Luka Kilongolyo sa Injili kati mwaiandikilwe na Luka
Kilongolyo sa Injili kati mwaiandikilwe na Luka
Injili kati mwaiandikilwe na Luka, nga kitabu simo nkati ya itabu nsese ya Lilagano lya Ayambi', yaiawanikia maisa ga Yesu Kilisitu. Kwa kila simo kikemelwa “Injili” liyi'gi'yo lyalilombolya, “Abali Inannoga.” Ayi' nga itabu yaiandikilwe bu'ka po waa kwa Yesu, na yembe nga Matei, Maluko, Luka na Yoani. Luka aawanikiye bu'kana na maisa ga Yesu bai lili, ila aandike kai' bu'kana na makowe gabaapangite banamasi' ba Yesu bu'ka pa kiwo no yu'ka kwake. Kitabu so kikemelwa Makowe ga Atumilwe. Ntu'pu' ywatangite masu'ba gaiandikilwe Injili yo, wala pandu payaandilkilwe. Asomi baingi bayi'ki'tyana panga saandikilwe kunako myaka 70 bu'ka po belekwa kwa Yesu Kilisitu.
Mwandiki wake aai Luka, ywaabile nng'anga. Ilimu ya uandiki wake na mwaitumile luga ilaya panga aabile mundu mwene ilimu. Luka apalike andika maawanikio ga kakape bu'kana na maisa ga Yesu kwo yaulya kati mwagapitile li'nga bi'ngi' bapwailike pabasoma (Luka 1:1-3). Luka aabileli Nnyahudi (Akolosai 4:10-14), na aandike kwa sampuli ya kwapanga ata balu' bangali Ayahudi batange. Likowe li' libonekana mpu'la paawanikia mimu ya Kiyahudi (Luka 1:8).
Injili kati mwaiandikilwe na Luka nga kitabu sakilandana na itabu ya Matei na Maluko, kwa mwanjaa ayi' itabu iyaulya makowe gagalu'galu' kwa ndi'la yailandana. Nkati ya itabu itatu yi' kitabu sa Luka kisake nga sakiyaulya kinkati muno abali yo belekwa kwa Yoani Ywabatisa. Luka akong'ondelya samya (3:3, 11:4, 17:3-4, 23:34) na malu'bo kai' (3:21, 5:16, 6:12, 11:1-12, 22:32).
Mutasali
1. Luka apiya kilongolyo sa Injili yake no awanikia kitumbu so andika (1:1-4).
2. Aawanikia abali yo belekwa kwa Yesu na mwaabi'kilwe wiso kwa kitumbu sa utumisi (1:5-4:13).
3. Pandu paku'lu' muinjili yaiigala Luka aawanikia mengo gaapangite Yesu, muno mangelongelo gaapangite na makowe gaayi'ganiye (4:14-21:38).
4. Ayaulya mwawile Yesu no yu'ka kwake bu'ka kuuwi'li (22-24).
ទើបបានជ្រើសរើសហើយ៖
Luka Kilongolyo sa Injili kati mwaiandikilwe na Luka: Matumbi
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2019 Pioneer Bible Translators