' ila si'lu' bai Kilisitu saapangite kwa kunitumikia nenga, li'nga bandu bangali Ayahudi bapate yu'wa kwa galu' ganilongei no panga. 19Naapangite myasu na mangelongelo kwa uweso wa Loo wa Nnu'ngu'. Kwa nyo, tumbulya Yelusalemu mpaka kunkoa wa Iluliko, niialike wisowiso Abali Inannoga ya Kilisitu. 20Kwa nyo mabinio gangu' nilu'a ala Abali Inannoga pandu pangali alilwa abali ya Yesu, li'nga naakane bwi'li'gi'ya pandu papayomwike alilwa na mundu ywi'ngi'. 21Kati mwagabaya Maandiko Mapeleteu, “Bandu bangali bakiyilwa abali yake baalu'a bona, na balu' bangalipata yu'wa, baalu'a tanga.”
Mpango wa Pauli wo tyangilya Roma
22Kwa kitumbu so nganaibilwe kwa mala yambone isa kasinu. 23Lakini nambi'yambi' niyomwile lyengo lyangu' mulwingo lwoti lwa nni'ma wu', na kwa myaka yambone namminyikiye isa kasinu, 24kwa nyo naalu'a kuntyangilya mumwanja wangu' wo yenda Spania. Bu'ka po pulaika pamope na mwenga, nannu'ba muniyabuye mumwanja wangu' wa Spania. 25Nambi'yambi' nibile mumwanja woyenda Yelusalemu kwa kitumbu sa kwayangatia apeleteu ba akwo. 26Kwa mwanjaa makanisa ga Makedonia na Akaya gaamwile piya nsango wabe, li'nga kwayangatia bandu ba Nnu'ngu' bababile aki'ba akwo Yelusalemu. 27Baapulaike panga nyo. Na yaabile kati bali'pa leni lyabalongelwage, kwa mwanjaa bandu bangali Ayahudi baayalilwe kiloo bu'kana na Ayahudi. Kwa nyo na bembe bapalikwa tumya balaka yababile nayo kwa kitumbu sa kwayangatia Ayahudi. 28Panaayomwa kulipanga likowe li' lya kwayangatia aumini aki'ba ba Yelusalemu, naatumbwa mwanja wangu' wo yenda Spania na nilu'a pi'tya kwinu. 29Nitangite panga panaalu'a isa kwinu, naalu'a isa nibile na balaka yambone yaibu'ka kwa Kilisitu.
30Bai mwaalongo bangu', nendakunnu'ba kwa lina lya Bwana witu Yesu Kilisitu na kwa upendo wa Loo Mpeleteu, mulu'mbane na nenga kwa kunilu'bya kwa Nnu'ngu'. 31Mulu'be li'nga nipate kosopolelwa mumaboko ga balu' bangali u'bi'lya bababile Yudea, no bu'kana na utumisi wangu' upate yi'ki'ti'lwa na apeleteu ba akwo Yelusalemu, 32li'nga Nnu'ngu' mana apendile niwese isa kasinu kwa mwoyo wo napusika na nenga nipu'mu'li pamope na mwenga. 33Nnu'ngu' ywampeya amani abe pamope na mwenga mwaboti, Amina.
ទើបបានជ្រើសរើសហើយ៖
Aroma 15: Matumbi
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Pioneer Bible Translators
Aroma 15
15
Muleke makowe ga kwipenda mwabene
1Bai twenga twatukomile muimani, tupalikwa kuupu'twa ukigopi wa aitu bangali komala. Twaayangatie muukigopi wabe na kanetupange makowe gagatunogelelya twenga twabene bai. 2Kwa kila yumo ywitu apalikwa kunnogelelya ywapapipi yake kwa makowe goti manogau, li'nga kunkangamaya muimani. 3Kwa mwanjaa ata Kilisitu mwene aapangiteli makowe gakunnogelelya mwene, ila kati mwagabaya Maandiko Mapeleteu, “Matukano gabe gabaakutukine wenga, gaanipatike na nenga.” 4Kwa mwanjaa kila kili'be sasaandikilwe kwai'mbu' mu Maandiko Mapeleteu, saandikilwe kwa kitumbu sa kutuyi'gana twenga. Maandiko go gatuyangatia komeya tabu yitu na gatukamwamboko, li'nga tube na liu'bi'lyo. 5Nnu'ngu' ywai nsingi wa ukomeyi na mboko anyalyange mwenga li'nga mubini limo bu'kana na Kilisitu Yesu, 6li'nga mwenga mwaboti kwo binia limo na kwa lilobe limo, munkwi'ye Nnu'ngu', Tati' ba Bwana witu Yesu Kilisitu.
Abali Inannoga kwa bandu boti
7Mukemyane mwabene na bene kati Kilisitu mwaankemi mwenga li'nga kunnetya Nnu'ngu' utukupu. 8Kwa mwanjaa nimmakia panga, Kilisitu aaisi baa ntumisi ywa Ayahudi, li'nga kwalaya panga Nnu'ngu' kakape nga ywo u'bi'li'ka. Kwa ndi'la ya Kilisitu, Nnu'ngu' atimisike malagano goti gabalagilwe au'ku' babe, 9kai' aaisi li'nga bandu bangali Ayahudi bapate kunkwi'ya Nnu'ngu' kwa kiya sake. Kati mwaiandikilwe mu Maandiko Mapeleteu, “Kwa nyo nilu'a kunnumba mukipi'nga sa bandu bangali Ayahudi, nilu'a kwiyi'mba sipwa ya lina lyako.” 10Kai' Maandiko gabaya, “Mupulaike mwabandu bangali Ayahudi, mupulaike pamope na bandu bake.” 11Kai', “Mwenga mwamataipwa goti, munnumbe Bwana, mwenga mwabandu boti, munnumbe.” 12Kai' Isaya abaya, “Mundu yumo mulukolo lwa Yese aalu'a pitya, aalu'a kwatawala bandu ba mataipwa, na bembe baalu'a kumwu'bi'lya.”
13Bai Nnu'ngu' ywaleta mau'bi'lyo, antwi'li'ye pulaa yoti na amani bu'kana na imani yinu, li'nga mau'bi'lyo ginu gapate yongekeya kwa makakala ga Loo Mpeleteu.
Utumisi wa Pauli
14Mwaalongo bangu', nenga namwene nitangite kakape panga, mwenga mwabandu anogau na mwabene malango muno, kai' mwendawesa yi'ganana mwabene na bene. 15Lakini mubalua yi', nimwandiki makowe gi'ngi' pangali bwoga, li'nga ninku'mbu'ki'ye makowe go. Nipangite nyo bu'kana na ngu'ngu' yaniyali Nnu'ngu', 16li'nga nipange na ntumisi wa Kilisitu Yesu kwa kitumbu sa bandu bangali Ayahudi. Nikamukiyilwe lyengo lya utumisi wa Abali Inannoga yaibu'ka kwa Nnu'ngu', li'nga bapate ba salaka yaiyi'ki'tilwe na Nnu'ngu', yaipeleteyilwe na Loo Mpeleteu. 17Kwa nyo, bu'kana no lu'mbana na Kilisitu Yesu, niwesa baya nendakwilumba panintumikia Nnu'ngu'. 18Kwa mwanjaa nilowali baya kili'be sosoti si'lu' ila si'lu' bai Kilisitu saapangite kwa kunitumikia nenga, li'nga bandu bangali Ayahudi bapate yu'wa kwa galu' ganilongei no panga. 19Naapangite myasu na mangelongelo kwa uweso wa Loo wa Nnu'ngu'. Kwa nyo, tumbulya Yelusalemu mpaka kunkoa wa Iluliko, niialike wisowiso Abali Inannoga ya Kilisitu. 20Kwa nyo mabinio gangu' nilu'a ala Abali Inannoga pandu pangali alilwa abali ya Yesu, li'nga naakane bwi'li'gi'ya pandu papayomwike alilwa na mundu ywi'ngi'. 21Kati mwagabaya Maandiko Mapeleteu, “Bandu bangali bakiyilwa abali yake baalu'a bona, na balu' bangalipata yu'wa, baalu'a tanga.”
Mpango wa Pauli wo tyangilya Roma
22Kwa kitumbu so nganaibilwe kwa mala yambone isa kasinu. 23Lakini nambi'yambi' niyomwile lyengo lyangu' mulwingo lwoti lwa nni'ma wu', na kwa myaka yambone namminyikiye isa kasinu, 24kwa nyo naalu'a kuntyangilya mumwanja wangu' wo yenda Spania. Bu'ka po pulaika pamope na mwenga, nannu'ba muniyabuye mumwanja wangu' wa Spania. 25Nambi'yambi' nibile mumwanja woyenda Yelusalemu kwa kitumbu sa kwayangatia apeleteu ba akwo. 26Kwa mwanjaa makanisa ga Makedonia na Akaya gaamwile piya nsango wabe, li'nga kwayangatia bandu ba Nnu'ngu' bababile aki'ba akwo Yelusalemu. 27Baapulaike panga nyo. Na yaabile kati bali'pa leni lyabalongelwage, kwa mwanjaa bandu bangali Ayahudi baayalilwe kiloo bu'kana na Ayahudi. Kwa nyo na bembe bapalikwa tumya balaka yababile nayo kwa kitumbu sa kwayangatia Ayahudi. 28Panaayomwa kulipanga likowe li' lya kwayangatia aumini aki'ba ba Yelusalemu, naatumbwa mwanja wangu' wo yenda Spania na nilu'a pi'tya kwinu. 29Nitangite panga panaalu'a isa kwinu, naalu'a isa nibile na balaka yambone yaibu'ka kwa Kilisitu.
30Bai mwaalongo bangu', nendakunnu'ba kwa lina lya Bwana witu Yesu Kilisitu na kwa upendo wa Loo Mpeleteu, mulu'mbane na nenga kwa kunilu'bya kwa Nnu'ngu'. 31Mulu'be li'nga nipate kosopolelwa mumaboko ga balu' bangali u'bi'lya bababile Yudea, no bu'kana na utumisi wangu' upate yi'ki'ti'lwa na apeleteu ba akwo Yelusalemu, 32li'nga Nnu'ngu' mana apendile niwese isa kasinu kwa mwoyo wo napusika na nenga nipu'mu'li pamope na mwenga. 33Nnu'ngu' ywampeya amani abe pamope na mwenga mwaboti, Amina.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Pioneer Bible Translators